柚屋 (已結業)

同朋友打算食甜品，行開見到呢間店，走入去試吓。食了3樣野，全部都以柚子為主，先食了咸食-柚子胡椒雞翼(限定的)，柚子味濃，胡椒食落d 雞肉到feel 到少少辣口，幾好味，略為覺得油咗少少。之前食甜品，朋友試了抹茶柚子撻拼櫻花雪糕(限定的)，撻既抹茶好香，內有柚子肉，撻底就軟身了點。我就叫咗個柚子mousse, mousse 好滑，但柚子味不太重。店舖雖小，但整體感覺幾好，會再下次試其他柚子的食物。

長沙灣★柚屋今日又想搵間靜靜地既café完成埋神聖既2016年大計，見食完野要去深水埗行下，就鎖定一站之隔既長沙灣小cafe。雖然係舊區之中，不過都幾易搵，係A2出口直行幾個街口去到保安道轉右行1-2分鐘就到喇。小小既café打開門就一眼睇晒，由牆上面既圖案相架同小擺設到櫈上面既cushion睇得出店主有花心思去裝飾，切合主題營造簡單舒適既日系style。近廚房果邊牆仲有個area仔有d日本直送既柚子產品比人買走不過空間比較狹小，只係容納到大約15個客人，座位之間既距離偏細，講秘密驚比人聽到就小心ｄ喇搵食時間- 柚子朝食no.2 （$68）：啤酒肚唔食肉所以諗都唔洗諗就揀好左無肉既no.2，好得意呀佢英文係”not so hungry? eat healthy”。個all day breakfast有加左fresh柚子汁既粟米沙律/炒雜菇/勁滑既半熟炒蛋/茄汁豆/超軟熟外脆內較既厚多士（配牛油或果醬）望落平平無奇既厚多士真係令人喜出望外好想encore!另外，個set仲有牛奶粟米片食，好完滿既早餐呀襯住d粟米片未浸林快手d食啦～（個木勺係淺左d唔係好裝到奶，但勁日系好鐘意）- 櫪木縣柚

長沙灣越黎越多特色cafe，呢間以柚子為主題更加係全港獨有。 柚屋朝食 no.1 ($78)柚屋有兩款早餐，No.1係邪惡版，而No.2就係健康版。咁為食既人當然唔會放過邪惡物。No.1 有炒蛋、多士配士多啤梨果醬，同白汁吞拿魚醬。 當然唔少得煙肉火腿腸仔啦，配上清新既沙律菜。多士烘得香脆，塗上香甜既士多啤梨果醬好清新；白汁吞拿魚亦好味，香得黎又唔腥。炒蛋就比較普通，無咩奶香亦唔夠滑溜。煙肉都係普遍煎得唔夠脆口。腸仔就幾脆口，而且中間仲係芝士流心呢。整體係日式溫和風格，更惹味會更好。柚柚拼盤 ($68)終於去到柚屋，其實一心黎係想食柚子雪芳，但店主竟然話賣哂，好灰。咁就試柚子拼盤啦。柚子拼盤包括柚子雪糕、柚子撻、兩粒Macaron。柚子雪糕味道出眾，有柚子清新既感覺，仲食到粒粒柚皮係入面，淋上柚子醬更添甜膩。柚子撻質地比較似蛋糕仔，但蛋糕鬆軟香牛油味，亦帶淡淡柚子味，只係撻皮如果更鬆化會更正。Macaron一粒係柚子味，一隻係朱古力，做到外脆內軟既效果。柚子醬味道好重亦比較甜，朱古力味亦香濃。整體都水準都唔錯， 睇得出係心機之作。

根據雜誌介紹...搵到呢間柚子主題cafe~ 梗係要試o下佢d柚子出品啦~ 柚子雪蜜 $38: 柚子味梳打, 仲有一球柚子雪糕~ 同拼盆入面o既雪糕一樣...係界乎雪糕同雪芭之間o既口感~好咁食o左兩大口...因為好快就溶晒落梳打度~ 柚柚拼盆 $68老闆娘好細心咁叫我地由macaron開始食...一於就跟住佢o既次序試~ 柚子Macaron真係好正!!! 我平時係唔鍾意食Macaron ge...因為覺得佢太甜...但係柚子味macaron原來可以咁好味~ 酸酸甜甜...口感非常好~ 正~ 之後再食綠茶macaron即刻無咁好味...再嚟柚子撻又係好正~ 熱熱地又未到辣口o個種...真係好正~ 日本空運到港果然不同~ 最後又才食埋個柚子雪糕~ 真係大滿足~ 呢度地方細細...但係寧靜舒適...老闆娘好後生又nice~好熱情介紹各種食物...好欣賞!!! 希望呢類用心經營o既特色小店可以多d人認識...等想食好o野o既人行遠少少...都要嚟呢度試o下~ 

呢幾年深水埗、長沙灣開左唔少Cafe，好似多左好多地方hea，不過始終都好難搵到一間真係好舒服，可以慢下來嘅地方。知道長沙灣開左間柚子做主題嘅Cafe，位置偏僻，所以諗住去試下。因為間鋪對住內街，所以一時唔為意都行多左個街口，不過就算偏僻，可能因為始終都係細，加上食晏時間，所以去到嘅時候都幾乎滿座，只能坐在吧枱，其實無所謂，有啲陽光，仲幾舒服TIM。不過，可能因為始終唔夠空間，喺吧枱對住無乜人嘅街，有陽光曬進來，好想好好享受嘅時候，後面嘅人聲卻此起彼落，有點剎風景。（都明唔關店主事，只怪香港真係好多人…）食物方面，基本上選擇唔多，主要係兩款All Day Breakfast，同埋各款多士（店用「吐司」，但梗係覺得「多士」感覺親切啲）。因為唔想食煙肉，所以叫左呢款素嘅ADB。有炒雜菇、茄汁豆、炒蛋、沙律同多士，咁就68蚊，其實以ADB來說價錢OK。不過呢，佢跟餐只配黑咖啡……對於唔飲咖啡嘅我黎講，就只可以加錢配其他野飲。既然黎得柚屋，梗係點柚子類飲品，今次點左柚子茶。不過咁樣一加，成個餐變左九十蚊。到佢送到過黎嘅時候，不禁覺得份量有點少。女仔一個，正值Keep Fit中，所以尚可。而且味

自己一向都係好鐘意Yuzu，喺FB見到有人推薦就即刻搵朋友同我去試。店裏裝潢好warm比人感覺好relaxing。個咖哩芝士toast 焗得岩岩好。抹茶latte夠甘香泡泡好香滑。最後試埋兩款戚風蛋糕：柚子同香橙。蛋糕夠綿密唔太甜。香橙味有比較重的果香。柚子蛋糕本身清淸地連埋一個酸酸甜甜嘅柚子醬，一齊食別有風味。

個素菜all day breakfast好味， 個toast好鬆脆，加煙三文魚感覺會充實d 個玫瑰拿鐵飲時有玫瑰味， 如果可以有玫瑰香更正！！！ over all, 柚屋係一間既舒適又好食0既早餐店. 值得一去再去！！！ 温馨提示晚上8點就閉舖， 要試請襯早。

食家同事推介，果然係好嘢 😃這間小店是蠻有誠意的！裝飾很簡約但很舒服，而且無論枱椅甚至餐具都應該是靚嘢！All day breakfast 不算很大份量，但材料不俗，粟米應用牛奶炒過的，火腿煙肉都好吃，炒蛋也香濃。重點的柚柚拼盤也沒有失望，雪糕柚子味濃，柚子tart味道軟滑，是有心思的！去這裏hea，應該不會失望⋯⋯但開在車房臨立的舊區，恐怕不易經營，想試趁早！

趁著long weekend 的最後一個休息日, 今日再去幫襯屋企附近新開既咖啡室. 今次同老公試左佢既柚子拼盤,但好可惜佢地柚子雪糕沽清了, 老闆幫我換了一球Hokkaido milk ice cream,再伴上柚子醬, 仍然好滿意! 我特別喜歡佢既,它較外面甜到漏的macaron 甜道減半,味道恰當好處!我地仲encore 外賣了12粒拎番去比屋企人試, 老闆用禮盒pack 得好靚,不過因為我太粗暴, 攪到d macaron 有d走樣 XDPS:下次一定一定要試佢既柚子雪糕!!

廚娘本身是一個不折不扣喜一撐小店、工廈舖之熱血中太所以看到有新店子開當然要用身支持,位置偏離地鐵、開著手持導航便是我在高科技上最大之得著。。。全街差不多是車房舖,人流絕對(靜)、鐵漢男又一擦身而過一路一步終底達地部,面積比想像少、但佈置十分寫意一貫少女情懷和風味道,貫徹舖號一人當關咖啡部之九十老闆娘,全程笑容可恭座陣廚房部還多了位姨姨,坐下不久係時侯落單叫上食物。。。簡單之Cappuccino$34.應沒有閃失,可惜入口沒有密綿口感水汪汪下再被面層濃濃朱古裝飾粉所複蓋,咖啡本性減卻了不少疑似喝著一杯mocha,多於cappuccino真是不能盡如人意 由於新開業,全店只有兩款all day breakfast,所以我進供散叫散點之下咖喱雞肉吐司$42.就略見合格需則久後多時,入口陣陣和風咖喱味道、加上薯粒及少少雞肉絲最抵讚是用上厚切多士,口感倍增、當然配角芝士也功不可抹 努力,加油九十後、創業難守業更難善意評分希望是往後不要絆到更大之巨石路不是平坦,每步也得小心而行、店子總有出頭天。

其實本身自己好收埋自己吾想俾其他人看到自己既留言，但今日下午試過後不得不寫一下。個柚子雪糕特飲太有特色太好味道。有果肉，酸酸甜甜解渴新飲！每天限定，同老婆剛好食尾2尾3個球雪糕

早幾日去開附近，見到呢間餐廳門口有幾個花牌，想必是新開張吧！見裝修幾靚，同朋友咁啱行到累又肚餓，入來想坐低，hea吓首先要讚吓，雖然是新裝修，但完全沒有嗰陣甲醛味，非常衛生 老闆和老闆娘是30出頭的年輕人，幾熱情招呼客人，老闆向我介紹了all day breakfast有2款，分為豪華和素食，我無肉不歡，當然要了豪華的。原來香腸是德國來的，很香很好味! 炒蛋也要一讚，不會太水或太硬，加了香草更帶出香味。飲品我們點了長島冰茶和凍mocha，拉花都幾有心思。店內有很多柚子的裝飾，都係來自日本的。香港地愈來愈多cafe，不過要做得有心，由老闆親力親為就唔多見了，希望下次來的時候，仍然見到老闆和老闆娘啦!!

附近見完客，路經一間新開的cafe，叫柚屋，聽個名應該係一間台日系cafe。木系裝修，睇得出花左好多心機在裝修上，舖頭一眼睇哂得3名員工，一問之下原來尋日先第一日開張，難怪餐牌好多野都未ready，由於食飽左，無叫到推介的柚子撻同柚子蛋糕，齋叫左一杯Mocha。一黎到，賣相幾靚，飲一啖，正！Mocha最緊要咖啡味夠香，朱古力味夠濃，呢度做到了，兩個味balance得很好。而我個人好怕有d Mocha太甜，呢度的甜量也控制得很好，好match我個人口味。我會再來的，下次留肚黎試下柚子類產品~