柴夫人魚館

營業中

休息中

今日剛去完人尖沙咀幫手做d野，就打算去附近食個dinner想食d野味d的野... 但又唔太想食燒肉個d...行行下就見到呢間食豆花魚的，感覺間野幾內地feel(正宗?)今晚就呢間啦~(佢仲有煲仔飯呢~ 附近幾桌都有叫，但唔太想食咁多飯...)野食選擇不少，同朋友一齊叫左酸菜豆花鱸魚鍋(少辣) 🐟($238) (字都係簡體呢XD)，再叫左d配菜：土豆片🥔、牛百葉🐮、娃娃菜🥬、萵筍🥒... 最後叫左個紅糖糍粑 🍡($33)想講服務超好lo，不時就有人見水飲左過半瓶就會有人換，仲會一開始介紹同建議d配菜可以幾時加同點處理會好~ (佢地加湯係真係加湯嫁呢~ 同本身個鍋的湯一樣👍🏻)酸菜豆花鱸魚鍋🐟🐟🐟夠曬野味！同時酸同辣的味都剛剛好！花椒都剛剛好！(如果重口味可能會想多d? 但我就覺得剛剛好！怕太熱氣)仲有佢個量都好不錯！感覺1個鍋2個人食本身已經可以夠1餐😆😆酸菜(鱸)魚🐟我都食過唔少次，但第1次食有豆花的！豆花好好食！豆味同時配上呢個重口湯底，好夾！食時豆花的嫰滑配上酸辣痳... 嗯... 我好似離開左廣東咁XD (廣東：還我甜食的豆花🤣) 鱸魚唔鬆散，無骨，食落又夠滑，同時厚薄適中，吸收

有日食隔離間冰室見到呢間豆花魚，上開飯search下先知叫柴夫人魚館，明明招牌係豆花魚煲仔飯😆有啲興趣便同朋友來試試，枱上有qr code但原來已經無用了，要店員落單，而店員是講國語的，感覺應該是正宗的國内口味😋⭐招牌豆花鱸魚一盤打邊爐方式上桌，賣相老實說並不吸引，哈哈😂先嚐嚐味道啦，不能以貌取人。鱸魚片很滑，已去骨啖啖肉幾正。辣度要了中辣，我個人幾合口胃，辣度刺激但不嗆喉。除了魚片和豆花，鍋內還有啲薯仔片同大荳芽作配料。⭐芫茜食到咁上下就加單去打邊爐，個人喜好點了芫茜😆⭐牛肉片 & 羊肉片亦點了牛同羊肉，牛肉係滑牛黎，已調味，食落有啲五香粉味道，幾得意呀😋羊肉片比一般港式火鍋店厚切，有羊羶香👍⭐豆花鍋內的豆花富豆味又香又滑，太好食又追加一份，但賣相就有點似…哈哈，好吃就好啦🤤⭐五常大米飯最驚喜竟然係白飯，成日聽國内同事講香港啲米唔好食，要上淘寶到淘國內米，原來係真嘅，佢用呢隻五常大米真係好有飯香，口感軟糯。本身只係諗住叫一碗share食，點知太好食，最後又追加多一碗🍚⭐檸樂 & 咸檸七飲品選擇不多，叫兩款同打邊爐最夾有解渴嘅先🍋本身有自助雪糕機，但是晚壞機，冇得食甜品添。張單唔係好識

今日早咗放工，然後男朋友又遲收工，唯有響附近搵間餐廳等佢~ 見呢間餐廳個位置好方便，招牌又非常搶眼，咁啱今日都想食辣嘢，一於試吓啦~ 行到入去發覺啲裝修好新淨，環境乾淨都唔錯，應該係新開咗無耐嘅餐廳~ 等到男朋友一到我哋就立即落單，叫咗酸菜豆花魚同埋口水雞~ 酸菜湯味道唔錯，酸得來唔會太辣同埋太鹹，魚片都幾嫩滑同冇骨，不過魚味偏淡唔算特別，反而豆花會令人有驚喜啲，索晒湯底啲味道，食法都幾清新以前都好多地方有得食豆花米線，但而家唔知點解越來越少地方有得食，所以響呢度食得返都幾開心！另外娃娃菜同金菇菜都係必叫用嚟索味嘅食材，份量同味道都令人滿意，另外我哋都叫咗川味口水雞，都幾惹味用嚟送飯一流總括嚟講，餐廳真係冇改錯名，叫豆花魚都幾適合，因為豆花的確係最好食，所以嚟到呢度都記得一定要叫豆花試一試

天氣開始有涼意，今晚同好姊妹想打邊爐，作為愛魚達人既小妹今晚唔食酸菜魚，決定試下人氣豆花魚柴夫人嘅豆花系列款式有：🌶️香辣豆花魚/雞🍅蕃茄豆花魚🥬酸菜豆花魚豆花即係豆腐花，真係好期待當豆花撘上魚片，兩樣大纜都扯唔埋嘅食材，到底會產生d咩化學作用呢？招牌香辣豆花魚香辣豆花魚煲材料有薯仔、豆花、芽菜、海量魚片魚片可揀生魚/巴沙魚+$3 ，識食一定會揀無骨滑嫩既巴沙魚老闆娘提我地豆花一定要襯早食，唔係就會變老，經過微滾過既豆花遇上肥美巴沙魚片，加埋香辣湯底一齊放入口，估唔到佢嫩鮮口感咁驚喜,豆香魚香辣香一啖食到後勁少麻感幾過癮火煱配料我地揀左海帶、魚腐生菜&筍配料貌相乾淨新鮮，特別一讚三角魚腐好彈牙鐵板蒜蓉蝦呢盤蒜蓉蝦份量唔細，至少有12隻海蝦，中間仲有一隻荷包蛋，仲有大量蒜蓉撤系蝦羣上值得一讚廚師炸蝦有一手，蝦殼炸到軟林林，除走蝦頭蝦尾，連殼食都唔會有吉喉感，唔洗碌殻食蝦就是爽👍🏻黃金蔬菜餅切至三角形，外面炸至金黃沾上大量白芝麻，內層有蔬菜粉mix 麵粉層，幾鬆化，而且唔會太油凍咸檸7 + 自家製豆漿-罐裝7喜自己倒，夾火鍋食唔錯-自家製豆漿豆味濃，而且唔太甜

好耐之前有檔豆花撈米線，都未試過就執左，見到哩個新開既豆花鱼，行動最實際去試一試。揀左酸菜豆花魚，再聽店員推介話巴沙魚無骨，再另加d火鍋料。原來豆花同魚真係可以Match到，兩者都好滑溜，果然巴沙魚唔洗吐骨係同豆花好夾🤣湯底酸酸辣辣唔算太刺激，可能係因為豆花中和左。鍋入面仲有樂好多芽菜，索左湯幾好味。火鍋料都係正常一般打邊爐會食既料。因為本身鍋魚都大，我地叫左牛肉片，竹笙，牛肉丸，蒿荀再配個白飯，夠哂飽!!整埋杯檸樂醒神哂😍

柴夫人魚館個名好特別，係尖沙咀新開嘅米線餐廳，餐廳嘅招牌同膠杯嘅包裝都用咗柴夫人嗰樣做嘜頭，趣致得嚟好有心思。餐廳嘅牆身用咗紅色做主色，襯返柴夫人個嘜頭，店內有好多卡位，大部份都好闊落，坐得幾舒服。試咗招牌豆花沙巴魚米線，湯底可以揀香辣、番茄或者酸菜，麵底都可以轉烏冬、公仔麵或者白飯。我今次揀咗酸菜湯底米線，配料好足，有招牌豆花、土豆同芽菜。豆花好滑好嫩，魚肉又鮮美，而且冇骨，同酸菜嘅酸甜味道互相襯托。黃金蔬菜餅都好出色，啲蔬菜餅煎得金黃酥脆，一啖咬落去，入面嘅餡料好多，蔬菜又香甜多汁，好開胃。口水雞都有驚喜，雞肉滑嫩多汁，啖啖肉，配上香辣嘅醬汁，令人食到停唔到口。如果你鍾意食辣嘢，呢個就係你嘅最佳選擇。新鮮鮮榨豆漿好大杯，味道順滑細緻，有淡淡嘅豆香味，真係好解渴。柴夫人嘅豆花魚米線同其他特色菜式好有驚喜，而且性價比好高，又多選擇，下次可以試吓佢嘅招牌香辣湯底😋柴夫人魚館 📍尖沙咀金馬倫道27號東輝大廈地舖

酸菜豆花魚$198 叫咗一份小辣嘅酸菜魚，辣到非常適合香港人。一啖一啖食都唔會覺得辛苦，而且酸菜啲味都好香。每一份魚鍋都可以揀生魚片或者鱸魚。店員介紹鱸魚嘅話就會再滑啲，不過我哋今次試嘅生魚片感覺都好滑，而且食咗成餐飯只係有一嚿骨，食得好舒服。鍋底裏面有好多芽菜同薯仔片。魚做打邊爐湯底嘅話個湯底就唔會好油同埋好肥，一直打邊爐都唔會肥膩。鴨血$18 食辣嘢一定要有鴨血，大大嚿咁樣好抵食。餐廳都好慷慨，一碟裏面都有七至八嚿。小酥肉$58 小酥肉一份好大份，可能三個人先食得晒。小酥肉嘅炸衣加左花椒調味，食落去會有辛辛辣辣咁。食得好過癮！爆漿糍粑$33第一次食包喺裏面嘅紅糖糍粑，爆漿嘅感覺好新鮮。而且因為包喺裏面，所以每一啖都一定會有紅糖漿。

見到呢間係豆花魚，未食過唔知咩呢😂，所以就去食下酸菜豆花魚原來豆花係豆腐味嘅豆製品！ 口感好得意好軟綿綿❤️而且吸曬d 湯底好正！ 我怕辣叫左小辣，不過可能因為佢加左豆花個湯本來有d milky 中和左d 辣味唔太辣！ 好適合唔食得辣嘅人 老人小朋友都食到！ 魚片有3款 我揀左生魚片！ 好驚喜係魚片好滑 小骨。 滑過深圳個d 酸菜魚😱估唔到香港有呢個水準竹笙 必點掋食，好大碟 ！ 平時食米線加錢都係得3舊。 吸曬d 湯酸酸辣辣好正😊蒿荀薄切好易吸湯底味，脆身爽口！牛肉片今日7點食已經叫唔到佢個手切牛，所以就試下個滑牛。本身應該有d 調味，再加個酸辣味好惹味牛百葉又係打邊爐必點 ，新鮮又爽口 ！ 青檸蘇打可以中和下d 辣同麻 又酸酸尾尾幾開胃！ 而且好健康 青檸片加氣泡水冇糖👍🏻自磨豆漿朋友試左大讚好飲，平之餘唔係死甜。 仲係自家製，好有豆香❤️最後見到佢原來堂食就有雪糕食✌🏼個cone 岀奇地脆到爆💯PS : 平日晚上7點餐廳都爆滿 ，想食真係要book 位！

辣係一種好特別嘅味道， 可以界分為好多唔同嘅層次，又可以配搭唔同嘅材料，做出唔同口味既辣，比如酸辣，麻辣，甜辣，辛辣。甜酸苦辣入邊，似乎佢變化最多。今次我試嘅係香辣。 🍖 香辣豆花魚，我界定佢係魚片火鍋，裡面有海量魚片，薯仔片，大豆芽，酸菜，同埋豆腐花。呢度既豆腐花，其實唔係豆腐花，而係豆腐花味道嘅豆腐。我冇語無倫次，事實真係咁。佢唔喺我地平時食開甜品，又加糖水又加糖粉個種，而係一大舊不規則嘅豆腐，質地嫩滑，但又唔容易散，山水豆腐咁，但係咬落去會爆出陣陣甜品豆腐花既味道，而且有甜品豆腐花，一下就sir入喉嚨嘅口感。湯底係辣，但辣度適中，喺適合香港人既口味。裡面嘅魚都好滑，而且越煮得耐，香辣嘅味道就越滲得入去。相反豆腐就整塊去煮，所以中間保持原味，做到適度解辣效果。全部都係順滑入口，三扒兩撥我就食左2-3人分量。 🍖配菜我揀左羊肉片同牛丸，魚同羊夾埋係個鮮字，我嚐試兩樣一齊食，答案係冇咩特別。但係羊自己本身就好好味，佢唔同我地食開嗰啲類似美國肥牛既切法,。哩度切得比較厚身，咬感會比較多。相對中和咗魚本身毫無挑戰性嘅順滑。牛丸好味，佢唔喺中間有爆漿果種，而係咬落去每個位置都有牛汁。 🍖甜品

多次經過這個魚館，今日終於入來坐低食啦。招牌菜是香辣豆花魚。之前未念過豆花仲可以跟魚一齊做成香辣湯，所以一見到就好吸引。有香辣鍋當然少不了火鍋配菜，因為最後湯底刷菜一流。豆花魚很快就上菜了。豆花鋪滿湯鍋表面，稍微煮一煮就有濃烈的豆香味，夾起一小塊，入口即化，又香又滑。魚選用了無刺的巴沙魚。魚片醃製過，所以魚肉很Q彈，魚肉入味，帶有豆香味，又辣得很過癮。配菜點佐最鍾意的蛋餃，午餐肉，牛百葉，竹筍，牛肉丸，豬肚丸，鮑魚，生菜。配菜量無不多，可以多點幾種試試各種口味。蛋餃很少在火鍋店看過，在香辣魚湯裏滾熟果然很好吃😋牛肉丸同豬肚丸果然很彈牙，淡淡胡椒味，一口一個瞬間清盤。涼拌菜點了個涼拌香辣耳尖。味道出乎意料的好味，酸酸辣辣，而且豬耳朵處理得非常乾淨，軟軟糯糯，非常開胃。最後還可以自己打雪糕🍦

係尖沙咀做完脱毛療程，見到附近大大隻字寫豆花魚，自己未食過，見環境又ok，所以二話不説同朋友就行左入去。我地叫左招牌香辣豆花魚（小辣），一上台都幾香，面豆已經見到大量豆花，配菜有豆芽、酸菜同薯仔。魚質尚嫩，有少量既骨，如怕有骨，可以選擇加$6要巴沙魚，就唔使怕啃親。呢個酸菜魚既主角對我黎講係豆花，雖然冇豆腐口感豐富，但佢既豆香味係比豆腐出，即使有重口味既香辣，都蓋唔過黃豆香呢個湯底既酸麻香好適合用黎打邊爐，所以我地都叫左豬大腸同竹笙，原本仲想叫埋牛肉，但實在太好賣啦，冇機會叫到。不同豬大腸同竹生都唔差嫁，豬大腸洗得乾淨，唔會有臭味，竹笙就吸收曬d湯既酸麻就一定好味見冇牛肉，我地就叫多左2款小菜，分別係小酥肉同脆餅。小酥肉係可以點辣粉食，但個人認為就咁食味道更佳，香脆熱辣，兩個人好快ko左有份最後，兩個人叫左凍檸樂

放假去咗「柴夫人」食豆花米線🐟🍜🍲餐廳以豆花米線為主打，佢嘅菜單有好多款豐富多樣嘅米線選擇，同埋其他小吃🍽️🍲🌟我叫咗招牌香辣豆花魚米線，魚肉鮮嫩，配上豆花和滑溜的米線，辣味濃郁，真係一絕！酸菜豆花豬排米線，酸菜的酸味同豆花嘅滑嫩，加上豬排的鮮嫩口感，味道酸甜可口。番茄豆花巴沙魚米線，番茄的酸甜與豆花和魚肉的鮮味相互融合，口感鮮美。麻辣拌魚皮非常開胃，魚皮薄脆，辣味香辣刺激，絕對是辣味控的最愛！川味口水雞鮮嫩多汁，配上麻辣的醬汁，讓人食指大動。香煎薄餅非常香脆，特別的小食。自磨豆漿濃郁香滑，喝起來真係好滋味！最後，仲有雪糕免費，真係甜到入心！🥛🍦🌟

今日放假同朋友去咗尖沙咀行街睇戲，睇完戲諗住喺附近搵啲嘢食吓，朋友帶咗我去一間好特別嘅川菜餐廳，食豆腐花酸菜魚，估唔到咁嘅配搭係好好食。柴夫人魚館 ，地址喺尖沙咀金馬倫道27號東輝大廈地舖。餐廳地方雖然唔算太大，空間感好足夠，裝修得光猛整潔酸菜豆花魚$198，加咗$6轉巴沙魚，沙巴魚魚肉嫩滑，魚味香濃，全部都冇骨食落去啖啖肉，本身魚肉都好嫩滑配埋豆花真係形容唔到嘅滑，有機會真係要一試。配菜，芫荽$18，萵筍$18萵筍爽口清甜，唔使淥太耐口感更加爽脆。雞半隻$68，份量非常多，肉質嫩滑，見到脂肪不算太多，所以放落火鍋嘅時候都唔算太油膩，肉味鮮甜，連埋本身酸辣魚嘅湯底一齊食，令到雞肉味更出眾有機會真係要一試。鐵板蒜蓉蝦 98元份量真係好多，每一隻蝦size都好大隻，蝦頭仲有啲蝦膏特別香口，蒜蓉好足，蝦肉鮮美肉質彈牙，絕對有驚喜梅菜扣肉煲仔飯$66煲仔飯香氣撲鼻，旁邊仲有飯焦，飯煮到好乾身粒粒分明，梅菜扣肉帶少少肥膏香口惹味。

本身唸住食啲酸辣野，經過見到入去，星期六7點幾啲食飯時間，得小貓三四隻。服務員無個識講廣東話，我明明叫A餐豆花魚，佢嚟咗雞，仲話啱，A已經係英文，咁都落錯？唔緊要，之後有換返俾我。換返個魚返嚟，全部野都淡貿貿，湯稀，薯仔片無味，魚無味，米線兩啖食哂，$69仲要收加一！！！茶記咁嘅嘢收我加一，真係 unbelievable!!!我隔離枱叫臘鴨煲仔飯，佢嚟咗個臘肉。佢出錯嘅機率相當高。我見枱枱都叫煲仔飯，但個份量唔係好多，同埋唔係好有焦，唔係沙鍋煮。外省人扮煮港式煲仔飯🙄🙄🙄仲有，啲客有一半唔係香港人....

今晚開始轉涼，同朋友去左柴夫人魚館食酸菜魚😋1.酸菜豆花魚湯底調味好飲！飲完都唔會口渴。豆花有香濃豆味，魚肉滑，煮耐左都唔會老。仲可以變成火鍋！叫左好多料，好抵食！2.鮑魚細細粒咁，幾新鮮。3.蛋餃、海帶店員推薦，係正既😋蛋餃皮薄，海帶煮耐左之後仲吸收到湯底精華👍🏻4.粉皮滑lulu~😋5.牛肉喜出望外！超嫩滑！6.響鈴片比平時食到既更鬆脆！7.紅糖糍粑推薦！熱辣辣，外面有砂糖，入面煙韌，有紅糖流心。8.豆漿豆味足👍🏻最後仲有好香雲尼拿味既軟雪糕添！👍🏻👍🏻總括，食得好滋味，亦好抵食！下次可以一嚐煲仔飯😋