楓 (已結業)

下班後路經上海街的楓，從櫥窗外看見的甜點引起了我的口水分泌雖然有點飽但不妨礙我把甜點帶回家當飯後點心的進到店內一看，原來除了甜點，還有日本海膽、甜蝦、零食、飲品等小小的店裡能找到的各式食物也不少可惜今天還有別的地方要去不方便，等下次有機會也來買點刺身吃吃左挑右揀後買了美國John & Jill's 芝士蛋糕(New York Cheese味+朱古力味)、自家美綠奶凍和木糠布甸芝士蛋糕美國John & Jill's 芝士蛋糕 芝士味較濃，蛋糕同時帶點甜和咸味，很match很正宗木糠布甸芝士蛋糕芝士味不重，倒有點像豆腐雪糕的甜香，較軟身和偏甜，我喜歡自家美綠奶凍入口即溶，帶有美綠香味，又香又滑又軟食到停唔到，食完一杯仲想再食，推介！杯子也很漂亮，洗乾淨後可以再用，支持環保

網上有人講佐敦楓有大埔大賣的芝士蛋糕出售，地點咁就腳當然買番D試下。我買咗4款味道 New York, lemon blueberry, chocolate & 果仁。我就鍾意芝士味濃的new York ，其次lemon blueberry亦好正。其實我想重點講的是店員介紹我買的自家製奶凍，的確令我喜出望外。店員話奶凍是老闆自家製的，材料以日本3.6牛乳及淡忌廉做成。我買的是美綠味奶凍，除了美綠的味道外，牛乳味亦非常香濃，囗感更是幼滑無比，相信是3.6牛乳的功效吧！以$15/杯的價錢，絕對是物超所值。

Facebook看見此舖頭有加拿大海膽做優恵，路經佐敦咪走去睇下。舖頭細細主要售賣凍肉，我當然問海膽有無貨。店員取出幾板貨俾我，我攞咗一板最乾身的。另外，店員sell我特價飲品及芝士蛋糕，見女朋友鍾意食甜品又唔貴，就買2件逗下女友開心。終於返到屋企開餐，D加拿大海膽真係好肥美。一啖食落口，好濃的海水味再加上極濃的海膽鮮味，正呀！D海膽質感非常粘口，D海膽的鮮味留係口腔內好耐好耐都唔散，我同女友兩三下就食完整盒海膽。雖然個海膽都几膩，女友依然要開個cheese cake試下。lemon blueberry 的芝士蛋糕，好重blueberry的香味，蛋糕也算滑，但芝士味就不太濃，$14件蛋糕的質量已算不錯。

早幾日行過佐敦見此間舖門口做D日本Asahi紙包飲品promotion，8卦行入去睇下，點知有D野令我喜出望外。原來大埔梁X記的這間小店都有賣，而老板仲話可散買添。網友對此芝士蛋糕讚不絕口，又話日日排隊先買到，咁我就一於少試牛刀買一件試下啦。老板係舖面安排一個小小的位俾我坐低堂食，見有得堂食咪順便買多包特價紙包飲品。我怕new York cheese太膩，所以選了檸檬藍莓芝士再加包蘋果紅茶。個蛋糕入口鬆化，芝士味不算太濃，藍莓味較檸檬味濃，不太甜也不太膩，係值得推介。包蘋果紅茶由於食完濃味的蛋糕，已經飲唔出乜野味，只覺不太甜有蘋果香味。本想再食多件，但老板話要解凍成10分鐘先食得，咁只好買走返屋企慢慢食。