影片
更多
2013-08-21
436 瀏覽
行完街已經係九點八，諗下食咩好，友人諗起板長宵夜時段有半價優惠，聽落都幾抵，咪去試下囉。門口只有兩三個人，派飛侍應話bar枱有位，坐唔坐，唔坐就等啦。個幅態度同咀面，真係不可一世嘅樣，我諗仲有一個鐘收工，攰到黑面都正常嘅……唔想等位又費事阻人收工，照坐啦。正想攞紙落單之制，侍應搋上一部pad，試下我地嘅電子落單啦。講完就行開左，一幅我好忙嘅樣。電子落單可節減人手，都係一個好選擇嘅，tick tick tick好快落完單。落完唔夠一分鐘，師傅已經有壽司搋出，坐bar枱嘅好處，啲野可以即食，唔使等人拎。不過睇住啲師傅整壽司個陣，個口罩帶係下巴到，同其他同事又有講有笑。仲有開完下層嘅櫃無洗手又握壽司，真係有啲唔安心。bar枱枱上有熱水壺，可惜無水，侍應見住我斟唔出水都無幫手refill，又係擺出一幅我好忙嘅樣，唔好叫我。講返啲食物先：三文魚壽司， 三文魚薄切，尚算肥美。板長蝦壽司，有雪味。墨魚軟骨壽司，鮮嫩有口感，唔錯。三文魚刺身，厚切，但唔肥，味道好一般，四十五蚊五片咁嘅大眾貨有啲失望。和風蒸蛋，好散好水。火灸豚拖羅壽司，甜甜地又有少少黑椒味，唔知點解有啲似食緊叉燒！薄切鰻魚壽司，一般係超
門口只有兩三個人，派飛侍應話bar枱有位，坐唔坐，唔坐就等啦。個幅態度同咀面，真係不可一世嘅樣，我諗仲有一個鐘收工，攰到黑面都正常嘅……
唔想等位又費事阻人收工，照坐啦。正想攞紙落單之制，侍應搋上一部pad，試下我地嘅電子落單啦。講完就行開左，一幅我好忙嘅樣。
電子落單可節減人手，都係一個好選擇嘅，tick tick tick好快落完單。落完唔夠一分鐘，師傅已經有壽司搋出，坐bar枱嘅好處，啲野可以即食，唔使等人拎。不過睇住啲師傅整壽司個陣，個口罩帶係下巴到，同其他同事又有講有笑。仲有開完下層嘅櫃無洗手又握壽司，真係有啲唔安心。
bar枱枱上有熱水壺，可惜無水，侍應見住我斟唔出水都無幫手refill，又係擺出一幅我好忙嘅樣，唔好叫我。
講返啲食物先：
三文魚壽司， 三文魚薄切，尚算肥美。板長蝦壽司，有雪味。
墨魚軟骨壽司，鮮嫩有口感，唔錯。
三文魚刺身，厚切，但唔肥，味道好一般，四十五蚊五片咁嘅大眾貨有啲失望。
和風蒸蛋，好散好水。
火灸豚拖羅壽司，甜甜地又有少少黑椒味，唔知點解有啲似食緊叉燒！薄切鰻魚壽司，一般係超市買到嘅鰻魚味，有骨。
飛魚子軍艦，沒有死咸，幾好。蝦膏甜蝦軍艦，新鮮，但份量很少。
蟹肉蟹膏軍艦，一般。
芥辣墨魚軍艦，芥辣比例做得平均，幾好。
蔥粒吞拿魚腩軍艦，吞拿很肥，入口即化，好食！
明太子墨魚軍艦，墨魚很硬，亦食唔出明太子味。
磯煮鮑魚仔軍艦，好鮮味，但廿四蚊一件感覺有點不值。
火灸芝士薄切鰻魚壽司，鰻魚好綿，但芝士雖然火灸過仍很硬身，有啲唔夾。叫埋單，侍應A話未夠最低消費88蚊，要求加單，ok再落囉，但佢又話單子落單嘅server有問題，叫我地唔好用pad落，落嘅時候同侍應講聲。
已經好飽，左揀又揀決定加多一件壽司算，叫人落單，舉手n次都係視而不見。最後有位侍應B行過黎，佢話落單要用部pad，佢係唔會幫我落單嘅，即時o咀。同佢講返頭先侍應A嘅野，根住佢去左揾侍應C，無侍應再過黎，咁即係有無落單呢？？
未幾，師傅搋上壽司，咁即係落倒單啦。如果有人唔識用pad係咪就唔使食呢？真有趣。
再埋單，發現後加嘅壽司係收正價而不是驚喜時段嘅特價，再舉手n次，又係侍應B過黎，佢話唔係用pad落單就係收正價錢喎，又要o咀了……
又係你地話壞機唔好落單，咁即係全心扼錢啦！！正在理論之際，侍應A行過黎，話同事搞錯左，你頭先食個件鰻魚係厚定薄架，厚係正價囉。
聽完又係火都黎，點為之厚薄先？仲有，即係所謂嘅特價其實係將貨就價啦，特價就係比cheap野你食？？
食野只係食左半個鐘，但埋條單搞左四十分鐘，仲要比啲侍應黑哂面，我唔明點解食餐飯要搞成咁。強國人區所以態度亦特別強勢，真係食到背脊骨落。講開又講，坐bar枱無位放袋，背住個袋坐真係坐到背脊有啲痛。
張貼
