梔子

營業中

休息中

難得在尖沙咀這個喧鬧的地方，找到一片綠洲 — 梔子一踏進店來，就感覺到非常適合文青來這裡坐下喝一杯咖啡。整個感覺非常有格調，坐下抬頭一望，就有一個月亮照著不同的木製模型。 往店內行，有檸檬水提供，是自助形式的。拍了些照，給你們感受一下店內的氣氛桌子旁有一個藤籃，方便大家將隨身物品放下，可以坐得更舒適。餐具都非常漂亮，每個人的餐碟都不一樣啊！打開餐牌，有此店的由來及初衷，我們點了兩個主菜及一個小食「鮮什菌菠菜忌廉長通粉」有驚喜！醬汁好特別，原以為菠菜忌廉汁會怪怪的，可是吃下去卻上癮了，甜甜的，愈吃愈想吃而長通粉是非常好的配搭，因為能將醬汁滿滿盛在，什菌的量剛剛好 「比高包三文治-燻牛肉」比高包三文治共有3款，今次點了燻牛肉，內有燻牛肉、腌黃瓜、蕃茄、瑞士芝士、忌廉芝士。比高包外皮有點硬，但包內內軟軟的。整個包的材料配搭得合到好處，燻牛肉沒有太鹽，配上兩款芝士味道剛剛好。「芝士蘑菇釀雞翼」吃下去有芝士的咸香味，有幾片蘑菇片，想不到雞翼能釀這個，挺特別的！用餐時間尚早，好像還未適合點酒喝，所以點了兩杯熱飲「Matcha Latte」不錯！不錯！整杯都不是太甜。「Cappuccino」奶味略重

平日晚上約左朋友黎到佐敦呢間cafe食個晚飯，呢度既環境屬於個種非常文青同田園風既風格，店內一入黎有張好靚既圓桌，呢個綠色角落加上近門口窗邊既位置都都好適合少女們拍照。呢度既食物選擇其實唔係特別多，但飲品選擇就較多。我同朋友分別叫左一d小食，例如炸魷魚、沙律同一碟香草蝦意大利麵，另外叫左一d特飲同啤酒，呢度都有一d唔同既手工啤可供選擇。食物黎講可以話係不過不失，黎呢度除左影相外，比較適合普通同朋友黎飲下酒吹下水。

為慶祝結婚400日專登揀間有格調小店食個靚飯建議先book檯 因為當晚全院滿座 好彩一早openrice訂位🤙🏻好想試牛油果blende可惜當晚機器故障所有blende暫停供應 結果改試cocktail Zi 好易入口 啱晒鍾意甜甜地嘅女仔老公就叫咗draft beer Chunk Sir每一啖都好似食緊黑森林蛋糕 感覺好得意野食方面就有芝士蘑菇釀雞翼 黑松露粗薯條 同 酸辣蕃茄大蝦意粉芝士份量唔多唔少啱啱好 配埋雞翼都唔會覺得膩黑松露醬比較稀身 但並無因此而削弱味道松露香滲入每口薯條酸辣蕃茄大蝦意粉有點fusion泰菜感覺 大蝦 蕃茄配料充足 略嫌意粉份量少 用後未完全飽肚 希望下次可以試到牛油果blende🥑

之前經過Zi，見到門面幾靚，但係由於冇訂位， 當時又滿座，一直都冇機會試。今次同朋友聚會，特登book咗位，終於都有機會試下啦Zi入面嘅環境好舒服， 可能係由於樓底高嘅關係。呢間cafe夜晚選擇唔多， 佢嘅主食除了麵包以外，就只有三款意粉， 我哋叫咗其中兩款， 其中一款係黑松露意粉， 好香，好食， 黑松露味夠重。 小食有黑松露薯條，芝士條，釀雞翼， 每一款嘅味道都唔錯。除咗嘢食之外，我嘅朋友各自叫咗飲品， 當我同店員講， 我唔需要飲嘢嘅時候， 店員竟然話店主要求每一位客人需要叫飲品 雖然我唔明白點解我哋叫咗咁多嘢食之後都需要每人一位飲品， 我都再睇多一次餐牌，睇下有啲乜嘢啱飲。 呢間cafe有一樣嘢同其他cafe唔同嘅係， 除左有大路嘅咖啡，茶同果汁之外， 仲有酒精飲品， 同埋House Blends。 我最後叫咗一款果昔"Green"， 成分有羽衣甘藍， 嫩菠菜等， 感覺很新鮮，很健康， 但沒有太多味道。最後叫咗兩款甜品， 忌廉海綿蛋糕好好食， 忌廉係海鹽忌廉， 蛋糕唔太甜，很輕身，Home cake 係朱古力蛋糕， 朱古力味濃，唔太甜。

總評：環境氣氛與食客體驗不相符，員工態度惡劣，浪費了美好裝潢環境：與OpenRice相片相若，裝潢走休閒文青風，餐廳音樂亦以休閒為主，為店鋪主要賣點服務態度：值得一提是waitress  態度惡劣，來cafe 就想悠閒，chill 一下，但女侍應非常急燥、粗暴、常常飛碟黑口黑面，而且抹台時把清潔劑噴到我身上和手背上，幸好不是漂白水，到洗手間水洗一下沒大礙，但約會的美好心情就被破壞了😔😔😔🤦🏻‍♀️食物質素一般：無驚喜，與Starbucks 味道相約食物價格偏貴：薯條$78，果汁$58，朱古力蛋糕$58

Book枱時已知90分鐘限時，以為好旺場但其實由頭到尾都冇乜人，限時形同虛設可以慢慢坐。一入門口就見到個男人整緊野飲，西口西面趕客咁樣，講個字都唔想，冇禮貌，冇乜客唔係忙，講一句前面同事幫你 真係好高要求咩，行入兩步有位侍應小姐見到我同友人便幫忙帶位，友善的，但有不合理位係begal上枱冇耐，我同友人平分完各自拎起個包，嘅沙律菜都未食就想收碟？最低消費一杯飲品唔計食物，啲飲品閒閒地都over$60，叫咗兩杯cocktail $98/杯，冇乜特別，似果汁冇酒味。帶子黑松露意粉，帶子過熟，意粉太少（如圖），上枱嗰吓真係心裡吓咗聲，$168 未加一你俾啲咁嘅野我？芝士磨菇釀雞翼：應唔應該話夾呢？因為真係食唔出釀咗啲乜入去。Salmon Bagel 真係好伏，個bagel又硬又韌又冇味，認真想撩咗啲三文魚食就算。埋單$572。價錢貴，質素低，食物種類少，食物多伏，飲品沒特別，環境一般，沒氣氛，服務態度差，佢應該快撿笠。

平日到來，不用等位!座位尚算闊落亦有set , 配咖啡或凍earl grey tea 比想像好吃！特別係個日式燒牛肉炊飯個飯好入味！不過略嫌份量較少好有日本的味道蕃茄大蝦意粉調味亦剛剛好！

有時我都諗唔明，點解有啲鋪頭要將個店舖名改得咁難讀，好似「旯旮」呢間甜品店嘅名都係，要人上網查字典查讀音🤣🤣梔原來係讀「知」音，梔子花係雞蛋花，就係香港都幾常見嘅白色花，中間近花蕊位置係黃色，非常漂亮。我點左一杯Hazelnut latte, 靜靜地喺咖啡店完成今日嘅工作。咖啡嘅賣相不錯，連咖啡杯、底碟、小匙都係我所喜愛嘅風格。咖啡飲落有咖啡香之餘，仲漂來一陣陣嘅榛子香味，非常誘人。唔經唔覺，一杯咖啡陪伴我做咗一小時嘅工作，為我提神之餘，亦都令我更有動力！

今日喺尖沙咀美麗華行完街，正想放低一身嘅戰利品，優優閒閒咁食返個下午茶。諗左一陣，我決定去返平時成日經過但未有機會試嘅咖啡店。呢間位於山林道嘅咖啡店，名為梔子，亦即係雞蛋花。門面位置有一張長形high table, 坐喺嗰度可以望住山林道嘅街景，不過當日落住毛毛細雨，我都係坐返入去室內位置。我點左一份 手工海綿蛋糕配海鹽芝士鮮忌廉。忌廉十分厚而挺身，單從紋理已經可以提出佢嘅質感。海棉蛋糕都幾厚，蛋香味亦算豐富，但係如果做得更加鬆軟就好啦。海鹽味嘅忌廉鹹中帶甜，同蛋糕都幾配襯。

之前喺上網見到呢間餐廳於是就黎坐下食下野，點知整體環境感覺已經非常好。我地叫左一杯咖啡一杯奶昔，再加salmon bagel同埋炸水牛芝士，味道都唔錯，價錢對佐敦地舖黎講都算差唔多。🤙🏻

晚上，與友人吃過晚餐，還想找個地方，喝喝酒，聊聊天，輕鬆一下。逛著逛著，便找到這地。我點了whiskey craft，驚喜地好喝本來whiskey的味道對我來說是非常強烈，但whiskey遇上蘋果酒，便截然不同，蘋果酒的香甜味，但並沒有蓋過whiskey剛烈的味道，實在齒頰留香，回味無窮，值得推介！朋友點的，也不錯👍酒裏帶有芳香的花味，也是不錯之選。此餐廳的氣氛舒適、和諧，一個讓人可以放鬆的小天地，挺適合與朋友閒聊、獨自思考的地方。

大家都諗住cafe,梗係飲咖啡啦，不過呢間cafe 好特別。佢地原來係一間飲酒嘅cafe 黎架不過晏就飲酒真係無咩feel,我都係飲返咖啡同milkshake 算啦。(呢到最低消費一杯嘢飲，嘢食唔計架) 主菜唔係好吸引，又貴，所以我地決定叫1個appetizer, 1個甜品加2杯嘢飲就算啦海鹽手工海綿蛋糕: 太多cream, 個蛋糕都無咩特別芝士磨菇釀雞翅: 好好食呀 👍 仲去埋骨. 好想叫多份黎食Cappacino 都ok 啦。見到佢其實好似酒吧咁。好多款sake, 下次可以夜晚先黎試

放假嘅日子，唔想係屋企，岀去又想悠閒d靜d，咁去邊度好？見人地曾經post過一間旺區中地舖嘅Cafe，特別在乎除左coffee & tea, 仲有酒添！其實佢係一間位於尖沙咀區嘅coffee shop crossover bar restaurant! 通常中下午係cafe, 到左傍晚就變身，幾有趣！叫左個simple cake，但原來食落去又唔simple 喎。海綿蛋糕配海鹽芝士醬，食落去又幾夾喎，咸咸地又有海綿蛋糕嘅香味，又夠軟夠鬆，值得一試。想清d嘅朋友一於叫返壺茶飲，叫左耳熟能詳嘅伯爵茶，飲完可以叫店員加熱水！環境地方唔太大，大概二十零個位，但燈光格局黎講，勝在有feel嘛！

假日的午後，終於有機會試下一直放在收藏清單的梔子。隱藏在山林道的小店，遠離尖沙咀的人潮，可以恬然安靜地享受假期。店內裝修走小清新風，擺放了一棵梔子花 (?) 的植物，加上樓底很高，一點侷促感也沒有。CAFE 除了有咖啡，竟然也提供各類特別調製的酒精飲品，這種配搭真係意想不到，下次可以試下。值得一讚，餐廳是「無飲管伙伴」，不會提供飲管，希望越來越多餐廳加入啦!手工海綿蛋糕配海鹽芝士鮮奶油蛋糕綿密，口感好好，配埋似奶蓋的海鹽芝士鮮奶油，真係食到停唔到，減肥之後再算……黑松露薯條即叫即炸，熱辣辣好好味，重點係無怪怪的油味。正!作為咖啡中毒人士，一日一杯走唔甩。叫左杯熱Cappuccino，泡打得非常綿密，咖啡味道淡淡的，不會太酸或太苦澀。平日生活一直衝衝衝，所以特別珍惜可以慢慢沉澱的時刻。

剛剛開既時候唔駛點等位。可能網紅了，人流多左。 大概等待30-40分鐘先有位。但留意到可以留座。服務員會問你留低電話，有位會call 你。拿到位先知道只有90分鐘用餐，好似失去cafe 原有意思。。食完要走咁。唔可以enjoy 你既coffee。 食物還可以但服務一般。。想問服務員換碟，但要等待20分鐘因該碟洗唔切。。有特別menu, 服務員都冇介紹而且想食都冇用。因為2點幾就賣哂。😓可能唔會再考慮再光臨。。