果子｜海南雞飯·喇沙摻摻 外賣專門店

營業中

休息中

喺大埔分店食過果子嘅分店，搖身一變嚟到大角咀變咗外賣店，價錢又變得更加親民，盛價比都高左少少🤏🏻 同朋友有叫咗兩個外賣，一個麵，一個飯，加兩份小食咁。1 香茅豬扒喇沙參參朋友話喇沙湯底都唔太辣🌶 幾惹味。同埋值得讚佢會將湯底同埋麵條分開～ 唔會浸到林晒。豬扒索左啲湯底都幾好味😋 同埋感覺冇咁熱氣。芽菜份量都幾多，所以咬落去都爽口。2 海南雞飯 $42$42嘅海南雞飯來講，雞肉嘅份量都算幾多，同埋每件雞都幾肥厚，雖然雞皮好似有啲口，但舊肉都唔細，同埋中間都有一層博博嘅啫喱小食1 健康生菜🥬雖然我外賣拎得遠，都已經黃左啲，但入口一樣清甜爽口，仲會附有埋蠔油，可以自由揀落定唔落。份量大概有兩株咁多2 沙嗲串燒串燒醬幾惹味，牛肉都幾易咬得開～ 原本以為海南雞雞肉唔夠就再加多$20 叫咗——但睇嚟我過慮啦。整體嚟講，外賣幾抵食

今日跟朋友係大角咀呢頭行街 🛒但要番屋企買野食比屋企人做晚餐 見到呢間 果子外賣店 就試下了！😚見佢主要外賣海南雞飯 🍚跟喇沙 🍜🌶我決定就叫呢2樣番屋企試😉先講海南雞飯 $42 有個飯有個雞湯🥣真係幾抵食😚 仲要份量都唔細 （利申：冇叫到免費多飯） 2個女仔share一個飯都仲得🤣個油飯有啲驚喜 ！唔會油冧冧之餘 仲要都幾香口 溝埋薑油仲可口😍 且個海南雞幾厚肉 個雞湯幾清甜 有薏米同冬瓜 完全唔係味精湯！😍都幾解渴呢個價錢食到呢個質素真係物超所值😌然後個海鮮摻摻喇沙都唔錯 都只是$53 份量一樣好多😂麵就係油麵加米粉 軟硬度剛好2款麵一齊食個口感好特別😍喇沙湯好濃郁 充滿椰香味 辣度啱啱好🤗餐廳仲好細心 湯&麵分隔開 就算外賣返屋企麵都唔會林😍材料仲好豐富添 有蝦&蜆肉 &豆卜&魚片🐟 完全滲入晒湯底 一入口即刻充滿了汁😋😋 一個字 正😄除主食 我仲有叫到小食 包括馬鈴薯炸蝦🍤卷🥔 超級好味道！ 第一次食呢個配搭😂 馬鈴薯切成條狀包住個蝦 一齊食既話薯仔味道幾出 好似食緊薯條+炸蝦咁 但唔會好油👍另外一款小食係沙嗲牛肉串燒 總共有兩串 😍沙嗲汁非常之多好濃郁😍牛肉唔會好靭 也是不

幫弟婦拎嘢去富榮花園，臨走經過一間果子外賣店，主打海南雞飯·喇沙摻摻。一向喜歡食海南雞的我當然不會錯過，買外賣回家試試！果子海南雞飯跟雞湯、油飯，海南雞皮薄爽滑，雞味濃郁且嫩滑，油飯則以上湯、雞油、乾蔥等炒製，令到飯粒甘香惹味。海鮮喇沙-摻摻。湯和麵分開載，唔怕啲麵吸晒啲海都未返到屋企，材料蝦彈牙，蜆肉鮮甜。湯底又濃、又香、又鮮美。 摻摻即油麵和米粉混合在一起，椰香濃湯與麵條超夾，口感一流！白雲酸辣鳳爪：酸甜中帶辣，十分醒胃。粟米墨魚餅：彈牙爽口。

大角咀有一間外賣專食海南雞飯同laksa好出名，佢專做海南雞飯，laksa,仲有其他東南亞特色嘅菜式。舖頭好近奧運站，奧運站行五至10分鐘就到。非常方便。佢嘅種類選擇好多，又有小食，有唔同種類嘅飯餸。價錢好抵食。佢嘅跟餐飲品價錢都好抵，仲有好多唔同種類嘅飲品選擇。我叫咗佢哋海鮮叻沙，佢有兩種面撈埋一齊，好正宗好地道，用料豐富同新鮮，蝦同海鮮嘅數量都好多，味道酸酸味味，好嘢未。蝦同蜆肉都好新鮮。佢嘅外賣炸蝦卷，非常好食，仲好脆，好大舊蝦肉，價錢都唔算貴。喺大角咀來講，係非常之抵食。海南雞油飯，海南雞好香滑，幼嫩，入口即溶。油飯都好香口，好香口，再配上佢嘅醬汁，更加之嘢味。佢嘅食物好有東南亞風情。

今日行奧海城，行完就諗住喺附近呢就搵外賣店外賣，take-away 返屋企食，上網揾左一下就發現呢間果子外賣店，貌似主打海南雞飯 & 喇沙，一於就試下。餐牌簡單、易睇，主要分成3大類：小食類飯類麵類（喇沙）我order咗之後等了大約10分鐘就有得拎啦。海南雞飯海南雞飯當然唔少得有雞油飯，而雞肉嫩滑，標準既去骨海南雞，配有三種海南雞飯醬料，分別係濃而略帶甜味的黑醬油、薑蓉油，以及紅色的酸辣醬汁：相信係海南雞飯配上冬瓜薏米湯另一個主食係牛肉喇沙摻摻咪睇湯係油紅，實質並唔辣，反而係新馬喇沙的甜酸，美味非常、牛肉浸喇沙湯好夾，湯入面仲有豆卜，超入味。而小食就嗌了雞肉串燒 & 白雲酸辣鳳爪，雞肉串配了沙嗲醬、而白雲鳳爪酸酸辣辣好開胃。有點後悔無叫多兩份，因為好快一下子就KIO左了，味道都唔錯。

奧運附近新開左一間果子外賣店，聽個名就覺得好特別，以為係賣咩糖果，但更特別既係竟然係賣海南雞喇沙等新加坡野，見價錢相宜，外賣仲有9折tim，於是就試下買外賣返屋企食。帆立貝海鮮喇沙摻摻，呢個喇沙既湯底值得一讚，唔會好油，平時最怕食既喇沙太多油份，而且湯底既濃度剛好，椰香味夠重，因個人比較偏愛椰香味，呢個就岩哂我口味，而米線可以掛到湯汁，帆立貝同蜆都夠鮮味，唔洗擔心，米線係分湯上既，所以食落仲係好彈牙！香茅豬扒配南乳雞翼飯，南乳雞翼既南乳夠哂入味，外皮煎得香脆，香茅豬扒，豬扒唔會韌，即使係外賣，但都無影響到口感！馬鈴薯炸蝦卷，就算過左一段時間，食落仲係好脆的，馬鈴薯包住鮮蝦，好特別！香辣魚餅，辣辣哋好開胃係一間唔錯既外賣小店

放工路經油麻地，經過這間人氣鼎盛的外賣店，很多人都提著一袋袋外賣離開，實在非常序吸引，於是決定買一些外賣回家。果子無骨海南雞飯飯類可選擇油飯或白飯，我自己喜歡前者，覺得更香口，更有風味，海南雞份量多且肉質嫩滑，有濃濃雞味，隨飯還附上雞湯一碗，超值之選。海鮮喇沙摻摻有鮮蝦和蜆肉等海鮮，蝦肉非常鮮甜，喇沙湯很濃味，辣度適中，而特製的外賣盒可把麵和湯分隔，確保麵質的不會變淋。馬鈴薯炸蝦卷蝦炸得香脆，外層鋪滿著薯仔絲，提升口感的層次。沙嗲豬肉串燒豬淋燒得香口，淋上濃濃的沙嗲醬，非常惹味。

係附近做野，臨走前見到呢間舖頭外賣幾抵食，呢間舖頭係專做外賣生意，主打海南雞飯同喇沙，既然都未食晏就一於外賣返去同屋企人食😋海南雞飯都只係$42蚊仲送埋餐湯，真係幾經濟實惠，飯係油飯，聞落香噴噴😚，海南雞皮薄肉質嫰滑，完全唔覺得鞋。餐湯係雞湯，味道清甜！喇沙就叫左碗海鮮喇沙，湯同麵係分開裝，拎到返屋企都唔怕會淋晒👍🏻👍🏻用左兩款麵，油麵同米粉，一次過食到兩種麵既口感🤪材料方面有蝦、蜆、魚片、豆卜、蛋，都幾豐富，蝦彈牙鮮甜。至於湯底味道都夠濃郁，仲有啖啖椰香味😝👍🏻另外，都叫左兩份小食，香辣魚餅同絲網春卷，魚餅食落有少少辣，口感彈牙，都好食。春卷炸到卜卜脆，點埋甜酸醬更惹味😋😋

今日去左d民生小區到做野。見到有間外賣店，勁多人流。放左工就跟風去睇下有咩食間野新新地十分整潔menu 唔算多野食，不過價錢親民又有discount唔怪之得咁多人黎買番去開飯果子海南雞油飯 跟雞湯$42差唔多個個都有叫依個我當然係跟好大份油飯夠香d 雞夠滑仲有好多汁比你揀仲有個雞湯帆立貝喇沙摻摻$65足料，店員自動幫你分湯唔辣，不過勁香好多海鮮絲網春卷，馬鈴薯炸蝦卷$12, $16試左兩個小食正常兩個人嘅晚餐，簡單，美味

最近天氣唔穩定，經常落雨叫個外賣自取食Lunch係最好！經過果子海鮮喇沙摻摻，見到新分店開張冇耐，有好多推介（包括OpenRice、U Food、港飲港食推介），所以今日試下新野12點，外賣店出面已經見到幾個人等緊外賣出面貼左餐單：貼身嘅係，有長者咭同埋學生卡有九折！好照顧周圍嘅街坊！接到外賣，已經匆匆趕返公司開動。一打開好豐富呀！賣相已經好吸引好！海南雞飯送咗湯又叫左兩款小食（酸辣白雲鳳爪、沙嗲雞串燒）無骨海南雞飯：嘩！一打開…雞量同埋份量係一比一。我特別配咗油飯！一打開個盒都聞到油飯嘅香茅香，除咗分量多之餘，雞皮好薄，唔怕油膩！注重健康嘅我，都可以連埋雞皮雞肉一齊食！食落去雞好嫩滑，仲有雞味！讚👍🏻 點醬食！送飯一流！海南雞飯跟餐嘅雞湯：雞湯清甜！亦有放冬瓜落去煲！好飲！冇味精嘅味道！沙嗲雞串燒：幸好沙嗲唔太辣，似係自己特製嘅沙嗲！因為佢花生碎好多，佈滿左喺串燒嘅表面！用咗酸酸地嘅醃料醃過，所以沙嗲唔辣、而帶酸酸地！幾特別海鮮喇沙摻摻：麵同湯分層放：唔怕麵淋哂！上面既餸已經好多！有兩隻蝦、幾隻蜆、半隻蛋。而湯底入面仲有豆腐卜、魚片！聞到湯既椰香味！流哂口水湯呈奶黃色味道夠濃！帶椰奶

我同男朋友住酒店月租，基本上餐餐都係食外賣。今日我哋就周圍去去搵吓有冇一啲新嘅餐廳可以試一試，見到呢一間外賣店主打海南雞同馬來西亞菜我哋就試下，款式多價錢又相宜！呢度嘅喇沙湯底用咗大量嘅乾蔥頭、蝦、香茅、南薑、紅辣椒等嘅食材去熬製，結果湯底帶有濃郁嘅椰香同埋少少辣味，味道純正，就咁飲都唔會口渴，因為純天然冇加味精。有咗好嘅湯底就可以隨意加入我哋鍾意嘅海鮮食材就，滿滿鋪起咗一層，非常豐富，有魚片、大蝦、沙蜆，仲有配料芽菜同豆腐卜。摻摻就係米粉撈油面，咬落有唔同嘅口感特別滋味。馬鈴薯炸蝦卷嘅薯仔一絲一絲咁樣包裹住隻蝦，外層非常香脆好似薯片一樣。森巴細炒通菜加左馬來西亞出名嘅森巴醬，特別惹味，微甜微辣，令普通嘅通菜倍加滋味！最欣賞嘅就當然係佢個主打海南雞飯油飯粒粒鮮明飽滿，而且充滿左油香！食唔停口，成碗飯都食晒。加埋薑油、甜豉油或者辣椒醬就咁食都好好味！佢個雞肉已經浸咗冰水，又已經好貼心咁樣去咗骨，食起嚟完全唔覺得肥膩，而且肉質非常嫩滑，讚！咁樣一餐豐盛嘅晚餐$150都唔使。好過自己咁辛苦咁樣煮，亦都好過食兩餸飯多啲變化。真係超值！

見到屋企附近開咗間海南雞摻摻外賣店，梗係要去試下啦！店舖尊做外賣，其中一個亮點就係需要多飯或者多麵只需要簡單講聲便可，完全唔需要加錢～加$10仲可以轉雞脾，一打開飯盒見到啖啖肉，點D甜鼓油同薑蓉連埋香噴噴油飯入口，雞肉嫩滑，好滿足!豬頸肉喇沙摻摻肥瘦適中，燒得又香口，少少燶邊好吸引！配埋惹味嘅喇沙湯底，又唔會太辣，真係啱晒我!仲有豆卜索晒喇沙湯底精華，真係好好味!簡單加兩款小食，馬鈴薯炸蝦卷同沙嗲牛肉串，都係$20左右一份，真心抵食~下次屋企無煮飯又可以再去幫襯~

Weekend揸車經過呢間新開既外賣店，門口仲有幾個大花牌。 招牌主打海南雞飯同喇沙摻摻，喇沙有7款唔同餸可以選擇，餐牌仲有10款小食。除左主打款式，呢到都有其他飯類、湯面、撈面。我地揀左招牌無骨海南雞配油飯，同埋帆立貝喇沙摻摻🐔無骨海南雞飯，包埋一碗雞湯同3款醬汁大約有8件雞腿肉連雞胸，雞肉嫩、唔鞋口呢到可以加錢轉全雞髀肉🍜帆立貝喇沙摻摻外賣碗係分湯式，唔怕湯會浸到啲面發脹餸方面有3粒細既帆立貝、4粒連殼嘅細蜆、半粒全熟嘅蛋、幾塊魚片、幾粒豆卜摻摻 (油面+米粉)，可以轉面底喇沙湯底重椰味、唔辣，適合食唔到辣嘅人如果想惹味啲可以加辣小食方面叫左2款，2款都的的骰骰🐷沙爹豬肉串一口一串，沙嗲醬多花生粒⚪粟米墨魚餅一口一粒，連酸甜醬係車上忍唔住開黎食，每人兩啖已經食曬😂

平時甚少踏足大角咀。因為要做朋友的小助手照顧寵物，隨便買個外賣上樓食飽就開工。由於唔想食商場連鎖餐廳，大街一帶似乎有較多選擇。見呢間有賣東南亞美食，like FB又有九折決定一試。餐牌有飯有麵，價錢相宜，最多街坊捧場的海南雞飯只係$42。海南雞飯粒粒分明，用雞湯燴入飯粒特別入味。雞的部份有兩層疊起，全部已經去骨。雞皮爽彈，雞肉嫩滑。醬汁係整盒飯的靈魂，比足3種醬料，好多餐廳都做唔到。有齊薑蓉，黑豉油，辣汁。另外送的冬瓜湯味道自然，帶有雞湯香味，清滯消暑。薯絲炸蝦造型趣緻，用一條超長的薯仔卷住蝦隻。薯絲沒甚麼味道，主要依靠泰式辣醬提味，炸蝦就更為香口。剛炸起最好秒速返屋企食保持香脆度。香茅豬排喇沙摻摻配料豐富，有蛋、魚片、芽菜及豆卜。雙層外賣盒做左分湯，就算遲左食麵條都唔會淋。唔好比橙紅色的湯頭呃到，實情係一點都不辣。豆卜吸盡濃香的喇沙湯，椰漿味非常濃厚。摻摻係米粉混油麵，米粉吸湯能力好，而油麵就可增加口感。兩者混合一齊食別有一番風味。最後忍唔住再加左份串燒，一客兩串。雖然同新加坡串燒一樣份量唔大，但肉質幾好唔會乾。沙嗲醬有粗粒花生碎，比既份量亦大方。

呢度周圍真係好多雞嘅選擇😂，今次試下呢間新開既海南雞專門店，專做外賣。新開張嗰陣放工時間排晒長龍又成日賣晒海南雞，今次lunch time幫襯包保一定有雞食。海南雞喇沙摻摻估唔到有雞髀位，雞肉都幾滑，仲配左三種唔同嘅醬汁俾你點。麵底超大份，係油面加米粉。配半隻蛋，三塊魚片同2粒豆腐卜，湯底都幾香，我覺得可以加少少辣😆。沙嗲豬肉串燒要等15分鐘，好可惜拎返去食已經凍左少少，沙嗲味都幾正。粟米墨魚餅唔係好食得出粟米，幾彈牙，厚d會抵食d。個人認為主食好抵食，可以免費加底，大食既人唔好錯過，我冇加底都已經好夠飽！