板長壽司 (已結業)

今日行完書展就去呢到食下午茶, 坐底時係 17:05 得3-4枱客, 但服務就真係麻麻個麻麻, 食材又唔係好新鮮, 刺身係諗諗咁.我地劃完order紙, 個女侍應過到嚟攞完即走, 咩都無講, 笑容同多謝呢D禮貌就更加無, 又無覆 order , 但我地仲有D order 紙無既 order 要落. 要叫住佢先落到, 唉.... 跟住見佢將 order 交咗比第二個女侍應入機, 我見入機入得好快, 點知....發雞盲入錯兼入少咗, 我地要安康魚肝壽司就落錯安康魚肝軍艦, 軟腳蟹又睇唔到無落order, 到我地發現已經係40分鐘之後, 佢地兩去咗食飯. 點解會知? 因為等食個時不停見到男侍應, 男師傅同清潔亞姐攞住出面買既同自家制既飯盒走來走去, 仲要攞到上腰咁高, 好似無客人係到咁. 漏咗既軟腳蟹補單, 不但無追返快D, 仲要我地等咗20分鐘去追先有, 到埋單個時仲發現收多一碟安康魚肝軍艦, 又要等改單. 全程無人自動自覺加水, 人地2人坐4人枱就比個壺自己加, 局我地坐2人枱就唔比, 你想叫佢加咩, 佢地就聚企係裡面, 我地就坐近門口, 唯有等有嘢上枱先叫到加水, 真係好難揾到

The cod liver special series were on promotion and there was a choice of sushi or warship style.They were both basically the same, except the sushi was one big piece of cod liver and the warship was pieces of cod liver.The price was quite cheap especially the warship which only cost $9 the same as the other sushi's on the menu.The taste of the cod liver was nice and silky however it was sweetened which ruined it for me.

是日午餐想食日本野，所以去左板長，午餐set有幾種，我揀左8件壽司的set。個樣都尚可，件件壽司都有返咁上下size，不過食落味道好無誠意，d飯好鬆散，飯粒卻好硬，d魚生全部都好冰...只有雪味。鰻魚無味，玉子唔甜，兩舊卷物更係差到無話可說...好似食緊一粒好實ge飯團...全餐55元加一，只有湯最好飲...以後都唔去呢間板長。

午膳想吃日菜，在早上時段想起公司附近的板長壽司，便準備預早book枱，店員告知book枱的最低消費每人三百？！每人三百... 有無攪錯，板長幾時變得咁高級？結果還是walk-in光顧算了，少不免要稍作等候才可入座。選定一客壽司午餐，先來餐飲(汽水)，無問題，再來就已是壽司拼盤，敢問沙律去了那裏？？先談壽司拼盤，有八件，含三件卷物、二件軍艦及三件魚刺身壽司。論賣相，一點也不給引，更有點揾笨的感覺！卷物以少量魚肉作餡，做法單調。軍艦以粟米及吞那魚作食材，配上過氣紫菜包邊。魚刺身壽司全是白種魚如鯛魚及油甘魚等，顏色賣相同樣單調，品質味道尚可。差不多吃畢壽司拼盤，沙律才來，賣相還是帶點馬虎感覺。吃罷不夠飽，追加帶子甜蝦壽司及軟殼蟹手卷。壽司來到才知一客得一件？！幸好帶子及甜蝦還算過得去，吃得出鮮甜味道。軟殼蟹手卷所用的飯是微暖的，和壽司所用的冰冷飯明顯有分別。軟殼蟹大約有半件，少少脆口，都OK嘅。所用紫菜還是不行，品質監控，亦可見於此。加加埋埋要百多元落樓，唔抵囉！

我的第一篇食評7月22日晚和同事開完OT, 大家都想食壽司, 最後決定去了灣仔新鴻基的板長.去到的時候大約21:30, 唔駛等位.我們叫了很多, 大家都覺得這裡的壽司質素真的不錯, 很新鮮, 有幾款是我們叫完再叫的, 因為真的又平又好食, 包括醬油漬, 油金魚, 池魚, 三文魚腩......整體來說, 他們的食物真的很新鮮, 但價錢是比其他的壽司店貴了一點, 但大家都覺得食物新鮮很重要, 即使價錢略貴也可以接受. 這晚真的食得很開心.

魚躍效應 發現自己好耐冇食過以前成日食嘅板長 所以決定同阿爸黎食下海膽 好滑好creamy!好鮮味!正吖!三文魚腩 油甘魚腩 血鯛魚 池魚等等 冇咩味道 舊壽司比較散 同埋細舊 上個禮拜岩岩食左魚泉 真係爭好遠! 佐賀和牛卷 ok啦一般般軟殼蟹卷 林曬吖D軟殻蟹 頗難食仲有三文魚飯 D壽司米退步了ok難食 仲有好少配料!仲有食過史上最難食的烏冬!好失望唉真係認真麻麻地

過了午飯時間, 只有少許客人, 不會太擠迫.可能見小妹一人, 原被安排在壽司枱, 但不想迫就坐方枱好了.選好了烏冬套餐, 壽司先上, 內裡己有少許wasabi, 不過温度微暖, 魚生是新鮮的只是温度影響了口感.也吃點酸薑是吃過最辛的, 平時可以可一大碟, 這裡只可淺嚐. 烏冬, 燒魚上場, 燒魚好吃, 這個部份沒太多肉不果燒醬汁野味~ 冷烏冬配料有蘿蔔絲, 蔥, 冷麵醬油. 烏冬煙 un, 簡單美味.

午市剛好路過，發現門外餐牌吸引，見不用等位，便進去試試。剛坐下侍應馬上奉上清茶，不不用多想，馬上下單"吞拿魚三色丼"，從餐牌所見，是赤身、吞拿魚腩及蔥吞拿魚腩蓉，等了差不多十分鍾，終於可以開餐，一望豌中很驚訝刺身份量頗大，這可是因為師傅們沒有好好用刀修整一下，平時會被切去的部份，原封不動地送上，更沒有切斷吞拿魚腩的根，食味大減。雖明白一分錢一分貨，但作為一家日本料理身店，可以更用心去處理食物嗎?反而蔥吞拿魚腩蓉有點驚喜，鮮味及有魚油，應是剛剛做起。

三文魚子壽司好好食,十蚊件ok抵.口感不錯,新款壽司,$8,好FRESH!好食!試下無訪!午餐時段, 45-70,抵食!!之前, 有個三文魚+三文魚子飯, 好正,不過現在冇左.環境舒服, 衛生不錯適合大夥人,服務一般,都有禮貌. 不過等候時間太久了

11月10日, 今晚會展有節目, 又因為想食壽司所以就近揀咗去食板長~ 嘩~ 無見過一間板長壽司晚飯時間唔洗等位! 爽! 呢期仲做緊$3件三文魚壽司~ 勁抵!::: 三文魚壽司 ::: $3/件每人限叫5件~ 我地梗係叫盡啦! 估唔到$3件三文魚同平時食到嘅質素係一樣~ 都係好新鮮肥美有光澤! 唔會比D又乾又瘦嘅霉野比你~ 抵讚! 好味~::: 海鹽 帆立貝壽司 ::: $10呢個海鹽系列嘅帆立貝壽司… D海鹽真係可有可無… 求其整埋一邊等你自己點. 但點咗又唔覺個帆立貝鮮味咗… 就咁食仲ok~::: 火炙三文魚壽司 ::: $4.5連皮炙嘅三文魚表面微焦, 下底嘅三文魚依然肥美~ 而魚肉本身可能被炙過後, 魚油味出晒黎~ 頗香~ 不錯::: 紫菜蝦卷 ::: $20其實順粹想食炸蝦卷… 但呢個卷加咗紫菜又ok wor! 紫菜真係有味架wor~ 可惜入面個蝦就略嫌唔夠脆…::: 咖哩鹽 蝦天婦羅 ::: $9有趣嘅配搭! 個蝦都頗脆~ 但個咖哩鹽都係點咗等於無點…::: 軟殼蟹卷 ::: $20軟殼蟹都幾脆~ 不過同其他地方嘅軟殼蟹比又爭咗d… 因為個卷係齋軟殼蟹同生菜, 味道單薄咗d

本身係中環番工..難得一日想去食sushi ..就去左灣仔呢間板長食..真係一肚火...間店本身好細....12 點10 左右去到..一路等..都無位..人手又唔夠..想搵個人問下仲有幾耐都無等到 1 點7 到..忍唔住不如叫外賣啦點知先係惡夢既開始...等左4個字到問佢....問佢佢話仲爭2 件...隔左一陣.再問..又話包緊..最後諗住有...點知拎到出黎竟然唔係我地..再等...一路又話整緊又話爭..又話入緊...最後係2 點2 先有得拎走囉!!!!外賣都要等半個鐘同個經理講佢話正常要等5 分鐘!!我等左超過半個鐘囉!唔會再去

佳節過後在家休息，下午時份卻收到友人來電找飯局，臨時臨急只有三人出席，地點刻意選了遠離人流的灣仔海旁板長壽司。雖然此店在晚間比起軒尼詩道分店較少人，但我們仍要輪候近十五分鐘才可入座。甫坐下，我們便急不及待拿起菜牌及點菜紙左翻右看，最後刺身、壽司、炸物、小食等每樣也點了。 油甘魚腩刺身：油甘魚腩新鮮肥美，可惜只得四片，有點「不夠喉」吧。 甜蝦刺身：甜蝦刺身倒有六隻，鮮甜味美，很好。 蔥粒吞拿魚手卷：吞拿魚弄成免治形式，配以洋蔥絲作為手卷餡料。味道尚可但略嫌餡料份量較少。 海膽軍艦：海膽不算十分新鮮，質素只屬一般，但一件軍艦壽司也用上四五片海膽，算是不錯。 龍蝦沙律軍艦：龍蝦肉弄碎配以沙律汁作軍艦，味道清甜但卻吃不出龍蝦肉，沒有了應有的口感。 鮟康魚肝帆立貝燒壽司：帆立貝放上弄成小圓粒的壽司飯上，再加上一小口鮟康魚肝。配搭比較特別，味道也不錯，但火炙壽司吃得多，少見連壽司飯也燒成焦黑，奇怪。 三文魚醬油漬：店內特價推介，兩件只售 $9。三文魚以醬油漬成色澤暗啞，沒有了三文魚本身的鮮味，壽司飯同樣被燒成焦黑，乏善足陳罷。 火炙三文魚腩壽司：三文魚腩肥美，略以火槍炙成微焦，既可減

第一次去板長(平時都係去多板前),諗住差唔多啦..點知就一肚火,D人做野非常不知所謂,先講食物,佢同板長都係做$3一件三文魚壽司,但板長就做得好差,舊飯比平時既細舊,煙三文魚既味道就比元氣差,煙鴨胸就OK,鰻魚手卷都可以,但一肚火既原因唔關食物事,係D人做野好粗心大意,我一坐低冇耐飲左啖茶,佢地雖然好快咁幫我加水,但就成杯倒瀉哂囉,跟住就到壽司師傅出事,因為我同女友係坐迴轉枱既關係,D師傅可以直接拎食物客人,當個師傅遞食物比我時,成碟壽司冼手,跌哂D壽司落枱,之後又因為落錯單

行過見到呢間新開的叫了一個壽司盛,共有八件壽司,另外仲有芝士三文魚壽司,同埋幾件三文魚壽司!但係完全唔掂咯!比起其他店仲差,完全out of expectation,唔好話average,跟本係完全唔掂呀!已經唔好講賣相,一睇已經知係唔新鮮,到食落口,海膽壽司有怪味,三文魚又唔新鮮,其他的如池魚,油甘魚都一樣咁差,三文魚壽司d飯仲係熱的,而另外的飯團更係完全冇醋味,又硬,我覺得仲差過去超級市場買幾蚊一件的壽司!而且我食完之後我覺得個肚同胃唔係咁舒服!我平時好少食日本野會咁的!我對板長真係完全失望!唯一可取之處就係佢唔算貴,兩個人都係食咗220左右!但係如此質素,真令人很失望!

三文魚仍算新鮮,但今次不是由日本師傅做,賣相不是最好我O左嘴,因為佢所謂的一碟壽司,只有一件,而佢係餐排上冇列明一碟係一件。各位如果去板長食壽司,要小心留以一下啦!!!!!!!!!純粹分享,不喜勿插。質素變差 三文魚俞來俞薄一樣俞來俞細少我的評分標準是平靚正，所以我打算推介的未必是最好食