校長燒肉日韓料理 (西裕街)

營業中

休息中

星期日和家人逛元朗，晚上大家想食燒肉，就決定去校長燒肉食放題。餐廳裝修頗有特色，有大黃蜂，又有Ironman ，感覺好有活力。刺身任食，種類都不少，我特別喜歡食三文魚和帶子，三文魚幾肥美，油脂豐富又新鮮。帶子雖然不是很大粒，但十分鮮甜，嫩滑彈牙。赤蝦都幾大隻，幾鮮味。烤肉種類非常多，豬、牛、雞都有，五花肉肥瘦相間，燒起來超香，入口甘香軟滑，油而不膩。雞腎好爽脆，不會乾硬，醃得幾好味。青魚都好好味，油脂豐富，滿滿奧米加3，正！熟食都不少，幾乎想得出都有，壽司、中式點心、炸物各式各樣，蝦餃質素不錯，可與茶樓的比美一下，蝦仁夠爽口。燒肉食膩了，可食一下火鍋，滾些青菜，金鮮菇，解解油膩感，而且會健康些，火鍋湯底都有幾種選擇，確實不錯。我最喜愛茶葉bar，可自己調配各種口味，冲一壺濃濃的陳皮普洱，超解膩，食烤肉必備之選。還有各種甜品和雪糕，自然要啟動另一個胃，仙草紅豆好味，甜度自己調，你喜歡怎樣食就怎樣食。

📍 校長燒肉日韓料理-元朗差唔多有百款食物選擇，中泰日都包羅萬有！店內仲有熟食、點心、老火湯、碗仔翅、燒肉燒烤、火鍋、壽司、刺身、啤酒、罐裝飲品、盒裝飲品、店內自製泡茶、泰國小食、自助醬料區、甜品區、雪糕🍦等～一個價錢完全滿足晒所有願望，而且款式都好多，老火湯係真材實料本人比較欣賞，而且飲完都唔會好口渴，燒肉火鍋雞肉、牛肉、豬肉、羊肉都可以揀🐮🐷🐥🐑點心我都已經食咗幾籠，熱辣辣嘅點心真係不可抗拒！食燒肉之餘，同時可以享受火鍋嘅樂趣～自己燒自己控制火候～呢個就係燒肉最大嘅樂趣！甜品區係我最滿意嘅地方，因為全部都係店內自家製，誠意滿分💯甜度岩岩好，大家見到幾多，我就全部款式每樣兩個甘食，大滿足😌正所謂，女人有兩個胃，唔好睇少😉

今日係元朗玩，朋友突然好想食放題，所以我哋就去「校長燒肉日韓料理」。這間放題真係好抵食，晚餐時間只係$198，食物種類超級多,有唔同類型燒烤、日本刺身同鹹食小食、熱葷同中式點心、甜品同冷熱飲品🥤，應有盡有。另外，座位都好多，唔駛擔心嚟到要等好耐。整體嚟講，呢個放題超級抵食，朋友都食得好開心。首先我哋食咗燒烤區，食物種類真係超級豐富，有好多唔同醃料同調味，包括韓式香辣、麻辣、蒜香同黑椒等。我最鍾意食佢哋嘅韓式香辣魚柳同雞翼，微辣中帶點香氣，真係超級惹味！至於刺身區，八爪魚、三文魚、螺肉同帶子都好新鮮，尤其係帶子超級肥厚又滑嫩，冇一絲腥味，真係好味！再來睇下火鍋配料，菇類、青菜同丸子樣樣俱全，而且隔籬桌仲有好多人健康咁食咗好多青菜🥬，不過我哋就食到好飽所以冇再試。

今日收工，心血來潮同班friend去咗間放題！開爐即刻整咗盤牛仔骨，肉質嫩滑一流，真係有驚喜！仲有嗰雞翼同腎片，醃得啱啱好，食落好滋味。然後再試咗個「魚樂無窮」，秋刀、多春、鯖魚、龍脷柳，條條魚都整得好好味，最後自助區隨便攞飲品甜品啫喱熱茶，食到飽曬！

暑假決定留港消費，路過見到元朗的校長燒肉店暑假都做緊「終極大優惠」，價格非常親民，一於同朋友再次光臨。天氣熱，入場即刻去飲品區任揀各式各類的飲品。今期他們仲推出自家製品牌：玫瑰荔枝蜜、洛神花露，同埋荔枝紅茶，甜度適中，消暑解渴。正！接著試下新鮮刺身，開下胃先。三文魚、帶子和赤蝦是我心水首選，仲有八爪魚、榮螺片刺身，肉甜肥美，食完一次再一次。沙律菜多樣又新鮮，自家製一盤混合埋中華沙律、熟蝦、螺肉、粟米一起食，好味。開爐燒整盤牛仔骨，肉質嫩滑，有驚喜！仲有雞翼同腎片，醃製得恰到好處，味道十分美味。之後再來一盤「魚樂無窮」，秋刀魚、多春魚、鯖魚、龍脷柳，魚肉鮮甜，啱晒愛食魚的我。燒烤食物品種多樣，非常適合與朋友們聚餐享用。準備韓燒食物之時，在旁邊開爐整個日式清湯火鍋，先食蔬菜清甜，接住仲有肥牛、多種丸類，任君選擇。就在等待烹煮食物時，我們開始品嚐店內熱食，絕對不會浪費等候的時間。豉椒炒蜆和東風螺味道香辣可口，蒸餃餡料豐富，關東煮清甜鮮美，而炸物則香脆可口。最後，我們還享用了無限量供應的甜點和雪糕，令人大為滿足！這次的大優惠實在太超值了，我們一定會再次前來光顧！

每次當想不到吃什麼，就會直接走進校長燒肉，兩小時任食包刺身都只是$198，食物飲品種類豐富，可以同時進行燒烤和火鍋，環境也很舒適。刺身方面有多款選擇，如三文魚吞拿魚和帶子，雖然是平價放題但質素絕不失禮，新鮮味美性價比高。壽司選擇豐富，個人最喜歡火炙三文魚，芝士炸蝦卷和甜蛋壽司，幾款都是誠意之作。火炙令魚肉油脂更香口，芝士和沙律醬令配搭加添新意。小食方面，章魚小丸子新鮮出爐熱辣辣，葡撻和蒜蓉包都是特色之選，惹味又開胃。燒烤和火鍋都有大量配料選擇，分門別類擺放好，乾淨衛生，保證吃到飽。特別推介校長燒肉的牛油粟米和牛油雜菇，用小盤裝好一份份直接放上爐面，美味又方便，牛油的鹹香讓人難以抗拒。朋友利用甜品吧的雪糕和配料自製甜品，紅豆雜果配上朱古力雪糕，甜而不膩，夏日透心涼之選。順帶一提小朋友可以參加抽獎，見到他們拿着禮物面上都掛着笑容，很適合一家大小來聚餐。

昨日朋友說校長燒肉有特價，當晚我們約埋一齊去元朗食餐飽。店內有我最喜歡的Ironman ，高過個人，有一種年輕的感覺。這裏有好多刺身選擇，但我特別愛食三文魚和帶子，感覺幾新鮮，入口軟滑鮮甜，尤其是三文魚有大量的omega 3，要食多些。燒肉種類超多，雞翼都好幾種，我覺得牛仔骨好好味，醃得剛剛好不會完全蓋過牛肉味。燒雞腎都好正，十分爽口，又夠味，間中食下內臟都無所謂。火鍋生料都不少，可以一邊燒烤，一邊食火鍋，食完燒肉，食些青菜，感覺健康些，又不會太熱氣。自助茶葉bar好正，不同的茶葉，可配搭出不同的組合，濃淡自定，我最喜歡超濃的陳皮甘桔普洱，解膩一流。甜品種類也多，雪糕、雪條、奶凍都有好多種，我比較喜歡食黑白涼粉，加奶超好味，十分Q彈。

今日收工即興同朋友食放題，近近地係附近就揀左食燒肉。位置都容易揾，地方闊落，環境不錯。第一轉實在太肚餓了，我們先燒了辣雞翼和黑椒雞翼。雞翼外皮酥脆，肉質鮮嫩多汁，搭配各式醬料更能突出雞肉本身的香味。金菇肥牛的特點是肉嫩味鮮，金菇爽脆多汁，醬汁恰到好處，口感豐富。燒牛仔骨肉質軟嫩，充滿香氣，醬汁濃郁醇厚。牛油粟米清香濃郁，口感鬆軟綿密。牛油的香氣和粟米本身的清甜味道非常搭配。隨意拿左三款刺身，分別有八爪魚，牡丹蝦和三文魚刺身。這些刺身菜品清新爽口，營養豐富，非常適合作為開胃小菜或者主餐的一部分。刺身和壽司款式都各有7至8款除左燒烤之外仲可以打邊爐，我地先燒烤後再打邊爐，食物種類繁多，還有一部份喺熟食，款式多到食唔哂，非常滿足。甜品，雪糕，飲品任君選擇，價錢大眾化，非常經濟，樣樣都可以食。

在這家放題最吸引我的是菜品的種類極其豐富。首先是各式烤燒類,有香嫩多汁的雞翼、雞扒和醬燒牛肉,肉質紮實,料理精湛,讓人回味無窮。另外還有色澤誘人的醃製肉品,如醬燒豬頸肉,入口鮮美Q彈,別具特色。海鮮方面,鮮活的刺身和炒拌山蝦更是賣點所在,鮮甜可口,令人垂涎欲滴。除了熱菜選擇,餐廳在冷盤和甜品的陣容也同樣亮眼。五彩繽紛的醃漬蔬菜清爽可口,提神解膩;而奶香濃郁的布丁、清新爽口的芒果冰沙等甜品,更是為整頓餐後劃上圓滿句點。無論您偏好肉食還是喜歡海鮮,抑或想品嘗多樣化的佳餚,這家自助餐廳都能滿足不同食客的需求。服務態度周到,環境整潔舒適,無疑為就餐體驗加分不少。下次再來,我一定會好好品嘗一遍這裡的美味佳餚。

今日早上在元朗與朋友打完波後，想食得豐富一些的午餐，所以選擇了「校長燒肉日韓料理」 食韓燒加日式火鍋🥳。到了餐廳門口要上一樓，很特別遇上 Iron man 公仔擺設 😍。餐廳座位寬敞，店員安排我們坐窗口位卡位，享受食物時可以望下街景，環境好舒服😌。刺身食物區🦐~需要由店員分配的👍。自助式取湯底🍲～有3款湯底選擇，有日式豬骨湯、日式清湯、壽喜燒湯👍。燒烤食物區🍗～擺放位置整齊，還有標籤顯示食物種類，燒烤食物有，雞、牛、羊、豬、魚👍。炸物食物區🍤~有幾款炸款，相思雙皮奶、香蕉年糕、洋蔥圈、春卷、薯格👍。熟食食物區🧆～有蔬菜、排骨、雞翼👍。飲品櫃區🥤～汽水、紙包飲料、花茶，啤酒，另外清酒梅酒都有👍。先來刺身，刺身蝦食落很鮮甜無比😋。我選擇了清湯做湯底，蔬菜新鮮，牛丸咬落彈牙😋。燒雞翼係我至愛，魷魚爽口，我們食了很多肉類食物，越食越滋味😋。今天我和朋友很滿足，享受豐富的午餐🥰。

屯天元的朋友們，相信兒時大家如果想食放題，都會去過元朗校長燒肉。校長燒肉無論午市或者晚市都有任食放題，不止是任食燒制食材，連打邊爐都是任食，甚至壽司刺身都有。一個價錢滿足到三個願望，而且價錢便宜，對學生時代的銀包無造成負擔，所以我有印象兒時中學的同學飯局都常去校長燒肉。🤣今時不同往日，校長燒肉裏面的食材更加多元化，除了有日式刺身壽司，打邊爐和燒烤之外，又有其他小炒或者湯水甜品，甚至有其他煎炸產品或者中式點心，一個地方可以食盡五花八門的食材。一坐低，自助夾食材模式便開啟。想食各種醃製的雞肉豬肉牛肉都隨心拿。醃製的雞翼，都有不同口味，想食蒜香、土匪或者韓式醬雞翼都有。雞扒豬扒同樣有不同風味，黑椒丶蒜香丶咖喱都見到。飲品甜品啫喱熱茶，自助式随便取飲。

校長燒肉係一間好正嘅自助餐餐廳😋食物種類好多有壽司、卷物、魚生、打邊爐、點心、中菜、燒肉等等雖然佢唔係主打食日本野，但佢嘅刺身質素好高!! 甚至比一啲酒店嘅刺身更加新鮮, 每一轉可以揀三款刺身,但可以不停再拎, 冇限可以拎幾多轉㗎!! 我呢一日去就不停拎, 而且每次都唔洗排隊😍😋 我揀咗蝦 三文魚同埋吞拿魚, 好新鮮好正呀😍壽司有我最鍾意嘅芝士火炙三文魚壽司同埋炸蝦卷 好好味😋點心我就拎咗奶皇包 燒賣同鳳爪開頭仲驚一食點心就會好飽點知又唔會喎燒賣整得比平時嘅酒樓細粒所以唔洗驚會食到好飽👍🏽👍🏽蒸菜有北菇蒸雞、粉絲炒雜菜煲、蒸鯇魚、菜心炒牛肉等等，有水準，係好味嘅。😋一嚟到好肚餓，即刻夾少少嚟填吓肚先🤭炸物都正 炸到脆卜卜燒肉都有好多肉類同魚選擇，唔少得豬扒雞扒雞翼魚柳，都好容易燒一面燒肉 一面食其他嘢，好快就燒好了。👍🏽呢度仲有花茶區同酒區，同其他飲品我就主要飲清酒同梅酒，不過都唔敢飲咁多，之後就沖咗啲花茶飲，好正！呢度嘅甜品最為出色,食自助餐可以有呢個質素嘅甜品真係好喜出望外！我拎咗個咖啡奶凍同埋木瓜奶凍，兩個都好好食，最緊要係唔會太甜，而且好滑溜😋一定要試呢度嘅涼粉～ 可以自己任加

呢間#校長燒肉 係元朗區都算幾出名，今日路過眼見19:00前結帳及離座有優惠價錢吸引，就入內一試。餐廳座位闊落地方大，適合Gathering， 除咗燒烤同火鍋之外，仲有唔少中日韓熟食同甜品等，食物款式跟之前多咗tim。而且仲有機會參加抽獎。多款花茶和茶葉，比客人自由搭配，甚仲有寫住花草茶的配搭與功效。任食燒烤食物有廿多種，燒烤肉類醃得唔錯。有韓風甜辣醬/ 蒜香醬/ 香辣醬/ 黑椒汁等口味任均選擇。中式點心有餃子，燒賣，牛肉球等。甜品也有唔少選擇，最吸引我有台式撈涼粉，以自助形式，外面都要成二十至三十元左右，而呢度一來可自行調教味道，二來又可任食。雖然食物質素尚可，但有火鍋，刺身，韓燒，點心等。而且服務唔錯，時常幫手收碟，又冇咩油煙味。一大班人食相當抵!

過黎元朗呢頭玩，見到校長燒肉價錢平，又好似好多野食咁，就係冇book位既情況下，過黎排隊等位啦。我地5點幾鐘到，等到6點左右就有枱入座。入到黎真係好多野食，肉類多，菜，熟食，壽司，炸物，沙律，飲品，丸類，甜品，雪糕，酒類飲品，應有盡有。雖然肉類唔係話好靚既肉，但2百蚊左右可以又烤肉又邊爐，仲有咁多食物選擇。性價比極高。

假日與朋友的聚會，來到元朗校長燒肉，當天是5點入座 A1+：早鳥時段包刺身（成人）$208+10% 可以吃足兩小時！店員帶到我們二人到大枱坐，座位非常闊落，店舖幾乎都能看到出面街景，很開揚～這間放題食物種類繁多，有中式點心、炸物小食、壽司刺身、火鍋配料、各樣燒烤食品、甜品更有台式仙草凍、西式果凍和雪糕，滿足各人口味😋先排隊取刺身 三文魚厚身，非常新鮮蝦刺身肉質肥美之後到旁邊放了各種壽司，較迷你的，可以試多幾款多款熱食小食，都是新鮮熱辣出爐的，吃了洋蔥圈和鹽酥雞，假日的人流頗多，期間店員不時添補食物，之後再見有炸薯條，同樣香脆這區的茶樓點心，燒肉中過一過中式食物口癮，取了魚蓉燒賣和迷你珍珠雞，意想不到的好味呀！到今晚主角燒肉～各種已醃好的肉類川味牛肉片麻辣雞中翼和豬頸肉都很惹味燒到脆皮的波波腸😋😋另一主角還有火鍋，自己斟的湯底，幾款湯底中選了壽喜燒湯底我覺得烏冬是打邊爐的最佳配搭，每次都不能缺少！最後的甜品時間到出面自製了一杯台式甜品，加了伯爵茶果凍、桃、仙草凍～旁邊還有甜品櫃放了多款果凍，各適其適