林記點心

營業中

休息中

一大清早便要為囝囝奔波，老遠跑到大埔，做父母真不容易，事情辦妥肚又餓，大埔街市的熟食中心，可說是一個不錯的選擇。林記是最常去的，原碗蒸排骨飯無疑份量不夠，三扒兩撥便不見了，但今次飯粒有點失準，水份太多，令到飯粒太軟綿而少了嚼口。再加一籠乾蒸牛肉，沒太多花巧，但沒下蔥花，似乎欠了一陣香味，還可以更好。

來到熟食中心, 本來想吃豬排麵的, 但因為要等30分鐘才有新一批豬排過來了吃點心, 但因為都約下午2時, 剩下的並不多排骨飯的飯不錯吃, 排骨肉質蠻軟的, 是好吃但我比較愛新明發的多一點蝦餃燒賣一般, 不喜歡他們的蝦餃皮很厚下次要吃點心, 應該不會選這裡了. 是便宜但水準不是很好

自從到過大埔的市政大廈之後, 才知道原來這個熟食中心也有不少出名的食店, 今次星期天來了這間被稱為最抵吃的點心店一試. 上次在隔鄰的粉麵店吃東西時, 已經見到這間林記人頭湧湧. 不過今次可能由於是大雨天, 黃色暴雨, 所以人流較少, 我們只是等了幾分鐘便有位了, 還不用搭枱!!! 這裡可以選擇開茶, $3一位. 老爸點了水仙, 不過茶葉一般, 與一般不知名的茶茶味相約. 這裡的枱子上沒有餐牌, 食物全都寫在店內的牆上水牌, 又或者自己看看一筒筒的點心籠內究竟有甚麼食物. 依照開飯食家的推介, 我們點了盅頭飯, 蝦餃, 鵪鶉蛋燒賣, 四寶雞札, 雞飽仔和糯米雞. 食物不消一會便由大嬸送上來. 排骨飯 ($14) 是這店的皇牌, 幾乎每枱都點, 不少食家都把它吹捧. 一碗飯有五件排骨, 半肥瘦的排骨沒有雪味, 肉味不俗; 米飯粒粒分明, 軟硬適中, 有飯香而且又有肉香, 配合甜豉油同吃, 不錯, 難怪受到食家們的吹捧. 蝦餃 ($7.5) 是吃過的最便宜, 一籠還有四粒! 大小的骰的蝦餃, 有蝦又有筍粒, 味道尚算鮮味, 不過蝦餃皮偏厚. 雖然說不上是上等貨, 不過, 以這個價錢來說,

四月七日 (星期六)自小住在大埔，對大埔區的食肆大多都瞭如指掌特別對茶樓，因為間中會與家人飲茶曾幾何時，家人愛到這家位於熟食中心的中式點心店飲早茶但奈何坐得不舒適而且又離屋較遠，慢慢就沒有再來今日我倆過來在熟食中心尋味，看看有甚麼點心值得推介盅頭飯抵吃，十多元一盅大碗又足料，奈何只有排骨，其好拍檔鳯爪卻欠奉用料亦不欺場，肉質豐腴的排骨加上滲透著油香的飯，非常可口不打緊，老公仔連忙點了一碟豉汁鳯爪補數帶甜且辣又惹味的豉汁，加上吃落軟腍的鳯爪既簡單又美味蝦餃皮做得頗薄，入口煙韌蝦肉餡雖少，但十分彈牙鮮味，以這價錢計，心滿意足想不到這特色點心在這裡也有供應難得有得吃，縱使鵪鶉蛋膽固醇高，偶爾一吃也算無妨鵪鶉蛋入口彈牙，蛋味香濃燒賣的豬肉餡吃落亦見新鮮爽口膽固醇超標也算值回票價愛吃馬拉糕，所以對其要求亦特別高很怕吃不夠熱的，是回次卻中招了馬拉糕有點涼，吃落也是死實實的，毫無質感五碟點心五十元有找，實屬超值整體來說仍是不錯，但的確比前退步了希望小店繼續努力，回復剛開業時的水準!

女友返工要食自己，女友怕街巿污嘈唔肯去食野，今日係好機會喇 ﹗排骨飯，lunch 淨係食一籠仔小籠包我點夠飽呀 ﹗加兩碗排骨飯，再加多一碟排骨就差不多 ﹗林記啲排骨飯都係時好時壞，今日啲排骨肥騰騰，不香不甜。飯質還可以，甜豉油依然甜美，但飯香欠棒，係咪因應外賣既關係呢？但以前買返屋企食都好好味架喎，今日真係好差呢 ﹗絕頂好食既排骨飯，您去左邊呀？

今日,各有各想食的,我選了在街市嘆這一盅兩件,當然我不只叫兩件,哈哈..食得是福麻!!蝦餃,有四只架,為食得濟,忍唔住,食左先燒賣一樣,不過這個麻麻,肉有點"鞋"排骨好味,唔夠熱,揾唔番幅相tim..雞扎,見佢啱啱出盧,幾大都試試果然..得喎!!$7-8元碟,當然冇魚肚啦,但換來是蟹柳,入味, ok.... 竽頭好林,索晒啲汁,好味!還有件雞,香滑,味美,並不是柴皮!!叫了壽眉,盛惠$6元大埔街市熟食市場.....好像全港最大, 好多選擇....good不過個地下會幾跣, 要小心.

是日相約朋友到新娘潭拍照拍照,拍照前,總要醫肚,之前喺openrice睇到呢度feedback唔錯,就決定去呢度試試~去到無耐就搵到位,周圍都好多人,搭下檯,好平常,無咩所謂~一嚟阿姐就問我地開唔開茶,原來唔開茶壺,只係飲檯面上面嘅茶,就唔駛收茶錢,咁當然,檯面上面啲茶就係平時喺茶記俾你用嚟浸刀叉嗰啲啦,如果開茶,就係平時去飲茶有茶葉嗰隻~但由於太熱,所以我地都寧願喺隔離檔嗌下奶茶咖啡算數...點心就叫咗:鵪鶉蛋燒賣- $7碟,有3粒,幾好食~排骨飯- $13碗,叫咗3碗,味道唔錯,但略嫌排骨太少...鳳爪- 好入味,同埋唔會爛到皮同肉分開晒鮮竹卷- $7但用料十足,賣飛佛~3個人,每人$20左右,抵玩啦~向新娘潭出發!!!

林記點心，之前係個頭番學成日都食。先講環境，因為係街市，所以個地下好濕，個感覺好唔衛生。食得最多係鵪鶉蛋燒賣同四寶雞札。鵪鶉蛋燒賣，7蚊一碟，其實真係OK，可能係因為小妹好鍾意食鵪鶉蛋啦。不過細粒左小小，豬肉餡有時食落去個口感會D怪，可能係因為蒸得太耐。四寶雞札，有蟹柳、雞柳、芋頭、火腿。咬落去都幾有質感架，可惜腐竹食落去有點乾，不過雞札食林記點心黎講已經算好好架啦。仲有食過蝦餃，不過只係食過一次。我覺得MAMA地，因為個皮太厚，咬落去好似好多粉咁。粒蝦又細粒，可能係因為成本問題啦。唔知係佢不嬲係咁定係我食個次特別差啦蟹黃燒賣都有食過，都唔錯，不過都係乾左小小，可能都係蒸得太耐啦之後要講下D服務態度啦真係火都黎埋你唔係堂食GE話佢簡直唔當你係客架 冷淡到死又"妙"咀"妙"舌，而家我外賣姐，都係你個客黎架MA裝完入外賣袋之後仲要丟比你，大佬我有比錢架仲有叫佢落鼓油仲要講幾次仲要加得個幾滴，驚死我食哂佢D鼓油咁整體黎講食物都叫OK GE，但係大家如果要食我會推介堂食，但係外賣就真係唔好啦

星期天，難得約到個朋友肯早起身黎食早餐，但都已經成十一點幾喇 ~ 林記係大埔幾十年老店，老大埔唔會唔識 ~ 佢地既排骨飯我由幼稚園食到依家，超乎想像地好味 ﹗而點心質數雖平平，但價錢非常實惠。但服務就唔好要求太高喇，始終係大排檔麻，就算連食客都粗礦啲架 ﹗今次我朋友仔就比個粗礦既七八十歲阿婆嚇親，所以未能用心享受食物，急急食完就想逃離現場。話說食食吓野，唔聲唔聲有個阿婆突然坐落黎搭枱，口黑面黑粒聲唔出，大大力洗杯、酙茶，搞到氣氛異常，又騷擾到其他食客，食得唔舒服囉 ~蟹黃燒賣，懷舊點心，用料同賣相都保持幾十年前做法，撲實簡單不花考，所以價錢依然好抵食。豬肉實淨肉味濃，無加肥豬肉、蝦或係冬菇，單靠靚豬肉本身既甜味同香味已夠。感覺似豬肉球加左少量蟹黃作點綴咁，所以只係豬肉味道，但美味。四寶雞札，有蟹柳、雞柳、芋頭、火腿，質量依仍穩陣大路，一分錢一分貨，以咁平既價錢，已係物超所值。雞柳嫰滑又入味，火腿爽口帶咸香，只係每次腐竹都蒸得太乾，保持水份口感要滑會好食好多，而且無魚肚既四寶雞札始終有點怪怪的，我都明白受成本所規限。排骨飯，招牌菜排骨飯 ﹗到現時都全香港都無一間能跟佢匹敵 ﹗由飯、豉油、

這天來地大埔的熟食中心，熟食中心最大的好處就是能一次過買各店子的食物，放在桌上吃，滿足對不同食物的渴求。林記點心是這熟食中心其中一間比較有名的，這次先試了兩款點心，分別是蝦餃和蒸排骨。因我們不是在店前吃，故點心都是外賣盒子中，而非傳統的蒸籠。要說明蝦餃本身是有四隻的，抱歉拍照的時候蝦餃已剩下兩顆 (只因我遲了回來，已被人吃了兩顆)，不過，其實不吃也沒大損失，反正蝦餃的皮厚厚的，內餡中的蝦當然也不多(迷你的這個樣子還能裝上多少？)，幸而而當中夾雜了的些少荀絲令其變得有點爽脆。至於排骨是大路的貨色，不過不失。這兩款點心都不騷出色之作，相信這店能吸引這麼多食客的主因是其價格之低，每款點心都只是七、八元，是一般酒樓的半價，可質素和用料也相對地減低了。是次因想吃粉麵，故沒遢這店有名的蒸飯，也許下次再來時可一嘗，看看是否比點心類可取。

踩單車去大埔，朋友又有興趣食點心，於是在Openrice 找到這間笑臉迎人的店，就到了位於熟食中心的林記點心了。熟食中心的衛生不算好。路窄之餘滿地都是水，感覺同菜檔差唔多咁唔衛生。幸好檯面尚算乾淨。洗一洗餐具之後，本著眼不見為淨的信念用餐，最後也沒有肚痛，萬幸呀！其實一籠籠的點心一直都在蒸爐上，衛生方面又不用太擔心。我們叫了五碟點心，包括牛肉球，鮮竹卷，鵪鶉蛋燒賣，排骨整飯和所謂的魚翅餃。食物水準甚至比某些酒樓要好，最重要係夠平，埋單先係$42，除了蒸飯外其他都只要$7-8，是抗通漲的好地方！牛肉球和鮮竹卷都是酒樓常見的點心。這裡的牛肉球粉少肉多，所以牛肉香味比較重，食起來也夠彈牙，只是稍欠馬蹄作配料。雖然只需七元，但味道絕對不遜於各大酒樓。鮮竹卷外皮有咬口，食得出豆香；餡的成分不明，但應該有芹菜，豬肉等，是典型的配搭，感覺清新，也是水準之作。如果在各大酒樓食，賣相雖然好一點，但大點最少要二十多元，味道甚至比林記差！鵪鶉蛋燒賣也只要七元，但只有三粒，而且十分迷你。外皮比較乾身，而且黏在碟上，應該係蒸得太耐的問題。主角鵪鶉蛋佔三分二的位置，比雞蛋更加香，但分別唔大。餘下的三分一則平平無奇

如有朋自遠方來,想對方感受到最地道的味道,帶他/她們來到熟食市場,一定沒錯.對上一晚才一同吃過辣蟹,這個早上,小弟便北上大埔,與西打,台北的小V,一同來到大埔街市熟食中心,吃個最"地道"的早餐.很多人說大埔街市的熟食中心,是全港最熱鬧,最多選擇的熟食中心.近年街坊小店往往捱貴租而將貨就價,街頭熟食檔則受到嚴重打壓,領匯商場盡是連鎖店的天下,賣一式一樣的味道,在電影"第36個故事"中,主角朵兒說食物與人一樣,是不應該相同的.幸好,還有這一類街市內熟食中心,成為我輩平民百姓的"最後保壘".是次來到點心檔口"林記點心",此店最出名的,就是價錢非常之便宜.多年前也光顧過,感覺不錯.他倆在接著的中午,已在某星級酒家訂檯飲茶,以"林記"點心作序,剛好可來個對比.三個人很不容易,才霸佔一樣檯.雖然價錢很便宜,但點心水準還比外面一些點心店為佳,蝦餃是迷你的式,用料有蝦,亦有荀絲.現今有很多地方的蝦餃,連荀絲也省回.蝦餃外皮爽滑不黐筷子,蝦肉與荀絲俱爽甜.燒賣也做得不錯,咬下去不乾,而且有肉汁呢.其他的點心如鳳爪,皮與骨不是各自表述,味道濃惹入味,帶有膠質.鴨腳紮做得頗紮實,吸了味的芋頭也好吃.鵪春蛋燒

我十年無黎過喇，之前既大排檔都變左街市既熟食中心啦；好在而檔野仲係到！同我細個既大排檔一樣咁多人，好熱鬧佢既飯好香，軟硬適中肉滑到呢～新鮮肉黎而個...外間都味食過咁好食既野下邊既肉，肉質鮮甜，配上um ching 蛋簡直原美無瑕大大粒，好味道；皮薄涵正，人間極品。真係估唔到相隔十年，味道依然。好懷念啊！勁想食多次。而到有到好既就係可以令其他店既野去自己食個間野到，例如：你中意飲個間奶茶但又中意食個間既野，可以拎埋杯野過檔　

今日去開大埔所以順路見好評又多便來試一下!環境: 由於係街市的熟食檔, 都已經有心理準備!冇什麼不妥食物外觀:可以說是非常迷理, 個蝦交真係勁細粒,個排骨飯好細碗！食物味道: 好味呀！樣樣都跟平時既點心不同，牛肉不似平時的紅色淋淋既肉，係好唔同既口感，肉同荵味好夠！排骨飯的排骨肥瘦適中！食物選擇:不多，去既時間係下晝１點幾，原本有的馬拉糕，腸粉都賣晒！價錢：底！一樣點心７－８蚊！

我一早聽聞呢間店的排骨飯好食..有一天.陪媽媽到大埔街市佢買餸,我就一個人去左林記點心..我一坐低.就有二個伯伯撘枱.呢二個伯伯明颢係熟客.店員熱情招待.一個店員沖茶,另一個就好熱情問伯伯食乜,而我就傻更更.坐左五分鍾都無人理..五分鍾之後有個亞姐級的店員用一個奇異眼光望我..傻更更的我...竟然問.呢度沖茶.拿點心係咪用自助形式...哈....此時女店員開金口啦...問小姐你飲乜野茶....我答左普洱...茶2分鍾後奉上...而我立刻點菜....蝦餃同排骨飯.....服務態度我無不滿,班亞姐店員只是當我隱形,又無開口罵我.我點會不滿,大家又唔相識.佢當我隱形係道理,我只是講出真實情況..首先講價錢方面.真係平....12元排骨飯.7元蝦餃...3元茶錢...共22元就有交易...而且價廉物美.呢方面無可批評...評食物啦!首先評茶的味道...茶味偏淡,幸好水夠熱....蝦餃.有舊式酒樓影子.皮厚,內面的餡少..蝦爽.但無味...排骨飯..同埋個碗一起蒸..飯粒.粒粒分明.飯香味重...軟硬度適中...而排骨豆鼓味重..我呢碗排骨都不肥.但入口仍然好香...順帶一提.此處不論用辣椒油或