森港客家菜

營業中

休息中

聯和墟街市任飲任食火鍋，價錢只係$128，食物款式非常多！有各式各樣嘅丸類（芝士丸、蟹子丸、牛丸、貢丸、魚蛋、龍蝦丸……應有盡有）、海鮮有蝦、魚、蠔、魷魚……，仲有其他火鍋配料同蔬菜！如果想便便地打邊爐，都係一個唔錯嘅選擇，經濟實惠又有地道風味（因為用gas爐）。

【北區】【森港客家菜】呢十幾年間第 n 次食呢間嘢，記得第一次聽呢個名嗰陣，完全唔會覺得呢間嘢原來係玩任食邊爐嘅。之前好似都係食雞煲、醉雞鍋等等，畀我嘅印象都係平靚正。今次都係同事真正哥苦苦哀求我，我先肯走到入嚟陪佢食。唔想去嘅原因有幾個，首先係我想食好啲，本身有諗過食牛角。其次係嗰排我會有幾日去聯和墟嗰頭，唔想喺有得揀嘅情況都去嗰頭食嘢。第三係遠，嗰度係一個我要特登去嘅地方，我唔怕遠唔代表我就要特登搵間遠嘅餐廳。不過真正哥話冇錢，想食平啲，又想任飲任食，而佢又住北區，咁我又真係冇乜邊度可以提供出嚟滿足佢喎。咁冇晒辦法之下就去啦，叫個 $158 嘅「惹味牛雜煲」嚟打吓邊爐都過癮嘅。啲牛雜係幾多，同埋幾肥美，唔錯。火鍋料同飲品係任飲任食，將價就貨就唔好太講質素，問老細可以攞鮮蝦食，幾好。咁我唔食蝦唯有捕住啲鵝腸，不過手快有手慢冇。呢餐飯最好笑係，我哋一去到自己張枱，發現隔離枱班阿叔好熟口面，全部都係同事，笑咗。。。（地址：粉嶺聯和墟街市熟食中心2樓6號舖）#1amfoodie #hkig #foodiehkgirl #hk #hongkong #topcitybiteshk #hkeat

位於聯和墟街市熟食中心, 今日7:00前到唔使等位, 環境一般, 價錢超值, 服務好好, 每位128元任食任食兩小時, 有海鮮及手工啤,  其他火鍋料汽水都好多選擇, 蝦新鮮還會跳, 其他料正常水準, 食完唔覺得口喝.我們一行8位輪椅人士惠顧, 店員無嫌棄我們阻地方, 還幫我們安排兩張檯, 幫我們取食物汽水, 十分友善, 有機會必再惠顧.

基地依間邊爐店 已經成為我同朋友既聚腳點老闆同員工都認得我可能因為我黎得多 所以肥左好多雖然依家加左價 雞煲烤魚140但都仲係好抵因為佢有好多海鮮任食任飲仲要係Beer都有唯一缺點係好大陣煙味成日都比人搞到烏煙瘴氣禁埋煙會更好鐘意食佢既卜卜蜆 生蠔 蟹仲有好多海鮮嫁，🐟🐠🐡🦈🐙依家去親基本上都叫蕃茄烤魚外脆但魚肉好滑🐟🐟一流呀仲有 餐廳提供埋色盅可以同朋友一齊玩會keep住過黎😁😁😁😁😁

一家人來，慢慢坐，慢慢飲，慢慢傾，坐到12點先走！大排檔環境氣氛，預左周圍好嘈，但就係熱鬧啊！✨海鮮🦞：若果坐得遠，同老闆講，會留一份比你✨雞煲🐤：有分辣的程度，可以揀辣度✨飲品：啤酒🍻汽水🥤檸檬茶🍋涼茶等，好多選擇【funny.eat.the.world評價😜】.🇭🇰價錢：$140左右雞煲任食😝$98任食火鍋😜😋味道：🎈🎈🎈🎈😎環境：大排檔的熱鬧😍再來：🎈 🎈🎈🎈🎈CP - 值：晚市抵食及慢慢傾之選🥰funny最高指數😜：🎈🎈🎈🎈🎈.#funny_eattheworld#funnyeattheworld.擁抱光陰 ｜這就是生活｜享受活在當下的美麗.一起開心地食遍全世界 😍.#funnyeattheworld #funny_eattheworld #yummy #FoodBlogger #HKFoodie #HongKong #hk #HKfood #火鍋 #任食火鍋 #雞煲 #任食雞煲 #任食海鮮 #任飲任食火鍋 #無限時 #家庭聚餐之選 #朋友相聚之選 #hotpot #chickenhotpot #timeless .

$128食雞煲加打邊爐唔限時，抵。雞煲可以選卜卜蜆雞煲，冬蔭功雞煲，蟲草花花膠雞和重慶麻辣雞煲。我地選左重慶麻辣雞煲重慶麻辣雞煲：雞滑，麻香，二人都夠食，野味。打邊爐有好多配料自己出去拿，平日都好多人，近食物位置已經比人訂曬手，坐我太遠，搶唔到蟹。款式好多，飲品款式多，無論海鮮或者丸類都多，我最鍾意食丸，比起出面好食好多，大頭蝦有膏，咁既質素想點，正😄

搵佢地記得一上向右去行到尾，見到佢地招牌下面個個收銀先好攞位。我試過一次去錯，好無內。提提大家吾好去錯 不幸嘅係食左無內，就聽到，因為佢前面舖搶客話自己係森港，人地仲book左，結果 book左要取消，因為果邊已勁快開左爐。森港 雞煲真係好食d， 款式又多，價錢又平。冬天仲有 羊腩煲，都可以做任食，不過就同雞煲吾同價錢，大家都可以試下。

大份、抵食、仲要好新鮮！話說今次係屋苑業主立案法團攪活動慶中秋，價錢相當優惠！4人份量，完全夠6個人食。5點左右係樓下拎食物，放係雪櫃到7點先開始食，居然d細蜆仲識郁！點解咁嘅價錢都可以咁高質？！唔係講笑，豬紅夠滑又入味、牛栢葉滾耐左都唔覺靭、青口唔鞋，肉質夠嫩（不是急凍貨）、蝦彈牙唔會霉、生菜青BB、 丸都有4種：貢丸、牛丸、芝士丸、蟹柳丸，腸都居然有齊廚師腸同脆皮腸…仲有粟米、南瓜、冬瓜、金菇、響鈴、魷魚…我淨係夾返d食唔晒嘅食物落保鮮袋都夾到我手軟！仲有個雞煲，d雞肉唔鞋，好多件都係滑嘅。個人黎講比較喜歡佢重慶辣雞煲，不過奇味雞煲都唔錯。成個屋苑，經歷左唔少事，今日見到好多隔離鄰舍上上落落拎住一大袋食材返屋企，好有過節氣氛👏🏻好多人都好開心啊，尤其是d長者。咁平就可以買到咁高質、咁多份量嘅食物過節。完全只要開個爐、拎d碗筷出黎就可以開餐，超級正！連豉油、蔥、芫茜、金銀蒜都pack埋比你。真係食得出間舖係用心對待食客/街坊！我嚴重懷疑老闆同樓下d海鮮檔、凍肉舖關係好好，所以可以入到咁新鮮嘅食材！就算下次屋苑冇攪活動，我地都會去買佢外賣火鍋料或直接去幫趁！

放假想去打邊爐，就叫左朋友入黎聯和墟街市任食邊爐，貪方便又抵食。成人$118，學生$98今次試住唔試雞煲，叫左重慶烤魚煲，竟然比想像中好味，啲魚肉都好滑，想食更多。全部自助，任飲任食仲有啤酒海鮮，有蝦蜆蟹聖子。咁既價錢食到咁多野真係唔錯！

今日番娘家做冬，早幾日就嗌左森港客家菜$128/位，呢度係3人份，足夠6個大人食仲有啲留起，海鮮拼盤有蝦有蜆有青口，送到黎蝦同蜆都仲郁郁下，今次食既係卜卜蜆雞煲非常惹味。野食好食呀。。但如果下一次再有機會，希望佢地能夠將食物早少少送到就好了

今晚凍冰冰，最岩打邊爐❤️聽人講左好多次森港，今日終於試左啦！超方便外賣打邊爐，送到屋企樓下交收而且好味又抵食，$128/位今次簡左花膠雞煲，雞煲份量十足，花膠好入味，雞肉又唔老，湯底仲好濃味。除左雞煲外，仲附有邊爐料同混醬六寶時令海鮮拼盆：今日有蟶子、蜆、魚片同青口，都算新鮮。另外仲有肥牛、雜丸拼盆、烏冬等等⋯仲有飲品每人2罐4個大人叫左4人份量，結果份量多到食唔曬，好飽呀！最後食淨左d丸同肥牛，仲有菜，聽日買多d料，又可以食多餐啦！下次再試下其他煲先。

遠一遠都黎食，黃點，平，任食，任飲，有雞煲，有海鮮，乜都齊全仲要真係好平，198 無加一一住，我地仲要痴住有學生，學生仲要98, 這個價沒有人會不滿足，中途仲加兩隻大蟹比我地，食物質素真係唔差，雖然粉嶺真係好遠，離火車站又唔近，行過去都要15 分鐘，但食完今次感覺好好，即刻有衝動plan 下一次去食，我仲聽朋友講次次食都唔同，有時有任食瀨尿蝦，有時任食蟹，搞到次次都好有驚喜咁。呢間森港真係絕對值得推介，好食又底食，不得了。

呢度嘅邊爐都應該真係全香港最平嗰幾間本身成人去食嘅淨係需要$118一位之後學生$98一位就已經可以任飲任食真心抵到爛🥰🥰 最驚訝嘅係呢度有得揀芝士雞煲所以作為芝士Lover嘅人一定要食呢度仲要係炙燒嘅芝士😍😍之後就講返啲雞肉嘅質素啦我覺得都算幾唔錯嘅😋😋又唔會太鞋颯颯嘅感覺不過就偏向比較多骨而且出面都有幾多款可以拎嘅火鍋配料咁對我嚟講打邊爐就一定要食肥牛✅✅因為$98嘅關係就一定唔會有嗰啲好入口即溶嘅牛肉㗎啦但係我自己就覺得呢度提供嘅肥牛都算不過不失唔會全部都係肥膏口感都尚算唔錯嘅而且又有青口同埋豬頸肉嗰啲配料可以任拎😍😍如果鍾意打邊爐又唔想食咁貴嘅人不妨去粉嶺試吓呢間啦😋😋真心性價比好高

扶手電梯一上到熟食中心樓層，便會看到森港的廣告牌，最低可看到多種雞煲和烤魚任選，每位$118任飲任食，沒有加一外面可以自取各種響鈴魚皮、丸類、肥牛、菜類、海鮮，有蝦、青口、蜆、蟶子等，而且所有食物會不斷refill，即使一時被人取光，轉頭再出來便見到可以再拿還有各式各樣的汽水，之前有樽裝飲品例如檸檬茶等，可是今日沒有，不知道只是這次沒有還是成本問題取消了，飲品上面有公仔麵、烏冬等任取冬蔭公雞煲平時我們會選奇味雞煲，今次試下新野，冬蔭公雞煲酸酸辣辣，帶點冬蔭公香味，不錯的新口味另外推介韮菜餃，是他們自家製的，皮薄餡靚，我們吃了半打今時今日這個抗通漲的價錢，真的非常抵食

賤物鬥窮人， 而家疫情過後🤞🏽， 各大餐廳商舖都希望大眾市民出嚟消費。今日行完石澗，同班行山朋友一齊去食粉嶺食雞煲打邊爐。 森港客家菜位於粉嶺聯和墟熟食中心，大排檔型式， 主打雞煲/烤魚任飲任食兩個鐘， $118任包、任飲任食。7個人叫咗「奇味雞煲」， 再request阿姐整多個「麻辣烤魚」。🥢奇味雞煲 - 好味，雞肉亦都很嫩滑。 叫咗小辣， 唔太辣， 味道都唔會太多杰撻撻嘅醬， 食完唔會口渴。 🥢麻辣烤魚 - 正！ 夠辣！ 魚亦都大大條，但魚多骨， 食時要小心。 🥢 配料 - 食完雞煲同埋烤魚之後，可以加湯打邊爐，以國內配料，例如肥牛、聖子、蜆、肥牛、蟹仔、田雞腿、賴尿蝦和各樣丸類亦都係任食。 整體味道好好，價錢好平又唔會淨係得平價火鍋配料，如果唔介意位置係處於熟食中心內，呢間邊爐實在係強烈推介！