影片
港鐵觀塘站 A2 出口, 步行約9分鐘
繼續閱讀
電話號碼
27277817
開飯介紹
提供多元化的日本料理，包括鐵板燒、居酒屋小菜、串燒和壽司等，並且擁有超過300款日本清酒供選擇，還設有獨立鐵板燒包廂，讓顧客可享受主廚精心烹調的鐵板燒料理。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
嚟居酒屋喎，點可以唔飲返一兩杯先得㗎🍶不過一入到店舖，過百款清酒係眼前😲點揀先得㗎❗️原來佢哋都有駐場嘅唎酒師💁🏻♀️揀唔到就交個波俾佢哋喇，佢可以根據你當晚嘅菜式去配返適合嘅酒品👍🏼我哋只需要盡情地去享受就得喇🤭❝金澤鐵板燒一人前❞呢個鐵板燒一人前係抵食到爆😋難得嚟到板神就可以一試😝好似我哋咁，一個餐可以兩份享用，之後再散嗌其他嘢食都可以👌🏼🪐 沙律｜前菜前菜竟然係我好鍾意食嘅關東煮🍢心心眼要出動喇😍小小一碗，但係配料十足🤤清清地嘅味道但係每一嚿材料都入晒味👍🏼§🪐 刺身盛合5品呢個刺身盛合都係跟set額外加購🤞🏼有5款不同刺身，款款都係鮮甜嘅擔當🐟赤蝦同帶子嘅爽甜、魚肉嘅魚油香同時又喺口內散發😋鮮氣逼人🤯§🪐 龍蝦 - 原隻龍蝦已經脫好咗殼，啖啖蝦肉放入口都十分彈牙🦞龍仲配返個蝦膏汁，完全將隻龍蝦用到淋漓盡致😌味道又唔會太咸，係有啲功架🤪§🪐 美國牛肉薄燒我會用香去形容呢個牛肉薄燒🥓上枱時已經聞到陣陣牛肉香氣🐂輕輕燒熟咗之後再加埋香蔥同蒜片🤓可以順帶減低油膩感又唔會搶去牛肉嘅香味👍🏼§🪐 三文魚親子丼鐵板燒餐仲會有個迷你丼飯🍱三選一我哋揀咗呢個三文魚親子丼🐟整碗都係濃郁嘅魚香，埋尾整碗咁鮮嘅丼飯都係一個唔錯嘅選擇😋§🪐 麵豉湯｜甜品麵豉湯會用返龍蝦個殼去烹煮🦞咁就會令到個湯多一份龍蝦嘅香氣，又可以令到味道上有所提升🆙§🪐 松葉蟹甲羅燒配薄脆甲羅燒可以話係每次去居酒屋都必食嘅菜式🙂↕️今次佢嘅蟹膏份量比較多，撈勻去配返薄脆食就緊係正喇😍不過薄脆份量就可以俾多少少，單單食甲羅燒的話就會偏向咸身少少🤏🏼§🪐 金龍卷包裹住炸大蝦同青瓜絲嘅壽司卷🍤外層佈滿口感十足嘅飛魚子粒😋入口會有多重嘅口感，少少豉油帶起個味道就足夠，因為蝦肉本身都夠突出😌§🪐 魷魚海膽卷刺身係好特別嘅一味刺身卷，爽口嘅魷魚包住鮮甜到不得了嘅海膽🤩魷魚可以帶動口感上嘅滿足，而海膽又可以幫補魷魚嘅清淡，兩者相映成趣🦑§🪐 燒鰻魚｜燒雞皮口痕要試少少串燒過吓癮先🤓火喉夠晒就不在話下，鰻魚就燒到外皮微微香脆🤭雞皮直頭燒到整串都係脆卜卜🤤胃口大啲嘅話可以叫多幾串試吓！§🪐 芒果丸子牛奶冰估唔到係居酒屋都可以有刨冰食🍧咁又要過吓口癮先得喇🤭你又估唔到，佢連刨冰都整得好有水準👍🏼牛奶冰底好綿密，加上芒果嘅甜香🥭拍得住出面甜品店嘅出品😌一間多元化嘅居酒屋係可以帶到唔同嘅享受俾客人🙂↕️咁多選擇，咁嚟多幾次都無問題啦😌🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
繼續閱讀
一向比較少出沒觀塘，上星期去開觀塘做嘢，然後就搵朋友食飯吹水，朋友帶我去呢間居酒屋，故唔到有意外驚喜，原來觀塘都有咁高質的居酒屋，啱晒我，以後東九龍又多一個選擇。餐廳裝修以深色木系為主，設計得好有日本feel，唔講真係以為去咗日本，超有氣氛。餐廳提供多款酒肴、串燒及料理，而且仲有唎酒師駐場，由佢介紹飲清酒就一定無錯，邊喝邊吃邊聊天就最開心😆🌟燒牛骨髓配法包($128)店員推介的一道菜，燒香的牛骨髓豐膄，充滿脂香，再配上香菇、蒜蓉及香草，配上法包一起吃，好吃又適合送酒。🌟雞皮/明太子玉子燒/燒秋葵/粟米店員推介的燒雞皮，雞皮燒得香脆，一點也不油膩；鹹香明太子，滿滿的加入玉子燒裏，超搭又美味🌟清酒煮蜆($128)蜆肉大粒，粒粒包滿，配上清酒，清香又鮮甜。🌟燒明太子雞翼($68)必食推介，雞翼釀滿明太子，雞翼表皮燒得甘香，內裏充滿鹹香明太子，啖啖肉超好味！🌟櫻花蝦三文魚子釜飯($208)呢個亦係必食推介，上枱時已經香氣撲鼻，面頭滿满的櫻花蝦及三文魚子，味道鹹香，口感層次豐富，好味道🌟炭燒黃花魚一夜干($188)大大一條黃花魚一夜干，師傅燒得甘香，帶微微的焦香，魚肉結實鹹香，送酒最正！🍶清酒任飲($298pp)餐廳有駐場唎酒師，可以按你喜好提供專業的建議，一定好過自己盲選，啱晒我地，唎酒師按我地的喜好介紹咗3款酒比我地:🔺米鶴 純米大吟釀 雪女神來自山形縣的米鶴純米大吟釀，用上自家開發的酒米雪女神，是超辛口風格，有濃郁的米飯味道，口感清爽，電串燒食最啱🔺三連星 生酛純米來自滋賀的三連星二黑土星，用上滋賀縣產的山田錦作酒米，入口帶微酸，但之後有果香甘甜味。🔺磐城寿 純米大吟釀 山癈雄町來自山形磐城寿的純米大吟釀，用上＂雄町＂米，口感細膩，風味層次豐富🔺神亀 純米酒最後特別比咗一款加熱的清酒比我地試，來自神亀的純米酒，經過2年的熟成，帶有濃醇的旨味，加熱飲用，米香味更濃。🍧糖漬草海牛奶冰($98)甜品當然不能錯過，呢度出名日式刨冰，所以特別點咗一份嚟食，超大份，2-3個人食都無問題，傳統草莓牛奶冰，香甜綿滑。
繼續閱讀
最近假期收工諗住同朋友食餐好嘢 就去咗呢間板神 食晚餐 呢度嘅環境真係一流 裝修好有氣派 有日式居酒屋嘅風格 餐廳亦都有吧枱及VIP房等🫶🏻今次食左佢地既居酒屋限定 性價比好高 想試就快啲過嚟‼️-🔸金澤鐵板一人前-$398/1位🔸(分別有沙津、前菜、麵豉湯、牛肉薄燒、龍蝦主食、刺身丼、同埋甜品、仲加配咗鮑魚同刺身)▫️前菜、沙律 關東煮蘿蔔鮮甜 裏邊有魚餅、竹輪 個湯都幾甜😍-▫️原隻龍蝦有咬口又唔會韌 面層加咗用龍蝦嘅蝦膏而做成嘅醬汁 食落好濃郁 鮮味十足😍-▫️蟹肉三色丼蟹肉就有蟹籽、蟹膏同蟹肉 食得出嘅鮮味 雖然細細碗但系都好飽肚 性價比好高💯-▫️美國牛肉(薄燒)牛肉燒至五成熟🔥香口重牛肉味 濃郁又好食 再包住大量蔥花同炸蒜粒 一咬落去好Juice 完全感受唔到牛肉係薄切🤣 口感極豐富！-▫️麵豉湯 ▫️甜品麵豉湯 加咗龍蝦頭入去煮 鮮味十足🫶🏻甜品係黑糖蕨餅 食落煙韌 好滿足‼️-▫️南非鮑魚（追加） ▫️刺身五味（追加）刺身方面每日都唔同 當日係深海池魚、牡丹蝦同吞拿魚、拖羅同帶子 新鮮厚身 深海池魚魚味重 牡丹蝦好爽口 吞拿魚更加係油脂感滿滿🙌🏻鮑魚爽口彈牙 大大隻 煎緊嗰陣仲識郁㗎🤣
繼續閱讀
和一大班公司同事食飯farewell，免費食高級日本鐵板燒!! 正板神居酒屋(銀八)專門食日本鐵板燒｡環境都幾舒適｡啱哂同家人朋友或者同事嚟食｡值得一試,可以食到地道嘅日本菜,牛肉都好高質! 我叫左感謝一人餐, 好像是$268那個.... 好正，由頭食到落尾，好似omakase咁，逐樣逐樣上~先上salad, 再上蝦, 然後係湯, 跟住先到重頭戲- 厚燒牛~ 同埋最後有個炒飯🍚 甜品就....士多啤梨冰好普通，反而個胡麻, 抹茶雪糕可以試下, 幾好食。
繼續閱讀
今晚去咗位於觀塘嘅銀八阪神居酒屋，氣氛好好，嘢食都好正。有free Flow任飲Sake,仲有駐場嘅啝酒師可以根據每個人嘅口味作出專業嘅推介。三文魚魚籽壽司口感滑嫩，魚籽嘅鮮味同三文魚嘅香滑完美結合，食落去令人陶醉。而油金魚壽司則帶有一股微微嘅油香，令人感受到魚肉嘅鮮甜。三文魚腩壽司就係我心中嘅最愛，肉質肥美，口感極為豐富。至於醬油吞拿魚蓉脆脆卷，外脆內柔，配上醬油，味道真係一絕。海膽蟹肉卷亦好出色，海膽嘅鮮味搭配蟹肉，口感層次分明。燒飯團係一個驚喜，外脆內軟，帶有燒烤香氣，食落去好有滿足感。吞拿魚腩刺身（1切）就係簡單但好易滿足，鮮嫩嘅刺身絕對唔可以錯過。軟殼蟹溫泉蛋沙律就係一個好清新嘅選擇，軟殼蟹外脆內嫩，加上溫泉蛋嘅滑溜，搭配沙律醬，味道特別清新。燒味醂魚乾則係一個好下酒嘅小食，鹹香可口。沖繩煎餅亦好有特色，外脆內軟，唔油膩，適合當作小食。牛肉烏冬麵則好有嚼頭，牛肉嫩滑，湯底味道濃郁，十分過癮。雞皮餃子亦唔差，外皮香脆，內餡豐富，配上特製醬汁，十分美味。最後，清酒任飲就係一個大驚喜，原始乃胎動、堇露威吹、純米大吟釀各有特色，搭配埋可爾必思（巨峰提子），味道更上一層樓。甜品方面，芒果丸子牛奶冰清新又唔甜膩，完美結束今晚嘅美食之旅。總括來講，銀八阪神居酒屋真係一個值得再訪嘅地方，無論係食物定係氣氛，都十分滿意❤️
繼續閱讀