桜

營業中

休息中

海膽拼三文魚籽手捲（ $54）想食手捲你會去邊食？熱門既地方可能係葵廣、旺角、尖沙咀或者係銅鑼灣，但其實元朗都有手捲食！仲要高質！呢間本身位於元朗又新街既 #桜 ，由於開業至今都好評不斷，所以宜家開埋去西灣河太安樓同荃灣都有分店。不過試晒三間都係覺得元朗品質最好。每次食都必點既海膽拼三文魚籽，即叫即整，手捲紫菜非常脆口，海膽同三文魚籽都非常鮮甜，確係唔錯👍🏻 不過手捲價錢稍貴同份量都幾少，要帶足銀彈先可以試多幾款😂

去元朗食宵夜🍽，點可能唔諗起咩都有得食嘅「又新街」呢？！👍🏻🍡🍣🍜🍨🍮🍩一排無黎，多咗d新舖。今次試下食手卷！🍣🍙睇到D相已經非常吸引，叫咗兩個馬糞海膽手卷（加拿大海膽手卷已經賣曬）同凡立貝刺身。😍😍😍等咗5-10分鐘已經造好😍，都幾多海膽，都幾甜。凡立貝刺身都厚身，不比連鎖壽司店的差。👍🏻自助落wasabi & 豉油，自己調味！如果想過下口引，食件刺身 / 食下海膽，呢度係平、靚、正之選。

夜晚行行街見到呢間手卷店門口有幾個人排隊買，之俾佢巨型餐牌吸引到，餐牌有多款手卷琳琅滿目任你選擇呢間食店不設座位堂食，但門口有張圓形吧枱，枱上放左各式調味醬料咁多款手卷，最後選擇左帶子拼海膽手卷落單攞飛即叫即整，等叫號碼，只係等左幾分鍾就食得，俾埋個架你托住份手卷，除左方便你拎住亦都相信方便你影相首先第一口咬落帶子鮮甜，而且大大粒，之後啲海膽入口鮮甜嫩口，而海膽既鮮味溶入飯粒入面，啲飯食落仍然帶有海膽味，外面層紫菜爽口除左手卷外，佢地仲有好多刺身供應，不過要即場拎走，如果入黎元朗掃街，呢間都值得一試

元朗真係好多壽司手卷店，多到會令到你係6度凍到震既天氣都會不自覺地想食番件。每次經過櫻手卷都總會見到門口企左不少等食物既客人，而櫻手卷主要係賣手卷，刺身既。今日終於去試下到底係咪真係咁好食，叫左一個馬冀海膽手卷，一個三文魚手卷，由於天氣太凍所以決定外賣拎番屋企食。拎番屋企都怕紫菜會變淋，但番到屋企打開發現紫菜原來係獨立包裝，食既時候先自行拆開包住飯團，感覺衛生而且可以keep到紫菜既脆感。另外要讚既係手卷既飯拎上手仲係微微暖，唔會話冰凍，食落口仲係軟硬適中，食得出唔係擺左好耐擺到硬晒又凍晒既飯。屋企人叫既馬冀海膽食到鮮甜，唔會有腥味，連我唔係特別喜好海膽都覺得可以一戰。仲比人怪我咬得太大啖食晒添呀！三文魚手卷雖然唔係好味到哇一聲，但都有好香既魚油味，最重要係食落唔係冰凍既口感，最怕就係食d凍冰冰既三文魚。整體黎講呢間手卷出品唔錯，價錢唔係話最平，但出品對得住個價錢，下次有機會一定再試。

約了朋友在元朗期間,見到"桜"不斷有大人,小朋友出出入入買手卷食,好奇心推動下,自己都點左一個手卷試下.帶子拼海膽手卷: $48 ,鮮甜的味道齒頰留香,一整條的海膽堆滿手卷,完全找不到飯粒的空隙,在這裏所吃的海膽,新鮮清新的海膽味久久不散.滿腹甘甜的海膽,滑入口中即時溶化掉.而帶子超級肥美,肉質厚身入口卻軟綿綿,先黏著口腔,瞬間融化,非常CREAMY,令整個口腔也充滿著鮮味,口感豐富,非常非常非常滿足的.幫朋友點了一個海膽手卷: 有2行海膽的,也是一樣顏色鮮艷,賣相吸引.朋友說先用嗅覺來欣賞海膽的鮮味,食到最底都仲有海膽的,真材實料.一間小小店面的日本料理,真的不可少看.主打手卷與日本丼,最低消費十幾蚊也可以了.它們亦有做一盤盤的到會的,最適合新年,聖誕大時大節,一起嘗鮮啦!

呢間位於又新街公園對面嘅 《桜》 手卷外賣店， 喺開飯嘅時候 ， 總會排滿等待手卷嘅人。 小店屬典型外賣小店嘅格局， 小小嘅櫃枱後面就係師傅嘅廚房， 雖然只有兩三個企位 ，但往往平靚正嘅嘢食都係呢啲地方發現。👍🏼👍🏼即叫即整，等咗大概三四分鐘到啦，終於有得食啦！🍣個三文魚帶子手卷，兩個字形容，好味，因為佢嘅三文魚同帶子非常鮮甜！抵讚 ！紋理好靚！鮮紅色嘅顏色 ，帶子大大隻，淨係食個手卷面頭我都分咗三啖先食到 。🌯另一款是海膽拼赤海蝦。海膽綿密入口鮮甜鮮嫩，飯粒中間都食到海膽，份量相當豐富。赤海蝦爽嫩彈牙，蝦肉彈口甜甜的，加上辣醬油味道更加滋味。

原本特意想買兩個海膽手卷＋1個三文魚子手卷，但係外賣買返屋企一打開個膠袋，竟然發現其中兩個海膽手卷變咗蟹肉手卷 🙄諗住上網查詢電話同佢反映，又查唔到佢電話，點搞好啊？我只係想要返我嘅海膽手卷😩2018-03-02 9:45pm 140號飛 價錢差咁遠，真係唔係好接受到！

已經好耐冇食過手卷，咁岩今次同友人都都食完正餐，又口痕，就決定黎掃下街食個手卷。手卷選擇好多，多到我企左係門口10分鐘都未決定到，樣樣都想食，價格合理。我自己嗌左個加拿大海膽手卷，入面有兩大塊海膽，泥黃色既海膽好肥厚，啲海膽鋪滿晒手卷面，冇咩腥味，質感較實身，暖暖既飯溶化左海膽，真係做到入口即溶。仲有嗌左三文魚腩手卷，切到厚厚既一大條，肥美嫩滑，個紫菜都小脆，重點係食到最尾都仲有三文魚腩，份量好滿足。手卷入面既份量好大方，一舊食落去已經飽飽地。如果唔想三餐食太多，呢個都可以算係唔錯既選擇黎。

黃昏時間又到，肚仔有少少餓意，想尋找小食，位於又新街的一間手卷店(桜)，它的門面很吸引我，門面乾淨，見到有枱，可以立食。門口的一邊有餐牌，餐牌的圖片令人很有食慾 ，色彩繽紛，有不同手卷可選擇，選擇性很多，除左手卷外，還有丼飯，價錢很親民，合理。👍🏻製造過程還可以看到師父即叫即做，保證衛生！今次我選擇了，帶子三文魚手卷（2）及火炙牛油赤海蝦手卷（43）。火炙牛油赤海蝦手卷，海蝦很鮮甜，還有少少鹹味，證明很新鮮，師父把海蝦的鮮味帶岀，火炙的熱力不會令海蝦的鮮味失色，燒得剛剛好。火炙的食品一向好考師父的時間控制，他沒有令我失望，反而有驚喜！在立食的過程中，見到枱上有甜豉油，辣豉油，Wasabi及勁辣Wasabi可選擇，我選擇了勁辣Wasabi加辣豉油。勁辣Wasabi在其他手卷店很難食到，因為有攻鼻的感覺外，還有勁辣的辣味，喜歡食辣又享受攻鼻感覺的朋友，不得不試，辣豉油有少許的辣，但可接受。帶子三文魚手卷，帶子鮮甜並沒有腥味，三文魚冇細骨，帶子及三文魚剌身都很厚身，不馬虎，飯的醋味不會太重，不會好像其他連鎖店鋪一樣，很岀色。這款手卷用了甜豉油和Wasabi，兩種配搭很夾！最後，員工態度親民友

做facial之前覺得有啲肚餓，於是就係附近睇下有咩食啦😭 上次喺度買咗個椰子波波飲，見到有幾多手卷所以就行過嚟睇下有咩啱食啦😋🍴.#辣味三文魚手卷 ($18)😋好味指數：(6.5/10)好多三文魚粒粒呀😳呢個價錢嚟講份量都算係足料，係滿足嘅😝而且塊紫菜仲係脆咖😚不過醬汁方面又唔係好食到辣味🤔🌶下次要食埋個軟殼蟹手卷先得😋.⭐溫馨小提示📌堂食嘅朋友仔食完之後記得將個手卷架放返喺櫃面呀

今日路過元朗又新街見到有間日式外賣店，口痕痕叫左兩個手卷，分別係三文魚拼海膽手卷（$42）同帶子拼海膽手卷（$48）。三文魚拼海膽手卷入面嘅海膽好新鮮，鮮甜冇腥味，比起坊間放題提供果d海膽好食多；相比之下三文魚冇咁突出 ，但質素都唔差，處於中等質素。而且飯嘅口感不錯，醋酸味適中。值得一提係服務員態度都幾好 ，落單時積極回應客人提問，原本兩個手卷打算堂食食完一個後，另一個就外賣帶走，店員主動幫我打包好，比自己整理更企理。另外一個就係帶子拼海膽手卷，都幾好食，海膽同樣鮮甜，帶子大大粒，又夠甜，平時好難食到又甜又鮮，$48都值得一試。總括黎講，去開元朗又突然想食手卷，呢間外帶手卷店值得入去買返件呢。

經常經過都見到鋪頭排長隊，今日心血來潮見人不太多就同朋友試下，我們在點餐紙上畫了幾個手卷，有我最喜歡的海膽！老闆很細心還問到需要逐個上嗎？這間手卷店還設了一個立食企位，醬料很豐富，我們分別點了海膽拼三文魚手卷、海膽拼三文魚籽手卷、火炙牛油赤海蝦手卷和炸軟殻蟹手卷。手卷上的時候用了紙巾包住底部，一來避免手部不乾淨而接觸食物、二來可以避免弄髒手，太細心了!手卷用的全部都是新鮮材料，非常鮮甜，入口啖啖都是肉好滿足。值得一讚的是火炙牛油赤海蝦手卷，赤海蝦沒有雪味，加上牛油香味整個配搭非常完美。而炸軟殻蟹是即時炸的所以吃時超脆口，除了手卷外原來還有丼飯，下次一定要過來試試！

今時今日，元朗人口繁多。 居住人口每年遞增。衣﹑食﹑住﹑行配套亦重要。提起食，大街小巷， 中西美食，邊走邊食，隨心所欲。每晚在市區工作， 放工回家已經很晚， 速食文化更適合元朗居民。手卷專門店也正正代表速食部落一份子。 我點了炸軟殼蟹手卷; 三文魚併吞拿魚蓉手卷; 帆立貝手卷。手卷不用碗，不用筷子，一口飯來又夾著一口餸，多滋味又方便呢!! 店子廚師接到 order後， 立即制作， 非常新鮮。 由於是炸軟殼蟹， 製作需時是應該的， 大概等了12分鐘左右啦! 完全值得等等呢! 香脆中有種蛋黃油香味， 好像黃金軟殼蟹呢! 很多蟹黃!? 蟹身外脆內軟， 味道香， 蟹油香飯香浸入味蕾， 因為有飯及紫菜相隨， 不會有油膩感。 元朗很多街頭小食， 如車仔麵; 粥品，但速食手卷店較少呢! 可能店舖不是在輕鐵路大街， 所以比較靜，對面有公園，附近環境也清潔。軟殼蟹很好呢! 外脆內軟。

元朗就一直出名多好野食，今次掃街又比我搵到呢間手卷小店，即刻列入我既好西list入邊先~店舖主打手卷外賣，只有小量堂食企位~炙燒牛油海蝦手卷，拎到上手就聞到好香既牛油味，鋪滿曬表面既蝦令人食指大動，最後食到落底仲有蝦肉，非常足料 ~ 另外必須讚下呢到d蝦好鮮甜同埋蝦腸挑得好乾淨噢~大大隻炸軟殼蟹手卷，外層炸到脆扑扑，唔會太淋亦都唔會硬到咬唔開，恰到好處~咬開後發現入邊仲有唔小蟹膏意外地好食~價錢唔貴，值得推薦

當日去元朗打算食久違嘅B仔涼粉, 喺附近發現呢間專賣手卷嘅小店， 同行嘅友人遲大到，而我又未食正餐，就叫左一個丼飯同手卷填下肚先。點解我覺得佢係專賣手卷呢？因為呢度手卷嘅選擇好多，但飯嘅選擇得幾個。價錢唔算貴，同葵廣個啲相約。饅魚飯 $58用返同樣價位嘅食物來做比較，其實呢個鰻魚飯都ok，有為數不少嘅蛋絲墊係底，鰻魚冇乜骨，如果個飯都有汁就更加好厚切三文魚腩手卷 $34真係勁厚切紫菜小脆，飯係暖既三文魚腩好肥美，重點係魚生份量好多，係食到底都仲有㗎！！呢度既手卷質素確實唔錯即叫即整有誠意，同埋望到入去個廚房，見到衛生各方面做得幾好，整體黎講值得推薦Ps 呢度只有立食。