梨花園快餐 (已結業)

放假同朋友係希慎行街行到食飯時間行到又攰又肚餓，但又糧尾了😭所以就直上food court 諗住平平地就可以解決一餐🍜行咗一圈之後感覺梨花園快餐嘅賣相幾好就試下喱間啦！🔺泡菜豬肉炒粉絲🌶佢係個套餐嚟有3款前菜加湯or野飲，我自己好中意喱啲套餐感覺好完整咩都有咁👍🏻一食個粉絲係好辣！🔥其實佢個味道係調教得好好，好香麻油味都幾惹味！但最衰自己唔太食得辣🥺佢啲泡菜對我嚟講係勁辣🔥但醃得好夠味👍🏻最後我比哂啲泡菜朋友仔😂但我都有清哂啲粉絲🙆🏻‍♀️同埋啲豬肉片味道普通但個份量都幾多，對於師奶仔嘅我覺得好抵！