板長壽司 (已結業)

🤢灣仔間「板長壽司」——不了🍣其實好耐冇再食板長咁岩落雨喺果頭見攰攰地就入去食小小野點知…….1️⃣ 日本生蠔 🦪影落好似好靚 但其實好唔新鮮下食落唔係creamy有一隻可以用臭黎形容🥲2️⃣刺身盛 $218有甜蝦/油甘魚/北寄貝/三文魚/吞拿魚/帆立貝/墨魚不過不失咁3️⃣大拖羅壽司好大條筋😪🥲板長壽司 (灣仔)灣仔港灣道30號新鴻基中心1樓137號舖#灣仔 #板長壽司 #灣仔板長壽司 #壽司 #刺身 #生蠔 #灣仔美食 #sushi #sashimi #wanchaifood #wanchai

係呢頭出job，星期五lunch來呢度就餐。.唔洗等位可以直接入，都幾多位下。😁lunch堂食八折後再加一。.🌼炙燒三文魚腩櫻花丼定食 $89有三塊炙燒三文魚腩，兩塊玉子，仲有d角切魚生。壽司飯有少少醋味，味道還好。.🌼吞拿魚腩什錦盛盒丼 $168睇落好新鮮

由於疫情關係好耐冇同同事出去午膳了，現在疫情有回落，就近近哋食個lunch。好多時板長都有折同優惠的， 現在所有lunch set都係8折。不過大多Set都以魚生刺生為主，價位由88至lXX不等。 最後都係叫了餐牌的散餐。稻庭烏冬配天婦羅稻庭烏冬是有幼身的， 好滑好爽口。 我估是用昆布嚟淆湯底的。感覺比較清 ，一點也不肥膩， 和烏冬配合得好好。而天婦羅有兩隻大蝦，茄子，蕃薯，新鮮炸起，熱辣辣，粉漿調得啱啱好又唔會太厚，好好味，值得推介。

呢間位於港灣道30號，新鴻基中心1樓137號舖-板長壽司，今日同事約去食lunch，好耐已經沒有光顧板長，對上一次唔知幾多年前了，之前真的覺得貴，食物一般，服務差，重要排隊排成一個鐘，今日當然不用排長龍，而且服務好好，而家重有中午set lunch ，款式亦很多，價錢都唔算貴，環境舒服，食物質素都唔錯。牛肉烏冬壽司🍣set，烏冬是扁烏冬👍🏻，彈牙，壽司有6件，加蟹子沙律。义燒烏冬壽司🍣set，烏冬也是扁烏冬，壽司6件，加蟹子沙律。雜錦火焰壽司🍣set，有9件壽司😋，蟹子沙律及麵鼓湯。

真係好耐好耐冇食過板長啦，突然想食壽司而附近又得板長，見咁耐冇試就不如去試下啦位於新鴻基中心板長壽司，晚上7點多，只有兩枱客，店內座位亦不多畢竟呢度可能係主要做上班族生意連鎖店而且有番咁上下歷史，店員服務冇特別是常態，唔會對你特別殷勤，亦唔會對你視而不見隨便叫左D刺身壽司同小食帶子唔鮮甜，比較細塊三文魚腩沒有油香鰻魚壽司，平平無奇壽司，還好都有D壽司醋味.燒牛舌，味道還不錯但薄薄的只有五片炸軟殼蟹份量很少呢也不算很好食，沒蟹味，亦不脆

一盒壽司10件 4塊膠既綠色葉 勁唔環保每食一件都要拎起一塊葉 外觀方面 本身一盒一至兩塊我覺得都算合理 依家一盒4塊搞到成盒壽司變到勁肉酸 完全影響我既食欲 五級負評 希望改善

上星期約咗朋友喺灣仔新鴻基中心食中午飯，見到呢間板長壽司，原來午餐set有八折優惠，見咁大優惠抵食，就沖左入去試吓～～～～😍😍呢個壽司set原價成$100，現在8折樣樣都晒啦，前菜沙律，又有麵豉湯～～壽司就有九件，長長嘅鰻魚壽司、芒果蝦卷、三文魚壽司、玉子壽司、租熟蝦壽司，都齊晒，每件都好有水準～～～～～絕對對得住呢個價錢😍😍😍去開灣仔的話，之後會多d黎食，咁抵🤟🤟🤟🤟🤟🤟🤟🥰🥰🥰🥰

放假喺灣仔行街,突然好想食壽司,就去左位於 新鴻基中心商業區嘅板長壽司度食個晚餐。餐廳環境乾淨企理,即使係7點都冇乜人,可能今日係星期日,冇乜人返工啦,所以大把空位。呢排做緊挪威三文魚系列既推廣,就試左火炙和風同黑松露醬三文魚壽司,和風果件放左柚子醬起三文魚上面,呢個組合好清新,但個人本身麻麻地柚子類既野,反而黑松露醬幾有驚喜,聞落好香同三文魚好夾wor,而且板長d三文魚一向都係新鮮肥美,有信心保證,可能因為產地係北歐既挪威。其它推介壽司有板長蝦,天婦羅蝦,三味盛合既沙律軍艦三味,同埋八爪魚,比寄貝,個人食過板長無數次, 覺得佢哋用嘅材料係十分之新鮮,而且d壽司係新鮮即叫即整,紫菜又好脆。佢地每個月又推行會員感謝祭（逢星期三8折）同埋做唔同特定sushi既promotion, 作為會員嘅我緊係成日食,又可以儲積分！總括而言,板長壽司係可以keep住食,而又唔會令你失望嘅一間日式壽司店

Lunch最鐘意食壽司，因為最抵～本身係Genki Sushi fans!今次因爲拎唔到位所以就試呢間！呢間鋪頭係旺位成日經，都見佢憑逢親lunch都要排隊。今次我地成1點去到都等左幾分鐘。今次叫左個$98嘅壽司定食，雖然望落份數好似唔多，但係一個女仔食晒都好飽！朋友叫嘅其他餐都話好味！左上角嘅係芒果卷壽司，最好食吧個，隻芒果味同個壽司飯好夾，加上酸酸甜甜嘅芒果令到成個餐都fresh左～惟一美中不足嘅係要收加一！

「不如吃日本料理吧」當要想吃什麼時，這句話經常出現。其實我自己也是個不折不扣的日本迷，就好像中了魔咒般，無時無刻都想吃日本東西。以往通常會到板長吃晚飯，午餐就比較少。「今天心情不好，要吃好一點」，沒錯，這就是我每次吃得豐盛點的原因（還是藉口？）。點了一個三文魚親子定食，沒想到是這麼豐富。麵鼓湯內很足料、有很多蜆肉。魚生亦新鮮，只是三文魚軍艦所用的三文魚比較沒那麼好吃。算是挺好吃的午餐，有機會一定再來～

星期一至五來到食中午飯門口一堆人在等位大約等了十分鐘就有位了店內都以平板電腦自助下單的，但平板整潔度可以提升一下平價板長燒三文魚套餐三文魚份量偏細, 但質量OK. 配上一個湯和一個飯.

在新鴻基中心不想行出去食午飯，選擇真不多，天氣熱不想食熱辣辣的拉麵，於是便去板長。我一個人可以坐bar枱，方便。每位食客會有個平板電腦，直接落單，選完食物再掃二維碼，方便👍每枱有自助餐具、豉油碟、茶壺、調味料。午餐海膽櫻花丼定食 $118 👍😋推介我一向不好麵豉湯，個餐包了便飲，一打開，無什特別，飲一啖，好像比平時飲開的鮮甜很多，再用匙羮飲時，才發覺有蜆，而且有兩隻，所以可以這樣鮮甜。以我不好麵豉湯的人來說，我都覺得不錯，鮮甜😋我最喜歡海膽與三文魚籽，所以叫這個櫻花丼，有齊兩樣我最喜歡的食物😍😍侍應端上時已是喜歡，好多色彩，而且與餐牌張相近似，因為有時餐牌的好靚同大好多，這碗好像真，好👍😊最少有4大塊海膽，好新鮮好大件，入口即溶，鮮甜多汁，天堂的感覺🥰🥰三文魚籽同樣大粒，份量多，可以每啖都盡情食，每粒好大，咬的時候，魚籽便爆開，好開心好好味其他魚生粒都好足料，基本上好夠餸，食到尾都夠餸，滿足豐盛💖💖板長的wasabi芥辣很新鮮，也挺攻鼻，櫻花丼已有一大舊wasabi芥辣在中間，怕芥辣的朋友可先試少少，逐些加。因為好肚餓，所以見午餐時有$15大和炸雞便叫了🤣🤣大和炸雞 $15❌中招😩幸好

肥Brown唔食生嘢, 但係晏就又好想食日本嘢, 真係好矛盾呀咁啱板長新出咗一個全熟嘅午市套餐, 簡直係唔食生嘢嘅人嘅恩物呀~<午市壽司定食B> (好味: 4.2/5) (抵食: 4/5)午市套餐包括一碗牛肉烏冬, 加六件壽司, 分別係玉子壽司、蟹棒壽司、蝦壽司、豚肉壽司同埋火炙三文魚壽司。 熱辣辣嘅湯烏冬配上肥牛, 再加甜甜地嘅湯底, 非常飽肚。再配上五款壽司簡直就係錦上添花五款壽司裏面, 肥brown最鍾意食嘅係火炙三文魚壽司。因為佢係半生半熟, 既保留咗三文魚嘅魚油, 又唔會太生, 裏面仲有一啲辣辣嘅配料。雖然肥brown唔係好知裏面嘅配料係啲乜嘢, 但係咁樣嘅配搭真係幾好食Fatty BrownBrown推薦唔食生嘢嘅朋友仔去試下

同同事係公司附近食lunch, 周圍都好多人排隊, 行左一轉之後就揀左板長, 諗住日本餐廳應該快d有位, 好彩都係等10分鐘度一坐底, 店員就俾左部Pad同QR code我地, 揀完野食就可以scan QR code落單, 真係好方便!一人一杯熱茶我同同事每人叫左一個火炙三文魚腩丼 (配蜆麵豉湯) - $68火炙三文魚腩丼入面有三文魚, 火炙三文魚腩, 蟹籽同玉子火炙三文魚腩好肥美, 好重油香, 三文魚幾鮮, 加埋蟹籽幾好味!蜆麵豉湯入面好足料, 有幾粒大蜆, 飲落唔錯!

板長午市套餐真係好抵食, 今日叫咗一份牛肉稻庭湯烏冬套餐, 套餐包含一碗牛肉稻庭湯烏冬(左上), －碗日式蒸水蛋(中上), －份沙律(右上), 同埋壽司六件, 總共盛惠$95。係寒冷嘅冬天能夠食上一碗牛肉稻庭湯烏冬, 係一件好幸福嘅事。 雖然麪底係扁身烏冬, 口感方面相對粗身嘅無咁黏韌, 但勝在湯底濃郁而有熱度。配上－碗日式蒸水蛋, 成個人頓時覺得好温暖。最後食返d沙律同壽司中和－下, 飽肚又滿足。推介果d鍾意食好多唔同種類嘅嘢, 但胃口又唔係特別大嘅朋友黎食。