桃園制作粥麵餐廳 (迎海薈) (已結業)

放假晏起身食早餐自然食午餐既時間都會推遲左😂😂哈哈相信好多人都係咁😂今日就去左烏溪沙迎海個商場桃園制作嘆番個下午茶☕️🔺福建炒飯鑊氣好夠 飯炒得乾身飯粒粒分明 好有口感😋配料非常足夠有好多雞粒、香菇粒、紅蘿蔔粒等等令到我每食一啖飯都有肉係口入面 超豐富！！而且個汁真係好香口撈飯簡直食吾停口呀😋😋👍🏻再配番個凍檸茶少甜 正呀☺️價錢平 份量又多 真係好抵食😆👍🏻去開馬鞍山既朋友仔圈圈⭕️極力推薦可以試番個福建炒飯做下午茶😆

今日約了住喺馬鞍山的朋友喺呢度食午餐交收我送給佢嘅禮物，點左以下菜式分享👇1. 糖心蛋鹵肉豬扒飯 - 同上次來食一樣咁好食，糖心煎蛋做得比很多地方好，鹵肉濃味得黎不太鹹，豬扒醃得香和好味而鹹度適中，$59，加$3點了餐飲凍奶茶少甜，朋友都話凍奶茶好飲。2. 梅菜蒸鯇魚飯- 有三件豆腐卜墊在五件鯇魚腩㡳，梅菜用料頭精製過，特別香及好味，蒸魚的豉油一絕，比起李錦記蒸魚豉油更好味，加$3要了餐飲凍檸茶少甜，味道都ok。侍應生比多一隻碟仔俾我哋裝魚骨。呢度啲白飯有非常之少黑色的藜麥撈埋一齊煮，所以咬落去有少少爆口，幾得意下！但係由於菜式濃味，不知不覺食了超過一碗白飯，飽到上心口！呢度啲碟頭飯大到可能有兩碗，朋友話以後要叫小飯先得。

今日喉嚨有啲唔舒服，想食粥，特登去桃園餐廳，想食返碗皮蛋瘦肉粥，之前食過好好味😊入咗去，自己搵位，幸好到個單人卡位坐。服務員十分之忙碌，急忙問我吃什麼，也匆忙招呼其他客人，應該不夠人手😢由於太晏去時候，已經轉了餐牌，只有午餐，餐牌寫住 ，地道口味，蜜桃咕嚕肉飯。看見相片，好似幾好味，也叫一個午餐試吓先不用3分鐘就送上來了，果然大大碟，足料，肉質口感好味，鮮甜度適中，送飯一流檸檬茶，也幾好飲這次消費 ，$59 + 凍飲$3 = $62.00沒有加一 👍👍

今日約咗一位沒有見面兩年住喺烏溪沙的朋友喺呢度食午餐，由於面積很大及大多數的顧客食完就走，我哋傾左兩小時都唔好意思就走了！我介紹我朋友食呢度我試過嘅招牌菜「咖喱牛腩飯」套餐（飲凍奶茶走甜），佢話果然我冇介紹錯，啲咖喱牛腩做得比一般連鎖快餐店好很多，而且軟硬度適中，佢話懷疑如果奶茶叫熱的可能仲香，真係好似著名嘅金華冰室咁嘅味。我自己就試吓樣新嘢「肉燥煎雞扒流心煎蛋飯」套餐（飲檸茶少甜），肉燥好味得來唔太鹹，而且啲肉碎係瘦的同不痴牙！劍雞扒煎得香噴噴，表皮是脆的，不過我怕肥所以沒有食雞皮，流心煎蛋係招牌菜式！大家都認為超好食！每位$66.5，抵！哈哈！原來我朋友雖然住喺烏溪沙都從來沒有在這兒吃過東西，通常在工作的地方附近食完晚飯才返屋企，平時返工的日子很早就要出去了，佢話佢要試埋其他菜式睇吓係唔係咁好食！

今日住喺馬鞍山嘅朋友約咗我你烏溪沙站呢間桃園8:30鐘一起食早餐，因為要送一張留心奶黃月餅的換領券給我，我地點左：1. 叉燒流心煎蛋湯米粉+蒜蓉牛油多士+凍檸茶少少甜$37+11=$48，原先是跟即食麵的，因為要減肥所以改了米粉，味道很好，嗰隻煎蛋做得非常之靚。2. 皮蛋瘦肉粥+炒麵+熱鴛鴦$36，朋友話啲炒麵比起以前好食好多，以前啲配菜係白灼芽菜仔，現在是炒椰菜絲和紅蘿蔔絲，啲炒麵不會黐埋一堆，而且爽口彈牙，調味料有比以前惹味（以前的意思是幾個禮拜之前）；皮蛋瘦肉粥都好味，熱鴛鴦也OK。3. 外賣皮蛋瘦肉粥及鹹肉糭套餐攞返屋企俾爸爸今日做午餐，$32，外賣盒要加一蚊，爸爸話啲鹹肉糭好好味，如果100分值80分，切開個鹹肉糭一半的時候整個廳發出一陣香味，爸爸冇落豉油食，佢話皮蛋瘦肉粥留返今晚食，因為只係食一個鹹肉糭已經好飽了（其實係佢細食啫）！

去完烏溪沙玩，去附近屋苑商場，未試過依間餐廳就入去試試先！tea time既menu,係依個豪宅區黎講個價錢都算便宜重點係包埋野飲！首先野飲到先明明叫左小冰都係咁多冰太多想食既野，第一眼見福建炒飯突然間好好想食，所以叫黎食下！係tea time黎講有福建炒飯真係小有，個mini版都唔算太mini架，好足料，好多雞粒，菇，微型帶子等炒埋一齊，每啖飯都有肉係口裹,個汁好香撈飯簡直食唔停口！三絲炒鴛鴦米，材料有粉絲，米粉mix埋一齊炒肉絲，雖然普通但食落都幾好味，可惜依間店d職員態度十分差，如果職員態度改一改相信會更加好！碗有d都洗得唔太乾淨！

早兩日係屋企會所玩完gym,就去左桃園high tea,叫左碟三絲炒米粉,都算大碟,炒得唔錯唔會一嚿嚿，同埋幾香,有雞旦肉絲,不過就有Ｄ鍋焦係上面，就真係唔係太衞生,有侍改進

第一次嚟食桃園製作睇來睇去最抵食都係呢個二人套餐有飯有湯又有兩個餸仲要係蒸魚都只不過係$158真係幾抵食所以決定試一試湯感該係燉湯非常足料大大嚿豬肉喺入面仲有好多紅棗而且一飲就知煲得好夠火喉非常有味，不過就油左少少魚香茄子煲用鐵鍋奉上所以食落熱辣辣唔會怕凍而且住得非常野味入面仲有菇份量亦都好足蒸魚非常大條而且蒸嘅時間啱啱好魚肉都算嫩滑而且吾會好腥等候時間亦都唔會太過耐不過蒸魚嘅豉油就淡左啲飯嘅份量亦都非常大碗入面仲加咗藜麥所以非常之健康套餐嘅份量非常足料所以都唔使怕會唔夠食因為碗飯快到我最後都食唔晒而且依家用雲閃付優惠買滿$30減$20所以最後要比嘅價錢都只不過係$138而且免收+1服務費以後食飯有多一個選擇

本身6點幾想打邊爐﹐正想搭車去連鎖店搵食就見到桃園制作的 $68 雞煲就入去試食﹐環境好舒適!雞煲有分惹味味 (應該是不辣) 同麻辣味我選了麻辣味  辣是無法抗拒的同其他連鎖店一樣﹐都是有個小火爐在下面上菜後要先等滾起先食﹐好難熬辣味基本上吃不到﹐不過雞件很大塊而嫩滑每件夾起都有醬汁掛住﹐惹味非常不過其他配料可能滾得太久﹐變得溶爛﹐失去了口感整體上性價比高﹐份量很大！另外叫了很多蔬菜﹐份量需不多﹐不過吃雞煲已經吃飽。下次要再來試試其他煲

晚餐款式唔多品質唔掂來來去去都係個幾款，食得多都厭倦之前我晚上去淨係欣賞佢個鹹魚肉餅煲仔飯和熱奶茶，佢地近期換左廚師下午茶質素比之前好tea set大碟左仲有炒飯質素好左好多~價錢合理，其實整體來講佢地d餐單要轉換多點款式，服務員多請幾個來平衡人潮

嚴重呃錢！豪仔泡飯得手指尾指甲咁大野好仔唔夠10粒！$54 食油湯浸飯-.-番茄蛋豬膶湯飯同樣地！蜘蛛人咁平都落咁少數埋得五片細細嘅！其實正確啲來講係5樓仔🤦🏻‍♀️我唔明點解要做到咁差！其餘係個底飯多番少少，不過梗係啦佢再貴啲嘅，六十幾$70 尼家野嚴重呃錢 以後不會食

星期曰唔想煮飯，晚餐諗住近近地係屋企樓下食。之前係度食過午餐，麻麻地，但見佢外面啲食物圖影得ok, 咪同老公講比多次機會，試埋個晚餐，睇吓得唔得。我，老公同阿女３個人叫咗個避風塘炒面，梅菜扣肉，黄沙豬潤啫啫雞煲同埋四川水煮魚。點完菜，唔夠３分鐘，個水煮魚即到。我哋都好驚訝咁快，老公質疑啲野煮定既。碟魚望落去同平時啲水煮魚也不一樣，都唔緊要啦，點知我同阿女－咬落舊魚，生既!!未煮熟就攞出嚟！！老公開始不滿啦！跟住碟避風塘炒面，炒到林晒，唔似炒面似撈面。個黄沙豬潤啫啫雞煲，我哋係煲底先揾到塊豬潤仔，重要又鞋又硬！！最正常係個梅菜扣肉。但老公食到火火哋，叫我影低相，post上嚟等啲街坊唔好中伏!😥

港人下午茶美食推介之港式美食西多士，超推桃園制作的西多士。夠厚兼新鮮制作，價格又平！食過翻尋味，我已連續幾個星期六都食它！真的增肥節奏！但美食當前，又點忍到呢睇睇它有幾厚，中間夾住花生醬、大大塊牛油。炸魚柳薯條就不過不失吧！

位於烏溪沙迎海商場內的桃園算是附近居民的一號飯堂，環境尚算舒適清潔，不過平心而論迎海商場內幾間餐廳都幾乾淨。桃園最得我心是因為它的營業時間算是最長的，早餐選擇多，中西美食，粥品、糉、布拉腸粉及油炸鬼等，這都是在其他茶餐廳比較少食到的，個人最愛是皮蛋瘦肉粥，皮蛋大大舊，仲要溏心架。最重要的一點是它的早餐截單時間比其他餐廳晚一點，只要你早上11時30分入到去，還可以享受早餐，最啱我這種星期六日喜歡賴床但又想慢慢嘆早餐的懶人。晚餐時段的小菜也做得出色，加錢可以有燉湯和飯，燉湯材料豐富；小菜方面，我最喜歡蠔仔煎蛋，很足料，有點像蠔餅。餐廳有時很多人，而且大枱滴水，其他問題不大。

端午節系烏溪沙玩完，念住食個開心下午茶，揀左系桃園制作粥麵餐廳度食，點知⋯⋯叫乜冇乜，普通野（薯條、雞脾、炸魚柳、公司三文治）都冇，咁請問你個menu有咩呢？紅豆冰同西多士又甜到漏都唔緊要啦，後加左個避風塘炒麵，但食晒野連野飲都飲埋都未到又唔係多人，又唔係少員工，追一次冇答覆，追第二次冇答覆，要等幾耐都同我地講聲呀，追第三次話追左，d侍應服務態度又唔好，想話取消又唔理你，等到唔耐煩先同我拎黎，一句唔好意思都唔冇，碟炒麵又燶又咸永遠唔會再黎食，黑名單⋯⋯