桃園制作粥麵餐廳 (啟田商場) (已結業)

一向鍾意食辣所以叫咗四川麻辣牛肉炒飯炒飯夠香👍🏻食落真係有四川風味😆不過略嫌唔夠辣😛呢個價錢嚟講 牛肉份量都算多而且牛肉夠鬆🤤好食飲品叫咗凍檸茶同凍奶茶凍檸茶：檸檬好新鮮 但係茶味唔夠濃凍奶茶：夠滑夠香 唔錯❤️上菜速度快落單到上菜10分鐘搞掂！啱晒趕時間嘅人

之前叫咗個蘿蔔牛腩，原來唔跟飯。又唔跟飲品，價錢重貴過現場買。如果齋係餸，份量又不是特別多。其實食物味道幾好，包裝用紙盒非常環保。只係如果餸唔跟飯略嫌貴。性價比低。

本身想快快手食個下午茶先簡茶餐廳 實在等太耐 等成半個鐘 何謂快餐？店內人根本唔多 店員手腳勁慢 唔知係咪做左堂食先做外賣 安排極差 如果想快食真係千其唔好黎呢間 等得黎都食晚餐！！！

不得不說桃園算係有水準同比足料既餐廳 我最鍾意哩度啲雞扒同豬扒，桃園既肉類食品都有一定既調呀味，而雞扒同豬扒煎得外皮鬆脆丶啱啱好，仲有供應蒜蓉洋蔥汁，可根據個人喜好而調節多少，所以建議有機會可盡量嘗試叫有豬扒或者雞扒嘅飯！

中秋不想煮飯，便叫了個外賣自取。openrice上面寫有菊花松子魚，但打電話過去餐廳先知原來換左新menu，卻沒有更新openrice。現在買小菜跟飯同飲料，中式燉湯則是另外加錢。點了3個小菜，其中枝竹蘿蔔牛腩煲，蘿蔔唔熟，d牛都幾難咬。其實之前都食過lunch，有蘿蔔的都幾伏下。比較正常的是豆腐魚柳煲，味道普普通通。最好的還是燉湯，家人都表示幾足料，不過食物水準比起之前都差左唔少，下一次應該不會想去吃。

兩公婆放假係附近食晚餐，求其入左黎食，估吾到佢平靚正。叫左豬手，口水雞，燉湯，西炒骨。首先豬手燜得好入味同滑，用黎陪飯真係冇得頂！口水雞，見到賣相都覺得正啦，辣辣地，愈食愈上隱甘。燉湯幾甜，當然預左有味精，不過好好飲。西炒骨都好食，略嫌甜左d，不過純個人喜好，我比較愛酸d。另外，佢提供既飯有藜麥，幾健康，又有咬口。仲有一點要讚，佢上菜好快手，侍應都好nice。最後。環境夠大，10幾人一桌都冇問題！

今晚同屋企人嚟到呢頭食嘢，想快又要平又要靚又要坐得舒服，我就係咁高要求。桃園就滿足到以上所有願望，所以今次已經唔係第一次嚟食。有個新餐，三餸再加3湯2飯。涼瓜豬肉啲涼瓜都多，小苦啱哂。煎肉餅就梗係正啦，黎親必食。蒸海鱸魚，貴魚黎架。有魚味，用麵豉汁送飯正。呢度服務正常，冇+1，上菜速度合理，值得一個人或者一家庭食。

今朝早同同事去左呢間桃園製作食早餐，早餐黎講唔算豐富，都係基本配搭，但勝在價錢平，整體不過不失！早餐黎講都算係合格，通粉湯底唔會好重味精，食完唔會好口渴，炒滑蛋正常發揮，唔會炒到乾身！奶茶茶底都夠濃，夠醒神！

餐廳在這邊經營超過5 年了，設施算是保養得不錯，枱椅沙發仍企企理理的，與附近價位差不多的茶餐廳比較，這邊環境舒適多了。環境佔了優勢，食物又如何呢？今晚選了＂起筷啦  晚市自悠選＂，加配燉湯及飯。另柯打了一客蝦多士。湯配以蠟燭爐上桌，加分。先喝湯，胡椒味較淡，湯底微甜。大概滾個10 分鐘後，酸菜味道開始溶入湯內，湯的味道豐富起來。豬肚雞肉等湯料蠻多的，偏清淡，中規中矩。梅菜扣肉煲份量不少，扣肉肥瘦適中，咸中帶甜，但肉質較實而油脂不夠鬆化，略嫌肥膩。第一次吃藜麥。飯粒軟硬適中，藜麥份量其實不多，但不知是否心理因素，好像多了一層香氣 燉湯很清香，淡淡的藥材味，這個價錢算超值了。對蝦多士沒抱甚麼期望，純粹＂發口痕＂而矣。餐廳除提供小菜外，還有粥粉麵，碟頭飯甚至烤魚提供，選擇真的蠻多的。

今晚唔想煮飯，去咗藍田啓田商場嘅《桃園制作》嚟開餐。食肆面積頗大，座位闊落舒適。揀嘅係晚市自悠選，叫咗個胡椒豬肚雞煲，加馬拉盞通菜炒牛肉，另加多$20，配是日燉湯和藜麥飯。燉湯先上，蟲草花茶樹菇燉瘦肉，清清哋。馬拉盞通菜炒牛肉繼而上枱，份量相當足，通菜鮮嫩爽脆，牛肉都算嫩滑，惹味菜式，好好送飯。胡椒豬肚雞煲熱辣辣登場， 鹹菜、雞塊、豬肚、雲耳、腐竹、紅椒...材料十分豐富，仲加咗個蠟燭臺，慢慢滾住嚟食，可惜胡椒不足，味道較淡，如果加多點辣和鹹，相信會好味好多。埋單盛惠$158，兩個人晚飯唔算貴。

中午時間我未食過這間店，常常經過人來人往入去食。睇睇門口餐牌都叫做樣樣都有，粥粉麵飯。入面佈置得不錯燈光都算光猛，唔會暗暗沉沉座位大部分都是有梳化都舒舒服服，仲有冷氣非常足夠有泡飯又有麻辣湯粉麵一般都是$35-$38叫一個睇睇有幾麻辣我唸我早餐都要來吃.$20 -$22 都已經有一個早餐+一杯熱飲你話禁平既早餐去邊度搵來了墨魚夾米粉,估唔到份量都唔野少,我一個人絕對食唔晒+$11 食個炒麵,完全唔會太油正呢個$23 雲吞皮,叫完先覺得唔係好抵食個汁都OK.仲有個沙律醬的員工服務少人,但他們十分勁完全可以應付到全場既客人有禮貌同態度好

平時喺茶餐廳食酸辣米線，都唔會抱有太大期望！但係呢間就令我非常驚喜啦！下午茶餐時間同朋友嚟啟田商場嘅呢間桃園食！同朋友一人叫咗一碗酸辣米線🍜我叫咗香煎豬扒酸辣米線🍜配飲品 $32酸辣湯底好夠味，而且配料又好足喎！有花生、韭菜、菜脯、豆卜～豬扒幾大塊又鬆軟又入味！要特別一讚佢個熱奶茶，又香又滑～朋友叫咗黃金魚片頭酸辣米線🍜配飲品 $30朋友唔係好食得辣啦！餐廳可以提供辣醬另上嘅服務～自己想加幾多就加幾多！覺得幾貼心～以下午茶嚟講，呢個價錢呢個質素確實值得推薦👍🏻

是日晚上與家人到了藍田用膳，而因地方關係，選了啟田商場的桃園，桃園開業初期劣評如潮，還記得當年早餐味道難食不堪，但是晚隔了4年再幫襯，確實令人驚喜！1. 蜜桃咕嚕肉與傳統咕嚕肉不同之處是配料蔬菜選用蜜桃而不是菠蘿，免去菠蘿那種過酸的味道。而且梅肉是即叫即炸，熱辣辣上枱，非常香口。2. 啫啫雞煲令人意想不到，桃園竟然連雞煲都賣，而且味道亦相當不錯，唯一不足是雞件較細件未能大大滿足。3. 上海糖醋魚似乎桃園正在為菜式改革，上海滬菜經典既糖醋魚竟然係呢度搵到，小小的黃花魚混合炸粉上漿，再淋上糖醋醬，絕對刺激味蕾。4. 豆豉炒花蛤海鮮似乎並不是桃園主打菜式，但作為推廣菜款尚可接受，經典大排檔菜式豆豉炒花蛤，豆豉醬夠香但花蛤實在太細，而且部分花蛤炒到爛殼，賣相倒扣了分。但整體對比以前是值得推薦的

久違的桃園之前間吾中都會一家人一齊食下自從忙過不停之後連一家人食餐飯都冇有時連飯都冇得食今日有時間湊埋大B一齊食大B吾食小菜,但我同👨🏻又想食就揀左黎桃園開餐🍳大B叫左隻糉,食哂成隻再嗌多個豉油皇炒麵我同👨🏻就嗌左豬膶🐖啫啫雞🐥豬膶冇之前咁好食個雞就keep到水準好夠味呀個面仲好香脆脆地水煮肥牛🐂因為想食辣先嗌哩個好彩都吾差,有薯粉系底味道夠辣,可以再辣d套餐+$20 藜麥飯🍚+燉湯是日燉湯猴頭菇蟲草花湯有渣好足料d豬肉仲要吾系柴皮系軟骨位全部渣都可以食埋唯一系湯真系吾夠熱咖啡紅豆冰我吾飲咖啡,所以比吾到評價

今晚回去跟自己爸爸媽媽吃飯，做個乖孩子。媽媽上班累了，於是我們決定外出吃飯，選了這連鎖店。這家店非常受附近的屋邨居民歡迎。這次點了靚湯，猴頭菇很好味！連瘦肉都好入味，非常足料的湯，值得一試！每次我都會叫一盅。另外，一道很受歡迎的是鹹魚煎肉餅！別看它的外表醜醜的，其實它很有內涵🤣外皮煎得金黃香口，但可以鎖住肉汁，肉餅一丁點也不乾！而且帶點鹹魚的香味，送白飯吃簡直一流！絕配！每次來這間點也必叫的食物！有一點希望店鋪注意的是衛生！