果子｜海南雞飯·喇沙摻摻 外賣專門店

營業中

休息中

今次黎咗大角咀呢間海南雞外賣店，外賣等一陣就拎到，唔洗等好耐👍🏻👍🏻👍🏻餐牌選擇唔少😋😋除咗有飯食、麵食，仲有唔同嘅東南亞小食可以揀~出示長者卡或者中小學生證仲有九折優惠添啊🤣🌈帆立貝喇沙摻摻 $65推薦👍🏻👍🏻👍🏻個喇沙湯底好好食，勁入味，成碗喇沙好足料，有兩款麵底，帆立貝好大粒，仲有好多粒蜆🤤🤤🤤🌈果子海南雞飯 跟雞湯 油飯 $38好抵食🤣🤣好平但係份量唔少，啲油飯好香，海南雞冇骨之餘雞肉好滑，仲有大大塊新鮮青瓜😚😚🌈沙嗲牛肉串燒 2串 $20沙嗲味好出，咬落幾juicy😋😋而且啲牛肉唔會好硬好難咬🌈馬鈴薯炸蝦卷 2件 $16幾有心思嘅小食😍😍馬鈴薯炸得好脆，包住隻炸蝦咬落好夾好好食！！💰💰兩個人total $139 冇加一✨外賣自取

大角嘴外賣店係海富邨對面，好易搵！海鮮喇沙摻摻，即係油面溝米粉，海鮮有大蝦同埋蜆，湯入邊仲有豆卜、魚蛋、雞蛋、芽菜等等，喇沙湯好香，一打開就有淡淡花生味傳出來，因為做左分湯，即使返到屋企都唔會淋晒果子海南雞油飯，海南雞係無骨嘅，跟餐有埋醬料青瓜，一打開個盒見到個油飯滿晒，真係好滿足，好豐富，跟餐仲有雞湯，雞湯入邊有冬瓜，湯頭幾甜唔算好咸，沙嗲牛肉串燒 2串，沙嗲可以揀豬牛雞，每一份有兩串，份量雖然唔多，但係味道非常之好，沙嗲亦都有好多，好味！森巴通菜，通菜份量足，醬料亦都好惹味，推介果次喺太和有分店，大角咀呢間只可以外賣，叫完之後等15分鐘左右就有得拎，效率非常高，味道嘅非常好，價錢非常平民貼地，推薦附近嘅居民試吓！

同事住富榮花園，佢話附近有間食海南雞好味又抵食，叫做果子外賣店，今日放工就跟佢去買嚟試吓！果子海南雞飯、油飯跟雞湯：海南雞嫩滑可口，全因經過上湯浸煮，再以冰水過冷河，皮薄爽滑，雞肉味道濃郁且已經去骨，方便享用，油飯粒粒分明，香而不膩，雞湯味道香甜。牛肉喇沙摻摻：喇沙湯底濃稠， 有椰香味帶少許辣，摻摻（油麵+米粉）好掛湯，口感豐富， 肥牛份毫不吝嗇， 肉香十足，其他配料仲有半蛋、魚蛋、豬肉丸和豆卜，豆卜超吸湯，滋味非常！馬鈴薯炸蝦卷：彈牙的蝦肉，加上金黃色的馬鈴薯絲，食起來酥酥脆脆，多重口感。粟米墨魚餅：細細件，充滿著墨魚和粟米的甜，沾上泰式甜辣醬，既香口又惹味。

去富榮花園探朋友，臨走經過一間海南雞果子外賣店，一向喜歡食海南雞的我，總喜歡試不同店的出品，不防買回家試吓！海南雞喇沙摻摻，海南雞份量都唔少，雞肉嫩滑，還有半邊蛋，湯底超濃郁，椰奶味極香，帶微微辣味十分開胃。湯內還有肉丸、魚旦和豆卜，十分足料。南乳雞翼拼香茅豬扒飯，份量都係唔少，大塊香茅豬扒已經切件方便食用，肉香唔鞋口，雞翼入味嫩滑，加埋隻荷包蛋真係好豐富，抵食喎！買多兩個小食：沙嗲雞和豬串燒，肉烤得香，加上香濃的沙嗲醬，十分惹味！

因為工作，小胖都常點外賣，最近就發現咗一間新開外賣店，係食小胖愛食的喇沙面同海南雞飯，所以中午時間就和同事一齊點咗海鮮喇沙面同海南雞飯，加配雞肉串燒和酸辣鳳爪。海鮮喇沙面的海鮮配料唔少，有蝦又有蜆，佢的湯底喇沙味濃，而且頗辣下，椰奶味亦夠香，不錯😌海南雞飯的雞肉唔會好鞋而且唔太肥點埋佢配的辣醬，超開胃，雞肉量亦頗多。佢的串燒醬花生味濃，食到粒粒花生，唔辣，甜度亦適中整體味道，份量，價錢都適中，可一試

今晚買外賣，這間價錢合理，門面看落乾淨，值得一試。果子海南雞油飯配雞湯，$38。份量多。海南雞滑而不肥膩，還提供三款醬料薑蓉、黑醬油、辣醬，不同吃法更滋味。油飯夠油香，乾爽點就更好。再飲雞湯清清地就錦上添花。南乳雞翼喇沙滲滲，$50。雞翼、麵同湯分開，回到家仍然香口👍。喇沙湯底正，豆卜吸曬湯汁好好味。絲網春卷，$12。皮薄而脆，口感一流。唐生菜，$16。有營健康之選。這麼豐富都只是$116，大滿足😋。學生長者還有優惠，真的超值。👍這裏有飯有麵有小吃，選擇都算多。下次可以試試。還有凍飲品賣，價錢比出面便利店便宜。行過路過買支解喝好方便。

之前成日聽同事讚依間外賣店抵食，咁啱又見openrice做緊優惠，決定是日午餐就食依間。本身其實想食海南雞飯，但見湯麵更加平，於是就叫左香茅豬排喇沙摻摻，openrice落單$30幾蚊已經有交易，對打工仔嚟講簡直係恩物。見佢嘅包裝都唔錯，麵同湯有分隔，唔洗驚啲麵浸到淋哂。摻掺其實係油麵加米粉，食落一粗一右，口感都唔錯。見麵底分量都頗多，有半隻蛋送埋，而喇沙湯裡面就有魚片同豆卜。湯底食落椰香味都幾足夠而且唔太辣，食唔到辣嘅人都絕對可以handle到，啲麵索哂啲汁食落非常入味。而且豬扒整得幾淋，味道正正常常，分量適中，對得住依個價錢，個人覺得非常抵食。食完成碗麵都覺得好有飽足感，如果想平平地解決一餐嘅話依度外賣不失為一個好選擇。而且喺佢間鋪見到有寫海南雞飯做緊優惠$38，超級荀，已經諗住下禮拜要再買海南雞飯試下。

向來都鍾意食馬拉菜，所以，工作關係，過到嚟紅十字會總部一頭，經過呢一家主打海南雞飯、喇沙摻摻嘅外賣店「果子」，加上睇見啲價位咁相宜，就一於試試佢，買啲外賣返去做晚餐，又做一晚無「煮」孤魂，乾手淨腳唔使煩。環境其實晌鋪外都一眼睇晒，因為喺外賣店嚟，收銀櫃檯之外，側旁就只喺得一部大雪櫃擺放飲品。食物方面，飯類又唔只得海南雞飯，仲有好多飯品，而喇沙摻摻亦同樣有好多款式，更提供豬骨湯底嘅粉麵，此外，更可要求多飯或多麵，都唔會額外收錢，真疏爽。店家仲提供多款小食，有啲都頗有特色，款款都喺十零、廿蚊，值得試。飲品方面，一大個雪櫃放晌側邊，原來喺有意思，因為睇番佢啲定價，真喺平過便利店，所以，晌等候期間，真喺見到好幾個客行過都喺買支嘢飲。而我都買咗支黑芝麻豆漿，低糖加上用有機豆，都喺$6支，味道濃郁喎。 最終，當然喺試試店家啲招牌嘢啦，所以一客海南雞飯、一客喇沙摻摻、一款小食，再加個炒菜，要多支黑芝麻豆腐，夾夾埋埋都喺$145，非常划算。 白雲酸辣鳳爪 $16諗住天氣熱熱哋，亦唔想食太多油炸嘢，所以，揀個清爽嘅酸辣鳳爪作為涼拌前菜。鳳爪入口好爽口，而酸得嚟唔會嗆喉，微微辣，絕對喺平易近人嗰種辣度，夏

香茅豬扒喇沙摻摻 $50香茅豬扒唔柴 大塊 除左豬扒都有魚片豆卜 份量十足! 😋個人認為基本份量都好夠食 多過平時食開嘅米線 唔夠或者大食人士可以揀加麵 細食又可以叫少麵 麵底都有得揀油麵/米粉或者兩樣mix 夠flexible!果子無骨海南雞飯 $42可選擇油飯或者係正常白飯 揀左油飯海南雞肉質嫰滑 唔會太生或者太熟跟埋有一碗雞湯 充滿雞嘅精華👍馬鈴薯炸蝦卷(2件) $20就算係外賣 個薯仔絲淋左d都好ok 好好食 但得2件太少 早知叫多個...

今日黎奧運附近返工 諗住叫外賣上公司食🤣 見到有呢間食喇沙同埋海南雞飯 海南雞飯都係$38！ 見咁平就諗住試吓🤣 主要都係食喇沙 同埋海南雞飯 都有其他馬來西亞野 香茅豬扒飯etc 香煎豬頸肉喇沙摻摻 $52 湯同埋面豬頸肉係分開 有油面同埋米粉 兩個都係好索汁 個湯底超好味 好濃郁夠椰香 微辣 而且本身已經有豆卜同埋魚蛋 尤其係豆卜索晒個喇沙湯底 😍 豬頸肉都煎得好香脆彈牙 爽口😌 份量又大 餐廳水準！值得再買👍🏻海南雞飯 $38 呢個係最抵食 見之前寫$42 而家仲平咗🤣仲送咗碗雞湯 雞湯好清甜入邊仲有用冬瓜煲最啱而家消暑 同埋最緊要冇味精 冇咩雞油 好清甜！ 雞可以點薑油、甜豉油、辣油 個雞皮好爽肉嫩 另外個飯都吸晒雞油 好均勻 而且冇叫多飯都大大份！ 佢有寫可以免費叫多飯😆 仲有啲小食😆 馬鈴薯炸蝦卷 $16 一圈圈嘅炸薯仔 捲着炸蝦 炸得好香脆 有啲似係台灣街頭嘅小食🤣 沙嗲牛肉串$20 個沙嗲串好惹味 沙嗲汁好味 不過份量得兩串唔夠喉 🤣

今日來到大角咀探朋友，探員朋友就有點肚餓，就決定在這裏附近找東西食，經過這間海南雞飯店舖，海南雞我很喜歡食，就決定點了兩個外賣，原來這間店舖的海南雞是得過獎的，我點了一個海鮮喇沙，這個喇沙眼看材料十足，有蝦有蜆有雞蛋，飲一口湯底，湯底的味道非常之濃郁，有椰香味，鮮甜好味，鮮蝦10分新鮮，食一口蝦肉，蝦肉爽脆彈牙，證明食材10分新鮮，蜆肉都非常鮮甜美味，而且每一條麵條都掛滿了喇沙汁，食落口真的很不錯。還點了一個海南雞飯，海南雞一放入口雞皮爽脆，雞肉嫩滑，而且帶有雞味，他這間店的海南雞有相當高的水準，而且很有名的，他的雞油飯也很不錯，每粒飯都充滿雞油，食落口很香。加上冬瓜雞湯，食飯加上飲湯非常滿足，而他的串燒也有相當高的水準，豬肉串燒得剛剛好，加上他的秘製醬汁一齊食， 10分好味。

平時去親奧海城都係揀商場入面嘅連鎖餐廳，原來行出少少去附近富榮花園個邊仲有大把選擇，而且價錢仲要係貼地平民價，執到寶啦🤩唔好睇佢店面細細以為餐牌冇咩選擇，除咗主打嘅喇沙摻摻同海南雞飯之外，仲有湯米、撈麵同碟頭飯，加埋都有接近20款選擇😮最平$40有找，另外仲有10數款小食可以加購而且每款都係$20內咋😆果子無骨海南雞飯小確幸係今日海南雞飯仲要做緊優惠都只係$38 ， 仲要送埋雞湯添。海南雞飯可以揀要油飯或者白飯，識食嘅一定會揀油飯，油飯以上湯同雞油煮成，海南雞已經去骨啖啖肉，雞件尚算嫩滑而且份量都唔少，雞湯加上冬瓜熬製，啱哂夏天消暑帆立貝喇沙摻摻夏日炎炎無咩胃口就想食d 濃味嘅嘢，外賣最怕就係湯面嘅面底浸到淋哂，果子好貼心地將面底同湯底分開，摻摻係油麵加上米粉，兩款麵面各有特色仲可以相得益彰，己有口感亦保持掛湯力，米粉嗦哂喇沙湯超惹味，喇沙微微辣但椰香味濃，仲有豆卜魚片、蜆同帆立貝嘅海鮮面，$65性價比唔錯小食就嗌咗馬鈴薯炸蝦卷同豬肉串燒，前者雖然唔夠脆身，但勝在夠足料，加上泰式雞醬兩件寶係唔夠喉😂豬肉串燒完全唔馬虎，串燒仍算juicy 而邊邊就脆脆地，重點沙嗲醬嘅花生🥜味好香濃

之前食過太和既果子餐廳，味道都唔錯。而家原來喺奧運站附近都有開！不過係外賣店～出餐速度幾快！1.無骨海南雞飯配油飯$38油飯份量十足，因為買飯餐可以免費多飯！海南雞唔會好肥。送冬瓜雞湯，幾清甜，咁樣都只係$38！好抵食！2.香茅豬扒喇沙摻摻 $50香茅豬扒幾入味。喇沙湯底味道香濃，摻摻麵質彈牙，仲好索湯添！唔錯！😋3.沙爹雞串燒2串 $204.沙爹牛串燒2串 $20沙爹好惹味，雞、牛都好入味！😋👍🏻

今天天氣熱，太陽很猛烈，在公園做完運動身水身汗决定買外賣。天氣熱想食海南雞飯和喇沙摻摻。聽朋友話富榮花園有間小店的得獎海南雞飯好食，便去買外賣試下。小店只有外賣無堂食，去到見有多個街坊在等外賣，又有朋友推介，相信好食抵食。睇下價錢相宜，東南亞美食選擇不少。除了飯，摻摻，湯米，撈麵，還有小食和飲品。果子無骨海南雞飯大大份，只賣$38，可配油飯或白飯。海南雞真的好吃，三黃雞雞肉嫩滑有雞味，雞去骨啖啖肉易食，特製醬料不錯，白飯有飯味，如果不是減肥吃油飯應更有風味，下次再encore。冬瓜雞湯解暑，不錯。$38良心價算超值。摻掺是油麵加米粉，入口有層次感。海鮮喇沙摻掺是招牌貨，但我揀了帆立貝喇沙掺摻($65)給妹妹，因她愛吃帆立貝。妹妹話喇沙掺掺有水準，食材新鮮足料，好食開胃，讚! 帆立貝，豆腐卜，魚蛋，雞蛋，蜆都好吃，湯底椰香濃不太辣。小食叫了森巴通菜($20)和沙嗲串燒豬肉($20)。通菜爽脆有風味，大大份增加纖維，沙嗲都好味，一份兩串，$20算抵食。良心街坊小店，長者及中小學生九折，值得支持。

今日約咗個朋友去咗大角咀海富商場嗰度食下午茶😆食完行咗一陣已經要準備晚餐了😁決定買外賣返去同家人一齊食，一行出海富商場望過對面就見到周圍都有嘅錢大媽，買唔隔夜肉嘅店舖，正正隔離就有一間好出名海南雞飯同喇沙嘅外賣專門店，決定一試🤣海南雞飯,海南雞做得非常嫩滑,而且雞皮仲要好香,雞皮咬落去滑嘟嘟,雞皮與雞肉之間有一層啫喱,雞肉非常嫩滑,入口好多肉汁,配埋餐廳嘅秘製醬汁,味道更加突出,酸酸甜甜咁,又開胃又好食。另外海南雞油飯味道都好好,每粒飯完全吸收咗雞油,入口味道好香,煙煙靭靭真係好正,呢個海南雞飯真係做得好出色帆立貝喇沙,賣相非常之吸引,帆立貝仲要係好大粒,望落去就知道新鮮,另外仲有好多蜆,成個喇沙充滿著海鮮嘅味道,味道非常鮮甜,第一次食到咁好食嘅海鮮味喇沙,食到我舐舐脷。沙爹豬肉串燒,豬肉燒到啱啱好,一啲都唔會鞋 ,最緊要配上靈魂沙爹醬汁,入口味道層次好豐富,而且豬肉仲保留到肉汁,真係做到色香味俱全,一個人食完兩串都唔夠喉。馬鈴薯炸蝦卷 ,望落去真係好靚,一隻大蝦比薯仔包住,而且外面仲要炸到金黃色,咬落去脆卜卜又香口,跟住就食到蝦肉非常新鮮,爽口彈牙,估唔到薯仔包住 隻蝦食係咁好味,味