椰仔冰室 (屯門鄉事會路)

營業中

休息中

不得不讚！雙拼滑蛋飯配黑椒汁$61炸魚柳超級脆！肉質結實嫩滑 ！岀面好多魚柳一咬落去就散晒呢間唔會！黑椒汁夠味辣度剛好仲比咗好多飯！男人食一定夠！餐廳有卡位坐得舒服 冷氣足夠午餐時間滿坐上菜速度都好快~

蔥油豬扒飯🐷豬扒的厚度適中，煎得恰到好處，外脆內嫩，口感非常好。蔥油的香氣濃郁，讓整道菜更加美味。雙蛋的煎法非常細緻，蛋黃流心，加上白飯一起食用更加滿足。個人口味希望可以多豉油，整體份量足夠飽肚，如果想食快餐可以試試。😋推薦指數4.5星🌟

下午菜時間諗住去叫個乾炒牛河食，等咗30分鐘都仲未有，叫啲職員去幫我地跟跟，3個職員都係敷衍我，話就快有，點知我明明最早order，另外兩枱嘅乾炒牛河反而上菜先，完全冇諗過幫我跟一跟張單，最後仲要係漏單嘅！一開始叫個奶醬豬係ok嘅，但冇諗過叫個炒野要等咁耐，等咗咁耐就算啲野食幾好食都好，都冇晒心情囉。椰汁紅豆冰唔差，不過加10蚊要特飲嚟講略嫌有啲細杯，食水深。總括嚟講，下次趕時間真係唔好喺度食，真心怕激死你！

椰仔冰室嘅全日常餐唔貴得嚟份量叫正常，食得飽，而且味道不錯，$49晚餐時段食，應該叫平添😆。個米粉都幾多，唔係下午茶果啲食兩啖就冇，仲可以轉麵/通粉。不過啲餐肉就真係食多兩啖都冇，粒粒都差不多1cm×1cm咁細，仲要十粒唔夠🥲，旁邊舊蕃茄仲搶鏡過啲餐肉，湯底唔會太甜，我好怕果啲一味得甜嘅蕃茄湯底。丹麥多士就好正，嚟到係脆，牛油唔會太多。炒蛋滑，唔會太熟，啲蛋汁沾多士好味，不過腸仔就咸左啲。檸茶就正正常常，不過真係好夠熱，食晒杯茶仲未涼。

約咗啲朋友行山，但之前一日都出少少紋狀況，最後得另一個老死，大家都喺行得之人，所以，當日轉路線，入屯門行「花香爐頂」，尋屬猿頭石、麵包石、肥豬石同十字星石，呢條線真喺唔易行，因好多段都喺沙石路、上落斜，極具挑戰。完成之後，返出屯門搵食，就晌港鐵站附近嘅「椰仔冰室」補補體力，本身無諗住食邊間，佢位處大街一眼望到，又見門口咁多人，就中咗入去。聽個名，你都會覺得喺啲新派少少嘅茶記，入到去，雖然主調都喺白色、米黃色，但加咗少少搶眼嘅螢光橙、螢光綠，感覺會神、醒目啲。格局都喺一般嘅4人枱、卡位之類，整體唔算話好逼。打開餐牌，下午茶餐都好多選擇，不過一打開餐牌竟然喺扒類，仲有咖喱、焗類、西多磚、湯粉麵、包類、粉麵飯、炸嘢，全日早餐都有，真喺茶記先咁犀利。雖然行山途中我哋有帶到乾糧但只喺食少少墊吓肚，所以今次嘅下午茶真喺要食返個碟頭先補得番數。 簡單調味料就放咗晌枱上面，而餐具、紙巾就例牌喺側邊嘅抽櫃，排列得幾整齊。咖喱豬扒意粉 $43同老友今餐都鍾情咖喱，仲要大家都揀咗豬扒，不過，佢就要煎豬扒，小弟就要吉列豬，雖然豬扒得一塊，但睇相都見非常之大件，佢就話煎得甘香，肉質都幾鬆化，啲意粉烚得啱啱好，唔

屯門來說，這間茶餐廳的質素算不錯焗芝士咖喱魚柳飯賣相好看吸引，略嫌飯和配料很少，薯仔只有兩塊，如男士吃未必夠飽，但整體咖喱汁好味，魚柳炸得夠脆身，薯仔好吃但細。

本身對炒蛋一般既我，依間既炒蛋比想像中高質而且訓覺訓到一點都唔怕無野食，佢有常餐提供比大家吃，而且餐廳款式都幾多，我最鍾意係佢既丹麥多士，鬆脆得來又好食🤤！可以來試下！

叫咗份咖哩雞髀飯，食到中間見到雞髀肉粉紅色未熟，托服務員更換隻雞髀。服務員仲問要唔要返換埋碟飯，換埋D咖哩汁？我見都差唔多食咗1/3份餐，我只要求換雞髀⋯點知店員一拎出嚟既係我本身食到一半既雞脾，店員話位天才廚師竟然拎去翻炸/煎，我咬過架喎！？而且我見成個碗底都係油，已經覺得好唔衞生，成餐飯即刻冇晒胃口⋯⋯之後我都唔敢再食。出門口前同位收錢哥哥講返，我都有見到扒爐位個後生仔，真心覺得依家請個好廚師真係好難

呢日夜晚響屯門一帶搵食，因為想食小菜類，見呢間價錢都OK所以就嚟食。我地兩個人分別揀咗兩個小菜晚餐，先嚟中湯，都係一般茶記質素，偏咸同埋係味精湯沙薑雞：雞件份量好少，顏色亦暗啞，望落都知唔太新鮮，味道方面係淡而無味，就連個沙薑汁都係無乜味，完全唔OK另一個小菜叫咗西芹腰果雞柳，上枱時都熱辣辣，雞柳肉質夠滑，西芹爽口，腰果亦脆，呢個餸味道就唔錯，叫做挽回返d分數。服務方面，上菜比較慢，同埋等咗一輪先有人嚟執枱抹枱，但其實都有幾個侍應姐姐，唔覺得係因為唔夠人。整體來講成間質素只係一般，都應該唔會再幫襯了！

我叫左香煎雞扒火腿意粉，咁我就攞刀，發現全部刀有印很污糟，塊雞扒細塊和乾珍珍，應該用最平果啲雞扒，難食，不會有下次，我平時9.9成都出街食，應該是最難食的1間，另外柸凍奶茶都ok

(自費食評) 今天來到屯門椰子冰室吃午餐，今日平日見咁多人吃，所以又決定試一下我們兩人選擇了兩個午餐，第一就是他們冬日推介系列的櫻花蝦蠟味炒飯$68元，第二就是一般男人們非常又愛又恨的浪漫就是男人的浪漫，名叫豆腐火腩飯他們有包是日餐湯就是羅宋湯麻麻地啦櫻花蝦蠟味炒飯$68元，炒飯真係好乾身蠟味粒都幾大粒最重要就是份量夠大夠飽才有氣力工作豆腐火腩飯，火腩都幾好食，有枝竹吃也好，不過份量比炒飯少質素OK.

晚上同老友食飯，今次食d普通d既，佢話黎椰仔冰室食，試下啦。店內面積都唔算細，坐位都格得幾開，算幾好坐，餐牌款式都唔少，有中有西。椰仔鴛鴦飯有1大塊吉列魚柳，半塊雞扒同1隻炒滑蛋，跟香草蕃茄汁，魚柳都新鮮熱既，半塊雞扒就正常啦唔會煎得好乾，炒蛋都唔會過生過熟，係個蕃茄汁無乜味。咸菜胡椒豬肚湯飯老友揀呢個，豬肚同咸菜份量不少，係湯比較淡d唔夠胡椒味。整體黎講，茶仔風格無咩特別特色，食物普通啦，環境叫幾好坐。

間冰室係屯門新開冇耐，見就腳就第一次去試下，叫左個下午茶咖哩牛腩飯$46，凍飲加$3，價錢本身都覺得合理，再睇埋佢餐牌d圖，都幾大份。不過理想同現實永遠差天共地，碟飯一黎到，我有d驚訝。係屯門住左咁耐，食左咁多餐廳下午茶，都真係未見過個份量少到咁，3.5小舊牛腩+2小舊牛筋+1舊薯仔+白飯=$46，我用左5分鐘都唔洗就食曬，牛腩味道ok但d牛筋係偏硬，埋單$49食一碟咁少份量既下午茶，真係好寒酸，如果份量唔改善，真係唔會再黎食。

今次係second time 嚟到椰仔冰室作為一間港式茶餐廳，椰仔冰室算係好少choicemenu上面嚟嚟去去嗰幾樣野 加是日精選幾個餐成個feeling 十分之冇誠意亦十分之唔港式 ，同而家普遍求q其開嗰啲所謂冰室差唔多，是但整幾個飯幾個麵餐就開啲連鎖冰室出嚟，毫無誠意毫無特色，此風不可長嗌咗個 葱油豬扒豬扒有2塊 厚度ok，煎香，唔算柴，熱度夠中規中矩雙蛋白lai sai 蛋白老得嚟又冇燶邊失敗， 煎蛋用鑊要多油，煎到個蛋白邊微燶脆邊蛋白不能太老，是常識吧一隻太陽蛋個黃仲爛埋，失敗中嘅失敗

開正喺新墟新落成店住宅下面，對正v city馬路大街大巷。度度都叫冰室，唔係間間都做到冰室嗰種水準。冰室唔駛多款揀，但多數都做好專注做靚嗰幾款食物，水吧亦有番咁上下。一望餐牌呢間比較似茶記多於冰室。炒蛋，還好，保留番啲蛋汁喺度仲係濕潤；腸仔依然係嗰種餐記必用咁滯嘅廚師雞尾腸；蕃茄牛或沙嗲牛嘅牛都還好冇用過量鬆肉粉；加3蚊轉嘅牛角酥硬弸弸凍冰冰，眼尾望到隔離水吧擺左堆透明獨立包裝嘅牛角酥，多數都係工場貨，唔怪得。飲品冇特別香濃，自己嗰杯揀咗比較正氣嘅西洋菜蜜都好淡。食緊時成日有三四隻烏蠅喺附近飛或停留滋擾住，冇裝滅蟲燈。唔可以用冰室把尺度佢，用普通茶記就算，反正價錢算係平㗎喇。10點食完出大門仲見成堆人排隊等外賣等入座。