梨滿園韓國料理 (已結業)

前幾日去咗樂富廣場搵朋友食飯，佢推介左呢間梨滿園韓國料理嘅放題，自己本身幾鍾意食韓燒，仲要淨係$188(成人)就可以食1.5hr，於是緊係要去嘆下😆肉類方面選擇都超級多元，多到唔知點揀好😆叫咗頂級韓牛肩肉、頂級韓牛板腱肉、美國頂級安格斯一口牛粒，牛肉全部都好新鮮，色澤紅潤，而且牛味香濃突出，雪花分布平均，嫩滑得嚟薄身；另外，雞腎都好高質，爽脆有咬口，真心好味道啊😋海鮮方面都好唔錯，有青口、海蝦、魷魚、帶子，樣樣都新鮮到不得了，在熱辣辣嘅鐵板上燒到微焦香口，個人好鍾意魷魚，鮮味突出，而且較晒爽脆❤️熟食方面叫咗個韓式大醬湯，香濃惹味，而且配料都十足，有金針菇、豆腐、菜肉瓜，口感豐富，而且湯底濃郁爽口，仲叫咗個韓式少粉絲，鹹香軟身，不嬲都係我韓國菜list嘅致愛之一，啖啖都充滿韓式滋味🥰除咗韓燒同熟食之外，呢度仲有刺身同壽司可以點，叫咗三文魚刺身同甜蝦壽司，三文魚刺身切片厚身，鮮甜肥美，啖啖都食到佢嘅鮮味；甜蝦壽司都唔錯，甜蝦都幾新鮮，充分能品嘗到佢鮮美嘅味道🤤飲品方面選擇都好多選擇，攞咗七喜同芬達，餐廳整體環境都闊落，而且充滿好多韓國元素，上菜速度都值得一贊，非常之快🥰

我的他之前去九龍仔嗰邊做嘢，行樂富廣場見到呢間韓燒價錢都好相宜，今晚放工佢帶我嚟燒一燒👩‍❤️‍💋‍👨見到落單紙有好多款頂級韓牛喎！每款都點一份試吓！再點咗其他喜愛嘅食物🥰頂級牛到了，見牛牛油花均勻，色澤好紅潤新鮮，即刻放上鐵板燒🤩啲牛牛一入口，估唔到好香濃牛味，又有油脂香味，又一啲都唔韌，真係好出色👍👍👍要讚讚嘅係除咗牛之外，其他肉都醃得好好味，又係夠哂新鮮👏我的他話一定要讚豬大腸，因為豬大腸一啲都唔會又硬又韌，好易嚼爛🤣🤣另外要讚嘅係豆腐辣湯，好足料，又不會過辣，出色啊☺️我倆胃納真係太細了！竟然只點咗1轉食物，就飽哂😭惟有食埋雪糕就走了👋👋

疫症未許外遊, 我們想食韓燒, 在 Open Rice 找到間 韓國餐廳  梨滿園韓國料理 位於樂富商場, 地鐵直達, 方便.餐廳入門看見多幅韓國古代畫, 好傳統.餐廳的紅色玻璃吊燈好靚, 抽風系統也做得好好. 有圓枱, 也有卡座位, 我們兩人安排卡座, 坐得舒服.我們一坐下, 服務員很快送上餐單及熱茶. 慢慢揀, 放題燒烤 $188- 90 分鐘.  肉類有牛, 雞, 豬, 海鮮有蝦, 青口, 魷魚, 帶子.  韓國飯及湯也有多款,還包括蔬菜, 壽司/刺身, 煎/炸物, 小炒, 飲品.  十分豐富,   90 分鐘可以吃得不停手.好容易的在點單上填了, 食物五分鐘送到,  韓國餐必食, 手醃前菜:我們最愛泡菜, 泡菜非常入味好醒胃, 其次菠菜, 豆芽, 雜果沙律, 又爽又開胃.  生菜留待包燒肉, 醬汁也齊備.雜果沙律, 有蘋果,  健康豆, 好味.開爐了,  食物擺到張台滿滿. 煎/炸物兩款：炸雞, 炸魷魚,  屬於高質炸物, 炸粉吾厚, 炸得好香口. 外皮脆口及乾身, 冇油膩感覺, A + 頂級牛, 我們最喜歡, 全點了......   頂級韓國牛肩肉, 頂級韓牛板腱肉,  頂級

今晚行街經過，見到食物都幾豐富，而且價錢仲好實惠，任食成人只需$188加一，同埋都真係好耐一段時間無食燒肉放題了，所以意在必行😆。一坐底店員就送上泡菜、菠菜同芽菜，非常開胃。食材選擇多，有雞牛豬肉類、海鮮、湯飯、蔬菜、壽司、刺身、前菜、小炒、煎炸物等，不過飲料選擇只有汽水、雪糕。另外有韓國燒酒/啤酒就要加少少錢。首先每款牛都有叫，驚喜地全部都非常新鮮，牛類方面最推薦係牛仔骨，非常入味而且肉質嫩滑。豬肉類方面同樣地都有叫，豬肉醃過好入味，黑豚腩肉非常香口，豬頸肉非常嫩滑惹味，平時鐘意食牛多過豬既我，今晚係甘食豬，因為三款味道都唔錯，值得一試，尤其係黑豚腩肉同豬頸肉。而且豬頸肉來貨價越來越貴，係呢度都可以任食，真係好抵食🤩。其次必點既係雞腎，同樣地醃過好入味，食落爽滑滋味。炒雜菜都炒得好惹味。點了韓式大醬湯同海帶湯，前者較濃味，後者較清淡，但兩款都好飲，我地飲完再每人叫多碗海帶湯添。仲有好多韓式小食都想點但無叫到，因為我地兩個食肉獸已經食到好飽，呢個價錢同質素，食肉愛好者或韓燒迷一定唔可以錯過，真係值回票價。

叫外賣已經變成習慣，經過見到下午茶做緊外賣自取88折，價錢不貴，叫左2個下午茶回家食。😊😊⭐️石鍋飯(牛肉) $41 連飲品配料很多，份量大，石鍋飯外賣都不太差，有少少辣，可能有泡菜嘅關係。牛肉偏少，幾乎唔係幾搵到，可能太碎又攪拌過😅⭐️海鮮炒烏冬 $44 連飲品海鮮份量都ok，有青口、蝦、蜆。但奇怪嘅係唔知點解會有南瓜😅😅，感覺唔太配合。味道都ok，係濕炒，份量都係偏多，我唔係幾食得晒😅😅外賣 +$1 ，88折後，$80兩個餐，我覺得都算抵！

今年三姐的生日飯，都係在疫情下慶祝，就只有我地兩姊妹食。為了相就三姐放工。所以就揀了樂富。而樂富都有好多餐廳選擇的。三姐揀了梨滿園韓國放題。價錢實惠。$188食1.5小時，任飲任食。都算抵的。餐廳環境比較昏暗，如果燈光可以光猛少少就更好。坐位都夠闊落的。韓國前菜什果沙律. 是新鮮生果的. 食物種類都幾多選擇的。 尤其是要讚一下。有任食牛肩肉及牛板鍵肉。這兩款肉，肉質腍，有牛味。仲有一樣就係美國頂級安格鄞一口牛粒，同樣好食。海鮮類有帶子，海蝦，魷魚，青口。蝦的size算適中，而且蝦肉結實。魷魚及帶子就一般般啦！青口就評價不到, 因為我地沒有叫青口我地仲叫了牛脷及雞腎，牛脷三姐好鐘意，連續叫了2次。雞腎都好夠味。 仲有南瓜, 雞肶菇除了要燒烤我就覺得蛋卷好食。有三層顏色。賣相已吸引了。迷你海鮮燒餅。有4件，每人2件剛剛好，因size不是好大件。韓式炒年糕, 只是不夠辣, 如果辣些少就更好味食品，還有好多熟食。我地只叫了韓式蛋卷，迷你海鮮燒餅，韓式炒年糕。另外，飲品雖然係任飲，但選擇不多，基本上只有汽水及啤酒（只限罐裝）樽裝的要另外收錢的。所以飲品是有少少失望。

好耐都冇食放題…. 因為出邊大部份食放題嘅餐廳用料都係一般，但朋友推介呢一間韓式放題餐飯，即管去試一試。頂級韓燒放題除左豬牛，仲有海鮮，同埋有好多熱食，重點係汽水啤酒唔使另外加錢所以我地就擇左放題成個雪櫃汽水罐裝啤酒任飲傳統韓國配菜烤肉加新鮮蔬菜同蒜頭熱辣辣泡菜湯超級開胃第一round 我哋嗌左個泡菜湯同埋魷魚鬚，魷魚鬚係新鮮炸嘅超級香脆，必食當然試一試頂級牛肉啦（後）牛脷 黑豚腩肉肥牛金菇卷（前）頂級牛肩肉 頂級牛板腱肉雖然係放題，份量係好足夠啲人食嘅，唔會每次上好少又要你等好耐先有，美國安格斯肥牛肥瘦均勻，油花好平均，仲好有牛味海鮮 我哋就揀咗青口 帶子 海蝦 魷魚加左少少麻油所以烤嘅時候特別香，推介帶子同魷魚，我哋第二round 都有再encore呢間餐廳嘅服務非常之唔錯，上菜超級快！唔使好似平時食放題咁等好耐先上果細細碟野，下次去UNU買完野又可以過嚟再食 買單二百幾蚊一個人超級抵

知道這間的燒肉放題又平又扺吃，$188 一位，食物選擇挺多，除了肉類，還有海鮮，刺身，小食，熱食等等，保證吃得飽！餐廳地方大，座位闊落，一進去已經嗅到很香的燒肉味，令人食慾大增😁 飲料方面只有罐裝汽水和啤酒，支裝啤酒的話就要加錢。首先點了牛肉類，頂級韓牛肩肉，牛板腱肉，牛仔骨，個人覺得牛仔骨最好吃，十分入味。另外兩款牛肉，肉質比較煙韌，牛肉味濃郁。雞腎中間已經切開，方便容易燒熟。牛舌是薄切，入味爽口。海鮮類比較推薦帶子，青口不太新鮮。蔬菜類點了雞髀菇，粟米，燒完肉類後燒蔬菜，蔬菜吸收了肉汁，變得好美味😋 炒雜菜新鮮炒起很香。湯飯類點了海帶湯，大醬湯和豆腐湯，海帶湯非常夠味，很解油膩。但大醬湯和豆腐湯都很重味精🙈還有雪糕，有兩種口味，紫薯和雲尼拿，自己拿可以自己選擇分量，不會浪費。吃到這裏已經很飽，還有其他款式食物沒有吃到，特別是炸物，下次來再一嘗味道。

餐廳位於樂富中心三樓，裝潢設計較新派，有卡位及小圓枱，卡位自成一角幾舒服。可以食放題或set dinner，set dinner大約$60-$70，有前菜、主食及飯，晚上放題成人$188，有壽司、前菜、韓國菜式等。帶子夠厚身，甜味鮮甜，海鮮類還有青口、海蝦🦐，全部都有醃蒜蓉醬，加添了不少味道。牛肉有五款，肉味濃郁，薄片容易燒不易韌，肥牛多雪花紋❄️。豆腐辣湯上枱滾熱辣，豆腐滑，有金菇。還有韓式傳統紫菜包飯，熟食都有好多款式揀。雪糕有維記芋頭、雲呢拿味，食了兩碗作為這餐飯的結尾。上菜的速度快及準，不會漏單。

載譽歸來! 終於有藉口同朋友再到樂富吃飯， 終於有原因再光顧梨滿園韓國料理。對上一次吃都差不多一年前， 驚為天人，印象深刻。 付出非常合理的價錢， 可以吃一餐不錯的韓式燒肉放題。既然是放題， 就放肆的點些上次試過好吃和一些未有點過但應該也好吃的吧！帶子和魷魚今次的朋友比較喜歡吃海鮮， 而我就還可以。 但我倆都不約而同地試了這兩款而表達深切的驚喜。 新鮮令我們吃得出帶子的鮮甜肉嫩和魷魚的爽彈， 錦上添花的是餐廳用上類似椒鹽的醃料醃製， 味道和海鮮絕對一流的匹配。 而且帶子和魷魚都屬於比較容易燒的海鮮， 相信在這裏都非常受歡迎。牛肉系列這裏的牛肉可以分幾部分點選， 不得不叫的一定是 頂級韓牛仔骨。 肉身非常鮮嫩 ，肥瘦分佈適中， 沒有多餘的醃製， 吃起來就是好食。 另外想吃的就是頂級韓牛肩肉， 不同於肥牛， 這部分的肉口味較香濃， 也沒有肥牛多脂肪， 吃起來健康但保持鮮嫩多肉汁， 配上枱上帶微酸的燒肉汁， 推薦！雞腎，牛脷，豬肉餐廳所提供的肉類和內臟雖然未至於非常名貴， 但勝在都非常新鮮。 當然包括這三款， 雞腎非常爽口 但不黐牙， 牛脷切得非常薄身， 但不減其濃厚的牛 味， 豬肉油脂香味

🍽️用餐日期：21/05/2021🕚用餐時段：晚上八點🕣🤤等候入座時間：0分鐘由於搵餐廳嗰陣已經接近八點，十點又禁堂食，所以就近搵咗間韓國嘢試下。🌛石頭窩飯（牛）石頭窩飯上到嚟仲起曬煙，好熱，配菜有紫菜，紅蘿蔔，芽菜等等，佢個飯軟硬度適中，但係本身個飯就算撈曬所有配菜感覺都系冇咩特別嘅味道，但落咗餐廳提供嘅韓國醬汁就唔同曬！好惹味好香！建議大家可以食石頭窩飯嗰陣可以落醬汁試下😋碗飯好大碗，都幾抵食！🌛炸雞（芝士+$5）我哋一開頭就叫埋炸雞，但食緊飯嗰陣完全唔記得食，去到食飽飯嗰陣啲芝士已經韌曬，炸雞都凍曬😫但係炸雞嘅皮炸得好靚好香脆，配埋餐廳比嘅甜辣醬幾好食，唯一美中不足嘅係炸雞嘅肉有啲乾身同鞋，但整體嚟講接受到嘅～值得一提嘅係，呢間餐廳嘅waiter都頗有親切感，服務態度幾好！

食過好多間燒肉放題，依間雖然唔係最好食，但性價比都好高！環境就一般啦，燈光暗暗地，地板就油油地痴痴立立，塊鐵板都唔係平時燒烤用開嗰啲款，睇得出間野都有啲舊式，不過食物質素以$188 黎講都幾高質依度放題只有汽水任飲，雪糕就桶裝自己裝嗰啲（得2隻味），選擇少啲啦！依間放題除左燒肉仲有其他熟食，所以都算幾多選擇，不過得兩個亞姐落單，就無咩服務可然喇！ 不過無睇到其他食評話黑面嘅😂標榜係韓牛，我地就唔太識分，但上碟就唔係雪到硬一硬，係解過凍先拎出黎，燒一燒就食得，抵，牛肉類只有牛仔骨有醃過，都好淋好入味，雞肉都醃得出色，唔想食太多燒肉，仲叫左幾款熟食，熟食正正常常，上枱都係熱辣辣幾好佢嘅帶子，魷魚同蝦都好鮮味，平時出面食帶子魷魚都無咩味，依度嗰啲好帶鮮味，都叫左兩轉.不過有度唔好就係佢啲份量同寫紙仔係會有出入嘅，肉類似係你寫1，佢就出2-3片，帶子我寫6，佢就出4咁囉！不過有時幫襯下啲小店都好過成日幫襯啲大集團，以下圖片係食左兩次夾埋影到嘅！

朋友笑我成日經常出去搵食佢話其實簡簡單單係佢樓下都有好多好野原來佢住樂富原來依家樂富真係好多好嘢食竟然比我見到有一間$200都唔使可以任食嘅韓燒而且食物種類好多咁即係入去試吓先呢度係寫紙仔而點菜要按返你人數而出返數量俾你咁更加乾淨衛生啦一睇依度除咗唔同肉燒之外仲要魚生，壽司.韓國煎餅，蛋卷，韓國最出名嘅湯泡飯冷麵一開始佢已經會比定三款嘅小食俾你包括左泡菜，大豆芽菜同埋菠菜有新鮮嘅生菜同埋蒜片當然仲有韓國嘅調味醬啦講同燒主打嘅燒肉先啦內面既牛舌.豬腩肉.同埋牛肉都好新鮮自已燒完肉咁跟住再加埋生菜捲埋一齊食一個韓式包菜就完成啦好味而不油膩正海鮮雖然四款但係蝦，帶子，青口同埋魷魚都係質素好嘅最欣賞係呢間店入面嘅湯飯類同小食我叫左好多包括咗個冷水麵，紫菜湯，大醬湯，上海烏冬個味道都真係不錯仲有功夫多既蛋卷唔會因為放題而做得隨便味道正宗

今日老公約左我撐枱腳，去樂富食韓燒放題，依間放題都幾抵食，平民價，但都幾多款韓式食物選擇我地order左食物前，侍應比左d餐前小吃味道正宗韓國風味，泡菜好食食材新鮮，黑豚腩肉燒完後好juicy,帶子不錯，而蝦就肉質彈牙，點埋燒汁食好好味三文魚刺身新鮮，任點任食，石鍋飯都可以order, 平時散叫都要$50-$70，熱辣辣，食一個都值回票價仲有美味飯焦另一亮點，韓式炒年糕，好煙靭韓食蛋卷-味道不錯，肯定仔女好鐘意食，下次要帶埋佢地一齊黎食完韓燒，order左海帶湯清熱下，足料，味濃又好飲今晚真係非常滿足

ㄧ直都幫趁開旺角分店, 又平又好食, 可惜今年已執左, 就特登黎試下唔試由自河, ㄧ試把鬼火呀!!!呢間無論食物質素同服務係同以前旺角果間完全唔同!!!不過呢間係食放題$188 任食只可以説ㄧ口和牛粒, 帶子魷魚叫幾好食, 其他就好麻麻, 三文魚刺身上碟仲有冰的。 唯有玩炙燒三文魚貪平求其食飽可以試下我冇試過飯呀, 湯呀, 但冷面就好硬, 真係唔得! 禮貌又麻麻, 咁既時勢就好d la其實絶可以比劣評, 不過體諒到而家食市生意難做! d 野唔好食, 服務就真係要改善靱, 人客係黎比$ 你架! 唔好咁晦氣!