林昌記 (已結業)

林昌記嘅魚蛋真係好出色，好多時就算我明明食完飯，經過都忍唔住整番幾粒食下。呢日我地去左旺角一間樓上cafe食飯，因為唔係食得好夠飽，所以順路又黎左林昌記。佢地用嘅潮州白魚蛋，個人認為算係香港數一數二好食。咖喱魚蛋 $20/16粒白魚蛋好彈牙爽口再，而且真係食到有魚味，兼好滑溜唔似而家好多小食店，食到嘅根本係粉蛋。佢地嘅魚蛋可以選擇咖喱/香辣口味，其實對於食得辣嘅人黎講，係完全唔辣嘅，純粹係有種香味。牛丸牛丸又係好好食，有牛味之餘，食落有嚼勁重點係碗中嘅牛骨湯，清甜唔鹹。