梨花園快餐 (已結業)

係呢頭搵地方開餐，唔想咁破費可以黎呢個大商場嘅美食廣場，多款各國食物選擇，今晚幫襯韓式! 呢客純豆腐辣湯，有湯有飯又有前菜，仲包飲品，只係幾十蚊，一定食得你飽和 配料都幾豐富，包括海鮮 (有魷魚/蜆肉/蝦)同豬肉，豬肉只係小碎塊，唔好期望太高! 睇慣韓式煮食節目，蔬菜方面最常見嘅泡菜，翠玉瓜及白蘿蔔片，加埋蛋花及粉絲，成個湯渣多個"湯"....哈哈...豆腐超嫩滑，都幾有豆味! 話係辣湯但只算係少辣，反而偏重大醬味道，用黎送飯好岩呀，學韓國人咁食，先飲啖湯然後先食啖飯 雖然係美食廣場出品，但都有兩盒前菜配食，泡菜酸味多過辣味，夾住白飯食又OK喎; 反而個大豆芽就偏咸左D啦 套餐包埋飲品/湯，

岩岩叫左個2款飯食，一款部隊鍋不作評論，另一款韓式炒飯，個店員係我面前拎碗飯去叮，有冇搞錯呀連基本呃個客都唔識係我面前叮？劣食，垃圾公司比錢你黎食叮飯，我唔好去買波仔7仔叮飯食，要你幫我叮呀？

放假同朋友係希慎行街行到食飯時間行到又攰又肚餓，但又糧尾了😭所以就直上food court 諗住平平地就可以解決一餐🍜行咗一圈之後感覺梨花園快餐嘅賣相幾好就試下喱間啦！🔺泡菜豬肉炒粉絲🌶佢係個套餐嚟有3款前菜加湯or野飲，我自己好中意喱啲套餐感覺好完整咩都有咁👍🏻一食個粉絲係好辣！🔥其實佢個味道係調教得好好，好香麻油味都幾惹味！但最衰自己唔太食得辣🥺佢啲泡菜對我嚟講係勁辣🔥但醃得好夠味👍🏻最後我比哂啲泡菜朋友仔😂但我都有清哂啲粉絲🙆🏻‍♀️同埋啲豬肉片味道普通但個份量都幾多，對於師奶仔嘅我覺得好抵！

自己一個銅鑼灣又想食韓國嘅，諗起希慎Food court 有間韓國野，就去試下先！自問食野唔算嘴刁，但呢間我都覺有d伏，大家真係要好好考慮避免去食🔻韓式辣醬豚肉炒粉絲評分：4/10價錢：約$70個韓式辣醬同我認知中嘅完全唔同，都唔係個回事，真心大大扣分🥺雖然係咁，其實未去到好難食嘅，如果你肚餓又想食韓國野，都應該會食得落，不過絕對唔可以抱有任何期望去食..📌梨花園快餐 (*伏🤢)銅鑼灣軒尼詩道500號希慎廣場11樓1102號舖

想不到吃什麼的時候，總愛到希慎廣場的Food court逛逛，貪這裡的食物款式夠多也夠集中，今次就試試韓式快餐。我們點了泡菜豬肉飯套餐，套餐賣相相當豐富，有前菜、湯和一碟份量也蠻多的主菜。泡菜豬肉味道咸辣惹味，辣度適中，用來配白飯吃非常開胃。旁邊的海帶湯比想像中要足料，加入了大量海帶，味道清清地可以中和泡菜的辣味。三款前菜當中，以腌過的蓮藕最為好吃，蓮藕爽脆得來非常入味，而泡菜和芽菜則味道一般，沒有特別出色。

Lunch hour 嘅呢間Korean food 都算多人排隊，呢個係店主話recommend 嘅泡菜牛肉飯 $74，跟牛肉湯或coke 唔好睇佢個碟好大，份量好似好多咁，一個女仔食都岩岩好飽：）因為佢d 牛肉同泡菜其實只係薄薄一片鋪係面架咋。我覺得牛肉都算入味，唔太un又唔多肥膏，份量就麻麻啦 x__x 但牛肉味道ok。泡菜都不過不失。**不過成個飯真係太多汁，d 泡菜冇收到水，太多汁喇，搞到食食下好似食緊泡飯咁。。。。。。湯撈飯，搞到食碟野都好咸好咸。。。。。可以改善 orz呢個價錢咁既肉既份量又唔算抵食，overall 都係不過不失咁啦。。。。。

裝潢左既food court，有好多唔多國家菜式既餐廳進駐。見到有韓國菜，價錢亦親民。不過，晚市food court好多人，搵位會難d。叫左特色雙拼($64)，自己揀2個餸菜，奉送飲品。泡菜餃子湯麵，湯底辣，而餃子既內餡包住辣肉碎及菜，圓碌碌既，食落唔錯。仲有d紅蘿蔔絲，瓜做 配菜，所以算多料。另一個餸菜揀左炸雞飯，炸雞唔算脆身，但外皮冇"林"，仲有肉汁，而且都有大約6件，幾抵食。配上甜甜地既醬，送飯一流。亦都配有菜，所以感覺健康。整體，係銅鑼灣要搵間平平地既餐廳，唔算易。係尼到可以簡單食個飯，回味下韓國菜。又唔貴。

作為一個香港人，呢期真心攰，就算有動力，都無咩心機...晚晚都問食咩，因為無左以前突然間想食一樣野而去search餐廳食，而係無心情，是旦啦！呢晚就揀左去hysan既food court, 又係個句，由於我再有湯既物體，個海鮮豆腐鍋係我既，好肉肉既五花腩係男人既我個湯好辣椒粉加水既味，唔夠辣醬同其他調味，不過還好，唔係好差... 不過自己煮應該會好少少咁... 佢都叫有兩隻蝦，有兩三隻青口同幾隻蜆. 豆腐有幾舊碎左既，料既量係無投訴既，但個湯就真係... 個五花腩呢，我有食一啖仔，我真係受唔到個層油，但佢都算香既，男人都無用紫菜包飯而個三個前菜，不過不失啦，係個黑豆比較特別咁