林園甜品粉麵小食

營業中

休息中

呢間舖幫趁多年。女人嫌熱舖頭無冷氣，冬天先會黎幫趁，所以單拖黎食個碟頭飯，麻甩佬身水身汗食餐飯無乜所謂啦。豬扒蛋飯多蔥，酸梅湯，豬扒無以前咁靚，比較乾身細塊，飯亦無以前粒粒分明，反而荷包蛋keep到水準，冰凍酸梅湯酸甜度適中，天熱飲更見透心涼。$45 將貨就價仍然係抵食之選，但食物質素明顯退步了。特別介紹蒸粉裹同埋春卷撈檬(今日無黎食)，食左好多年，滾蔥油淋上面，熱辣辣加埋辣椒油正是誠意之選，春卷新鮮炸起夠熱，浸酸汁Balance番熱氣既感覺，配埋有咬口檬粉簡直一流。

唔係話林園嘅食物價錢拍得住大型越式餐廳，而係想講佢嘅食物質素同埋份量，最重要嘅係林園價錢經濟好多林園呢間餐廳我相信都冇乜幾個外區人會特登入嚟去食，再加上佢嘅位置唔係話屬於人流多嘅地方，裝修亦都唔係好光鮮亮麗，所以佢都主要係做街坊生意我覺得呢間舖頭嘅出品都算係相當有誠意，首先講炸雞翼，一份有六隻，每一隻嘅雞翼嘅皮都炸得金黃香脆雞肉亦都好滑，而size可以話相當一致，夠平均 最特別嘅係佢會係雞翼旁邊加啲姜葱蓉做伴碟，夠惹味另外仲有一份係扎肉撈檬，撈檬嘅汁係分開包住，一包汁嘅份量絕對夠撈有突 花生夠香脆，姜葱蓉咸咸地，加上開胃嘅撈檬汁，實在令人胃口大開 不過我希望檬粉嘅油份可以少返d，咁就完美喇！雖然林園可以話冇裝修可言，(可能亦都因為係咁，所以食物嘅價錢可以咁經濟？)同時都可話係食懷舊嘅味道，真係睇你點睇喇但就食物品質同價錢定位嚟講，我覺得呢間餐廳仍然值得推介

天氣凍凍地好想食D熱嘢，同朋友經過見唔駛等位，於是就入去食碗粉麵。我叫左碗豬扒河，我朋友就叫越式牛腩飯。可能時間尚早，好快就有得食。因為我太肚餓，竟然忘記影相，豬扒好好味😋、河粉亦好滑。至於越式牛腩飯，我朋友話牛腩和蘿蔔都不錯好入味，用D汁撈飯食一流。杯豆漿唔太甜有豆味，如果冬天有熱豆漿賣仲正！店內座位不多，但原來好多街坊都係打電話去叫定外賣，之後嚟攞。下次想試下佢地D越式春捲和雞翼。

夜媽媽同老友記搵野食，行下行下好自然咁行左黎林園...老友記肚餓就叫飯食，香茅豬扒飯加蛋，我食個生牛肉檬粉，加個豬紅韮菜同油菜！香茅豬扒飯佢伴碟個蔥油係重點重點，好咸香好惹味，淨食佢都送到飯啦，豬扒比較乾身但個量都唔孤寒，太陽蛋吉穿佢蛋汁撈飯 生牛肉檬粉湯底都幾甜，牛肉唔算多，檬粉淋身比較散，但味道都ok豬紅韮菜豬紅韮菜上面淋左啲汁，所以最上面果啲好咸，韮菜唔老唔痴牙油菜（菜心）烚到好淋好淋好淋，冇牙都食到

林園甜品粉麵小食位於大圍，近火車站。睇佢個店名就知依度嘅食物有好多種類，有甜品丶粉麵飯同小食。佢係一間小店，環境衞生比較大排擋式，所以價錢亦都親民。粉麵飯主打嘅越式，我地叫左越南生牛河同雞翼河，正常一般，湯底唔算好濃。另叫左個春卷，幾好食，夠脆，入面都幾多料~甜品方面叫左椰汁粟米西米露，因為依款唔係度度有。粟米味好香濃，一D都唔稀，好足料，味道似飲緊好濃嘅粟米湯。環境氣氛： ★★☆☆☆食物質素： ★★★☆☆服務態度： ★★☆☆☆

OK好味，但係服務態度太差，叫極「唔該」都冇人理，叫左差唔多6，7次，先有嘢食。圖片話香茅豬趴蛋春卷套餐36，上左之後又話冇蛋，要加錢先有。但係份量好少，唔係好抵。

依間鋪頭係位於大圍既小店，係足球場附近，有唔少球友打完波黎食個飯，飲下鋪頭自家製既酸梅湯解渴林園甜品粉麵小食 我就最中意食佢地啲越南野炸春卷係即叫即炸，保證脆卜卜佢地其實越南野都好好而且好平😋🤑

 天氣咁熱的確想坐在冷氣餐廳裡吃過快飯只係又記得朋友話好值得來試下這裡平靚正既越式粉面就捱著熱還是進來食身邊的兄弟似乎討厭我帶了他來到又熱又無咖啡飲的鬼地方哎呀 come on 有美相伴, 夠啦, 哈哈我叫了香茅牛肉撈檬, 大熱天時食凍檬都好爽既,加左少少"酸汁" (其實我唔知那樽叫甚麼汁, 哈哈) 已經好夠味牛肉唔un呀, 但就唔算好好味囉!佢呢, 就本來想跟我叫鮮牛肉, 但就想叫鮮牛肉, 不過原來鮮牛肉係唔可以撈檬上, 哈哈, 佢馬上又魯魯嘈嘈地complain了我笑著說, "叫香茅豬扒啦, 鬼! 最出名咖!"佢應該係好想拉我出去轉場, 但見到我開開心心的樣子, 佢都係局住叫了豬扒我們交換了牛肉和豬扒,的確牛肉無豬扒咁好味喎!不過我覺得都好有越式風味既$25一碗, 女仔來講都好夠佢就肯定唔多like, 見佢五分鐘就食完, 睇住我把花生碎潑開再慢慢品嘗, 我就樂在其中, 佢就想快快閃人哈哈搞到本來想叫多碗我至愛的綠豆沙(十蚊雞咋), 都唔敢再叫啦馬上離開這個熱辣辣的地方陪佢轉場飲咖啡下次還是找個有耐性的朋友來食過哈哈~

六月上旬•陰天飯局前，胃不太舒服，想先吃點甜食。行了幾條街，來這裡。要了碗椰汁粟汁，其澄黄的顏色令我想起「地滿」，味道就更「地滿」。加入罐頭椰汁，鹹鹹的有椰香，不致太難吃。結果也吃不完，都說胃不舒服。

最近不停的進出大圍辦理公務，從而給予自己有更多機會過來這區覓食....一直很想試一下這裡的平價越式河粉。趁今天途經火車站時行過，就過來吃一碗....很奇怪的，這裡除了有越式河粉及小食如香茅豬扒雞翼供應外，竟然還有港式的雲吞魚蛋及一系列車仔麵小食如豬皮豬紅及蘿蔔等點吃....實在給人有種不倫不類的感覺....吃過主食後，店內還有綠豆沙、豆腐花等甜食等着你來點....嘩....真是包羅萬有....預計不會只吃一碗東西便算，所以只要了一份小份量的越式生牛河來打打底。看賣相好像挺對路的...跟着呷一口湯，熱度是不太夠，由此也已打了個大折扣了，再加上牛骨的鮮香是全然欠奉的，喝出來是猶如在嚐味精水一般；牛肉呈微嫣紅，浸在"暖"湯內要花多些時候才能放心吃下肚。咬落雖嫩熟無渣但卻味如嚼臘，令人乏味。唯一能帶來些刺激的，便是灑在牛肉面上的那一小撮黑椒....更讓人沮喪的是連最基本的生洋葱及香菜也沒有....這一碗東西嚴格上只能稱之為牛肉河而絕非越式風格的...另加一碟的大雜餸。內裡有兩小顆只像在吃粉團的所謂魚蛋、淰爛無味的豬皮以及同樣淡而乏味的蘿蔔 (它唯一的好處是炆得夠淰而沒甚渣)。所有餸菜的味道就只

開店已超過20年歷史, 很久沒經過, 難得今天可以舊地重遊。一於 tea 壹 tea 回味一下試豬手粗麵 及 咖哩魷魚豬手起骨一片片, 豬手皮食落有骨膠元感覺, 粗麵欠彈牙, 但仍可接受。不得不提就是供應食麵用的荔枝醋, 市面不是太多地方有用此醋。咖哩魷魚己不及當年了, 咖哩味雖然不錯, 但魷魚本身可能貨源問題, 食落魷魚發脹及不夠入味, 有點像咖哩還咖哩/魷魚還魷魚的感覺 。豬手麵可以再試....魷魚就不要客氣

三月中旬‧有雨在附近活動，離開的時候來這裡吃個甜品才回家。要了椰汁粟米，西米及粟米甜甜的，粟米也有咬口。可惜椰汁下得不太夠多，如果多一點鹹味去吊起甜品的甜美，更好。十元有找，划算。其實這裡有好些越式食物也很不錯的。

我以前o既對面返學,所以阿媽成日帶我lai 食!雞絲扎肉河,河粉好滑,會落d黑椒粒吊味,我好鍾意食,佢d河粉係幼身ga,我覺得咁多年,至少22年la,都係咁好食,唔知d街坊有冇同感係ar,黃色果d真係綠豆lai ga,係去左衣o既綠豆,仲有d西米,都食我最鍾意食.林園仲有好多野好食,你地見到牆上紅色o既價錢牌,由以前keep到宜家ga la,佢係我o既回憶!

我和男友耐唔耐都黎呢度食dinner,因為有時天氣熱,無胃口食飯,就想起呢度既凍檬,酸酸地,幾開胃ga!! 今日例牌order咗粉果,呢度既粉果皮好QQ,未試過喺出面食過更好味 ; 香茅豬手凍檬,一片片的,似食緊燻啼咁,凍凍地,酸酸地,爽ar ; 香茅豬扒飯加蛋,塊豬扒熱辣辣,都幾大塊,而且幫你cut開一條條,方便食,隻蛋係太陽蛋,整難佢,d蛋汁流出,加埋伴碟既蔥油,撈埋d飯一齊食,yummy!!

收工回到大圍已是下午五時, 肚子又餓, 正想找些吃的, 四圍走走, 來到積福街的盡頭, 林園甜品粉麵小食店, 此店從未幫襯過, 抱著一試的心態, 來一個下午茶吧。入到店內, 店子不大, 簡單的裝修, 一貫街坊小食店的格局, 看看餐牌, 有多款小食及粉麵, 我只點一碗腐竹雞蛋糖水 ($8), 及兩件蘿蔔糕 ($6)。糖水好快送來, 凍食, 腐竹好滑, 呷一口, 透心涼。蘿蔔糕即叫即煎, 而且還是自家製作呢, 大大塊, 點些辣醬一起食, 十分美味。$14 一個下午茶, 抵食, 以後也要多多幫襯。