梨滿園韓國料理 (已結業)

經朋友介紹，樂富有一間大件夾抵食的韓燒餐廳。188一位任食任燒任飲，今日特登和老公過來試一下。種類的確是很多，根本無辦法全部吃完，而且每份都大大份，包括豆腐湯，好大碗，而且好足料，和單點的份量一模一樣。牛肉新鮮，沒有雪藏肉味，而且種類很多。本人覺得牛肩肉最好味，美國肥牛雖然看起來脂肪比較多，但燒起來牛油味好香，吃下去一點也不覺得油膩，而且口感很香滑。美國牛仔骨油花分布平均，牛脷爽口一定要試。　豬肉類的也不會失色，豬頸肉勁爽口，用生菜包着來吃雙重口感。五花腩五層肉和脂分佈明顯，燒出來的豬油香配上韓國燒烤醬吃，好香口。還有好多種類根本都吃不完，有海鮮，有飯，炒年糕，炸雞之類。$188有咁多嘢食，真係好抵食！

$188 一小時三十分鐘放題雖然時間短左少少，但都足夠攬住個肚走，牛肉都有4至5款選擇，個人覺得牛仔骨最好食，其次雞件都好味，海鮮不多有帶子，蝦，青口同魷魚，壽司手卷可以放棄吧！ 而汽水係任飲，雪糕就不要期望有高級野吧。

之前幫朋友買了防疫產品, 他建議請我食韓燒放題作回報, 內心即刻上演一幕幕內心戲, 朋友為人孤寒(哈哈…) 餐廳一定不太貴, 而平價韓燒放題又大油煙, 污糟, 食劣質肉, 要同待應嘈交, ……, 但就本住唔好食就當識少個的心態一試。之前連餐廳名都無問之下, 他帶了我來到樂富商場的梨滿園韓國料理。「咦? 大商場裡面? 門面不低檔? 無濃濃油煙味? 門口姐姐同服務員姐姐仲要有禮貌? 」。一坐下, 服務員姐姐也送上前菜及點菜紙。在放題下也放下了芥心, 點呀點,頂級韓牛肩肉這部位牛味零舍濃郁, 邊位燒到少少脆口, 正~頂級韓牛板腱肉易燒, 鮮嫩頂級安格斯一口牛粒我們燒得剛好, 有咬口不太韌,鮮味十道。頂級韓牛仔骨厚身較難控制, 但好入味, 好淋。美國頂級肥牛油脂平均, 牛味濃。牛脷有少少酥，但我正是喜歡！黑豚腩肉肥美甘香，肉汁充足, 包生菜每人至少食了10件。炒雜菜以我對菜類的認知, 應該包含了木耳, 椰菜(?)…. 重點是有鑊氣。 炸物,熟食,魚生......有很多選項, 因知道食物質素唔差, 樣樣都有叫來試, 炸物,熟食都熱騰騰的, 抵讚! 在我們有把檯面食物掃清的同時也將我之前對這餐的憂

如果想食韓燒嘅話，都幾推薦嚟依度😄😄因為經濟實惠，晚餐時間只需要$188佢哋嘅肉類選擇唔會話太花巧，無好似大型連鎖店咁，加唔同香料或者用唔同嘅汁就當係一款我個人認為，再花巧嘅嘢，比幾百個選擇你，都未必好食但係依度就簡簡單單，選擇唔算話超級多，但係都非常足夠👍🏼👍🏼就咁燒豬腩肉，配泡菜蒜頭，又或者係包生菜，一齊食，已經非常滿足。😋😋佢哋肉唔會話太過冰硬另外除咗燒肉之外仲可以揀其他韓式小食，我就試咗豆腐辣湯都幾唔錯用料十足有少少海鮮

好耐無食過韓燒，放工遠離最繁忙果幾個地區黎到樂富～ 樂富廣場內的梨滿園供應韓式燒烤放題。$188 90分鐘任食 任飲韓燒放題。不過飲品選擇唔多，有各式汽水。提供的泡菜、豆芽、菠菜同包肉嘅生菜都係任食。泡菜就偏向港人口味偏甜。想不到有五款頂級牛肉質素都唔錯，特別是美國頂級安格斯一口牛粒。韓式醃牛肉、牛舌都是必點。另有炸物、小食、麵食供應。腩肉沾麵豉醬包生菜感受韓風。三文魚刺身，正常發揮。韓式炒粉絲配韓式醃牛肉絕配。水冷麵煙煙韌韌 配酸蘿蔔正。上湯海鮮湯烏冬有種係家煮嘅味道，熟悉而舒服。蛋卷上碟仲好熱辣辣。花枝、帶子都幾值得食。 最後都食埋維記雪糕就完結呢餐。

生日第一擊原先想去壽司郎吃頓好的，怎料不接受即時排隊，唯有去其他地方吃吧。朋友說想回家鄉，於是就挑選了一間韓國餐廳。餐廳位置位於樂富中心3樓，頗容易找的，門外那個韓國logo，簡直是地標！食物方面餐廳正在進行推廣，$188任吃燒肉，適合一班食肉獸。但由於太早的關係，於是就只揀選了單點菜式。點了1）牛肋骨湯；2）石頭鍋飯(牛肉)，配以一個飯、湯和前菜。先來了牛肋骨湯，齋看不覺得特別，但內有乾坤，憑著一舊牛肉，令整碗湯很鮮甜，頗有牛肉味，湯也很濃烈，同行的朋友更大讚此湯甚至比韓國的雪花湯好。然後來了石頭鍋飯，這個就沒有多大評價，因為此菜式很難煮得不好吃，如果不好吃，就可以關門大吉了。唯獨是那個飯蕉，令整個飯更有口感！整體感覺還不錯，性價比高，但餐牌上的錯字和設計略嫌一般。

閒日到樂富拍拖晚餐食得好開心 好滿足呀☺️☺️商場就喺地鐵站隔離，非常方便。餐廳除咗韓燒之外，仲有晚市套餐，佢嘅特價晚餐都有成27個選擇，最平$32就已經可以有一個韓式餸+飯/湯/前菜🤔🤔好似好抵咁！ 由於為食，咁我梗係試咗韓燒先啦😈😈$188一位 食90分鐘點餐紙只得一張，雙面既本身都覺得好似好少選擇，但係睇真啲，其實已經算係應有盡有，簡單又實際嘅韓燒，唔需要太花巧啦～ 泡菜、大豆芽、菠菜，前菜都唔錯食韓燒最鍾意就係豬腩肉！將黑豚豬腩肉，燒到少少金黃色，可以少啲油之餘，仲令到成塊腩肉脆卜卜！ 用生菜，加埋蒜頭，同埋少少泡菜一齊食，冇得輸呀！❤️❤️❤️佢哋嘅牛肉都唔錯，我哋主要都係食牛板腱位置，唔太肥，有幾香肉味，唔錯👍🏼如果淨係燒肉，又單調咗啲，所以我哋都有叫啲小食。豆腐辣湯比想像中好味，除咗豆腐之外，仲有翠玉瓜同埋一啲海鮮，好似蝦&蜆，都算係好有誠意☺️☺️微微辣，好飲炸魷魚都唔錯，魷魚真係幾大隻，幾新鮮而且個脆粉都幾好味唔會太咸😁😁鍾意食海鮮嘅話仲有新鮮蝦添！咁嘅價錢都真係好抵。服務方面，侍應姐姐們幾nice，會主動收走唔要嘅碟☺️如果想韓燒嘅話，依間真係唔錯🔥

這天食韓式燒烤。餐廳有套餐優惠，但我覺得韓牛放題超級抵食！本以為食韓式放題應該不會有豐富的前菜，但店員還是會送上多款泡菜，非常驚喜。對我來說食韓燒，肉片的質量是非常重要的！這裏的牛肉，肥瘦適中，肉味亦算香濃，而且以放題來說，肉片質量亦算穩定。再考慮價錢，我覺得這裡的肉片很出色！另外這裏的炸雞亦非常有驚喜。感覺上應該是即炸的，完全不油膩！而且雞肉有肉汁，多吃幾塊亦不會覺得乾。當日我還品嚐了多款的其他小食，當中飯卷以及拉麵印象最為深刻。拉麵雖然看起來其貌不揚，但事實上它的味道及口感都是非常出色的。

難得嘅假期，忍唔住就想出去搵嘢食。今日食乜好呢？四圍搵，四圍睇，行到這間餐廳，門口掛了餐牌，幾啱我哋心水，就吸引咗我哋入去試試。進入餐廳後，職員就立即把前菜送到枱上。之後，我們叫了兩個特選午餐。海鮮大醬湯奉送白飯。第一啖就要試吓大醬湯味道，不算太鹹，豆腐很滑，可惜海鮮料不是很多，只食到蝦及蜆，而味道也是一般。烤雞肉奉送白飯。職員送到枱上，心裡不禁嘩了一聲，咁多雞肉嘅？雞肉用鐵板上，能夠保持熱度。雞肉很入味，配上洋蔥，可以食多碗飯😊。最後叫了蜂蜜生薑茶，需要加五元。味道很甜又有薑的辣，唔錯唔錯！

話說朋友個仔仔係樂富廣場附近返興趣班 所以夜晚既飯聚都揀返係附近 6點幾接完佢仔仔落堂 我地就去左樂富廣場搵野食喇 經過梨滿園俾佢個$188頂級韓燒放題吸引左 見佢平得黎食物種類都幾多下 而且餐廳望落都幾好坐 於是我地三大一細二話不說就行左入去喇！去到時間尚早仲有吉枱 立即影低個環境同大家分享先 餐廳都幾闊落 坐得舒服首先黎咗幾款前菜先值得一讚既係職員見到我地有小朋友 好主動咁提供左鉸剪仔俾我地剪開d食物 非常細心好喇！到主角肉肉肉肉們出場喇：肉類既選擇都唔少 淨係牛都有7款 咁多款肉類當中我最鍾意牛脷、美國頂級安格斯一口牛粒同埋頂級韓牛仔骨係有d驚喜既 冇諗過呢個價錢食韓燒 d肉類質素都唔錯牛既雪花分布平均海鮮方面 帶子、魷魚同埋海蝦都唔錯 帶子都算新鮮 海蝦大大隻啖啖肉 而魷魚則好爽口黑豚腩肉都唔錯 肉味香濃雞肉都幾嫩滑 冇乜雪味仲有美味既豬大腸同金菇肥牛卷添佢地既熟食質素都幾高 推介既有韓式紫菜蛋卷、海鮮煎餅同埋煎餃子！ 煎餃子個外皮好香好脆但內裏仲keep住juicy 讚！仲有三文魚刺身都係任食 質素都唔差 好抵呀！飲品既選擇唔算特別多 但係罐裝汽水同埋啤酒都係任飲 真係飲多幾

本人一个人吃了放题燒肉午餐,它有分生燒與熟食,全店得兩位大陸口音職員,其中一位應高級D,坐底餐具一陣回臭味很臭,D肉無味,熟食我点了很少有些冇嚟再吾係要大半个鐘,埋單207.5元而且一个有地位負責人還話我开到個盧咁大但我一直都沒有動过任何東西而且它的爐具不是專業大家可看看

早幾年同朋友食過呢間野，啲服務態度已經係“一流"；入到去，水又無，菜單又無；問佢又黑面☻過左幾年，今日試下打去問睇下有無外賣自取烤肉；點知…😋：喂，吾該有無外賣烤肉叫？🙍‍♀️：有，食咩 (晦氣)😋：想問下 菜單可以喺邊睇，網上有無咖？🙍‍♀️：咩菜單啊？咩網上？都吾知你up乜… (不耐煩)😋：想問下 菜單可以喺邊睇，網上有無菜單睇？🙍‍♀️：咩啊咩網上？都吾知你up乜，自己過黎睇啦…☻☻☻☻☻☻奉勸大家，吾想受氣，就咪幫襯了

好耐冇去過樂富，今日有些原因，出咗嚟，立即搵嘢食先，見到這間韓國餐廳，好耐無食過韓國嘢，於是決定食這間，見佢D下午茶其實比較似午飯或晚飯，但價錢也只是三、四十蚊，包指定前菜及飲品，的確幾抵，叫了個雞肉蛋花湯粉絲及烤牛肉跟飯，我開頭以為個湯粉絲只係得粉絲，點知原來另外跟個飯😳，餸嘅份量充足，尤其是個烤牛肉幾多牛肉，鐵板上，肉質不錯，唔韌，入味，個湯粉絲清清地不錯，不過佢個蛋無咩攪拌，所以唔係蛋花湯🤣，不過總體而言，幾抵食，選擇也多，味道也不錯👍🏻

World on lockdown but wanted to satisfy korean bbq crave.. so ended up here at this all you can eat restaurant after some recommendations.Unlike other all you can eat korean chains, the food is not self served but ordered by menu and the waitresses will bring you the food. Quite a good option at times like these to minimize food contamination!The stove is adequately large enough to cook concurrently for 4 people and the heat is sufficient, unlike other restaurants. You can really start cooking o

和家人一同享韓式燒烤的樂趣，走到位於樂富的梨滿園韓國料理。餐廳鄰近港鐵站，交通方便。餐廳的韓燒放題，食物種類繁多，從頂級牛肉、豬肉、海鮮到蔬菜，一應俱全。燒烤之外，也有一些由廚師烹調的食物，例如壽司、煎炸物、小炒等等，配合不同喜好的食客。汽水自取，無限任飲。雪糕也是自取，無限任食，可惜味道選擇不算太多，就簡單的幾款。侍應先送上韓式燒肉必備的生菜和蒜頭，以及辣醬；另外還有韓餐不可或缺的前菜。當晚不是太餓，趁有些耐性時，先努力燒烤。頂級韓牛肩肉質地嫩滑，油脂分佈細緻均勻，肉味香濃，不可錯過。金菇肥牛卷包得妥當，一啖一件，肉香滲到金菇之中，香氣四溢。豬頸肉爽脆可口，又夠大件，而且已經醃過，味道更香。海蝦好大隻，啖啖肉，非常吸引，而且鮮味十足，一定要試。接著就吃一些由廚師煮好的食物吧。這是韓式蛋卷，外層是蛋皮，內裡包著雜菜粒、紫菜等配料，味道好之餘又有營養。為補充一些澱粉質，點了一客豚肉炒飯。好喜歡上面灑滿紫菜的做法，讓炒飯口感更加豐富。整體而言，食物份量非常充足，絕不因為任食放題而手軟或「擠牙膏」式每次只給少量食材，而且出餐速度高，保證限時內每人也可飽得捧腹而去。食材質素整體也不錯，性價比一