梔子

營業中

休息中

因為有朋友係美國番黎所以想搵個可以坐得舒服d既地方聚舊,而佢又想行尖沙咀,所以就搵左依間係佐敦既cafe☕️cafe既裝修好文青好清新,而且好多影相位,岩哂閨蜜去打卡影相📸牛油果蛋bagel($88)本身係包包控所以見到bagel就即刻叫黎試!!平時佢既bagel係用原味整,但侍應話因爲今日無哂原味所以用左肉桂味,肉桂味好香啊而且bagel好有咬口吾會覺得太硬,而且bagel中間有d cream cheese,配埋感覺清新既牛油果食吾會覺得漏,同中間既蛋汁夾埋一齊食感覺好治癒🥰三文魚檸檬奶油意大利麵($98)每一啖意大利麵都有好重既奶油味,而且佢係用意大利扁麵吾係普通既意粉,加埋檸檬汁感覺好開胃好好食😋😋chocolate bananut因為我地係平日去所以叫左set menu,加$20就可以叫依杯野飲,香蕉係鮮榨既所以飲落去好新鮮,而飲落去仲有d朱古力粒粒,香蕉同朱古力真係最好既配搭😝黑糖紅棗薑養生茶好足料飲落去薑味好重,熱騰騰好健康☺️

如果你鍾意小清新嘅Cafe，但又鍾意飲酒，咁「梔子」應該就係最好嘅選擇！聽聞係由兩位鍾意去旅行嘅女仔開嘅，而且兩位仲極熱愛飲酒，所以就開咗呢間日頭係Cafe、夜晚係小酒館嘅「Cafe型小酒館」，主打健康輕食、手工啤、Cocktail、清酒等。由於小妹係Lunch去，所以未有感受酒館氣氛，但日頭去一樣好Chill好正。店內以小清新風格為主，最靚嘅打卡位係面向街嘅半開放式座位同店內嘅梔子花樹。食物方面以簡約、原味為主，非常健康。Avobagel($78)值得推介，以牛油果、蛋、忌廉芝士放入鬆軟微暖嘅貝果包入面，芝士濃郁、蛋香、牛油果軟滑，居然有Comfort Food嘅效果。原以為芝士蘑菇釀雞翼($68)呢啲手工菜唔會喺小店出現，但「桅子」卻整得外脆內軟，估唔到如此心機菜做得頗有家庭味道。鮮帶子黑松露意大利麵($168)味道尚可，惟份量較少，性價比唔高。另外又嗌咗由士多啤梨、番石榴同雪梨打成嘅Strawberry Dream($58)果汁，頗清潤解渴。

一連串的社會問題及非常不明朗的天氣。今天終於陽光普照立刻往外跑。實在須要讓心靈休息一下。忽然想起呢間位於山林道的小店。這空間蠻舒服的設計讓人很放鬆，門口對外的位置今天又沒有人，陽光照進來很溫暖！很適合到這裡吃個悠然自得的午餐由於稍微過了午餐時間，人流一點也不多，只有幾位女生在看書。好舒服點了一杯果汁（Green)及一份沙律。果汁完全沒有加糖很健康，菠蘿雞肉杏仁黎麥沙律也很清新。過了一個寧靜悠閒的午後時光

約左舊同事tea, 佢揀兩間cafe,而我就二揀一，選擇呢間梔子cafe。佢成日爆滿，今日經open rice app 訂位成功，仲有Asia miles 送❤️我地兩個都order左呢個Green。佢係mix 左kale, spinach, apple, pineapple 同埋冇加糖同冰，飲落去冇過分嘅草青味，亦唔會過甜，balance得好好👍🏻Quinoa pineapple chicken 沙律清新輕盈，炎炎夏日食就啱啱好。唯一一樣嘢就係keep住有蟲蟲飛去我杯juice 度😣

Zi Cafe 梔子 對我黎講係一個特別嘅地方，每次行過都記起個份好美好嘅回憶，今晚咁岩同朋友係附近食完晚飯，因為比較早食完，朋友就提議去Zi Cafe 坐一坐☺️好掛住佢個手工海棉蛋糕加海鹽芝士cream❤️可惜staff話今日無做，得返開心果蛋糕同朱古力蛋糕🍰好在開心果都係My Favorite ，所以就決定坐低慢慢食，享受埋週末嘅Evening☺️ 如果想dine in，每人最低消費係一杯野飲，野食係唔包架！第一次夜晚黎，餐廳人客比起日頭少，感覺舒服同比較靜，適合三五好友係到飲杯野，傾下計。開心果蛋糕好香滑，開心果味好出，好好食😋質感都岩岩好，唔會太實或者太軟身，配上薄薄嘅cream，yummy! 但係對我黎講就比較甜，配茶食會減低甜膩感😆因為為食，又叫埋朱古力蛋糕試下，原來係松露朱古力，不過我就唔係幾食得出個松露味，反而面頭d dried berries 酸酸地，幾好食👍🏻最有驚喜係呢杯Matcha Latte ，平時係第二d coffee shop 飲一般都係茶加奶，呢到就比較特別，係有咖啡係入面！咖啡味加香，出奇地同Matcha 味好夾！

跟朋友閒日七點幾左右到底cafe，眼前一亮！非常舒適簡約清新既裝潢,傾計好地方食物選擇都偏向輕食，但飲品就有唔錯既選擇！餐牌亦附有老闆娘既生意構思: 務求打造客人同朋友可以享受悠閒吹水時光既地方。我地決定一試牛油果蟹肉意粉同House Salad..Matcha Latte & Rose Latte..(店員好細心提醒熱飲Latte係用咖啡製成)小餐廳人手不多既關係，食物同飲品相對等候時間較長，不過正適合黎吹水既我地。House Salad排得靚靚，材料豐富，唔會剩係得沙律菜，個dressing非常能點綴個沙律 如無計錯應該係柚子醋雖然牛油果蟹肉意粉賣相有dddd失色，不過味道一流，非常特別，將牛油果打溶做意粉既汁，配埋蟹肉整體黎講，我非常鍾意同欣賞店主既由門面同餐單設計既心機，值得再黎

今日做完gym想同朋友hea下傾下計，朋友就建議黎到呢間cafe，雖話就話係尖沙咀，但其實佐敦站行過去快好多，店面細細間，坐位都算逼，好彩我地去個日係平日8,9點，無咩人，都叫做可以靜靜傾下計。食物方面，質素唔錯，呢個bagel 店員姐姐有叫我地要快食，因為凍左就唔好食，但佢地就講到明唔幫我地分，所以我地都要自己分bagel但野飲就比較一般，我叫左carmel latte, 無咩咖啡味，朋友叫左rose latte就話好香，但因為我本身就麻麻地rose spruy 既味道，所以無試。其實平日黎呢種小店坐下都幾開心，希望下次試飲其他野唔會失望。

好想同朋友談談心，選擇左方便大家既尖沙咀。店既位置係近佐敦站，但尖沙咀行去都算方便，另外門口有泊車錶位，但都要睇下好無彩，因為長時間滿位。到店既時候5點，差不多full house。店員問我有無訂檯，我地約得太即興無訂位。好在當時門口高檯既客人岩岩埋單，於是我地就可以呷住咖啡望下街景。坐底後店員好細心講解當日有咩係售罄，而且我地亦可以細看店主開舖既故事。最低消費一杯飲品，食物不計在內，限時90分鐘。環境以簡約色系設計為主，好令人放鬆享受。牛油果smoothie好香牛油果味，但唔會太膩，飲既時候會食到牛油果肉。其他食物，飲品及甜品都好味。將來又可以同朋友黎飲下野傾偈，下次一定要飲酒

首先我同朋友坐底打算散叫2個牛油果比高, 之後員工說有最低消費是一杯飲品(食物除外), 因為我地不是第一次去這裡食LUNCH, 已經去過超過5次, 我跟那員工說我之前都是這樣散叫, 那算, 我地接受.之後牛油果黎到, 我地2個都發現煎蛋煎我黑哂, 再同那員工講, 她只說因為換了個PAN, 但無交代係再煎過或是怎樣? 我再追問, 佢先話"煎緊", 最再上碟, 我一反轉依舊是煎成這樣, 我同朋友都失望, 打算算啦, 最多以後唔幫親.到我出去埋單, 佢地再煎一隻, 這次真係"太陽蛋"", 但另一個係廚房個員工說這隻係剪俾你(眼神仲要惡我咁),  我回佢不用了,我要走了,但其實佢地從來無人過黎交代過會再煎第3次俾我地, 無講過不好意思, 我難度住坐係度無了期咁等?禮貌非常欠佳, 到最後我埋單, 我係俾全數,雖然我地無叫飲品, 因為沒有想飲既野, 但我地照計餐費全數埋單, 但個員工係我俾完錢時, 無禮貌咁同我強調一直以來這店都有這最低消費的規則, 我真係有點嬲, 我只係係你落單時講返我之前真係食過散叫而無人同我講過這最低消費, 更加上我沒有死要同你嘈, 我地都說OK, 仲要加上你地D餐可以咁難食

哩間cafe位於山林道，地點方便。而餐廳環境簡約，充滿曰系小清新feel餐廳仲有向街既bar枱，打卡一流先講飲品，Coconut coffe有咖啡香，配埋椰子水有好fresh 既感覺。另外既熱香矛搞檸茶，茶味不夠香但有一好處係可以refill熱水再飲牛油果bagel 味道可以，牛油果數量充足店員亦好細心提我地要快快食因為凍左個bagel 會硬。大蝦意粉要讚，有小小泰式風味，好食👍🏻水牛雞翼好普通，價格亦偏貴建議可以唔洗試🤗

早排去咗佐敦搵個朋友食lunch，一向比佐敦嘅感覺都係冇乜好嘢食，但原來有好多新既cafe，朋友就介紹我黎梔子。當我聽到嘅時候我覺得個名好特別，因為我連佢個名都唔係太識讀，原來依間鋪頭係有兩個女酒鬼開既，感覺同我好相似可能12點關係，一去到都冇乜人，鋪頭設計好有特色，好文青feel，俾人一種可以慢活嘅感覺，而且sofa位有幾個cushion，好舒服。見到依度好大力推介牛油果，於是我order咗個牛油果士多啤梨沙律。其實我本身唔太鍾意食牛油果，因為覺得生嘅牛油果好腥好難食，但依度嘅沙律真係好驚喜，牛油果不但沒有腥味，配埋士多啤梨同埋生菜簡直係Perfect match，而且仲有少少dressing，成個沙律好夾，令我再想encore而且午餐可以配埋任何茶類或咖啡。整體覺得價錢合適，而且又好味，鍾意食牛油果嘅人一定要來試下！！！！！

今天和朋友去了山林道，見到這家有特色的餐廳，就進了試試。餐廳是帶有戶外酒吧的風格，而且昏昏暗暗，有浪漫的感覺。晚上很多人去吃，坐無虛席。煙三文魚比高包三文治賣相一般般。服務員提示我們必須熱吃，冷了不好吃。非常大的麵包，口感適中，配上三文魚的滑口，感覺不錯。牛油果蟹肉意大利麵，份量算是少，男生肯定吃不飽，而麵條有陣陣的菠菜味，味道比較淡，但蟹肉很爽口。限定啤酒，非常有特色，價錢還算是可以，好少見到全黑色啤酒罐，不過味道平平。

考完試想chill 下就黎到呢到🤤 去到咁岩冇其他客人 店舖打卡位都多 門口位好靚啊😆好多人影相 餐廳以清新 fresh既concept為主 周圍都有放少少花同擺設我地就是但揀左個舒服既位坐 叫左杯rose latte avocado bagel 蝦扁意粉賣相睇落去一般 但食落有驚喜 rose latte好香 飲完有種好relax既感覺 pasta亦都夠彈牙入味 ！ 呢到好岩傾計傾成個下晝🤩 最後仲叫左件cake 食 一樣高質 cafe位置都算方便 下次經過會再黎

有驚喜有heart嘅一間餐廳，食材選用質素很高味道很好，連賣相都很美觀，飲品都非常好飲，店舖雖然很細但舒服，服務非常好，雖然有一些貴但絕對值得，非常推介，一定會再去

I am attracted by the interior design and the tall ceilings of this cafe. The menu has a good enough of choices, which I have ordered a bagel with avocado and salmon spaghetti. Both dishes plating are appealing overall, as for the taste, for the dish, salmon spaghetti, it's alright, salmon mixed with a creamy texture of spaghetti.For the bagel with avocado and atop a sunny-side up with fresh salads. The sauce of the salad is a little sour which makes it refreshing, but for the bagel, it tastes l