梔子

營業中

休息中

約左朋友去尖沙咀食飯，由於尖咀真係大多人，所以轉一轉去隔一條街既佐敦搵食，而上網見呢間餐廳環境幾靚，所以就黎試試啦！入去坐低後，侍應通知每人最低銷費一定要叫一杯野飲，唔...eye protector $58我地都叫左同一杯冷壓果汁，健康之選。鮮什菌菠菜忌廉長通粉 $108主食既份量有點少，我地要慳住食😆配菜既什菌其實會唔會太少😅 味道就冇乜驚喜啦。芝士蘑菇釀雞翼 $68雞翼煎得好香，釀左芝士蘑菇而且去了骨，啖啖肉，好味😋黑松露粗薯條 $78薯條多到食唔曬😆 沙律醬好濃黑松露味，都ok 好味既！呢度既環境幾靚，餐具都好有style! 鐘意打卡映靚相呢度一流，不過如果想舒舒服服同friends 黎食飯傾計我就覺得一般，d 鐵櫈我覺得坐得唔太舒服，同埋都有限時，唔可以hea 住食了！（當時我地8:30pm 去，侍應話後面冇客人黎就可以坐耐d)

上大早班既好處就係，下班後可以攞正牌去3:15。友人最中意去cafe, 我只求飽肚。推薦了光猛又企理既梔子。老闆（應該係）招呼不錯又笑容可掬。叫左一份三文魚意粉 set 、一份辣雞肉意粉set 、一份黑松露薯條 整體意粉份量剛好，友人食剩少許。三文魚意粉(忌廉汁奶味不夠濃、三文魚份量很多，不錯👌🏻）辣雞肉意粉（雞肉比較乾、辣汁做得不錯，但辣汁分量少）松露薯條（即叫即炸很香、薯條份量很多，松露醬不夠香，份量亦比較少）Set包一杯茶/咖啡，點了English breakfast tea，來了一套用日式茶具盛好既茶，茶具的觀賞值很高，而且茶很香。還可以不斷添飲，抵！還有一杯cappuccino , 不過不失。餐廳環境幽靜，吹水不知時日過👍🏼

同朋友慶祝生日，上網睇吓邊度有氣氛就揀咗呢間。因為之前冇同朋友講，佢一行到去餐廳門口，人都未入就已經話好靚，聽到佢咁講我都覺得好開心證明我冇揀錯。入到去個Menu唔算好多嘢食揀，所以好快就已經決定到食乜嘢！朋友鍾意食芝士，所以就叫左呢個炸芝士條，入面嘅芝士真係好濃，可以做到拉絲效果芝士磨菇釀雞翼，真係好好味，每一啖都好有口感蕎麥菠蘿沙律，佢嘅沙律汁令大家都好開胃蟹肉牛油果意粉，牛油果味好濃，但蟹肉太少有d淨食意粉既感覺。海鹽鮮奶油海綿蛋糕，👍🏻多cream，因為有鹽味所以食落唔算好膩

聽說是朋友的男朋友的朋友的女朋友和朋友夾份開的店⋯⋯簡單來說是一對年輕女孩的店朋友說來過幾次，喜歡這兒的環境安靜，我覺得佈置裝潢都不錯，適合打卡。有bar枱，有小圓枱，近外面有大落地玻璃 座位光線充足，裡面一點就暗些，有少許燈光點綴，浪漫些？Tea time沒什麼人，的確是安靜的，聊天不錯。 熱朱古力是朋友叫的，超級香！我點了一壺茶，茶壺容量不大，喝完可以再添熱水重泡。茶包很濃，茶很香，建議泡幾分鐘就要拿走茶包，不然茶會變苦（我就是忘了拿走茶包⋯⋯）最低消費每人一杯飲料，食物不計，消費不便宜，買的是環境和氣氛。

@cafezi.official ————————————————————可能適合對象：NA（第一次咁寫）#雞蛋糕 #海棉蛋糕 #海鹽奶油蛋糕 #海鹽 賣點：店舖Menu第一頁講到兩位鍾意飲酒嘅女士開設嘅餐廳，賣點相信係專門食Bagel同飲酒甜度（5星最甜）：⭐️濃度（5星最濃）：⭐️🍴：餐具✔️ / 蠟燭 ✖️ / 冰包 ✖️/ 紙盒✖️🏷：✔️（睇佢IG相見係寫碟邊）💬：有性格（請參閱下面佢哋嘅回應，會感受得到） 有啲啲面口味（感受到啦，right?），Not too welcoming。仲有提提大家，每人至少一定要叫一杯嘢飲，同頂多坐90分鐘。🛒：佐敦 #cakeup_荃灣線 #cakeup_佐敦站.🔘：件裝💰：件裝$68————————————————————性價比：低我哋其中一成員由於係早前行過見到一間位於佐敦嘅Cafe，裝修舒服，有格調，再睇埋佢係IG Post後，一直都想試。今日機緣巧合，是時候啦。據探子回報，失望，經已修飾咗。其實我哋都分別有兩三次行過，想試吓佢哋有Noise嘅開心果Mousse Cake，不過今次都係失望而回。咁就唯有試佢僅有嘅海鹽芝士鮮奶油海棉蛋糕，結論都係失望。

是一間十分有情調的店鋪，店內主打酒類飲品：有清酒🍶、手工啤酒🍻、紅酒🍷、白酒等⋯食品方面選擇不太多，只有一頁紙。食品都已沙律🥗、Bagel 、意大利粉及薯條🍟。味道還可以，但是價錢偏貴，但是一個同朋友傾計的好地方。

之前慶祝朋友生日揀咗喺呢間餐廳度食晚飯我哋自己買咗蛋糕餐廳仲好好幫我地擺盤放左好多玫瑰花係旁邊嘢食都係不過不失 唔係超有驚喜既餐廳但環境真係一流 樓底夠高 有空間感枱櫈全部都好靚 影左唔少相打卡仲有棵假樹影相做背景House salad$88有羽衣甘藍🥬牛油果蘋果同松子 酸酸甜甜牛油果蛋bagel $78都係啲普通既食物 容易做到 無咩特別叫左2個意粉鮮帶子黑松露意大利麵$168🍝帶子煎得岩岩好無過火 黑松露味夠香酸辣蕃茄大蝦意粉$138呢個反而有驚喜！好有東南亞風味 酸辣味意粉第一次食仲叫左好多小食都係普通水準不作介紹了 睇相最實際Cold pressed juice🍇🍓🍐🍋😍超濃縮濃味冷壓果汁 好推薦大家去飲 由其是Eye protector好濃好香提子味🤤🍇 🍓Strawberry Dream $58Strawberry, Guava, Asian Pear🍇Eye protector $58Blue berry, Red grape, Red dragon fruit, Pear🍍Skin Angel $58Pineapple, Asian pear, Lime

以前公司係附近經過開都會比佢鋪頭既文青style 吸引住，終於有次同同事尼左食lunch, 成個感覺都5錯 不過份量比較少 但都好多素食同健康既選擇，唯一就係可能會5係好夠飽。講健康食品其實普遍都好難又好食賣相又令，尼到其實真係環境最高分，野食味道算ok, 有次食左個慢煮牛肉沙律認真要推介飲品方面就真係真係真係要3思，我尼過2次都只係叫左健康飲品 一個係紅菜頭另一個係芒果，認真睇清楚內容係乜想像一下先叫會無咁易伏，其實因為佢真係原汁原味連渣咁比你，比較杰當然都有好飲既，有芒果都ok朋友叫左bagels 食後感5錯，但真係要襯熱食凍左堅硬不過我夜晚經過如果可以同朋友小酌幾杯既話，環境都同氣氛都真係5錯既，有機會試下。

野食小貴而且份量小，但可以接受， 味道都OK雖然唔係特別好食。但waitress 感覺頗hea做。見有個108蚊三款手工麵包 + 粟米湯， 就問下 佢三款包既特色。"Hello, 想問下衣個裡面有D咩架？""裡面有三款包" "hm...我意思係果三款包有咩特色？""有一款芝麻包, 其實我都唔清楚"(亦完全冇打算去問清楚)感覺上似係冇咩餐廳經驗, 亦冇比train過既part time.

本身同事想食附近一間素菜自助餐，但午飯時間無位，最後揀左隔離一間文青餐廳，好好享受一個悠閒午餐最初見到餐牌三文魚青檸忌廉意粉都怕青檸會好酸，唔夾味。但試左之後反而好驚喜，酸酸地好開胃，加杯熱朱😆😆😋，夠曬邪惡同事點左清新系列，牛油果🥑貝果加香茅檸檬草茶，賣相同樣吸引唯一不足之處係上菜速度真係有少少慢，如有時間去享受個悠閒午餐都係個唔錯選擇

星期五夜晚經朋友介紹, 一心諗住係間cafe仔但原來有酒飲有意粉~ 鋪頭好靚樓底好高, 行白色文青風, 好簡約, 但美中不足就是裝飾物好多塵。值得一提系女店員好可愛好斯文, 笑容超好, 嗌野食時會提供好多意見, 會仔細問問我地既口味, 想飲咩口味同唔中意咩口味, 耐性＋＋＋總括而言都ok, 但價錢唔合理, 味道好普通唔係好抵食, 最低消費係一杯飲品一個人

有時候想找個地方同朋友傾計，靜得黎可以坐得耐，又要方便，又要環境優美，又要舒適，仲要食物飲品有質素，價錢合理，其實要満足哂所有要求都幾有難度。今日係星期六，講明用餐時間90分鐘，如果有客人等位，就要交還座位。睇下menu 有咩食，其實全部都好似好好味比較好味的是鮮帶子黑松露意大利粉炸水牛芝士條同杯飲品就冇咩特別，但勝在器皿與別不同！其實店內還有D位幾靚，selfie 一下也無妨，不過今日傾計多過食野，所以冇咩相post!

星期天約了姐妹們食tea，選擇了鬧市中清靜的一條街-山林道。尖沙咀佐敦靠彌敦道人來人往車來車往，但偏偏山林道是多麼悠閒的一條街。梔子，就在街上。落地玻璃，田園風格，配合樓底高，微暗燈光，很適合偷懶一個下午。點了一個燻牛肉bagel，新鮮沙律菜配牛肉不會太過邪惡，微暖bagel軟硬適中。一杯matcha latte配泡泡拉花，綠茶味濃，無加糖令人心舒暢！悠悠的坐了兩小時，像在鬧市中的森林叉了兩小時電。

同朋友坐最入既位置，四點幾飛繁忙時間，服務員冇笑容都唔緊要，重點係叫幾次叫極都無人應，要你自己行出去拎Menu，order 叫埋單，我仲以為自己去咗Starbucks，食雞翼唔俾餐具，想點？諗住我哋用手食係咪？！我真心想問佢憑乜嘢收10% service charge，食物定價over price ,$68雞翼得三隻，$9x 一個cake set , 喺呢個地區，論食物質素，服務質素，埋單$418 我比$420 ，但果兩蚊唔找比我，我真心一蚊tips 都吾想比，我唔係為打卡而來，所以唔會有下次，好心就train 下D女仔啦，講完

可以黎打卡影相Book左呢間餐廳同朋友慶生, 我地自己準備左蛋糕, 每位要收$20, 價錢可以接受, 自備蛋糕嘅朋友要留意了! 我地中午過黎, 客人都幾多呀, 都坐到八成滿, 而且waitress態度都好好, 感覺不錯! 環境都好舒適, 啱朋友黎傾計, 對住街外嘅高枱位置最適合影相, 可惜有客人坐左, 我地最後都無影到果個位! 講返食物質素, 我都好滿意, 牛肉飯煮得好好味, 醬汁好美味, 仲有幾款鮮製果汁!! 呢間我會encore! 👍🏻👍🏻