桜

營業中

休息中

終於係元朗開外賣壽司店啦，唔洗再岀到葵芳先有得食。地理位置又好，係又新街行完街餓餓地去隔離就有得食。𣎴得不讚嘅係佢款式好多，樣樣都好靚咁，真係好難揀😂😂而且所有材料都好新鮮。佢嘅蟹將軍丼用料好足，有好多餸包括一大隻好厚肉嘅軟殻蟹同蟹柳，仲有一堆蟹籽。飯量都唔小，女仔食會有剩，而飯上面仲伴有一堆蟹柳絲。軟殻蟹係即叫即炸，冇雪味，炸到岀嚟冇油膩膩嘅感覺，而鋪係底嘅飯亦都冇吸到油。價格仲要好親民，只係五十幾蚊。質素仲要咁好，性價比極高！🤤另外仲叫左個三文魚籽海膽手卷，海膽真係大大片🤤🤤唔苦仲有陣甜味，三文魚籽又夠多😬食到底仲有料。平日真係最怕啲手卷得個面有餸，食到下面得翻啲飯😂但佢又唔會，真係又抵又好食。呢度仲竟然有椰子波波賣🙈唔洗岀到九龍城就有得飲❤仲要只賣25蚊就有大大個椰子波波，多水又好飲，2個人share都得。

今日一個人帶著狗狗去做寵物美容，尋美食之際，走過又新街見到有間日本手卷店門口 ，很多人在排隊。看到有那麼多人排隊，一試之下，絕對是驚喜的大發現。先說一下環境，店舖以日式作主題佈置，環境舒適整潔。餐牌展示清晰，新鮮的刺身、海膽、魚籽等食物放在玻璃櫃裡一目了然，每種食物看上去都十分吸引，真想每種都試一下！行近舖面，挑選食物之際，發現原來店裡食物款式很多，除了手卷外，還有刺身、丼飯、沙律等，每款都很吸引，身為吃貨的我，一個手卷絕對不足於填滿我的肚皮，喜愛吃刺身的我，最後就選了一個極尚刺身丼和三文魚海膽手卷。刺身丼很新鮮，魚生款式很多，帶子及蝦十分鮮甜，輕輕加上幾滴豉油，已經分外美味，店裡還有勁辣wasabi讓我們選擇，那麼特別，當然要試下，嗜辣的我都感覺到勁辣wasabi的威力！三文魚海膽手卷更是驚喜，本來很擔心海膽不新鮮會苦，一試之下，海膽十分新鮮，帶有鮮甜味，味道跟我在日本吃的很相似，回味無窮這間店真心誠意推介，以後在元朗又多一個吃貨點

我平時去街都好少會買手卷食 但係今日同朋友入左元朗行街行行下口痕想搵啲嘢食 俾我地見到間手卷店鋪 款式都幾多 餐牌超大張 俾佢吸引左 仲有埋我最鍾意食嘅海膽 所以我地就決定入去試下 我就叫咗個海膽加海蝦手卷同埋極上海鮮丼海膽好滑 好新鮮好大pat 佔左手卷面嘅一半 30幾蚊食到大大pat嘅海膽超級滿足 海蝦仲要好彈牙好有口感 冇諗過隻蝦咁大隻 超正 無可否認佢哋嘅手卷真係好足料見佢個極上海鮮丼幅相好多餸超吸引 所以就叫左黎試下 黎到同幅相一模一樣 真係超級足料 每款餸都有兩件或以上 分量啱晒我呢啲大胃王 本身係超級肚餓 我都食到飽一飽 味道方面 啲魚生好新鮮 帶子肥厚 蝦同三文魚都好新鮮 啲飯酸度幾適中 飯亦都唔太硬 好味！環境方面都好乾淨 雖然豉油同埋Wasabi都係自助 但係張枱同埋調味料嘅地方都好乾淨 最重要係有埋紙巾提供 唔會食到污糟邋遢 無帶紙巾都唔使怕 呢一點真係值得一讚！下次入嚟元朗掃街我一定會同D friend再食多次 ～

平時都會去又新街掃下街食下小食，今日發現左一間新開既外賣壽司店，望落個門面靚靚仔仔，一於入去試下啦！一打開張點單紙已經見到有差唔多六十款手卷，樣樣都望落好新鮮🤤🤤最後點左我最愛既海膽手卷，手卷入面有好多海膽😍一食落去超鮮甜，一啲苦澀味都無，果然夠新鮮，一個字：無得彈！另外點左個三色三文魚丼，入面有三種三文魚，分別係火炙，辣味同埋三文魚粒，中間仲有d三文魚籽同牛油果，全部都好新鮮好足料，大大碗先係50幾蚊😆！平時茶記食個頹飯都要啦～不得不提既，佢連豉油有分普通同辣豉油，芥辣都有分普通同勁辣，真係好細心，岩哂我地呢d愛辣人士呀😆😆😆🤤。

無下次，黑名單之首。食煙又唔洗手，整所謂手卷， 魚生係臭既。買左食左一啖，成廿幾蚊一卷貴，不合理，酸既臭既，即時丟掉！crazy騙人錢，完全唔明點解有咁多好評？間鋪頭啲嘢食難食。店員態度惡劣，聽執。ps.一個個年輕嘅女店員，負責收銀，佢嘅態度真係極度差。連一啲基本尊重人嘅意識都冇，完全唔明點解呢間鋪頭會請呢啲咁嘅人。佢嘅服務態度嚴重直接影響呢間鋪頭食物嘅水平啊，佢冇衛生，亦都冇待客之道。完全唔明點解有咁多好評？間鋪頭啲嘢食難食。店員態度惡劣，聽執。

近年來手卷店風氣盛，呢類型嘅店終於開到入元朗。 既然喺元朗咁就腳，我當然要去光顧下啦。呢間小小嘅手卷店， 位於雞地嗰邊，喺鳳琴街同合益廣場中間，而且來光顧嘅客人亦都比較多，所以都唔難搵到佢嘅位置。呢度嘅手卷選擇好多，有唔同類型嘅手卷任人選擇，亦都有比較多樣化嘅配搭，都幾花多眼亂，但係總會有一款啱心水。而佢唔單止售賣手卷，亦都有丼飯賣。同埋一啲盒裝刺身，無殼椰青亦都有。而我就選擇咗海膽拼赤海蝦手卷同埋極上刺身丼。呢一個海膽赤海蝦手卷， 基本上材料 都擠滿咗喺手卷上方。咬一啖，都可以令到啲海膽同赤海蝦可以由手卷上跌落嚟，所以食嘅時候要好小心。赤海蝦鮮甜，肥美，超級有咬口，而啲海膽亦都非常有鮮味。拼埋一齊食簡直就係超級好味。而個極上刺身丼，由幾種刺身拼合而成，有三文魚，帶子，甜蛋，三文魚籽等等，材料非常豐富。我比較鍾意佢嘅三文魚籽，因為一啲腥味都冇，而且每粒咬落去，會爆嗰下嘅感覺令我覺得好得意。佢當中嘅鮮味亦都非常適合撈埋啲飯一齊食。呢一度嘅價錢適中，甚至有機會比出面低少少，但係食物質素依然保持高水平，所以相對上我覺得係抵食嘅，有機會我會再來幫襯，因為佢真係方便，快捷同好食。

今日咁啱男朋友放假就諗住同佢入元朗食好西～元朗不嬲都多嘢食 行到去又新街嗰度 咁岩就見到一間賣手卷嘅店舖 因為佢個餐牌有好多款式揀所以吸引左我地 我哋去到嘅時候都有幾個人喺度等緊我就叫左個海蝦加帶子嘅手卷 隻蝦非常新鮮有口感 帶子都好大粒好肥厚 呢個係高質嘅手卷比起其他鋪頭 佢地嘅手卷亦都擺得好靚 啱晒我呢啲港女 最鍾意相機食先我哋仲叫咗個極尚刺身丼 超級足料 又有海蝦、三文魚、蛋、三文魚蟹子 超多餸 佢多料之餘仲要唔係薄切 可惜無我最鍾意嘅吞拿魚不過我都已經好滿足 飽飽～啲魚生仲好新鮮 鮮甜又有口感 飯亦唔太酸 仲咁岩比我地見到師傅拎左成條三文魚出黎添呀！雖然店舖少少細 但佢都擺咗一張枱喺度俾我哋堂食 豉油Wasabi都係自助 可以任添價錢方面雖然一個手卷要30幾蚊但係佢非常足料我覺得係抵食嘅 非常值得一試🤤👍🏻

夜晚回家途中經過又新街見餓餓地比我見到櫻😍太耐冇食壽司嘅關係，不由自主走過去睇吓有咩食之前係太安樓試過一次元朗店就真係未試過唔知水準一唔一樣呢☺店舖嘅外表...細細間但都有張細枱比客人堂食但因為趕時間返屋企煲劇，就叫左外賣畫完紙就交比店員....比完錢等待期間見到之前網上介紹過嘅椰青水波波原來唔係九龍城先有得賣....好似幾吸引咁！但我對椰子敏感所以都係無叫到！我叫左一個海膽拼赤海蝦手卷$46+鰻魚飯$58人唔算多等待時間都唔需要好耐👍🏻返到屋企打開飯盒😍唔洗10分鐘就成盒食哂！微暖既飯上加上日式配料和鰻魚汁簡直食唔停口❤鰻魚唔係平時成條上但都有5大塊！絕對唔係孤寒👍🏻而且燒得岩岩好！唔會太乾身保持到原來的肉汁👍🏻這個價錢有這個質素真係冇得彈👍🏻另外手卷更加出色！用了新鮮入口啖啖肉🤦🏻‍♀真係好滿足呀...入口全部都係海膽而且赤海蝦就好大隻！完全冇雪味👍🏻呢個組合是必選的配搭如果有人同我share我會想外賣埋其他沙律小食返屋企！有時係屋企食簡簡單單仲舒服過出去同人迫👍🏻

今日放工收早，諗起好耐冇食過壽司，一條友又唔想堂食😅第一時間諗起櫻手卷，外賣返屋企食先7:30去到門口都有啲人，丼飯選擇唔算多！但冇所謂啦！貴精不貴多👍🏻反而手卷就好多好多款花都眼亂勁多款式勁難揀！一係唔食一食就食好啲，返左成日工都要食返少少好嘢奬勵下自己，落完單等左10分鐘！終於拎到晚餐最終揀咗個極上刺身丼和帶子拼海膽手卷帶子好新鮮，十分之厚肉好滿足👍🏻海膽無腥味❤好耐無食過咁高質既刺身飯同紫菜分開咗所以紫菜真係好脆👍🏻食完手卷仲未飽食埋個丼先最抵讚嘅係飯唔會熱既☺好怕食丼又熱又凍咁👍🏻隻虾好鮮味同爽口👍🏻份量一啲都唔細其實真係好飽好飽差少少食唔晒！下次都係唔貪心.....是但揀一樣就算😂

呢日同朋友喺元朗有d野做，就決定喺附近覓食！第一站我地喺又新街開始，朋友話想食少少日本野先，就即刻留意到呢間櫻手卷，門面唔張揚但招牌menu十分吸睛，離遠已經見到一大塊附圖既餐牌，有幾十款手卷任君選擇。雖然店鋪主打外賣店內冇提供枱凳，但店內都有一張高枱比顧客。今次我點既係三文魚帶子手卷，呢個配搭一向都係我的最愛。望入去就可以望到師傅即叫即製，功夫絕對唔偷得懶。食過好多間手卷餐廳，比較之下呢次呢個真係超過我預期水準！$42中等價錢，但刺身厚身得嚟仲好香甜，朋友大讚三文魚似高價三文魚添，而且食到底都仲有！唔會食完面頭2塊就得返d飯，好滿足啊～另外店內有甜豉油、辣豉油、wasabi同超辣wasabi比大家選擇同食用，比較推介辣豉油。食完手卷同朋友都覺得唔夠喉，決定叫多個刺身丼飯試下。($78) 上面每款刺身都有2件以上，每件都大大份仲要厚切，非常養眼！飯粒都好香口軟熟，配上入口即溶既刺身一流！最後我地仲叫多個椰子波，自從上次去完泰國就愛上左，見鋪頭仲有榴連杯賣，可惜我地已經飽得七七八八，所以決定下次先試。椰子波非常清涼香甜，而且份量亦都好多，而椰肉就不過不失咁啦～個人認為手卷比丼飯性價比更高

下晝約左人去元朗行街，點知朋友遲到，唯有自己周圍兜下。經過又新街見到嚟間手卷店，門面都幾乾淨，而且難得唔會有一般外賣壽司店嘅魚腥味，一於就入去試下。望一望個餐牌有成四五十種手卷，我諗到諗唔到嘅配搭都有齊曬，諗左好耐最後揀左係雪櫃望落好新鮮嘅三文魚配埋我平時最中意嘅海膽。隔住個簾，隱隱約約見到師傅係後面包手卷，雖然都有唔少人等緊，但係師傅手腳都好快，等左一陣就有得食。手卷好足料，海膽大大粒加埋三文魚，望到已經流曬口水。海膽鮮味好濃，一d腥臭味都無，正！ 但令我眼前一亮嘅係佢d三文魚，佢d三文魚絕對係我試過最好味嘅！第一淡咬落去已經feel到同平時食到個絕對唔同級數，三文魚香味極濃而且一d都唔會感覺好油膩，搞我我都忍唔住買多左個三文魚丼。三文魚丼有三種唔同煮法嘅三文魚，一次過滿足我三個願望。三種三文魚各有特色，我自己最中意嘅就係燒三文魚，輕輕燒熟左個面，令三文魚嘅香味再提升一個層次。而且雖然價錢唔貴，但依然足料，三文魚鋪滿曬成個飯面，中間仲有幾片牛油果同埋三文魚籽，比我一種清新嘅感覺。雖然我仲係覺得未夠喉想繼續食，奈何真係太飽，唯有留返下次。

元朗又新街素來是元朗小食的天堂，不過之前就沒有手卷，壽司等日式外賣店，近來卻有棵櫻進駐又新街，終於打破沉悶，不用只吃串燒，魚蛋，可以吃手卷，丼飯。傍晚時份聚集「櫻」下的群眾不少，有老有嫩，有爺爺帶孫兒吃手卷，也有下班的外賣丼飯回家吃。至於我嘛，我懶得拿回家吃，當立食族也不錯，輕鬆吃完無煩惱。櫻店面雖小，卻五臟俱全，除有基本刺身三文魚，帶子，蝦，海膽等賣，也有冷盤小食賣，最特別這裡還有泰式水果售賣，椰子波與金枕頭榴槤杯。我很想試金枕頭榴槤杯，可惜都售罄了，唯有下次來碰碰運氣。這裡可以填表下單，亦可以直接跟店員下單，如果點不少的話最好填表吧，既方便店鋪，亦能清楚所點的。我只點手卷和丼飯，與店員下單就好了。如果不知自己想吃甚麼是好，也不妨參考店鋪所張貼的圖片，圖文並茂的好處。丼飯與手卷十分鐘內可取，製作速度算快，而這麼多人來說。先取海膽拼赤海蝦手卷，海膽非常新鮮，吃下去滿嘴的海味，也很甜美。赤海蝦很有存在感，其實看它這麼飽滿就會知道，彈性極致，鮮甜味美。手卷醋飯微酸剛好，整體與海膽，赤海蝦美味度相襯。極上刺身丼如照片般豐盛，擺盤還不錯，刺身整齊之餘也差不多完全密鋪丼飯之上。刺身切得不單薄，蠻

住港島區既我第一次入元朗 經朋友介紹之下行咗入又新街尋找隱世之味 行行下見到有間手卷店門口好多人 基於香港人既精神 大排長龍必屬佳品既原因就決定試下！依間店同其他大部分既手卷店一樣都係無位坐 可以選擇立食或者外賣 排隊期間可以望下店面有幅大型菜單諗下食乜 手卷種類高達50多種想食飽啲既亦都可以選擇丼飯基於本人比較大食最後我揀了一個三文魚腩手卷同埋一個鰻魚丼 價錢都算合理企位設有豉油/辣豉油/wasabi/勁辣wasabi 十分照顧客人唔同既口味 當中本人強推勁辣wasabi 對於重口味既我 完全滿足晒我既味蕾三文魚腩外觀肥美 表面既油脂望落去十分養眼忍唔住一口咬落去 果種口感同鮮味絕對比得上係日本當地食既新鮮三文魚！鰻魚丼係本人既最愛 鰻魚既表面用火燒過🔥 一打開個盒果種炭燒風味已經令人垂涎欲滴🤤 飯既表面鋪滿蛋絲 十分香口 味道更加係一流水準😋估唔到依間小小既手卷店可以比到咁多驚喜我！性價比好高 店務員又親切 真係令人一試難忘！😛

傍晚在元朗的街頭搵地方食晚飯, 行來行去都唔知食D咩好, 點知偶然經過一間外賣手卷的店舖, 被它的各種各樣的款式吸引住, 真的好想試下它的手卷, 於是買了一個我非常想食的海膽鮮帶子手卷解饞, 由於是外賣店, 我買了飛之後就站在它的舖頭外面等, 仔細看這細細間的手卷店, 店面干淨整潔, 門口凍櫃內的摆放的魚生及沙律全部都色澤鮮明, 看上去非常新鮮, 在凍櫃的出面仲放了一張企枱, 上面放有華沙比醬, 魚生豉油, 仲有很細心的摆放了一盒紙巾在枱上, 全部摆設看上去非常干淨, 我決定我的手卷會站在這企枱這裡食落肚, 因為所需用品全部都在枱面, 食完仲有紙巾抺咀, 非常方便. 無幾耐, 我的海膽鮮帶子手卷可以拿走食用了, 見到手卷上面舖滿了黃白兩種色的刺身, 黃色的海膽及白色的帶子, 見到都流口水, 於是我站在門口的企枱旁邊, 淋上豉油, 一啖咬落去, 哇! 海膽好鮮甜, 好好味呀! 入口即溶的海膽鮮甜無比, 就算吞落肚, 個口仲有海膽的鮮甜余味, 帶子嫩滑林甜, 伴住手卷的壽司飯一齊食, 非常不錯, 繼續咬落去, 原來手卷中間的壽司飯中間都包了帶子有裡面, D壽司飯酸甜適中, 仲有少少暖暖地,

今日同媽媽經過一間外賣日式小店，見到整個餐牌都是不同種類的手卷，心大心細都唔知食邊款好主打外賣生意的手卷店，人客好多，我都叫左兩款同媽媽分享。櫻花蝦拼吞拿魚蓉。咸香櫻花蝦好有鮮味，好鐘意櫻花蝦陣陣蝦香和香口口感，配上飯粒好夾。吞拿魚蓉魚香重入口好新鮮，唔會有過於濃的海水味，魚味清清更突出櫻花蝦的味道。重頭戲是燒牛油赤海蝦手卷。牛油味極濃極香，食到停唔到口手油香濃蝦肉燒得爽嫩彈牙，用料好新鮮，飯粒吸哂牛油味道好驚喜。