桂林米線

營業中

休息中

叫了麻辣米線、豆腐、辣腩肉、燒肉、燒豬頸肉、娃娃菜、中辣、原本都唔食得辣的我唸住試下中辣、點知食完完全唔辣⋯仲要加埋差不多80蚊、好少菜⋯唔辣真係完全不能收貨⋯😣😣😣😣😣感覺太差！

我平時放工都會買呢間野黎食,但有時比錯配料,有時連麵都比錯,我已經算數,由佢啦,因為下次再去買,同佢講佢都會補番😮‍💨!點知今次仲離譜,我買到番屋企,食食下竟然有隻蟑螂🤢🤢嚇到我差d想噁,我以後都唔會再買呢間野黎食🤬🤬

收工又係肚餓既時候，搭車返到嚟就入良景市集行下，睇吓買啲咩食好，行咗入入面，就見到有間桂林米線又未試過，咁啱呢幾日又凍凍地，個人就想食啲暖笠笠同辣辣既野食，所以就試吓呢間小店唔食猶自可，一食就比佢個味道深深咁吸引咗，呢個係我鍾意食嘅香味辣味麻味同酸味全部都係呢一碗東西入邊結合左真係10分驚喜每一啖都好有一種開心快樂嘅感覺，因為係自己最鍾意嘅味道，另外米線佢都唔係用cheap 嗰啲米線孜然雞柳好惹味值得一試

又入冬啦！天氣咁凍，當然要食啲辣野暖下肚。🥰今日就黎到屯門良景市集嘅搵野食。事頭婆好貼心，會問定我食得幾辣。今次我點嘅係酸辣。酸入面帶小小辣好開胃，好啱我呢啲唔食得辣，又想食辣嘅人。Menu選擇非常多，連螺獅粉都有！招牌什錦米線，個鍋燒肉就乾左啲，好彩大腸同五香牛肉都入味，特別中意佢哋嘅蘿蔔，煮得好入味、好淋。最驚喜係炸大腸，一食就停唔到，個皮好脆，加埋啲油香好係好正！今餐最滿足就係呢個炸大腸。下次再來探你啦☺️☺️☺️

天氣寒冷，來一碗熱辣辣的粉麵特別暖胃。朋友介紹良景市集，有很多食肆，有我想吃的熱辣辣米線，而且價錢親民，今天就去試試。餐牌有預設的米線套餐，也有自選湯底點餸的。米線湯底超多選擇的， 除了一般的酸辣湯、麻辣湯，還有豬骨湯、蝦米瑤柱湯、蕃茄湯，樣樣都好想食！$26起，加餸有$6和$5每款的選擇，真的是街坊價！我點了酸辣米線$26,再加三餸，分別是五香牛肉、麻辣腩肉和雞肉。沒想過廚師很有心機，把餸菜排列得很漂亮，五香牛肉一塊疊一塊的排成弧形；雞肉和腩肉份量也多，鋪滿整碗米線。最後中間灑上酸菜和芽菜，酸菜帶微辣，但不吃辣的朋友也能吃，而且吃完很開胃。米線質感爽口滑溜有彈性，不是發水的米線，而且米線份量比其他食肆更多。說說五香牛肉，醃過後乾身不帶汁，五香粉味道越吃越香。腩肉是每間米線店都會有，而這裏的腩肉味道微微鹹味帶小辣，很惹味；雞肉是雞脾肉，其他米線店通常是雞絲，雞脾肉當然口感更豐富啦，又爽又滑。這個酸辣湯更是惹味，酸和辣各佔一半比例，味道真的不錯！朋友點了豬骨湯米線$26,另加菜脯煎蛋、 餛飩和燒肉。這個豬骨湯米線很有驚喜！首先湯底味道清淡但香甜，連米線一起吃，滑嘟嘟熱辣辣很溫暖。燒肉在碗

好耐之前嚟過一次，夜晚喺良景街市市集掃街，好有係旺角掃街感覺，但而家疫情，就冇得掃街，不過可以外賣返屋企食。行到入嚟見到有桂林米線，正呀！好，睇吓有咩好食先。麻辣湯米線，叫咗小辣，非常多配料，有芽菜、花生、炸醬、酸菜，酸菜夠酸，可以自己加送。米線煮得啱啱好，返到屋企都唔會淋晒。涼拌米線，米線就會乾身一點，撈埋個麻辣醬啱啱好，又唔會太鹹，加送要咗豬紅，豬紅夠實淨唔會粉，味道唔錯。好少叫米線會有菜圃蛋，所以叫咗嚟試吓，食落索索聲都幾好咬。

最近發現很多街市都翻新了，翻新後很多都有熟食街，良景市集就是例子之一。環境乾淨，而且每間店為着小小的餐枱，可以直接坐下來食，很特別的一種生態。.午餐的時候吃了桂林米線，即叫即煮，可以隔着透明版看見店員煮自己的米線，感覺有少少似日本料理中的omakase，要多少辣、要多少蔥，可以實時和他們溝通。.牛肉螺螄粉十分正宗而且味道誘人的螺螄粉！本身已有不同的配菜包括：酸豆角、酸筍、木耳絲、枝竹、蔥、花生、芽菜，牛肉就可以選擇鮮牛肉或肥牛。酸香的味道衝擊着味蕾，酸得剛剛好，開胃之餘又扣人心弦。傾談之下原來店主是桂林人，家人在家鄉正正是也是開餐廳賣桂林米粉，如此原汁原味家鄉味道！酸豆角更是自家醃製的，食得出是與眾不同。鮮牛肉的份量也不少，而且米線彈牙，是十分有風味又正宗的米線。.除了螺螄粉，也有不同湯底的米線，可以自行配搭材料。麻辣湯底的風味我也很喜歡，辣得來令人窩心。材料方面除了有香港人都喜歡的肉丸，我推介五香牛肉及香辣腩肉，材料新鮮而且煮入味。跟餐加$5可以配飲品，食米線我就喜歡配豆漿，感覺更加中式，渾然一體。

秋高氣爽，郊遊素來是不錯的選擇，行菠蘿山相信是不少人的選擇。前往菠蘿山，通常會經過良景，位於商場地下的屯門良景市集，可說是繼龍門居外，又一掃街之選。店舖種類由四川韓式上海點心手搖飲品等等，可謂應有盡有。行完山可以黎食翻餐！幫襯左一間米線鋪，原本係美樂花園一帶經營，街坊小生意，租務問題，轉戰良景，特意黎支持下。招牌雜線米線 ($46)招牌米線有著多款配料，鍋燒肉、鹵大腸、五香牛肉、蘿蔔樣樣都有， 可轉干撈，但我還是選了小辣米線。 米線麵質彈牙，口感煙韌，是我喜歡的口感，而且份量十足，可謂啖啖肉。一口肉，一口米線，一口湯，感覺十分滿足。雜錦海鮮螺螄粉 ($45)另一款是海鮮螺螄粉，要蝦有蝦，要蠔有蠔。螺螄粉是廣西柳州的風味小吃，由柳州米粉，各式配料調合而成，風味十足，有人說是臭味，我倒覺得是惹味。兩款米線，質素均不俗，份量十足，價錢相宜，今年經營小生意，實在不容易，經過一於光顧支持。