桃花源小廚 (已結業)

桃花源小廚 Tim’s Kitchen ，Tim是創辦人及廚藝總監 黎有甜先生的名字，看到他的歷練 多次被邀請到海外作客席廚師及得獎無數 便可感受到餐廳為客人準備誠意的食物。朋友生日又是聚一聚的時候，我們到上環店晚餐是喜歡那兒比幽靜，大家可以𣈱談一番。晚市四人套餐是超值之選，例湯是陳腎西洋菜，朋友見到送上的湯渣已急不及待嘗試一下，那些煲過的腩肉仍是甘香有口感的，肥肉部份雖然唔肥膩感，但我都是少吃為妙，湯當然是好飲啦！瑤柱貴妃雞(半隻) 肉質鮮嫩、雞肉彈牙有雞味，不錯。豉汁蝦球 汁醬非常濃郁，蝦肉爽口，送飯佳品。除了以上3款指定食物外 還有很多選擇可以配搭，我們揀了三款小菜，冰鎮鵝肉卷是非常惹味，燒鵝肉煙鴨肉及配料填得滿滿的，煙煄味濃厚，口感豐富，下次一定要再吃。菠蘿咕嚕肉及上湯浸時蔬也有水準。另外我們加叫甜品，陳皮紅豆沙 香及起沙。杏仁茶香滑，可以再濃一些。芒果布甸充滿果肉，香甜滑。重點推介是香軟麻𥔵酥，外皮是香脆酥皮，熱熱的很有層次，裏面包裹着一個香甜的芝麻糯米糍，那種感覺是難以形容，一口咬下有酥脆軟糯的感覺，一定要試一試。

這次和爸媽去試新餐館其實食物味道唔差，但溫度控制真係唔得先試咗個蛇羹，其實應該叫蛇湯，因為因為太稀，同埋有d鹹。加上溫度不夠，只係luke warm, 所以覺得進步空間很大。咕嚕肉不夠熱，肉也不夠鬆化，炸漿太厚，但咕嚕醬汁還是ok 的。桂花炒瑶柱 都係同樣問題，唔夠熱，但味道ok ,夠乾身鮮蟹黃扒竹笙 雖然不夠熱 但好夠料 好多蟹肉 味道剛好鮮蟹肉蛋白炒飯 最失望的一道菜，唔夠熱就預咗啦～但d飯水氣太重，一舊舊，唔夠鬆身雖然唔油 但無鑊氣(其實以上所有菜都無鑊氣)紅豆沙，唯一夠熱的餸，不錯服務態度也不錯，至少我哋同佢建議d嘢唔夠熱，都無搵藉口推搪，有講唔好意思，仲送甜品，仲會主動唔洗叫就加熱水，算係驚喜😀

適逄腦細中午冇約人食飯，就帶住我地D小薯一齊出去覓食。行經呢間腦細話D野幾好食，於是入去就坐低左啦。佢地既點心價錢都算正常，款式唔算好多，但都夠做。個叉燒份量都幾多，因為都成$118，但偏瘦同埋好窄身，唔係好食到蜜餞果種甜味。雞包仔已經好少地方可以食到，入面有粒爽口大蝦同菜肉絲，味道唔錯。XO醬煎腸粉係好食既，鑊氣夠，又入到XO醬既味，係多油左少少，不過食得炒咩粉麵之類都係多油架啦，一於少理~鮮蝦菜苗餃: 價錢偏貴，平均$15/粒，不過餡料十足，有幾粒大蝦同菜苗，個皮彈牙得黎夠薄又唔會穿戲肉黎啦...食到一半，腦細突然話呢度最出名既係佢既大蝦球同蛋白蒸蟹鉗，於是就叫左一人一份。原本我以為係$170一碟咁，點知原來係$170/隻!!Um..佢上面有塊金華火腿，隻蝦係好大隻好彈牙既，下面都係菜苗黎..係好食既但我覺得唔值$170...另外果隻蛋白蒸蟹鉗，$370/隻。其實呢個係好味既，個蛋白好嫩好滑，帶少少酒香，應該好考功夫。個蟹鉗都好味，拆晒殼直接食，啖啖肉。但個蟹鉗唔算大隻，連平時闊佬既腦細都話佢隻蟹鉗細隻左好多，唔抵食。最尾3個人埋單成接近$2000，真係好貴呀...其實唔嗌果個蝦同

香港🇭🇰で美味しくて、静かに広東料理がいただけるお店としてお友達にご紹介いただいた桃花源。2フロアーに比較的余裕ある席の配置。スタッフもテキパキとしていて、英語もOK。生姜と金華ハムの炒飯が美味しい。

週日來到上環街頭, 本想去什麼xx魚翅海鮮酒家, 但實在又覺得有點冒險,因為在OR實在是"好評如潮" ! 俾咗錢但要博50/50的話, 我寧願去名氣沒那麼大的另一同街選擇:桃花源這裡只在13年來過食晚飯, 行到門口望下玻璃見有張紙貼喺度, 寫住:"由5月XX日起兩點後全單八折", 張紙都頗舊了, 睇嚟唔係預告而係已經實行中, 打個電話入內問下先, 果然係一至七都係咁, 呢日有D Luck喎! 其實等於做下午茶只不過老闆可能覺得叫下午茶時段有點降格, 於是出全單八折, 不過我又寧願佢全單八折重來得實際, 因為叫其他小食呀,小炒都變成八折, 好多酒樓依家將午市點心價同下午茶點心價縮到好近有時甚至只係一蚊嘅差異, 咁重有乜意思呀! 入內見裝飾同5年前大致相同,  客有7成滿, 點心價位同一般大集團,新酒樓的差不多但八折的話就完全兩碼事變得較為親民, 同時這裡週日人比較少, 我們這天在同一時間用某大集團apps訂那位於大會堂的"皇宮", 那裡起碼要到兩點半之後才到我們嘅籌, 但我們在這裡已經開始食第一轉了, 這裡茶位＄24那天點心如下:價錢以正價顯示頂級蝦餃皇$45  餡料是纯蝦, 質量是鮮味

曾經這𥚃是我喜歡的食店，應該不是説這𥚃，應該說舊店，在舊店吃到現在裝修美美的店，還記得很喜歡吃這店的冬瓜蒸蟹拑！今天朋友建議來這裡食晏才想起它！XO醬煎腸粉欠了點鑊氣，味道較淡。香煎蘿蔔糕不錯，但每塊可以厚一點。燒賣普普通通。紅棗糕是唯一令我覺得保持水準的點心。其實，我想説的是曾經是米芝蓮二星的食店，看到現在的質素，作為它曾經的粉絲，的確令我有點點痛心，要說的是它現在不是很差，説實在它現在比很多酒家的東西都較好吃，只是我曾經嚐過它的好吧了！對不起，我對一般食店較寛容，對這些我認為它有能力做得更好的店，要求是比較高😅

今晚一行五人到這裏食晚飯，叫左個 $668/4人餐，有以下五餸一湯。椒鹽中蝦，幾大隻，好香口肉質又彈牙。香妃雞半隻，肉嫩又滑，吾錯。菜干豬踭湯，好清即系冇乜味。菜遠牛肉，牛肉不少，入口也不奀，幾滑。波蘿咕嚕肉，用梅頭啖啖肉，做到皮脆肉嫩，但個汁略為薄身，不夠完全掛在肉上。粟米魚柳，魚柳好似炸左好耐咁，淋曬，完全吾掂。另外加左雞絲汁煎生麵（$118）個汁目測好似白汁，但入口就系另一回事，生麵煎到好脆囗，口感十分得意，但應該試過便算，不會再叫。蝦籽山根豆腐（$118）碟底的菜遠全都是凍的，豆腐就幾嫩滑。夀包1打（$48)，包皮軟軟的，內𥚃蓮蓉豐富，這個又抵又好食。杏仁茶2客（$25/客）淡淡杏仁香又不太甜。陳皮紅豆沙（$25）明友叫的，冇試。鐵觀音 （$10/位），埋單 $1200，環境舒適，食物可以。

做冬屋企一定食中餐！呢間中菜一直都獲好評，又喺我想去嘅餐廳wish list入面，咁啱見到有做團購，每位套餐八道菜只售$288(茶芥$12/位及加一另外收取)，所以買左同屋企人去食！餐廳座位闊落，上環屬寫字樓區，放工後一到晚飯時間真係唔多人，靜靜哋感覺舒服。大家都滿心期待住上菜嘅一刻：* 前菜拼盤 (手拍青瓜，煙熏鵝肉卷，脆皮燒腩仔)前菜每一道都做到恰到好處，各有特色。* 雞絲花膠羮湯底入味，每一啖都好濃郁。* 日本遼參扣柚皮柚皮確實非常出色，真係好入味，遼參雖然大條啖啖肉，但味道就相對較淡未係好入味。* 咕嚕蝦球大大隻蝦碌，咬落仲好爽口㗎！* 花雕醉鴿啖啖充滿花雕酒嘅香，值得一讚* 上湯時蔬* 荷香糯米飯 其實食埋時蔬已經開始飽，再嚟個足料嘅糯米飯，裡面又雞又臘腸又多肉，真係好滿足！* 芒果布甸甜品個樣咪睇佢平平無奇，平時茶樓飲茶都有，但食落有驚喜，唔粉得嚟又夠滑！好味過好多茶樓同糖水舖嘅芒果布甸！每一道菜雖然份量唔大，但食晒八道真係好飽。以團購嚟講，以咁嘅價錢食到每一道菜都貨真價實，有佢應有嘅水準，唔係馬馬虎虎嘅菜式，超值值得推介！

中午吃飯尋幽探秘是人生小樂趣，覓得好地方令人一整天都充滿力量工作，假如朋友都知道我這般好收買，得閒贈下美食，真係兩脅插千刀都攪唔掂。講返間餐館先，好像以前是米芝蓮一星的餐館，唔知點解後來無左，anyway, 望著從前的輝煌多少有點期待，果然也不負所望。先講講個鴨舌，好入味，好滑好爽，調味剛剛好！真係好高水準！ 海蜇亦爽口，但由於鴨舌太太太出色，海蜇堅係陪襯了。必點！牛都好入味，對我黎講係咸左少少，口感唔錯，可以一試。到個燒賣！ 真係好耐無食過豬肉鮮，鮮蝦爽，異常juicy的燒賣！仲有質地唔係好實，我覺得係手工包，唔係工廠貨色，嗯~食落有手工的風味，宜家真係好難搵，連蓮香居都食唔到呢個味道，呢種口感。實不相瞞我係好迷蔴蓉包，宜家好少茶樓供應，就算有都係量產貨，啲蔴蓉實到唔實，乾到唔乾。一見到呢度有，即刻點！ 有驚喜，啲蔴蓉好滑好juicy! 個包夠乾身，包同蔴蓉既比例岩岩好呀! 激讚! 食左兩個，大滿足!另外個餃呢，味道岩岩好，個水晶皮好滑~我少食水晶餃，唔夠膽講係咪一級，但我肯定佢係好食過好多有食過既水晶皮類餃子，因為個皮薄，而且啲餡係好juicy,無味精味，我俾like~價格黎講算

一行六人叫左個 $668餐再加左d其他野。個餐有：椒鹽海中蝦，隻蝦都吾細隻，好新鮮好香口好惹味，可以連殼一起食。貴妃雞半隻，皮嫰肉滑，但略為鹹左少少。西洋菜陳腎豬肉湯，冇乜味，好清下。自選小菜有：菜遠炒牛肉，牛肉滑淋兼有點獲氣，吾錯。咕嚕肉，份量比較少，得幾粒肉，肉粒炸粉不多但有點乾身，好一般。粟米（另上）炸魚柳，有七、八件，魚肉厚身香口。另外加左：义燒，上枱微暖，义燒帶點肥肉，外層麥芽汁包著，甜牙齒一定喜歡。腩仔肉，皮脆，肉仍帶點濕潤，都可以。鵝肉卷，用付皮卷著鵝肉，肉帶點燻煙味，普普通通。上湯浸芥蘭，芥蘭爽脆，清清地，吾錯。沙爹牛肉炒腸粉，牛肉切成肉粒帶點微辣，混了一些芽菜，腸粉就咁蒸過，吾系吾好食，但又不是可以好食到下次再叫。杏仁茶加旦白3碗，旦白不多杏仁味不濃，比較傑身，不太甜。芒果布甸，冇試。麻薯酥，外層酥皮鬆化，中間是麻薯最入面是芝麻蓉，口感豐富，幾好食。白飯1碗，埋單 $1500，抵嘅！

大約十年前，曾經在此家晚飯，當時看到餐牌，只覺價錢很高，吃完評價是不值，價貴，量少，十年前$400兩個人都吃不飽。今次分享不是翻舊賬，只是最近連到兩次是一班同事飲茶，印象有點改觀，或可以參考一下我們點了些點心同廚部，點心之中，冰鎮鵝肉卷是第一次食，應是今次比較夠味道的點心，覺得有叉燒味，又因為冰鎮，從雪櫃拿出來便可上枱；其他點心如蝦餃、春卷、蘿蔔糕等味道不錯中伏的是叉燒酥、粉果，叉燒酥被同事形容為外凍內熱，可能是微波翻熱，我吃了就覺得像一層厚厚的粉團包住好少的餡料，失望；所謂潮州粉果，只吃到基本的料，師父手工絕對看不出又吃不到；燒賣我沒試吃，只覺賣相一般涼拌木耳的涼拌汁較甜，同事吃到有話梅味幾特別，我就覺得太甜。馬拉糕就一般，翻蒸好像很實的樣子最後，廚部炒飯及伊麵，味道不錯，可是，與平日吃慣的份量可差了一截，價錢卻是貴過普通茶樓，只可當是兩碟小菜吧！總括來說，以這個價錢午餐，在同區是可以有其他吃得飽又滋味的選擇，下次再來或會是幾年後的事了！

My wife and I were visiting HKG over the CNY period and we decided to have dim sum lunch with some friends at Tim's kitchen in Sheung Wan. Staying only a stone's throw from Tim's Kitchen it was all the more reason to pay homage to this well establish restaurant. The restaurant from the outside looks quite smart with nice large framed windows. However once you poke your head thru the doors that's when you realise the decor inside is somewhat dated and in need of a makeover. No matter, what we are

東晉孝武帝太元年間，武陵有一位英雄，以尋找民間美食為樂。有一天，他順著溪澗前行，忘記路程走了多遠。忽然遇見一片桃花樹林。兩岸幾百步以內，當中沒有雜生別種樹木，芳香的綠草長得鮮嫩美麗，落花飄灑滿地；英雄覺得很奇怪。又繼續前進，想要走完這片樹林。來到樹林盡頭，就看到一間飯館。飯館門前掛了一個横匾，題為"桃花源"。英雄隱約覺得在飯館裡可以品嚐到人間美饌。他就停下脚步，走進飯館小歇。飯館裝潢不算非常華麗，簡單的桃花玻璃幕簾與牆飾，粵劇戲服刺繡被鑲在牆上作綴，頗有文藝幽雅的古息。不過礙於樓底所限，空間感始終有點不足，感覺有點侷促。在那裡碰到的人，無論男的、女的衣服穿著，都如同外界的人；不分年長、年幼都很愉快地自得其樂。他們看到這個英雄，就很驚訝，問他從那裡來。英雄詳盡地回答。他們就備茶、殺禽、作飯，向英雄介紹這間飯館。「這間飯館曾經獲得二星名銜」小二娓娓娓道來...為了讓英雄一嚐飯館的多款名菜，飯館特意為英雄預備了一道特選團購套餐(每位$288)。三式拼盤拼盤內有三款小吃，分別是冰鎮鵝肉卷，脆皮燒腩仔及酥炸杏鮑菇絲。冰鎮鵝肉卷是飯館名菜，腐皮卷內釀滿烟燻鵝肉粒，甘筍及西芹。鵝肉滷得入味，肉質厚實

呢餐掛住食唔記得影相成日都係食食下先記得，因為好好味!! 桃花源屬於有誠意有質素既中菜點心! 星期六去飲茶，幸好訂左位，意想不到幾full (因為位置較偏僻本以為不算多人) 舖內客人多屬上左年紀，應該多是熟客整體食物質素高，特別係燒腩仔拼盤!!燒腩仔皮脆肉香嫩，食過齒頰留香。炒豆苗豆苗幼嫩不油膩。其他點心都不錯，推介!!

椒鹽海中蝦竟然沒有椒和鹽, 請跟進後就放回一點鹽在上，沒有其他任何怯意表現 - 失望萬分欖角彩椒炒蝦球 - 欖角一定昂貴，簡直完全看不見吃不到。榨菜肉鬆炆豆付 - 沒有榨菜？？？很不滿意不會再次前往。