桜

營業中

休息中

黎到元朗周街都有好多野食既選擇，但都係心思思想食返依間手卷，今次仲有丼飯tim!! 真係花多眼亂唔知點揀好，因為佢每款配料都有好多配搭既選擇，好啦，終於決定好啦！今次就揀左蟹子帶子手卷，等左大概5分鐘就食得啦！當然係相機食先啦！D蟹子多到滿瀉咁濟，再配埋帶子，望落去已經好吸引！一口咬落去，紫菜仲係脆卜卜，加埋滿口蟹子，有一種「爽」甜既感覺，依道既蟹子比較大粒飽滿，所有食落會有卜卜聲，配堆帶子，兩隻鮮甜味好夾。食到中間都有配料架，唔會話淨係得舊飯。見佢刺身咁新鮮，就買多左個 外賣刺身丼飯返去同屋企人一齊食。極上刺身丼$78，都唔算貴，每樣刺身都有兩至三片，勁滿足！刺身分別有帶三文魚 、海蝦、 三文魚子 同埋帶子，樣樣刺身都好肥美！！D飯撈堆三文魚子，鹹鹹地，十分鮮味，好味到要分開幾次慢慢食。值得一提係佢既帶子，大大粒，食落啖啖肉，三文魚清楚見到佢切得好厚身，肥美得黎又唔會好濟，再加堆兩片甜蛋，滿足！

黎到元朗，就要食呢間桜手卷店~上次食左之前，就記得黎親元朗都要食!今次又係好多人係門口! 證明抵食又吸引喇！今次就揀左 三文魚籽加海膽手卷落完單之後就見到入面師傅即刻開始整~好快就有得食，啲海膽多到差啲跌出黎呀！仲有配埋新鮮嘅三文魚籽好滿足！紫菜仲好脆，好有咬口！另外，仲叫左個三味魚丼飯外賣有三文魚, 火焰三文魚, 中間還有牛油果及三文魚籽飯糧都幾多！夠當一個lunch~ 店員又係好貼心咁配埋醬油同埋WASABI下次黎元朗會再食^_^

本身好怕食唔新鮮嘅海膽，見咁多好評，諗住試下。果然真係出事....一睇手卷面頭嘅海膽顏色應該都唔多新鮮...嘩！味道真係又腥又苦又臭係我食過最最最差嘅海膽。吞拿魚蓉好少少，但都係腥！$46一件手卷都唔係平，總之冇下次！

今日同男朋友一齊放假去左元朗掃街，行到又新街，經過見到一間叫「櫻」嘅日本外賣店，門口放左好多手卷嘅相，好吸引😂我就叫我男朋友快d買比我食！實在係太多手卷選擇，我地都唔知食邊款好，個個都好吸引！最後我地就叫左三文魚拼海膽手卷！唔好以為佢好細件，估唔到份量都幾多，d三文魚都幾新鮮，幾大塊，海膽都唔錯，都好濃味！我地仲叫左一個極尚刺身丼，呢個都幾抵食，有成幾款刺身，個帶子都幾鮮甜，赤蝦都好大隻好爽口，三文魚籽配埋飯一齊食，勁好食，果刻覺得自己好幸福☺️店鋪仲會提供鼓油、辣鼓油、wasabi、勁辣wasabi，多樣調味料，最緊要係提供紙巾😂真係幾貼心！食完仲覺得有d飽😅間鋪頭仲有刺身賣，都幾靚幾新鮮，下次經過再買返屋企食先！

之前有寫過尖沙咀，一間很多人試的手卷店剛巧跟男友經過又新街看到這間，款式挺多，還沒到晚飯時間又有點餓，當作TEA TIME，每一個不用爭款式真的不少，我站著大概都想了個3,5分鐘...店舖比我感覺麻雀雖小五臟俱全可以在店內立食調品都有4款有勁辣好了，想要什麼手卷自己填最後男友要了"頂級紫海膽手卷"OH MY GOD，看得我也很想吃...男友給了我試，我咬了一小口很甘甜！我試過一口後不消一會已經被男友消滅..沒機會再試...還好我選的也有海膽，不過質感沒紫海膽甘香我沒有向店員查問我這個是哪款海膽赤海蝦就非常爽口，亮點都落在了他身上搶了海膽的風頭...不過...有機會我要獨佔一個紫海膽！

黎到元朗又新街，一向都有好多好野食，中意周圍搵好野食嘅我，今次搵到呢間櫻手卷。鋪頭門口有好多手卷嘅相，俾佢吸引左入下~手卷嘅種類好多，就咁睇都有4、50種，價錢由十幾開始～由普通嘅手卷到高級嘅馬糞海膽，帆立貝同火灸等等都有。今次就叫左個帶子拼海膽手卷，落完單之後就見到入面師傅即刻開始整喇！ 好快就有得食，啲海膽多到差啲跌出黎！配埋新鮮嘅帶子好滿足！岩岩整好啲紫菜仲好脆添。鋪頭有兩張枱可以俾人食野，上面有唔同嘅豉油同wasabi，有勁辣岩哂食得辣嘅我啦~除左手卷之外，都有唔同嘅剌身售賣，最受歡迎當然就係三文魚剌身啦，可以買幾塊又可以買半磅一磅咁，另外仲有成板海膽添！有加拿大海膽同紫海膽，價錢都幾抵，得閒可以買外賣番去享受下。仲有其他小食同幾種丼飯，叫左個鰻魚丼，比想像中大碗，啲鰻魚仲好大塊添！鰻魚應該有燒過，令味道更加突出。加埋啲蛋絲同甜甜嘅鰻魚汁配飯真係好好食。估唔到呢間小小手卷店嘅質素咁好，下次再試下其他唔同嘅手卷先！

平時經過又新街都會見到間手卷店，見到啲食物都好吸引，今次就打算試吓依間餐廳嘅手卷同埋丼飯外賣餐牌嘅選擇非常多，有唔同配搭嘅手卷，同埋最值得一讚嘅就係鋪頭嘅人手非常之多，速度都幾大下，我今次叫咗一個海膽帶子手卷同埋一個刺身丼飯，見着師傅好快手咁樣整咗個手卷出嚟，而且返仲係暖暖地紫菜仲係脆口鋪頭仲有好貼心咁樣整咗芥辣豉油同埋勁辣嘅芥辣豉油！如果特別鍾意食辣芥茉嘅人應該就會好鍾意，同埋佢係一支Mix埋嘅醬油所以食手卷就會好方便。手卷嘅刺身份量都幾多下，食到落底都唔怕得返啲飯，感覺好抵食。刺身丼飯嘅份量都好多吓有三文魚帶子甜蝦玉子同埋三文魚子，呢個配搭真係好正，食落去啖啖都係刺身，同埋個飯仲係暖既，撈埋所有刺身嚟食真係好夾。感覺上以外賣刺身丼飯來講，我個人覺得質素都唔錯，下次仲想試埋其他款式嘅手卷添！

成日放工經過都見到呢間桜個門口企咗成堆人，今晚就決定嚟會一會佢，解開呢個人龍之謎，餐廳主要係做外賣生意，不過店內都有一張細枱可供立食，食物既選擇有手卷，丼飯，刺身同埋飲品，今晚我就揀咗海膽併赤海蝦手卷，加一個極上刺身丼。只係等咗三數分鐘個手卷就送上，眼見塊紫菜好咁筆挺，淨係目測已經feel佢係有幾咁脆；海膽同赤海蝦既份量果然同相片中既一樣咁多，絕對無欺場；海膽新鮮，外表金黃有光澤，味道甘香鮮甜，肉質嫩滑而水分重；赤海蝦生長於極冷水域，肉身晶瑩，鮮甜爽滑，飽滿個大、肉質綿密彈牙，口感鮮嫩有彈性，味道濃口，散發住陣陣既蝦味。刺身丼材料豐富，有帶子，甜蝦，三文魚，玉子同埋三文魚子，飯粒比起坊間嘅壽司店無咁酸，唔會搶咗食材嘅鮮味；三文魚肥美豐腴，含豐富既蛋白質，可以維持肌肉量同有助控制體重，其多元不飽和脂肪酸Omega-3更加係重要既補腦元素，可保持心血管健康；帶子同甜蝦都好新鮮爽口，清甜美味，鹹香嘅三文魚子喺口腔入面，隨著每一下咀嚼逐小爆發，配襯埋甜甜地嘅玉子，滋味滿足。手卷同丼飯既質素都相當之高，CP值爆燈，唔怪之得客似雲來啦；另外個蟹將軍丼都十分吸引，宜家推廣價仲只係52蚊炸，真係要快啲

對於元朗又新街呢一條食街， 大家一定唔會陌生。 皆因各式各樣嘅小食店開到成行成市， 住喺元朗嘅居民可謂大飽口福 。呢間為於又新街公園對面嘅 《櫻》 壽司外賣店， 喺開飯嘅時候 ， 總會排滿等待外賣壽司嘅人。 小店屬典型外賣小店嘅格局， 小小嘅櫃枱後面就係壽司師傅嘅廚房， 雖然只有兩三個企位 ，但往往平靚正嘅嘢食都係呢啲地方發現。呢間壽司外賣店就主打花款多，同平靚正。 淨係計手卷都有成差唔多五十款選擇。 價錢亦相當大眾化油14蚊至54蚊不等， 可謂豐儉由人。除咗手卷壽司之外， 仲有幾款嘅丼飯， 最啱就係買碗返屋企當飯食，碗都唔使洗，夠曬方便。【吞拿魚魚蓉拼海膽手卷】$46， 呢個價錢可以食到海膽同吞拿魚蓉簡直係相當抵， 粉嫩嘅吞拿魚蓉口感細密， 大廚將吞拿魚剁成魚蓉， 食物夠曬綿滑， 吞拿魚蓉油脂比較豐富， 一放入口已經喺舌尖上溶化。 海膽亦相當新鮮， 而且份量亦唔少，味道夠曬甘香， 可謂絕不欺場。 由於即整即食， 紫菜仍然都係脆卜卜， 壽司飯嘅味道亦調配得不錯， 總括而言，誠意可嘉。至於【鰻魚丼】$58，質素亦相當不錯。 鰻魚蓋滿飯面， 份量夠曬多， 而且鰻魚底部仲有蛋絲， 賣壽司飯一

由於屋企人住喺元朗嘅關係 一個星期總會入元朗一次每次喺又新街落車 總會被兩旁花多眼亂嘅食肆所吸引偶爾發現呢間 【櫻】 嘅日本壽司店 經常都排滿客人細看之下原來 呢間細細嘅食店專門推出各款手卷以及刺身丼飯 更以大件夾抵食見稱今日就買咗一個刺身飯同手卷返屋企慢慢品嚐試下係咪真係又大件又新鮮《極上刺身丼》$78 呢個價錢嚟講可以食到個刺身丼真係認真超值有成四款刺身 三文魚 赤海蝦 三文魚子 同埋帶子刺身仲有玉子添三文魚刺身夠曬肥美 每塊都夠曬厚赤海蝦蝦肉彈牙爽口 大大隻 味道夠曬鮮甜 而且仲去埋蝦頭 食落啖啖肉夠曬方便三文魚子就夠曬鹹香 用嚟撈埋壽司飯就最正至於帶子刺身夠曬甜 雖然唔算好大粒 不過食得出係新鮮貨色至於壽司飯 落醋嘅比例易拿捏得幾好 帶點點酸味 夠曬開胃另一陣店之選 【海膽拼赤海蝦手捲】$46金黃色嘅海膽夠曬新鮮 而且份量亦相當之慷慨海膽融化入壽司飯之中 味道甘香 每口海膽都極之鮮味 令人食之回味 齒頰留香至於赤海蝦同人哋都係非常大隻 肉身夠厚之餘 又挑埋蝦腸 食落唔會有沙如此抵食嘅價錢 可以食到質素相當唔錯嘅刺身同壽司真係相當超值 難怪經常都排滿人龍啦

近排好少過嚟又新街呢邊，估唔到無嚟幾個月，俾我見到喺太安樓見過既桜，仲記得當時對於佢地個勁辣wasabi相當有興趣，躍躍欲試，今日係機會喇。元朗分店呢邊同太安樓一樣都係立食，點餐既時候窺探到廚房入面都相當乾淨企理，眼見幾個師傅喺度忙於處理手卷丼飯，製作相當認真。舖頭左手邊既位置係立食區，中間就係點餐既地方，旁邊有放滿各款新鮮刺身既冰櫃，負責點餐嗰位小姐樣子標緻，親切可人，仲有唔少靚靚OL幫襯。手卷嘅款式繁多，大大話話都有成五十一款，加埋幾款熱門既人氣丼飯，有選擇困難症既朋友最好都係揀咗食乜先好嚟。因為見到其它食友既相，個赤海蝦係非常之肥大肉厚，所以揀咗火炙牛油赤海蝦手卷，一嚟到就見到個實物係幾咁震撼，隻赤海蝦仲勁過慈母既手臂延伸，一直延伸到消失於紫菜同飯粒入面，急不及待將枱面既豉油同埋我最期待既勁辣wasabi均勻咁滴於手卷之中，一啖入口，首先嚟既係火炙同埋牛油既香味，火炙後既香味係我既至愛，跟住赤海蝦既鮮味充斥住整個口腔，加埋勁辣wasabi既刺激感覺，我只能夠說一個字..爽皮。另外嗌咗個極上刺身丼，材料有三文魚三件，帶子兩件，甜蝦兩隻，玉子兩件，同埋為數唔少既三文魚籽，以呢個價錢嚟

近期元朗新開了一間手卷店，居住於新界既我一定會去周邊試一試。呢間手卷店， 位於新b仔附近，其實去開b仔一定經過。外型細細地，但又好有日本小吃店既感覺。手卷有好多，有唔同類型嘅手卷選擇，我就一如往常叫了海膽手卷。佢唔單止售賣手卷，亦都有丼飯賣，我梗係不會錯過。呢一個海膽手卷， 基本上材料全部都放咗喺手卷上方，材料多過出面一倍，海膽鮮甜，肥美，超有咬口，簡直就係超級好好好好味。而我也有叫到蟹丼，有全隻蟹為主，材料非常豐富。當中嘅材料好新鮮，又熱又大件，重點即叫即整，完全同出面放左好耐既軟殼蟹不同。呢一度嘅價錢又平又抵，食物質素也是很高質素，所以相對上我覺得係抵食嘅，有機會我會再來幫襯，因為佢真係好新鮮同好平。

今日同朋友去元朗行街，咁就順便入去食好野，又想食壽司類食物，咁就上網見到呢間店，又幾近元朗西鐵站。佢係主要係買手卷嘅，有好多唔同嘅手卷都差唔多有五十幾款手卷，其實價錢都幾親民，所以吸引左我哋去嗰度食。去到嘅時候都有幾個人喺度等，叫左刺身丼$78]，超級足料，又有海蝦（勁大隻呀），三文魚 ，蛋，三文魚子，超多餸啊，好新鮮，好鮮甜😻😻手卷係即叫即整嘅，所以非常之新鮮。手卷方面我就叫咗個，手卷好足料，海膽勁多，味道有好濃，一啲腥味都冇，再加埋啲吞拿魚蓉食落去個口感真係好正。裏面擺咗一張枱比我地堂食，豉油Wasabi都係自助。

今天去了桜手卷一直也有不少朋友提議去吃，因為很多人推薦話全部材料是空運來香港，完全不過夜，每一天也有新材料到達，一直諗住來試。今天總算可以吃了極尚刺身丼飯，全部材料好新鮮和鮮甜。特別是甜蝦，一啖啖都是肉，完全吃完一隻又一隻沒有停過。有時出去食甜蝦刺身，出面既壽司店沒有清洗太乾淨，例如，蝦腸，但是桜手卷好好，完全清潔得很乾淨。除此之外，另外手卷也很好味道，都是叫了甜蝦海膽手卷，海膽分量都算多，因為出面既只有一兩件，但這裡有三大件，沒有腥味，好多時唔新鮮既海膽有腥味好難搞，冇選錯食物。總算是沒有來錯地方，下次一定再來吃。老闆和員工也很好服務態度，見到我經常保持笑容，也會把手卷好細心擺好，圖片和實物一樣樣，沒有呃人，價格又合理，下一次要再叫其他丼飯試，好像有蟹將軍丼，是全隻蟹炸。相信一定是好吃。

今日經過元朗，又想食壽司，見到而一間唔錯既小店，佢都幾近元朗西鐵站架，10分鐘左右。裏面嘅選擇得都幾多，有好多唔同嘅手卷，又有甜品， 又有飲品，又有丼，我哋去行少見到都幾多人排隊架。旁邊呢有豉油辣同唔辣俾我地選擇，有一張枱可以俾客人喺度食嘅，不過通常大多數人都外賣，而且個價錢都好親民，所以呢吸引唔少人嚟食嘅。咁我地就試咗(吞拿魚蓉拼海膽手卷$46)，話佢嗰啲海膽同吞拿魚蓉係勁多架，食落海膽好新鮮好鮮甜，吞拿魚蓉食落去好新鮮。(海膽拼三文魚子手卷$56)，分量多都係幾多架，三文魚子呢都好新鮮，咬落去呢卜卜脆，海膽非常之鮮甜。(極上刺身丼$78)，咁佢呢個裏面好多材料，有玉子，三文魚刺身， 北寄貝，帶子（有原隻帶子，超大粒，超鮮甜），三文魚子。超級豐富呀，見到佢應該係即叫即整嘅，所以係非常之新鮮架。(三味魚丼$58)，佢係好特別嘅，佢有三種唔同整法嘅三文魚，一款炙燒三文魚，燒得啱啱好，個口感好creamy，另外一款係有少少辣嘅，配埋啲飯呢係超好食架，最後一個就係原味嘅三文魚，係好新鮮啦夠凍啦。見到店裏面重會買三文魚刺身，拎返屋企食都幾好架，仲有原隻椰子波波，平時好少見架，不過食得太飽，冇叫