板長壽司 (已結業)

晚上八點半先覺肚餓，張飛話要等四十幾張檯，不過等左廿分鐘就有位喇，大概D人冇意慾係咁等啦…環境唔錯喎，地方寬敞~第一次黎，男朋友之前光臨過一次，所以都係佢話事啦壽司係每件計，記憶中點左：池魚王 x2象拔蚌 x2油甘魚腩 x2蟹膏蟹肉 x2蝦膏蝦肉 x2火炙秋刀魚 x2帆立貝 x3醋鯖魚 x4備長吞拿魚 x1三文魚 x2火炙三文魚腩 x2燒時令魚鮫 x1男友話上次既池魚王同象拔蚌都好食，不過今次就…兩樣都好淡~佢D壽司飯都好細件，但係魚生都係偏薄，所以個比例唔係好岩…另外個備長吞拿魚就要鬧啦! 似罐頭tuna囉得蝦膏蝦肉比較出色，但係板前都食到既帆立貝就…都合格…冇喇，冇乜野值咁既價錢…埋單 $340唔貴既，但係真係唔好食

三文魚&三文魚腩sushi一齊上，三文魚腩sushi有一半有皮，中間切爛左見到飯，另一半又爛又紙咁薄，我立刻叫人換左件三文魚腩sushi，個侍應仲話三文魚腩係有皮，我地話"但係爛灑喎"，個侍應先幫我地換左件三文魚腩sushi，但同一碟的三文魚sushi無幫我地換。好彩佢無幫我地換，我先記得要幫佢影相，請大家睇相~~因為我一開始叫左佢換野，影唔到件三文魚腩sushi比大家睇...

是日和2位朋友黎到海港城, 泊好車之後好肚餓想快d食野黎到呢度先知魚一丁已經結業, 換上了新開張的板長星期六的中午時段, 大半滿座, 三人在卡位坐了下來二話不說先order個手卷填肚鰻魚手卷上枱時紫菜是暖暖的, 咬下去很脆, 鰻魚入味, 第一印象很不錯!再來是沙津, 朋友點的, 不記得是什麼名堂了, 材料是蔬菜, 蟹柳絲等我本身對沙津醬麻麻地, 不過佢地既沙津幾清爽, 醬也容易入口, 是一道令人清新開胃的前菜再來壽司, 試了好幾款:火炙三文魚: 本身不吃生的三文魚, 火炙過後少了那種我害怕的質感, 多了一份燒過的油香帆立貝: 都幾大隻, 入口鮮甜炸蝦卷: 稍差, 炸粉很厚, 上枱時已經由隻蝦度甩左出黎, 最後我索性挑走了舊炸粉後再吃, 然而蝦味不太突出甜蝦: 真係幾甜, 蝦肉也有彈性朋友也試了三文魚壽司, 加州卷等, 評價也不錯值得一提的是全部壽司師傅都會幫客人加芥辣後才上枱如果唔想佢地加芥辣既話就記得要響落單時同侍應講本來點了朋友極力推介的燒玉子, 不過離開後先醒起無黎到下次有機會再去試試