柴夫人魚館

營業中

休息中

招牌菜銷魂牛腩煲，牛腩的口感軟嫩，湯汁濃郁，再加上少許的辣味，真的是一種美味的享受。我還點了土豆片和娃娃菜，這兩道配菜雖然看似簡單，但味道卻出乎意料的好。此外，豉汁排骨煲仔飯也是讓我回味無窮的一道菜，豉汁的香氣十足，排骨非常嫩滑，再配上泡椒小青瓜，真的是絕配。當然，餐後甜點也不容錯過。黃金大餅外脆內軟，搭配紅糖糍粑甜而不膩，讓我感受到了甜點帶來的愉悅。最後再來一瓶免費的維他蒸餾水，完美的結束這一餐。

天氣又轉冷, 最好就係約朋友去食火鍋暖下身。今晚朋友約我去食豆花魚, 感覺新鮮未食過, 就一口答應。原來呢間主打豆花魚餐廳人氣都幾旺, 全餐人流不斷, 平日晚都已經要等位, 食過就知原因, 相信我亦都會再去encore!招牌豆花鱸魚:鱸魚份量多, 無骨鮮嫩, 配有唔少豆花, 軟綿嫩滑, 近乎入口即溶, 口感跟嫩滑魚片好match; 可自選大中小辣度, 配料有芽菜、雪菜, 盡吸湯汁, 食落刺激過癮。 套餐包兩碗飯/米線, 飲品有豆漿/汽水揀咗米線, 加入湯底中煮至自己喜歡嘅軟度, 口感滑溜。而豆漿亦係餐廳自家製, 豆味香濃, 不會過甜。另外更可追加火鍋配料, 每款$12-$22就有交易, 價錢公道。牛肉丸: 爽彈多汁鴨血: 口感彈滑, 加入辣湯底中食, 絕對係match。踏入寒冷季節, 餐廳亦新推出咗羊肉煲, 個人亦很推介, 足料抵食!滋補羊肉煲(小份 2-3人套餐) , 同樣跟飯/米粉 同埋飲品 汽水/豆漿羊肉份量多, 軟淋入味, 羊皮爽彈, 肉質沒有太濃嘅羊羶味。配料同樣豐富, 盡吸湯汁精華, 包括有腐竹、筍、羊腩、羊腎、羊肚等等…冬天食就最岩, 滋補又暖身。紅糖糍粑: 炸得金黃酥脆

📍 柴夫人魚館（尖沙咀） 係天氣轉凍嘅情況底下，一定要入嚟食返個羊腩煲同埋煲仔飯，暖下身😍喺尖沙咀就俾我發掘到一間正宗廣州落嚟香港開店嘅小店，而家庭形式經營，完全食到當地廣州嘅味道，辣到可以自己挑選，不過入得黎，我一定食辣🌶️✨ 臘腸，豬手煲仔飯✨ 臘腸，燜鴨煲仔飯臘腸煲仔飯米飯吸收了臘腸的香氣，味道鮮美，鍋底形成一層香脆的飯焦，口感特別。搭配醬油和青蔥，既簡單又美味，而且仲可以揀一個餸，我哋就揀咗豬手同埋燜鴨，兩款都係店內嘅招牌同埋出色菜色😙✨ 滋補羊肉煲將新鮮的羊肉燉煮，湯汁濃郁，味道鮮美。羊肉在慢火燉煮後，變得軟嫩入味，搭配香辣的調料，特別適合寒冷的天氣。這道菜不僅能暖身，還能讓人感受到羊肉的獨特風味，差唔多每一台都一定會嗌！✨ 墨魚餅外酥內嫩，選用新鮮墨魚製成，炸至金黃酥脆，保留左墨魚的鮮甜！✨ 長沙大香腸香腸外皮光滑，內餡多汁，味道濃烈！

柴夫人魚館位於尖沙咀，喺正香港嘅正中心，無論住邊度嘅朋友都方便就腳～餐廳最有特色嘅招牌豆花鱸魚鍋，嚟到一定要試吓😋呢度創意菜式運用咗豆腐花嘅香滑，加落去鱸魚鍋度令到口感更加豐富，味道更有層次。比較嫩滑清甜嘅味道先刺激味蕾，提起食慾之後香辣嘅後勁先係精華，真係食過翻尋味😍其他配料都好足料，吸收咗湯底嘅精華令到牛丸、蝦等都份外好味。最重要嘅就係鱸魚又滑又有魚味，大大條性價比超高！另一道值得推介嘅必試菜式就係粉絲蝦煲。作為一個海鮮控，真係食得好過癮。蝦煲非常夠火候，時間拿捏得恰到好處，蒜茸將蝦嘅鮮味迫晒出嚟，同時又唔會煮得太老破壞蝦嘅口感。最正係啲粉絲，吸收晒蝦汁，真係食到欲罷不能！總括而言，餐廳性價比非常高，以呢個地段價錢都好相宜，味道好份量足，無論係自己行過想食個lunch或者約埋朋友嚟一齊dinner都合適，推介大家嚟試吓！

柴夫人魚館是來自四川的過江龍，在尖沙咀開咗分店，餐廳地不算大，但都乾淨舒適，主打豆花魚和煲仔飯。仲有軟雪糕任食。酸菜豆花鱸魚：酸菜金湯濃郁，味道酸酸辣辣，鱸魚肉質鮮嫩細膩，滑溜的豆花包裹著金湯，味道層次感豐富。想豐富一點可加些配料，例如爽口的肥腸、嫩滑的鴨血。蝦仁粉絲煲：原煲上枱，放上爐上由生煮到熟，鮮蝦爽口，粉絲吸收了鮮蝦的精華，爽口又鮮味，煲最下面還放了韮菜增加香味，令味道更提升。冬菇滑雞煲仔飯：即叫即做，冬菇爽口，雞件入味，飯吸收晒冬菇和雞的精華，再加上甜醬油，十分惹味，底部還有卜卜脆的飯焦，增加左口感。檸檬可樂：可口可樂加入醒神的檸檬，絕對是美味又解渴的不二之選。雪碧最後記得還有雪糕任食！

周五收工嚟到尖沙咀搵食，見到柴夫人魚館幾乎滿座，門口還有幾位喺度等位。我哋決定試吓啦，四川風味餐牌好多選擇，有一人套餐酸菜魚，豆花魚，煲仔飯都有，還有二人套餐雞煲羊肉煲…✧招牌豆花魚$168魚肉鮮滑食得出很新鮮，豆花軟綿綿入口即化，果然招牌豆花魚豆花和魚都好食，搭配麻辣湯吃好過癮，天氣凍凍哋，食完暖笠笠✧鮑魚雞煲$198好惹味，鮑魚鮮美有嚼劲，咬上去很有口感也很入味，雞肉吸收晒醬汁嘅精華。還有配菜花菜洋蔥，有小量豆花，豆花份量冇豆花魚多，雖然係小鍋但份量足套餐配送米飯或者米線，還有飲品🥤汽水和豆漿✧雙拼臘味煲仔飯$79熱辣辣，飽滿多汁的臘腸肥瘦恰當，已經加咗豉油攪拌均勻鹹鮮香口，還有焦香嘅飯焦✧黃金大餅表皮脆脆 外酥內軟 撒滿芝麻很香🍦雪糕任食超滿足，鍾意食雪糕嘅唔好錯過

人來人往尖沙咀(柴夫人魚館)，在鬧市中尋覓到一店舖又抵……抵食又健康豆花魚，豆花起源都有一段歷史..……，富順豆花鹽鹽地😋滑滑地有少許質感，但又無咁易散開。店舖餐後免費雪糕😋😋。店舖裝潢簡潔，坐得幾舒服❣️招牌豆花魚🌶️鮮甜嫩滑魚片浸泡在香濃帶微辣濃湯底，材料吸收湯底精華十分惹味。滑順豆花柔軟，入口即化。鍋裏配菜豐富有土豆綿軟，菇類鮮嫩，米線軟滑，口感層次豐富❣️冬菇滑雞飯卜卜脆“蕉”香飯底散發著誘人香氣，米飯粒粒分明，吸收了雞肉和冬菇的鮮美精華。雞肉滑嫩，冬菇鮮香，搭配醬油的鹹香，口感豐富，層次 分明。❣️黃金大餅外脆內軟，香甜可口，芝麻香氣四溢，口感層次豐富❣️招牌香辣豆花香辣的醬料完美包裹滑嫩的豆花，口感細膩，微微的辣味刺激味蕾yummy❣️墨魚餅外脆內嫩，肉質帶微微墨魚粒，鮮味十足❣️自家制豆漿香濃滑順，豆香四溢，口感細膩，無添加清新自然

見到呢間嘢入邊咁多人就走咗入去，入到去都等咗陣先有得坐羊腩既肉質軟滑，搭配腐竹、蘆筍，最重要係腐乳😈，提升整體既口感。調味岩岩好，保留左羊肉的鮮美，又增添左香辣既風味，冬天食係暖身既佳品。成個羊腩煲好多羊肉，基本上淨係食呢煲都好飽😂除咗好多羊腩之外，入邊都有好多羊嘅其他部位例如羊腎、羊肚，所以真係好抵食食食吓羊腩想轉下口味，落咗肥牛落去，吸收晒羊腩煲嘅精華呢個鮮蝦粉絲煲又係10分👍份量真係好多，侍應喺我哋食緊羊腩煲嘅時候擺喺側邊煮，所以一打開蓋好香蒜蓉粉絲味🤤仲有好多隻蝦，全部都好新鮮。幾欣賞佢擺咗好多韭菜落去煲底等啲粉絲唔好黐住，鍾意食韭菜嘅朋友應該好鍾意夾埋一齊食，我就係其中一個😆呢間舖頭特色之一，有得任食免費雪糕🤭

經過尖沙咀呢間柴夫人魚館見入面好多人，望一望餐牌發現價值勁抵，唔使諗即刻入去試試佢😬鮑魚雞煲2-3人餐 （小） $198-跟米線/飯+汽水/豆漿呢度嘅雞煲同平時食開嘅有d唔同，會有湯汁一路煲住食，可能亦都因為咁，雞同鮑魚超級入味，兩者嘅份量都好多，雞肉切得細細舊，幾方便食，鮑魚亦好彈牙。另外仲配上餐廳嘅特色豆花，豆味濃郁，果然係呢度嘅特色！想食得豐盛d嘅可以加埋配菜，大部分都係$18/$32，我地都加左萵筍，金針菇同娃娃菜，每樣都只係$18🥹而且份量好多，好抵食。另外再加左一份肥牛，盛惠$68，估唔到紋理都幾靚，肉質味道都唔錯👍🏻小食方面好欣賞餐廳除左有正常份量仲有細份可以選擇，人少少黎食都可以食到，唔怕做大嘥鬼😬爆漿糍粑 $15糍粑炸得金黃酥脆，外脆內軟，一咬落去入面嘅紅糖爆晒出嚟😍香口藕夾 $10同樣炸得好酥脆，咬落去好軟腍，味道有少少似蘿蔔糕，好味，推介大家試下！最後餐廳仲有免費雪糕食，可以自己去雪糕機吱黎食😍為今餐畫上一個圓滿嘅句號🥹

最近天氣凍想吃d辣鍋，出尖沙咀買野經過柴夫人魚館，都多人食，一於食下。同frd兩個人，叫左個豆花海鮮鱸魚雙拼鍋。要左微辣，個湯底非常出色，雖然係微辣，但辣味恰到好處，不會過於刺激，令人可以慢慢享受每一口。湯底香濃，帶有多種香料的味道，令人一試成主顧。個鍋有豆花鮑魚鱸魚鮮蝦牛肉丸腸仔菜花和土豆。我地另外加左鴨血同紅薯粉。鮑魚新鮮滑嫩，豆花柔軟，兩者搭配得非常好。每一口都能感受到鮑魚的鮮味，配上自家製豆花的嫩滑，口感獨特，令人驚喜。鱸魚鮮嫩，容易入味，煮熟後更加鮮甜。而鮮蝦則彈牙，搭配湯底的微辣，令整體味道提升不少。牛肉丸彈牙有勁，肉質鮮美，腸仔則香氣四溢，兩者都非常適合在這個湯底中煮，吸收湯汁後更加美味。鴨血、菜花、土豆和紅薯粉都非常新鮮，煮到剛好，保留咗脆口的口感，特別係菜花，清新又好味，幫助解膩。最後叫左維他菊花茶，解下辣，同埋自家製豆漿，濃郁滑口，搭配火鍋非常合適，令整餐更加完美。

天氣咁凍，好想食啲暖笠笠嘅嘢，咁朋友就提議食烤魚，咁我一定係舉腳贊成！咁岩對面街就有間，仲要唔係連鎖舖頭，而係小店經營，更加想幫襯試下。我哋入去揀左招牌豆花鱸魚，研究menu發現可以揀埋配料打邊爐，咁就叫埋肥腸，竹笙，牛肉片，土豆片，鴨血，炸蝦卷王，牛板腱肥牛，生菜。鋪頭上野都快手，好快就上左條魚，條魚肉質嫩滑，豆花又吸曬啲汁，十分惹味。打邊爐配料正正常常，最緊要係吸到好食嘅湯汁。我哋最後又補加左麻辣拌魚皮同梅菜扣肉煲仔飯，拌魚皮酸酸辣辣好開胃，梅菜扣肉又熱辣辣。食完成個人都暖曬呀！

天氣凍凍地，想食啲暖笠笠嘅嘢行過見到來自四川嘅餐廳，一於食吓餐廳主打食豆花魚，見到隔籬枱食緊雞煲就叫咗肥腸雞煲套餐啦 套餐包咗兩份主食 兩杯飲品一個揀飯 一個揀米線 飲品方面梗要試佢嘅豆漿 每一份食物都附上豆花 而豆花係新鮮製造豆花超級滑 濃郁豆味 都幾有特色🥰肥腸一啲都冇臭味 爽口好食 🤤雞煲唔係得死辣 帶有香辣味 雞件份量多米線放落去雞煲度朔晒啲汁 好正 邪惡美食另外嗌咗幾款小食 每一款都係$20左右可以食到唔同款式 又唔會太多份量 幾好👍🏻口水雞個醬汁幾特別 加咗麻醬嘅味道中和返辣嘅味 好食 小酥肉 炸得香脆 每一條小酥肉都好大條 灑上辣粉好有四川味道涼拌海蜇友人最愛 佢係用新鮮海蜇 非常爽口彈牙😎最後嗌咗佢個焦糖豆花呢個令我喜出望外超超超超超級好食 個豆花滑到不得了而焦糖嘅味道又唔會搶咗豆花嘅味🥰

📍 柴夫人魚館 (尖沙咀)尖沙咀金馬倫道27號東輝大廈地舖呢排天氣又開始轉涼，呢間柴夫人魚館又勁多選擇有烤魚鍋同埋煲仔飯無論係一大班人食定係一個人食都好啱👉豉油時菜$28😋😋😋😋.8/5有齊菜心同生菜菜心大大條勁鮮甜生菜都好爽口正😛👉紅油海蜇💰$20😋😋😋😋.8/5海蜇配上青瓜份外爽口，而且味道酸酸辣辣超開胃👉麻辣魚皮💰$20😋😋😋😋.8/5魚皮勁爽口，味道都係酸酸辣辣，而且魚皮份量都好多抵食👉 招牌豆花鲈鱼💰$1218😋😋😋😋.7/5鱸魚好大塊，而且豆花好嫩滑，辣度可以自己選擇😛😛😛唔錯，近餐仲有豆漿送，同埋米飯麵線都係免費，我就揀咗一份米線啲米線朔晒啲湯好正啊追加配料🤩 牛腱肥牛片💰$68👉蝦仁粉絲煲$118😋😋😋😋.8/5上枱之後倒數六分鐘，就可以食到啦，職員會行過嚟問你要唔要蔥花之後呢？就再睇面上蔥花，粉絲煲勁入味，超香蒜蓉同埋蝦仁都好鮮甜彈牙，有質素！回頭：yesyesyes!幫襯仲有免費雪糕可以自己擠嚟食好玩又好味，夜晚仲勁多人幫襯，無論一個人定係一班人都啱食

今日甘岩係尖沙咀行街，唉好多吉舖，生意難做，但竟然喺條街度有間紅噹噹嘅舖頭，除咗門面好紅，連內裏裝修都多數係紅色，個名叫柴夫人魚館豆花魚，個價錢唔算好貴，同一般尖沙咀既餐廳差唔多，個麵49蚊，加15轉做套餐，有杯豆漿同一個小食跟埋。豆漿豆味濃，而且不甜，凍的話，又不算太凍，不知道關唔關冬天事呢！之後就上左兩個小食，後加既炸蝦卷王，同埋跟餐既香口藕夾，個香口藕夾由兩塊蓮藕夾住一些餡料而成，炸得好香，而且味道不錯。之後就上了主菜，招牌香辣豆花生魚，加左6蚊轉左鱸魚，少少辣比我想像中更難食到滿頭大汗，下次都要再減多少少啦，豆花豆味濃，口感不錯，好食，鱸魚爽口，冇骨好味，我還加了肥腸同鴨血，肥腸口感爽口，正，鴨血係薄切，口感都不錯。整體不錯，好食，這裡還有自助冰淇淋機，自己動手囉！這裡還有煲仔飯，很多客人都下單，下次可以一試

聽聞尖沙咀有一間四川餐廳，特別係豆花魚同雞煲味道好好，於是特登嚟呢度一試。餐廳嘅裝潢非常有心思，具有四川嘅風格，座位亦都好闊落。鮑魚雞煲$198雞煲同鮑魚都十分入味，非常適合唔食辣嘅朋友。而旁邊嘅豆花好食之外，仲可以解膩。銷魂麻辣豆花生魚$62薯粉+$4，娃娃菜+$12，萵筍+$12鱸魚十分之滑嫩，湯底惹味。呢個價錢就食到，性價比非常高👍🏻另外配菜好似火鍋咁，可以按個人喜好加，個人覺得薯粉、娃娃菜、萵筍都值得一試夫妻肺片$38辣度適中，非常適合作為開胃菜時菜-菜心$29菜心色澤唔錯，而且麻油味好香紅糖糍粑$33外脆內軟，而且中間仲有流心嘅紅糖，食落超滿足。另外跟餐仲送豆漿，似乎係餐廳鮮榨，味道天然，唔會太甜👍🏻