林昌記 (已結業)

林昌記 (旺角).⚜️金蛋⚜️.係史上最好食嘅魚蛋啊！金蛋呢係林昌記嘅招牌之一，金黃色嘅魚蛋正因為佢用薄薄嘅漿輕微炸過！外脆內彈牙！ 好食啊😭❤️不得了呀！$20好似有12粒！最緊要其實係仲有個千島醬！真係好好食！除左金蛋呢其實佢都有白蛋，即係普通嘅魚蛋！但係都係好好食架！因為本身佢嘅魚蛋味都係好重而且勁彈牙！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌林昌記 (旺角)旺角砵蘭街147–149號祥興樓地下, B1舖

其實林昌記我食咗好多次架喇～一直都想寫佢，但次次都掛住食無影相～覺得佢啲魚旦彈牙好味～加埋佢特別調製嘅辣椒油更加好味～辣椒油任你加幾多都得～我就加好多嘅～仲間中出啲新款食物～好似有個牛魔王我好鐘意食架，手打牛丸好鬼彈牙仲爆汁添～仲有手打海鮮炸角我好多時都食架，蝦味好出，亦都好彈牙～仲有蝦籽炒麵～朋友勁鐘意食～我哋每次都必叫呢幾款嘅～不過隔咗好耐無去了～今次嚟就係諗住影多啲靚相寫好佢點知已經再唔係從前咁喇～我去到例排叫魚旦，但魚旦帶有腥味...而辣椒汁亦都唔係以前咁好食...想叫蝦籽炒麵都無....完全失晒水準...點解會咁嘅...希望只係今次咁啦...

旺角掃街食小食又唔一定係㑀既，其實仲有呢間企企理理，係砵蘭街既林昌記魚蛋，佢既魚蛋係自己做既，唔係入貨反黎淥熟就賣果d。每次經過呢頭，個肚又有d餓既時候，就會會黎朗豪坊呢邊，尋找林昌記魚蛋。我通常都會叫白魚蛋，大既，二十蚊，有16粒，但其實佢size偏細，一個人都輕鬆食到16粒架！比左錢等幾分鐘就有得食，咁我會自己落小小辣油既，吊一吊味，真係幾正，辣辣地之餘唔會好over，魚蛋又夠彈牙，有好香魚味。

聽說這間賣燒賣魚蛋的小店大有來頭 以前是在桂林夜市擺檔的 鋪頭細細 只賣幾款小食 但只要好食 專注做幾樣已經足夠 之前偶然之下經過 正好口痕便拮串魚蛋 不過這樣說有點不對 因為他們的魚蛋是用碗裝的 招牌白魚蛋$10七粒 $20十六粒 之前叫過幾次細份 但很快吃完 不夠過癮 所以這次點了大份咖哩魚蛋 咖哩汁均勻 每粒都沾滿 但不會太汁 味道不是很辣 不吃辣的人也能吃 魚蛋用真正魚肉做 爽口彈牙 而且沒腥味 之前亦試過他們的香辣魚蛋 真的又香又辣 老闆還叫我加點蝦子油 味道更突出

成日喺旺角食完嘢都會去林昌記食魚蛋🤔👆🏻上面呢句聽落好似有問題，但事實上係我同朋友成日喺旺角食完幾多嘢都好，之後都係仲會提議去林昌記食個魚蛋😂😂林昌記魚蛋就不用再多介紹了。我本身唔算太好魚蛋，但都覺得佢地嘅魚蛋真係食落唔同啲，非常真材實料嘅感覺😝而我一向都幾鐘意食燒賣，所以之前都已經一直想試林昌記嘅手作海鮮燒賣。不過可能燒賣蒸完之後保溫保得太耐，燒賣皮食落有點太溶爛，但整體都係真材實料嘅感覺。店員仲會suggest你落佢地自家製嘅#蝦子油，真係幾香😆雖然對唔食得辣嘅我嚟講，食食吓真係覺得幾辣😛遲啲會想試埋佢地嘅手作海鮮炸角🤩

講到最愛魚蛋之一，點都要提到林昌記，飯前飯後都一定食得落。每次經過忍唔住要督番幾粒。魚蛋分為原味、香辣、咖喱、金蛋 (炸)，仲有海鮮燒賣、牛丸都係正正子，尤其是牛骨湯我都飲埋。  咖喱魚蛋 $16/20粒廿蚊有咁多粒，都算幾抵食喇。魚蛋係潮洲白魚蛋，點邊款味道其實都一樣。點香辣就自行加辣椒油，點咖喱就加啲咖喱汁咁解。魚蛋一如以往十分彈牙，有種香脆感，真材實料，有種魚味咖喱相對普通，因為我鐘意食辣，個人認為冇乜特別。

平時做facial經過細細間舖頭成日都企滿人望一望尼間野主力賣魚蛋成日都諗咩魚蛋需要排晒隊咁.嗌左份 金蛋將魚蛋炸過一次食落口仲係熱辣辣有少少汁爆出黎本身以為炸完實好厚粉啦原來人地都無放粉所以食落口無粉感 外皮仲係脆脆地.食過長洲大魚蛋既朋友尼個就實足實細版本既長洲大魚蛋以後大家想食果陣就唔洗咁辛苦去長洲啦😋😋 .金蛋 HK$20/11粒點解係出名賣魚蛋既地方食牛丸原因有二1. 魚蛋太好食 愈食愈餓2.等緊魚蛋果陣 有人唔小心掉左粒牛丸落地 之後我見到粒牛丸係地下彈左野 仲要同我say hi總總不明朗既原因下 我體重都變得愈來愈不明朗.有食過勝利牛丸既朋友實唔會忘掉咬落去噴汁既情境尼度既牛丸都一樣細細粒 咬落口 跟手就噴晒d汁出黎牛肉味非常濃郁如果話勝利牛丸係小鮮肉尼個就一定係肌肉男.尼個牛丸比較有咬口 雖然做工不及勝利牛丸咁細緻但仍不失係一粒好食既牛丸🤔佢仲會加埋少少湯比你連埋食更好食.不過佢都有牛丸們既通病就係凍左會變硬記得要熱食呀🌬$25/12粒

聞名不如見面，林昌記的魚旦真心好食😋😋😋😋😋😋今次是了白魚蛋，在自己加上很多很多的辣椒油，呢隻辣椒油夠香夠辣，魚旦非常彈牙👍🏻👍🏻👍🏻👍🏻👍🏻，好食會返尋味😆😆😆😆

星期日去“開飯啦”揾下油尖旺有無好野食， 比我見到林昌記啲魚蛋好吸引，咁就走去試下， 原味魚蛋 $10/7粒 和金蛋 $20/11粒， 原味魚蛋自己加辣椒油，我覺得唔會辣但香味十足，魚蛋彈牙。再等3分鐘金蛋整好了，加上酸甜的醬令炸過的金蛋更開胃， 真係好好食。林昌記魚肉比例應該較粉多，食落魚味香濃而且口感 qq 的， 以後想食魚蛋一定會再番嚟呢度食。

我第一次食林昌記 就係食金蛋 佢地仲介紹配酸辣汁加辣椒油 真係好好食配酸辣汁真係一流 但係唔知點解冇左 佢地話老闆唔再出呢隻汁啦 平時食慣架嘛 依家冇左冇咁好食 希望老闆快啲出返啦🙏🏻

收工經過朗豪坊見到林昌記，之前係深水埗夜市食過，估唔到現加有店鋪，當然要即刻買黎食啦有咖哩魚蛋和原味魚蛋選擇，其實仲有炸蛋和黃金角可自行添加調味料仲有香辣醬可以買叫左個細咖哩魚蛋，$10有7粒，魚蛋超彈牙，仲有魚味，好正！！唔同其他店鋪得雪味

林昌記嘅魚蛋真係好出色，好多時就算我明明食完飯，經過都忍唔住整番幾粒食下。呢日我地去左旺角一間樓上cafe食飯，因為唔係食得好夠飽，所以順路又黎左林昌記。佢地用嘅潮州白魚蛋，個人認為算係香港數一數二好食。咖喱魚蛋 $20/16粒白魚蛋好彈牙爽口再，而且真係食到有魚味，兼好滑溜唔似而家好多小食店，食到嘅根本係粉蛋。佢地嘅魚蛋可以選擇咖喱/香辣口味，其實對於食得辣嘅人黎講，係完全唔辣嘅，純粹係有種香味。牛丸牛丸又係好好食，有牛味之餘，食落有嚼勁重點係碗中嘅牛骨湯，清甜唔鹹。

次次經過都口痕想食~由以前係深水埗、尖東，到呢度旺角都食過晒，論地點都係旺角最方便，同埋最近好似九龍城都開左，搵日去埋果度食先！今日就買左細原味魚蛋($10/7粒)，同炸金蛋($20/12粒)。 原味魚蛋係白色的，你order之後店員會幫你稍稍走油，食落係有真魚味!加D自家制辣油再正D!!!冇得彈!炸金蛋係即叫即炸，以確保粉漿唔會變林，係原味魚蛋的香口版，食果陣一定要加佢地的泰式酸辣醬，好好味架~!

有一次在IG裏放過一張林昌記魚蛋的相片，没想過得到林昌記官方IG的Like，所以便進入了它的IG裏看看，一看之下便發現原來林昌記新増有蝦子麵及牛丸出售。牛魔王 $25同店員落單後，要等，因為他説是即叫即煮。在等待的數分鐘裏，有很多中外遊人來買魚蛋吃，因此小O也説忍不住要多買$10魚蛋立刻吃。 牛魔王一碗有十一粒小牛丸，另外生菜墊底及數粒白蘿蔔方塊。立刻把一粒小牛丸放入囗裏嚼，一咬立刻有一聲頗響亮的“卜”聲，連站在我旁的小O也明顯的聽到。牛脂味隨即爆出來，牛丸是彈牙好嚼，只是牛味不夠濃。

「林昌記」魚蛋一向是自己喜歡的港式小食，即使是普通的白魚蛋，沒下咖喱，因為真材實料的關係，細細粒的的骰骰，雪雪白的魚蛋彈牙而有魚味，下點香辣的辣椒醬，固然更加惹味，就算不加辣椒醬，仍然好吃。十多粒的魚蛋才二十元，無論當零食還是加餸，都是合宜之選。 不過好味的並不只此，其實「林昌記」的「黃金角」也很不錯，即叫即炸的「黃金角」，二十元足有十一件，三角形的「黃金角」，與魚蛋一樣小小的一件，新鮮炸起，金光耀眼，外脆內軟，味道也好，與魚蛋一樣都是水準之作。即使只是簡單的小食，只要用心製作，用的又是好材料，何愁沒人欣賞？