楊記麻辣魚館

營業中

休息中

<好好味酸菜魚>今日入開元朗突然好想食辣野就去搵下附近有無四川野食見到呢間有午餐set價錢合理又有一個人餐就行去試下啦位置好近永年士多由於我都早去(約11:45）所以都好多位晤洗等（但食完十二點多就開始多人了）好多附近啲職員都黎食今日叫左個酸菜魚（少辣）啲魚好滑，一開始食唔算太辣好有大陸啲四川味非常正宗啲酸菜加白飯超正下次要試水煮魚見到好多人都有叫（由於食食下都幾辣杯檸茶三下就飲曬）下次要再黎食，值得encore

因為受到同事極力推薦，所以就突登入左天元朗食呢間的水煮魚。 雖然係大半個月前食， 但有宜家先有時間post 返d comment 🙈🙈🙈個日3個人叫左5 樣野，包括主打： 麻辣水煮魚呢樣係今晚主打， 可惜有麻香，沒有麻味， 魚肉質雖夠滑，但略油了點2）田雞夠野味， 肉夠滑，但都係太油， 而且偏鹹了點3） 椰菜花好夠鍋氣， 都係鹹， 但可接受4）木耳世估唔到， 來食水煮魚， 最辣的唔係水煮魚， 而係呢碟前菜。 木耳有點煮過龍， 太淋，唔爽口。 5） 鴦炸饅頭圖中的炸饅頭已食曬， 只餘下普通饅頭😂炸饅頭較少見，所以值得一試，不過雖然新鮮炸，而且無炸到太乾，但未能做到外脆內軟。 總括而言，小店值得支持一下， 而且價位不高， 順路入元朗可以試一次。 Ps d 炸花生都ok

之前在網上群組見到有人說這間店的午餐有水煮魚/酸菜魚吃。價錢便宜, 甚至有人說不用上深圳, 說這裡的水煮魚/酸菜魚比深圳的更好吃。因為我和男朋友都很喜歡吃水煮魚/酸菜魚, 所以趁今天放假就去試一下。這裡其實像是一條後巷, 我之前都沒留意這裡有東西吃的~還有幾間~  店內都不少客人, 但都還有位子, 我們都可以直接坐下。我們是特地下午時段來的~ 因為有午餐我們叫了一個酸菜魚飯, 一個水煮魚飯~加$5可以有一杯冷飲。 我們都加了~上: 水煮魚下: 酸菜魚酸菜魚飯($50)可以選辣度~ 我見有人叫大辣, 但是我們沒有說~我想這是小辣吧?酸菜, 味道可以, 咸咸酸酸的~可是真的要相比的話, 其實深圳的名店那些真的好吃很多的。不過這個也不錯。魚片, 是生魚~ 魚片數量都算多~都去了骨, 可以安心一口吃下~不腥, 沒有泥味! 質感都算滑~但又是那句, 要是跟深圳那些名店比, 深圳那些再滑點好吃點酸菜魚入面還有一點點蘿蔔片~水煮魚飯 ($50)水煮魚吃起來沒酸菜魚般辣, 可能少了酸菜, 湯喝起來比較清一點~味道也很好的~水煮魚沒了酸菜, 找來了娃娃菜作配料~然後還有寬薯粉。 我個人覺得挺好吃的~吸了

朋友推介的元朗小店，很四川很正宗，好彩一早有訂位~麻辣大拼盤水煮生魚 - 魚肉好嫰滑，味道鮮美， 配上又香又辣的湯底，一下就把白飯扒光~串燒羊肉 - 平時好少食羊，因為好怕"蘇"味，呢個串燒好好味~ 完全無"蘇"味，肉汁鮮嫩，好惹味~酸辣豬血 - 我覺得都係麻辣，豬紅好滑，亦都好食~清炒萵笋絲 - 連續食左幾款辣，已經辣到無晒味覺... 呢個萵笋簡直係清泉~ 甜甜的~ 正~酸辣土豆絲 - 酸酸辣辣好惹味，好開胃~酸菜生魚 - 唔太辣的酸菜魚，都係好滑，好鮮~ 正~

喺元朗發現左呢間隱世川菜好去處，平時成日返深圳食川菜食到覺得香港冇任何一間係可以放得入口，唯獨呢問令我覺得稍為覺得正宗同好食小小嘅川菜今次兩個人咪食只係叫咗兩個餸水煮魚例牌 $158清炒萵筍絲 $58個水煮魚其實份量幾足兩個人食都食淨少少，而且下面有椰菜同芽菜底仲有少少薯粉建議大家可以食中辣 因為小辣實在太唔過癮 當然呢間鋪頭亦都可以提供唔辣嘅水煮魚另外個清炒萵筍絲都好食，發現唔係好多香港人食過萵筍 推介啊！不過無可否認而家呢間鋪頭出名左少少價錢就貴左而且份量都少咗 但係依然好推介另外推介嘅餸有 辣子雞、酸菜魚、大盤花菜

聽朋友講呢到既酸菜魚好食 所以決定一試外賣左個酸菜魚lunch set返屋企食點知希望愈大失望愈大超級無敵咸 我煲多左一大碗熱水加落去 都係好咸 魚係唔錯既 無乜骨成碗野唔酸唔辣 得個咸同油字我平時都已經算食得好濃味下我唔知係外賣浸耐左既關係定係咩想比多次機會佢但真係卻步

自己本身喺元朗返工，自從發現咗依間麻辣魚館之後，我都近日經常會來依間麻辣魚館醫肚，無它的，因為依間飯店實在是平靚正！酸菜魚：可以按自己喜好同店員講辣度，個湯底好夠味，亦唔會太咸。而酸菜亦都相當易入口，唔會覺得好重口味。而生魚片非常新鮮爽脆，最難得師傅將啲魚片起到無乜骨，而且份量又十足！我認為相當抵食！四川回鍋肉：其實就是用炸過嘅腩肉炒椰菜，腩肉入口似咸肉，而椰菜食落口相當有鑊氣，相信係落單後即炒！

平時食麻辣酸菜魚，通常都會返大陸，今日比我發現元朗有一間水準竟然超乎我意料之外！就是在元朗永年車仔麵附近，這附近開了很多食店，明天要再來一趟嘗試其他午餐非常多選擇而且價錢平均40至$50，好抵食，我加咗$5要一杯凍飲，所以埋單只是$55我叫咗個特色水煮魚飯，我怕所以叫職員不要加太多辣椒😆有一碗白飯是另上的😬魚片非常新鮮爽口，完全沒有雪藏味，只有香濃的辣味湯底，又非常惹味，上面有少許芫荽和蔥花，酸酸辣辣的，職員很好，如果米飯不夠可以叫職員加😬

今晚去食飯，點咗個鐵板水晶粉、夫妻肺片、雲耳炒淮山、二個白飯同開台時比咗一碟花生米，老公買單出黎話三百幾咁貴嘅，入去問阿姐 話我點咗水煮水、鐵板牛肉等．．我冇食呢幾樣喎．然後另一個話我有食佢啱啱先收走D碗⋯⋯我即刻O咀 你哋咁都得，不如你開cctw 大家睇下⋯⋯之後同我講佢拎錯咗我果張台嘅上一台客人嘅單，哈哈⋯之後發覺都係計多咗，因相差數目吾多費時在行返去，真係吾知D阿姐係冇心定係有意喇⋯⋯講真味道喺幾好 ，但比錢時大家要睇清楚D喇

一向都好鍾意食麻辣，經過朋友介紹，帶我嚟到呢間平靚正嘅川菜館，門面唔算好大，但勝在都容易搵，鋪入面座位唔算好多，但係都有兩層，而且都唔算坐得好迫。午餐會用小菜形式上，每一個小菜都係即叫即炒，充滿鑊氣，以呢一個價錢食到咁高CP值嘅午餐真係好抵四川回鍋肉飯，分量好大，未放入口已經覺得辣，但食落口竟然充滿四川嘅風味，而且炒得好有鑊氣。酸菜魚嘅魚好嫩滑，唔多骨，啱晒我呢啲啖啖肉嘅人，亦都唔算好辣，酸菜同辣到覺得相當適中，而且魚肉多好多，真係好抵食。麻辣豬耳，當然係又麻又辣啦，但係有一點要注意，就係呢個菜會係凍嘅，就好似冷盤咁。注意入口爽脆，而且充滿麻辣味，夠晒入味，我覺得攞嚟送啤酒一流

這家座落元朗小巷的麻辣魚館，主打麻辣風味菜式，特別標榜使用生魚來做水煮魚。今天就來試試這個水煮魚作為午餐。水煮魚這類菜式，一般我會是晚餐跟家人朋友聚餐才會點一盤的菜式。我不知道四川人是不是會午餐叫一碗水煮魚飯這樣普遍，可我之前是想不到會午餐自己一個人也可以吃得到的。這份水煮魚飯配凍檸茶（$50），價錢不貴，而且生魚片量多。光上桌已經聞到香香的芫萎味和麻辣味，非常開胃。底下的全部是芽菜，吸收了麻辣味，魚香味和芫萎味，非常適合用來配飯。默認的辣度不高，假如吃得辣的好像可以要求辣度。整體來說，這一份魚飯味道算是中規中矩，以午餐可以吃得到這個水準的水煮魚也不錯。最值得推薦的是，她的生魚片真的做得很嫩滑好吃。

好多香港人都同我一樣，成日返大陸食川菜, 覺得好味d, 正宗d, 抵食d.但呢間楊記麻辣魚館，午餐價錢一d都唔貴， 而且水煮魚/酸菜魚於午市更設有一人set($48 - 包飯同熱飲) , 自己行過想食辣, 都唔洗怕要叫一大盆/要約好曬朋友先黎食得。 佢既辣, 好香好好味！魚係用生魚,好滑,有少少魚骨，但可接受的。 個人喜歡水煮魚多於酸菜魚. 雖然其實酸菜魚既魚份量多d, 但水煮魚有我喜歡既薯粉同芽菜係底, 感覺上豐富點. 呢間野絕對會有下一次！不過今日同媽咪黎到，問店員有冇2位同有冇飛攞,店員話兩層都冇曬位同呢度冇飛攞既，叫我地出面等陣. 但過左兩分鐘有六個男人黎到， 佢地直接上左上面， 我見佢地冇落返黎, 咁我就諗上面應該有位， 就直接拉埋媽咪上去, 點知真係有位囉。。。希望佢地呢方面改善下.

跟男朋友吃飯，去了楊記麻辣魚館吃飯。地點有點難找，要駕車去才方便。裝修簡單，姐姐熱情，不斷推介食物。麻辣水煮魚好好味，不腥，不多骨，好鮮甜，加上麻辣，好惹味，正。乾煸四季豆，好有鍋氣，唔錯。

11點左右落單，十一點九先上到個水煮魚。格離台遲過我十分鐘，反而早上過我十五分鐘。個侍應見遺漏我單都即叫廚房，咁都算。另一台，十一點半多啲落單，又係水煮魚，同我一齊上菜。味道好差好差，唯一好既係魚片薄而滑。水煮魚應該辣啦，仲淡過譚仔既BB辣，難聽啲黎講係雞湯魚湯煮魚片咁樣，問個呀姐點解唔辣，佢話辣架，面頭有乾辣椒之類，大佬，只係淋下油係乾辣椒度會有咩味？我鐘意食辣野，會專登港九新界都去試，返大陸更唔洗講，我未見過人好似剩係用上湯滾熟啲魚咁，豆瓣醬之類既野呢？另外我有叫口水雞，又完全唔係個回事，餐牌上最好標明係粗花生粒加花生醬雞，而唔係口水雞。食著啲咁既野可惜既唔係錢，係sai時間，sai胃口。

呢間魚館已經成為我必推薦之一雖然有啲服務不算太好 地方不是很方便但食物質素好好店內還有花椒雞亦非常值得一試建議吃得辣的朋友可以叫辣啲一班吃辣的朋友來聚會黎呢到就好適合