森美餐廳 (已搬遷) 新店位置

it was last winter when i first dined there. This time i went with my family. The food were still as great as before, (it's hard to keep food quality, you can see food quality dropping in lots of restaurants everywhere) and the prices were unbelievably cheap. i always prefer this kind of small eating places rather than those big chained restaurants, for they serve food with heart and skills. Hope they can keep up with their good work and so we could have more nice alternatives to enjoy meals.

放工去食晏, 其實已經到左Tea Time~~不過去到都好full下喎, 好彩我地唔使等位~~食左兩個tea set1) 煙三文魚意粉配凍奶茶: 友人叫既, 冇食過, 不過好靚~~2) 龍脷柳焗飯配凍檸茶: 我以為會係白汁添, 最鍾意焗飯上既芝士, 呢個焗飯都係勁多我至愛既芝士, yummy~~ 魚&汁既份量都幾多, 唔會食食下得飯冇汁, 正雖然地方唔係好大, 但sofa都好舒服, 見到有人睇下雜誌, 睇下漫畫, 傾下計咁, 老闆娘既服務又好又nice~~ 唔係要趕下場, 我諗我會坐耐d下次要食佢既晚餐先得

原來有一篇食評無過，襯得閒就寫埋佢先上次朋友生日介紹去呢間西餐廳度食野，原來咁啱呢間餐廳係我細佬嘅小學同學屋企人開嘅，心諗...試吓無妨去之前已經打左俾細佬個同學仔，佢話餐廳已經full左，問我地介唔介意坐員工休息室果度??其實都無乜所謂啦，就一於咁話啦！"龍蝦湯"...好cream好滑好有龍蝦味，湯內仲有好多龍蝦肉，味道適中..."煙三文魚露筍"...賣相好靚，三文魚咸咸地一d都唔腥，露筍好鮮嫩好爽脆...正"甜蝦"...好新鮮好甜好有蝦味...正"芝士焗生蠔"...面頭芝好香，生蠔幾重海水味，但係一d都唔腥，味道適中...值得一試大蝦天使麵"...蝦好大隻肉質好爽，味道幾鮮好有蝦味，天使麵軟硬適中，整體味道唔錯，有種清新唔肥膩嘅感覺"鵝肝牛柳配意粉"...賣相幾靚，排得好有層次，鵝肝煎我好香無酥味入口即溶...正~牛柳肉質好嫩滑，絕對食唔到有梳打粉味（因本人對梳打粉極之敏感），食入口好多肉汁，味道一流...正~意粉有小小蒜香味比較清淡，加埋醬汁一齊食就啱啱好"煎羊架配意粉"...唔太大件，但係應該夠食~羊架煎得唔錯，啱啱好熟，肉質好嫩滑有小小酥味，但係我覺得要有小小酥味先似食羊囉味

趁假期晌城門行完山，落番荃灣搵食，搵得到哩依間隱蔽小店Sammi都係朋友仔介紹，1:00pm哩到，都幾多人，都要等一陣先有位，諗住隱蔽小店，又有咁多人幫襯，好期待有咩嘢好食！店仔細細，鋪內座位唔多，所以D枱都排得幾逼。午餐都唔貴，$38有交易，有湯有主菜包嘢飲，唔收加一，都幾經濟啦！我就要個焗海鮮飯，太太要巴東牛肉配意粉，先哩個普通質素嘅忌廉湯，味淡，質稀，有D失望咁，反而得意係枱面放咗樽即磨黑椒粉，按幾吓就將黑椒粒磨成黑椒碎，咁做法比起一般現成嘅黑椒粉香D，因為現成黑椒粉嘅黑椒味會較易揮發走。主菜到，我個焗海鮮飯麻麻，都係魚柳、蟹柳同磨菇，咁講真三十幾蚊都係預咗普普通通嘅雪藏海鮮，但個人覺得麻麻哋嘅係個汁，面層好多忌廉汁，但芝士無乜，焗完出哩擺晌面前都無香噴噴個樣感覺，相信加番多少少莫沙里拿芝士落去焗，當堂唔同晒！另一個巴東牛肉，正喎，真係要另眼相看，巴東牛肉好似係印尼餐廳嘅名物，大概就係印尼咖喱牛肉，咖喱我本身都鍾意食，佢嘅咖喱香得哩唔單薄，有其他香料味，唔係好辣（可能唔正宗，兼且就一就港人口味），咁反而啱我多D，因為小弟唔係好食辣，再者牛肉燜得夠鬆軟，份量又足，醒胃之選，所以，就

一行三人到森美餐廳吃晚飯，從華都商場和荃昌商場中間的樓梯走下去就可找到森美餐廳，其實並不難找。Book 了晚上七點鐘，到達時全店一個客人也沒有，心想早知就不用這麼趕。這餐廳地方小小，格局尚可，但其後隨著愈來愈多客人入座，似乎這不算是朋友聊天的好地方。之後，發現其中一個食客是無線藝員司徒瑞祈呢~食物方面，我們點了兩個套餐。餐湯我們點了龍蝦湯，很鹹呢，不過拉花挺美~ 蒜蓉包脆脆的，味道還可~我們在兩個套餐外，另外點了一個忌廉湯。前菜是煙三文魚露筍卷，煙三文魚幾好食喎~主菜我們分別選了鵝肝牛柳和藍莓汁雞胸，一個跟飯一個跟薯菜，挺介藍莓汁雞胸和薯菜!之後，我們多點了一個蟹籽炒飯，+$15可以轉餐有餐湯、蒜蓉包和飲品，我們問侍應可否將之前點的忌廉湯當作是這個轉餐的一部份，侍應本說可以，但後來老板娘說忌廉湯已落單，因此不可以改...... 一點都不靈活!所以我們決定不轉餐~相比起味濃的鵝肝牛柳和雞胸，蟹籽炒飯顯得味道比較淡。最後上甜品藍莓芝士蛋糕，雪得有點硬呢!

約朋友食飯，朋友提議這間。森美餐廳門口並不起眼，只是一個平平無奇的門口，尋找有點困難吧。但一入到室內，充满歐綠色彩的裝飾映進眼前。我和朋友點了兩個餐，朋友的是大餐，我點的只是普通的牛扒餐。其他不說了，只說吃了什麼吧。前菜-芝士焗生蠔~個人喜好不太喜歡芝士，但是一個非常好吃的前菜啊。湯-白湯, 好cream好好味 -龍蝦湯，感覺不錯，不太咸，味道好鮮！賣相非常美，可看圖！用心之作！扒 - 牛扒（忘了什麼牛扒）拼煙肉，肉質好林，生熟度剛剛好，但食耐點，慢慢會覺得好咸，或許這就是因為不是用鐵板的原固吧，但anyway，這是一份好好味的牛扒。 -牛扒拼鵝肝，第一次如次吃鵝肝，好軟，好香，好味，好林，和牛扒夾得非常好，是一個非常好味的組合啊。甜品 - 沒有心太軟，又沒有木慷布丁，只有芝士蛋糕。之前提過，本人不太喜歡芝士，但都會試一口吧。送到上枱時，不知是否雪太耐，面頭的凍還未溶化，要花點力去叉上一口，這是敗筆，但慢慢時間久了，冰溶化了，感覺非常好食。飲品...不用寫吧。結帳時，親善有禮的老版娘走來談天，還介紹餐廳。用膳時已留意老版娘非常用心地為客人介紹食品，有時更會分析什麼比較適合客

難得放假，辦完重要的事後，回到荃灣食lunch。荃灣吸引我的餐廳實在不多，想了很久，想起森美餐廳來。午市套餐有五款，我選好了羊，對方則要松葉蟹柳天使麵。跟餐有湯飲，只有白湯，沒有其他選擇。材料有點磨菇粒和粟米粒，但湯底比較稀，味道亦較淡口，要自行加些pepper調味。不過，$38的午餐，有湯有主菜有飲品，也不能苛求太多。我既主菜係羊，配黑椒汁。肉質稔身，有丁點羊味，黑椒汁都幾惹味，以這個價錢來說，可以收貨。伴碟的薯角，不算很重的薯仔味，但仍做得夠熱、香口，也不太差。嚐了些少天使麵，質感對辦，蟹柳都幾軟身，不會死實實咁，尚算可以。但伴著的幾隻蝦仔，只爽口，卻完全沒鮮味。吃罷主菜，甜癮又起，問及服務生有冇心太軟供應，答案是令人失望，原來中午只有芝士餅和木糠布甸，唯有選擇前者。蛋糕雪得太久了，實轟轟，吃起來是一陣雪味，相當不濟。飲埋杯凍檸茶，又要趕下場了！

一直也很想寫這個食評~ 奈何沒有時間久久未寫...正好今天心血來潮~ 寫下這個食評~其實一直留意這間餐廳很久~ 小小的溫馨的裝修~令人一種回家的感覺~ 比起外面的餐廳實在多了一點親切感~加上一直看到不少好評於是乎就下定決心要試一下...可惜期望大...失望更大...還記得當天叫了鵝肝牛柳餐... 前菜點了焗蠔感覺普通...芝味不足及過份熟透....餐湯味道不錯...不過感覺略咸...之後主菜也如前文所說... 沒有問成幾熟...也沒什麼汁可選...上桌時外表很漂亮份量十足!! 一個人也難以一口氣吃完...可借鵝肝好像是生煎全無味道... 更沒有入口即溶的感覺...只有一陣陣的穌味..牛柳更不用說了... 完全沒有牛味...只如下鵝肝穌味... 所謂的配汁全無味道...慶幸是薯菜味道較好拉回不少的分數~最後餐茶及甜品也是正常水準沒什麼大驚喜!總括而言價錢與份量屬平衡...

尋晚(26-11-2009 Thur)因要攞o野,女友人VL話食晚飯,就帶佢o黎呢間啦.時間都好早,但竟然好多張枱都留o左,就只剩返兩張,真誇張.VL好鍾意食牛,我就介紹上次男友食o既威靈頓牛柳,不過是日冇呢個晚餐,而一位中年女職員就同我o地講晚餐係兩星期轉一次,而簿裡面未必有,即使有,都平過簿裡面o既加錢轉餐.咁VL就叫o左$88.00o既黑椒牛柳餐跟意粉,飲羅宋湯.而我就要$78.00o既唔記得咩大蝦炒意大利粉,要忌廉湯.好快,香噴噴o既蒜蓉多士到o黎,而湯都到o左,咁我拎起件蒜蓉多士先,熱辣辣,好開心啊.食落,蒜蓉咪唔多夠,略為淡o左啲,睇返上次o既comment,今次口感好啲,冇話好似上次咁,脆到硬,而VL都讚好味.至於我o既忌廉湯,多o左好多料,有應該係西芹粒同蜆仔肉o掛,我覺得都OK o既.之後主菜到o黎,VL o既份量都幾多,而我o既睇落唔係咁多,有四隻大蝦,賣相唔差.食落,意粉好creamy,唔係炒意粉o黎,大蝦肉質夠爽,食o左唔多意粉都開始覺得飽,因為都幾漏吓.而VL話牛椒唔差,全熟都仍然有肉汁,又鬆又唔o鞋,o岩佢心水.

呢間野真係唔算太易搵到，不過我都搵到。呢間餐廳只得二十幾個位，環境唔算太大。但都坐得幾舒服既。忌廉湯真係好普通，不過都唔錯架。最小個湯唔係麵粉湯，都幾重忌廉味。都算交足功課既，裡面都有火腿、粟米既。黑椒牛仔骨都算幾大份，牛仔骨好有肉味。又唔算太韌，算幾靚架。黑椒汁味道唔錯，又唔會太辣。而伴菜既薯角好好味，因為係新鮮炸嘛。凍奶茶都幾好飲，茶味夠濃既。芝士蛋糕都唔算太細舊，芝士味好重。當係甜品真係幾好架。雖然環境細細，但食物製作都算幾認真。

尋晚(7-10-2009 Wed)開完OT後同男友食飯,佢上o黎Openrice睇,見呢間有好多好評,於是o黎試吓.我去到荃昌中地下,唔見呢間o野,我call男友,男友已經o係入面坐住等,佢就出o黎接我,原來o係轉o左彎條巷o度,.真係如果冇心搵都搵唔到.坐低後,睇餐牌,見有個$148.00o既鵝肝伴牛柳或燒羊架套餐,同一樓希奇咖啡店o既差唔多,唔知邊個抄邊個,不過我唔想又叫呢個.我就揀o左$78.00o既法國菜香雞餐,跟薯菜同要忌廉湯.而男友就要$68.00o既威靈頓牛柳,加$15.00成為餐,要意粉同羅宋湯.一會,餐湯同蒜蓉多士到o黎,女侍應放低一支黑胡椒,我影好相後,男友飲o左一啖羅宋湯就話好味,咁我試吓先,OK好飲啦,幾開胃.之後我飲我o既忌廉湯,裡面有粟米粒同火腿粒,記憶中味道好過希奇,起碼濃啲,雖然仍覺得唔夠,爭少少.而蒜蓉多士呢,好熱好脆好油好香,佢o既牛油已經融晒o係件多士入面,重染成金黃色,可惜o既係佢成件都好脆,脆到有啲硬.飲完湯冇耐,我o既法國菜香雞o黎喇,嘩!好大份呀!有唔少薯角,真係冇諗到有咁多o架.件雞煎到好香,而且重有好多肉汁唔乾亦唔o鞋,味道亦好夠,從未

前日同左d同事去左呢間店到食晏,被安排到店的的隔來鋪坐,果度原本應該係倉,但就改左來坐客,所以有d熱,好,叫左個肉醫意粉,上枱果時因為岩岩焗完,所以仲係好滾,係咁起泡,d意粉焗得唔錯,岩岩好,有少少彈牙,夠芝士味,不錯,大大碟,食一個就夠飽了,不過要$40一個午餐,有d貴wo.

上一次o係"牛屋"食過威靈頓牛柳, 覺得唔好味, o係openrice search到呢度都有威靈頓牛柳, 所以再o黎試下, 試下究竟係我唔鍾意食威靈頓牛柳定還是"牛屋"整得唔好食.首先講下餐湯:龍蝦湯 - 香&濃 + 仲有花花好靚添周打蜆湯 - 友人話....都不錯, 跟街外之周打蜆湯比較好, 不會是聲稱周打蜆湯的白湯 (但係少o左梳打餅..haha)前菜:焗蠔 - 以為會好求其, 點知都幾新鮮wor~~~!主菜:威靈頓牛柳 - .....我真係唔鍾意食威靈頓牛柳(定還是我試呢兩間都唔好食呢?!)....d牛好熟....酥皮夾埋落去...好似油o左d.....但友人話...都已經好過"牛屋"鵝肝牛柳 - 點菜時老闆娘(相信係)講o左d好得意o既o野：「d 牛唔係貴價o既所以會煮熟d, 唔會medium rare, 係其他配料靚d」(佢真係好坦白), 不過佢都講得幾岩, 塊牛柳真係好一般o既一般, 但係鵝肝又真係非一般o既鵝肝wor....咁o既價錢食到呢個質素o既鵝肝我覺得好good wor~! 連我唔係好食鵝肝o既朋友都食左半塊.......好大塊同埋好厚呀~!!!~正~!!!!甜

又一次俾點．．．長途跋涉帶３個朋友由愉景灣番荃灣食晚飯，一心尋找隱世美食！首先冇訂位只可安排座”員工休息室”改建的簡陋地方，我們絕不介意，為美食座街邊位坑渠位馬路邊；大汗叠細汗的日子，我們試得多的是，亦在所不辭．．．．．．但忍受完”員工休息室”俾蚤咬同難聞氣味之後，根本沒什麼美食交換　筆者無打算用太大篇幅寫今次的經歷，單刀直入，就講講被受推崇的菜色「威靈頓牛柳」－　即係用酥皮包住牛柳同鵝肝去焗的一味菜，菜上了，才不需要放進口，單單用刀切就已經知道上檔！什麼肉質好稔好稔　天呀～這些叫做梳打粉，只是落得很重手的梳打粉而已，平價餐廳一般用來「那」稔肉類的，但「那」到咁過火就太礙眼；面前這件東西已「那」到質感全無，我自問仲有牙，未需要食　”老少平安”　，味道只剩梳打粉味撈汁醬！大家樂都「那」得高招過佢，食到火都有！！！要我俾$83食梳打粉？？我沒這鋪癮

上一次嚟食~已經係2,3個月前的事~但因為工作太忙~到我食第二次都未打返第一次的食評~不過可以短期內食第二次~水準是有的~而且我仲點了一個同上次一樣的餐!加埋我~3個女仔~食了2個full set~一個full set係148 蚊~頭盤有煙三文魚露筍卷~好味~露筍鮮~三文魚唔算太油(上次我食時~佢忘了拎俾我!!!)另一個叫了芝士焗生蠔~聞說都係好味~餐湯係~龍蝦湯~配蒜蓉包太鹹了一點~但料多~味都係ok的另點了一個酥皮海鮮湯~我地雖然知道~酥皮湯的反式脂肪很高~但我地都係決定叫了一客~好味~冇龍蝦湯咁鹹~但都係重手左~不過一樣多料~主菜我地一個叫了羊鞍~一個叫了鵝肝牛柳~羊鞍有3件~啱晒我地3個人分~佢唔係唔好味~但唔算好標青~而且友人食嘢慢~佢食時~已凍左d~有點羶了~都係牛柳做得好~我上次都係點牛柳的~牛柳生熟程度好適中~加埋鵝肝~真的係平民價有近乎酒店的水準~其實148蚊~唔包佢d前菜甜品~都抵law!依家仲跟埋餐茶~仲有木糠布甸呢~除左牛柳係超值~木糠布甸都係絶~就算單點都係15蚊姐~而且佢做到~香~滑~唔太硬~唔太甜~仲要唔細杯~比好多甜品店都好味~就算入嚟只食個木糠布甸~都