板前割煮 (已結業)

想試試新店舖,Openrice搵搵吓,亂打亂撞搵到佢. 原來係主打懷石料理,又可以試試新口味.一入去已經感覺良好,有柔和爵士輕音樂,簡潔佈置. 靚仔師傅已經好親切向我微笑. 店內懷石料理有兩款價錢選擇,$650 或 $850. 胃食嘅我當然選$850,一定有多一點好嘢食!!前菜有五款.羊角豆+本菇 - 酸酸地,由角豆分泌出鼻涕液體做汁都好特別!!蝦肉釀青椒 - 全蝦肉釀入爽甜青椒,呢個超好味!麵醬枝豆蜜瓜 - 又鹹又甜,又係好創新,定係我大鄉里呢?? 總之好食啦!!枝豆蓉茄子 - 茄子處理後食唔出,不過我都估係. 最終都係,不過口感真係好得意!!海膽豆腐皮 - 海膽質素一般,反而欣賞佢個腐皮. 一層層,好有心思.刺身有拖羅,油甘魚,左口魚. 每款都十分新鮮. 最欣賞左口魚,又爽口又甜!!海鮮湯 - 十分鮮甜,內容有鮮蝦,鰻魚,松茸菇. 鮮蝦爽甜得令人驚訝!! 松茸菇十分美味.燒白果 - 好甜,比一般串燒好食!燒魚 - 冇問咩魚,不過好好味,好滑!! 留意佢連魚皮都界花紋,好有心思!辣明太子片,漬秋刀魚,漬魚仔,汁煮螺 - 每款都咁美味,下酒一流. 侍應話係師傅見我地飲酒,多整幾款送酒小

下午的銅鑼灣...日本料理的選擇多如沙數.但吃熱食的這裡算是一個好選擇.原本打算到八樓看看會否開下午,答案是no那26 樓還是18樓好？ 一坐下,先沙個手.尿兜壞了.何時起這裡的厠所有問題？上一次岩浪也是.看看餐牌,又是自選遊戲...下午一汁三昧多了些...兩昧好了前菜是吞那魚粒. 和日本吃的沒兩樣,今次選了味增燒鯛/炸黑豚.魚結實夠味,但豬肉沒太多的油份,炸的脆但不鬆.椰菜很好食就真.食了兩碗飯.飯才是最好食...doraya 食米要加錢 ,這裡任裝雪榚加蛋糕就次次一榚,今次的咖啡未夠熱...方糖都融唔到.160元

元宵節約左利鈍鈍來呢到食晚餐,今晚hee hee 都遲少左上去, 唔洗利鈍鈍等咁耐.入到去好奇怪, 聽到D音樂好奇怪, 有Jazz 同聖誕感覺.(日本餐廳來喎)---怪坐低冇耐, MENU 未睇定, 侍應已經叫我地落ORDER唔知掂解感覺好急, 好似想我地怏D落ORDER.本來想叫$600 個餐, 但係聽落D 食品唔多想食, 都係自己叫啦!今晚叫了好多野食,1. 味汁蘿蔔絲-ok2. 豆腐湯鍋- ok3. 刺身(池魚,三文魚,魴魩魚,八爪魚) - 吞拿魚有問題換了池魚, 池魚好好味4. 抽子燴小芋- ok5. 汁煮鯛魚頭- 新鮮6. 鮮腐皮燴山葵-ok 7. 日式炸雞塊- 好食8. 脆炸櫻花蝦菜絲餅- 我至愛更係好食啦9. 毛蟹醋物- 蟹唔多好食10.辛辣明太子魚春- 好味不過冇其他食物送11.細豬肉溫泉蛋飯- 真係好細, 不過好食12,海膽壽司- 海膽黑黑有問題唔要食物都幾好食, 服務都OK啦(唔多滿意), 上菜次序有D問題, 先濃後淡. 不過食物幾好食, 不過海膽黑黑地見到唔想食.

今日中午約左利純純去Itamae Kappo Hayashi利純純: (入到去, 嘩! 好清靜, 但係張張枱 都有人, 有D 仲係日本人)又要利純純等添, 快快過去........好喇到O左坐底, 今日想食乜先, 傾下傾下, 我地兩個人叫左2餸 同3餸 午餐, 有刺身,薯餅,燒魚,toro maki等等..前菜, 麵豉湯, 甜品都好食刺身好食, 薯餅好咪, 仲添飯食Hee Hee, 好滿足呀

【割烹】Kappo，料理人在Counter前切割食材然後煮給客人。意指正宗日本料理。要和日本吃到的一模一樣，這裡是一個選擇。難怪中午晚上週末週日都坐滿了日本人。這裡店主的堅持又是別樹一幟。去午膳，同行的友人叫了烏冬，看到桌上放下的袛園黑七味，思緒飛快的回到京都去。前菜是絕讚的，味道就是和在日本料理亭吃到的一樣精緻小巧，看似簡單，入口才知裡面夾雜著多少的心思和時間。至於是否適合本地人的口味，已是另一回事。午膳的選擇，理應選擇熟食，但想一試他們的食材鮮度，還是繼續我的魚生飯。除了那個海膽，其他的不見得特別的出色，未能拍手。只是這個我明白，始終一分錢一分貨，要吃好的還是要晚上來。飯後可來咖啡茶或甜品，看到那個方糖夾又一怔，每一個細節都透著江戶的味道，比起許多在日本許多的料理店，還要來得考究。論裝修和環境，有獨立的二人四人卡座，比較有私隱，當然喜歡的也可以坐在師傅的前面，侍應服務態度不太冷也不太熱，及格。來不來這裡，視乎你想要的到底是甚麼...

難得有機會和日藉Auntie及其中日混血女兒兼小學同學食lunch，Auntie選了來這間她說非常authentic的日式小店吃飯。有別於一般料理店，這裡提供多款家庭式煮法的日式屋企飯，$130可從餐單中任選2餸，$180元選3餸，形式有點像咱們的canteen飯，出品當然精细很多。我從餐單中選了蓮偶夾及紅酒漢堡扒，Auntie要了toro maki及天扶羅。蓮偶夾混了滑嘟嘟的山芋及蠶豆，並非人人能接受的口感，但我卻非常喜歡。紅酒漢堡扒是我的心水推介，酸酸的，很開胃。想不到這種不算大規模的食店也能做到奋有水準的天扶羅，细细粒的日本蝦帶有鲜味，脆漿厚薄適中，放涼了仍保持脆身，不俗。Toro maki及小學同學的mince toro 飯其實用料上乘，魚味既濃且鲜，可惜師傅將toro切得太稀爛，起哂膠，導致口感太sticky。笑問日藉Auntie這裡的食物是否地道，她說是，而且還讚這裡的用料高级。之不過啲waitress認真麻麻，對食物及餐牌一不通就當然的了，不能接受的是大大聲在我們的房外講屎講尿講粗口，服務一欄要扣分。

今天晏晝到來一試，午餐\有很多選擇。Order 2 set lunch with my gf ,choose from a list of about 20 choices of dishes, order了一個2 dish , 一個3 dish. 選擇了刺身，沙律，燒魚，帶子，及西冷牛柳米立，包前菜, miso soup , rice and dessert and coffee , 所有食物都very 美味. Service 非常有禮,環境很舒適。下次會試其他選擇，但會叫番西冷牛柳米立及燒魚，因為很好味。will visit here often !!

rubbish food; expensive; bad service!!!!!we paid $150 for a 魚生飯; SMALL, NOT FRESH!!!!!and we order 2 set of fried rice; they mixed both set into 1 bowl --- crazy!!!!So, if other table order the same rice; are we going to share the same bowl of rice with others?they have no service at all!!

真係好唔掂!!!佢地收每位前菜- $15/head (唔可以就咁走.....)佢啲大部份野> $140; 有幾樣係<140...佢地有個set 要$600, $800...crazy!我去半島食個early bird dinner 都係$4XX!佢地有樣叫魚生飯(細)$80魚生飯就$140我地想order $80 嗰樣佢話冇我又唔明大家都係魚生飯點解可以冇咁我地order $140魚生飯出黎....真係好細碗lor!!!!仲細過吉野家細牛飯!!我好想知如果係"魚生飯(細)" 佢地用乜野碗!!!啲魚生仲要唔新鮮!!勁難食!!!!!嗰晚好似得2-3 tables 有人....總之唔好去;

之前已經話要去16/F個間日本o野食lunch，點知同事唔記得名，已為係呢間就book左台，點知o黎到先知好似錯左，咁我地話個間o下次再食，而今次就試左呢間，好食都會再黎。我地4個女仔都一致叫左2餸餐(可在20款中簡2樣)，我就要左雜錦魚生+炸雞，朋友要左雜錦魚生+雜錦天婦羅x2和生薑豬肉+薯餅。o的o野食o黎到，見到都幾好，見個飯就唔多(半碗)，驚唔飽，但食埋餸和湯就好飽，份量都唔會得少少(男o既食都會飽)，重有甜品和o野飲。魚生有3款而個炸雞都有5-6舊，唔係細o架，而天婦羅既份量都好足，另個fd話個厚薯餅幾好食(半寸厚)，豬肉都ok。整體上大家都覺得今日都幾好食，都會再o黎，但我地都想試朋友講個間有幾好食，下星期再去過。

日遊前，約左水貨王在銅鑼灣講數，她一向的要求是地方要靜靜的，又要坐得舒適，同埋要食日本菜，唔知點解佢食來食去都食唔厭。所以原本想試壽司處今村，但臨時轉了來這裡，因為夠少人。坐了在餐廳最埋邊臨街的二人位，望著樓下熙來攘往的軒尼斯道，景致不錯。餐牌簡單，我們叫了燒魚及刺身的套餐。先來前菜，是漬蘿蔔絲、酸菜及醃蘿蔔，簡簡單單；味噌湯雖然略鹹，但味道不錯，隱約還有點薰肉的味道；還有個青瓜絲薯仔沙律，如果要判定定食是不是正宗，其實吃吃這個沙律也會知道。這裡的都不錯，都是正宗味道；主菜的刺身，賣相幾好。生平最怕大大塊又賣「厚切」的刺身，其實這樣份量的，是剛好。有吞拿、油甘、池魚、貝及三文魚等，口感不錯亦幾新鮮。伴吃的山葵是新鮮貨，又香又味美，令這個刺身定食生色不少；可惜日本米是有點「立」口，水是稍下多了。水貨王的鹽燒三文魚也不錯，她就嫌腥了一點。加十蚊有杯咖啡，都幾香濃。服務一絲不苟又貼身，當然不排除是午市實在少人的原故。埋單二百二十蚊，以食物水準及地方計，都不算很貴。

看雜誌介紹這店，今晚趁朋友生日，見識一下京都懷石料理。我們點了600元一份的刺身料理，先來八寸（前菜），共五款，味道偏向清淡，其中用木魚汁調味的麥麩（有點像我們的腐竹）和半熟烤帶子最討好。接著是刺身，包括三文魚、吞拿魚腩、鱸魚、魷魚、海膽等。每款份量只及在香港吃刺身的一般份量的三分之一，但食材質感不錯，也算新鮮，不過吞拿魚腩不算很豐腴。青芥末是自家用山葵磨的，份量很少，大概師傅想食客嘗真一點食物的原味。醬油微甜，較一般吃的濃稠一點。然後是煮物，這天吃的是煮冬瓜，玻璃芡汁清爽而甜美，是整個晚上我最滿意的一道菜。再來是燒物。今晚吃魚，味道不算特別好，而且骨較多，吃來有點不方便。燒物後是御飯、漬物和味噌湯。漬物和湯沒什麼特別，飯是即煮，配料有肉絲、碎元貝，還有像蒟蒻的物體等，味道很像冬天時媽媽燒的「有味飯」，滿有家的感覺。這飯份量不少，可盛五（小）碗，吃完我和朋友都飽得很。甜品是自製果凍，有果肉，但味道一般。飯後侍應端上一杯熱茶，感覺不錯。我和朋友都點了橙汁，是生榨的，有不少果肉。食物都是即做，沒有雪藏或冰冷的感覺。店不算大，但環境頗清靜。雖然今天是星期六，但連我們在內只有三批客人。服務也算

昨晚試過銅鑼灣新開果間, 格局同尖咀果間差唔多, 都係中間果條工作間好鬼窄, 成8,9個師傅逼住0係果度, 見到d師傅好手忙腳亂, 全部都好似好生手.食物方便都係一般, 飯好易散晒, 手卷塊紫菜淋的(因為師傅隻手濕住來做手卷><), 去元氣食$15一碟軟殼蟹手卷好味過佢多多聲, 我見到有生赤貝壽司以為好正啦, 因為有埋個裙邊, 但只得爽脆而沒有鮮味, 仲要$35一碟, 冇下次! 炸蠔d蠔好瘦又沒蠔味... 咁多樣野係得蟹棒壽司同秋刀魚壽司比較好d.服務方面有好有壞, 好係加茶加得密, 壞係竟然比錯左d顏色壽司碟我, 計貴左我$5! 但已經食左冇得理論!2個人食左$200 雖然唔係好貴, 但咁既質素唔多值.