楚撚記大排檔 (寶光大廈)

營業中

休息中

之前喺舊鋪食過，新鋪大好多，裝修有啲local原素，有feel d又企理啲七點左右嚟到，見到門口都有人排緊隊，禁飛攞位之後等住一陣就入座～ 手老火菜乾煲豬肺湯湯料勁多又濃郁，最鍾意食豬肺～ 想飲吓湯下火都係個唔錯嘅選擇楚撚記脆皮燒BB鴿皮脆肉嫩，咬落都Juicy，髀位啲味香勁正菠蘿拨絲咕嚕肉（梅頭）用梅頭啖啖肉肉又爽口，炸漿唔會太厚，醬汁酸酸甜甜醒胃，同埋都keep到脆口～ 楚撚豬油撈飯老豆媽咪嘅童年回憶嚟，白飯粒粉分明，豬油勁香撈埋微甜嘅豉油同蔥花，簡單嘅美味，邪惡但勁滿足。煲仔香焗白胡椒蝦成煲都係胡椒香味，蝦肉爽口鮮甜，墊底有粉絲，吸晒汁勁惹味最後食完仲有糖水送～ 有煲到起沙嘅紅豆沙同清熱嘅綠豆清心丸

之前經過呢間大排檔，見到門口好多人等，心諗一定好好食，決定要搵日黎會一會佢。早兩日朋友吹雞食飯，我就特登提議呢間，小炒多人食，可以叫多啲餸😎。我哋叫咗好多個餸，上枱個樣都好唔錯，但食落啲味道竟然好麻麻。大排檔通常都會重口味啲，但佢就好多都冇乜味道❓❓好似豉椒炒蜆咁，個蜆感覺似係用水灼，跟住先至炒，冇蜆味又比較水。金磚豆腐粒個精粹係皮要薄+脆，入面豆腐要熱+嫩滑先至好食，但佢個炸皮好厚身，食落完全唔香口。本身叫嘅餸其實唔係好夠食，但見咁嘅情況，都冇意欲再加餸了。可能期望越大，失望越大。見到咁多人等位，對佢嘅食物好有期望，但出到嚟竟然係咁，好不解點解咁多人會幫襯。

朋友外國返嚟想食大排檔，但又怕熱同驚坐得唔舒服，於是嚟到土瓜灣嘅楚撚記大排檔，諗住平日夜晚應該會少啲人，點知都差唔多坐滿晒😂 店內嘅裝修充滿懷舊特色，有好多舊式嘅畫作同招牌，食飯之外仲可以打下卡🤭 諗住俾錢個陣，店員仲話有糖水送，記得食埋先走呀～✨楚撚記脆皮燒BB鴿脆皮燒BB鴿外脆內嫩，啖啖都充滿肉汁，肉味香濃🤤✨菠蘿拔絲咕嚕肉咕嚕肉用咗梅頭肉製成，肉質軟腍菠又 juicy，酸酸甜甜，味道啱啱好！✨秘製辣酒煮花螺花螺浸滿晒辣汁，好彩只係少少辣🤏，仲有酒味，入口香辣惹味。✨楚撚豬油撈飯 豬油撈飯油香味十足，再加埋甜豉油同葱花，超香～

鳳尾蝦多士 $88鳳梨蝦肉入饌鮮甜彈牙🦐蛋液炸至金黃酥脆🥚外層香口內層軟滑。配搭特製辣醬同甜酸醬，酸甜辣味互相輝映，突出蝦肉鮮味。口感層次豐富，入口即化，開胃頭盤之選！-鑊氣豉椒炒蜆 $105蜆肉飽滿彈牙，青椒爽脆🫑同豆豉香氣濃郁交織，調料岩岩好，唔會太鹹太甜、好好送飯。鑊氣十足，炒至食材充分吸收調料香味。-香爆黑椒牛仔骨煲 $128牛仔骨分量十足🥩炆至軟爛入味。黑椒香氣四溢，帶有微辣，突出牛肉鮮甜。炆煮技巧嫻熟，令牛肉彈牙唔老。-楚撚豬油撈飯 $25/碗白飯粒粒分明，飽滿彈牙，淋上濃郁香醇嘅豬油，增添白飯嘅鮮味。加上屬於家常小炒嘅味道，飯菜完美融合，好有滿足感🍚-食完飯阿姐仲問我哋食咩糖水添，原來用完餐免費奉送紅豆沙或者綠豆清心丸，紅豆沙煮得好綿，綠豆清心丸夠晒滋潤，為呢餐飯畫上一個完美句號👍🏻

星期五心情愉悅的節奏連續三個月每月黎一次之前同台灣朋友來吃，一齊試過了黃金粟米、招牌豬手今次想試別的尤其是想食清淡一點點———————————豆漿杞子鮮腐竹浸時蔬 $88我們選擇配上菠菜🥬一上菜時第一件事係好香的腐竹味😳夠哂清~ 不油膩之選豉油皇煎封一夜乾（馬友） $138所謂 ”煎封“,以半煎半炸方法煮熟，亦即用最快的時間煮熟食材表面，有效保留其肉汁，再用配料調味封煮成菜，能吃到皮脆的甘香第一下夾落魚皮~”卡擦“ 一聲原條馬友沒有太多調味, 主要靠在旁的甜甜醬油, 輕輕沾一點點味道剛好呢~而且魚肉真的保留到嫩滑,最後, 輕易將魚頭連骨都吞埋落肚😆鑊氣豉椒炒蜆 $105相當大的一碟, 夾雜著彩椒吃得到是爽口，而每粒蜆都被醬汁包圍著相當惹味！楚撚豬油撈飯 $25第三次黎到都係抗拒不了那令人回味的豬油味食哂有豬油的香滑, 而且夾雜著蔥同芫荽的清新同爽的香味由於豬油同豉油的份量都係自己控制，完全唔需要擔心會太過邪惡👿白粥 $15突然間好想食夜粥, 豉椒炒蜆一濃一淡呢個配搭相當好粥食落去相當之綿, 而且仲會有米飯的咬口藍妹 $39每次食小菜的麻甩之選, 必選藍妹🍻用戰鬥碗黎飲, 更加暢快食飽之

鐘意食中式大排檔但又怕污糟，好在近年好多室內大排檔，當中我諗楚撚記都算數一數二！今日又去開飯，weekdays都排哂隊，大家記得book位！🥢七味黃金炸一口金磚豆腐必點小食，外脆內軟味道適中，一啖接一啖完全停唔到口！不愧為佢地王牌菜式！其實其他椒鹽系列都好出色，不過人小叫唔哂haha🥢鑊氣豉椒炒蜆一大碟蜆2個人食真係過足後人，啖啖肉，醬汁又香濃，食落無乜砂洗得好乾淨！🥢香爆黑椒牛仔骨煲黑椒汁惹味就唔使講，佢嘅牛仔骨竟然唔多肥過，但係一啲都唔韌，煮得啱啱好，勁好味！🥢楚撚豬油撈飯(碗)黎得食中式野，豬油撈飯走唔甩，點都要落小小，加埋佢個秘製豉油，幾肥都唔記得食左先算😝當日老闆仲奉送埋糖水，係綠豆湯清心丸，足料甜度都岩岩好，清心丸煙靭度十足，好滿足！📍楚撚記大排檔 (寶光大廈) (土瓜灣)土瓜灣馬坑涌道2C號寶光大廈地下C及D號舖

楚撚記好串，只吃一次，下次不會再來！首先是排隊安排好差，經理及職員都態度惡劣！今日是為慶祝父親節吃飯，星期日一齊冇位，所以星期六提早來等位！因為餐廳不提供電話、網上或者OpenRice 訂位，還是在用侏羅紀時代的門口等位方式！所以餐廳5:30開門，我哋下午三點半已經來到門口！不過，早到都冇得先拿飛！經理冷眼回應：「5點半才開始派飛，現在冇得拿！」😱唔係啊嘛！「我哋之前試過5點半來已經冇晒飛。」經理再冷眼回應：「你鍾意可以在出面排隊，自己安排啦（加上一種居高臨下的眼神及藐視人的態度）！」

鑊氣豉椒炒蜆豉椒独特的咸香味与蜆质鲜嫩的海鲜风味相融合，每一口都能感受到豉椒的浓郁香气，同时蜆的鲜甜汁液充满口腔。香爆黑椒牛仔骨煲这道菜以牛仔骨为主料，经过炒煮的过程，使得牛肉鲜嫩多汁，搭配黑椒的微辣和独特的辛香，构成了一道口感丰富的煲仔菜品。麻婆豆腐这道经典的川菜以嫩滑的豆腐为主角，配以辣椒豆瓣酱和花椒等调味料烹制而成。豆腐口感细腻，麻辣酱汁浓郁，带有微微的麻麻辣辣的感觉。每一口都能感受到豆腐的柔软，辣椒酱的浓郁和花椒的麻辣感干煸四季豆蒜末和辣椒的香气与豆角的鲜甜味相互交融，带来一种辣香悠长的口味享受。激辣避风塘水魷水魷的口感柔软，搭配浓烈的辣椒味道，充满了火辣的辛香。每一口都能尝到水魷的鲜美和辣椒的刺激，给味蕾带来一种辣而不失鲜美的刺激感。它们的味道各具特色，无论是鲜甜、麻辣还是浓香，都能带给你一次难忘的美食体验。

慕名而來楚撚記，係真係幾好食！未試過食傳統嘅豬油撈飯，係一個好好嘅體驗，自己鍾意淋幾多豬油就幾多～我哋叫咗個兩個煲都好夠香氣同惹味另點咗饅頭就一般la⋯整體服務態度ok

大排檔真係由細食到大，不過香港而家真係好少朋友帶我嚟呢間室內有冷氣既港式大排檔夜晚9點幾去到都坐滿9成而家既香港真係好少見菠蘿拔絲咕嚕肉呢碟真係撚手菜，差不多見到每台都有叫用梅頭整，啖啖肉，加埋菠蘿同蜜桃，酸酸甜甜勁開胃香爆黑椒牛仔骨煲揭開煲蓋即刻炸炸聲，黑椒味濃郁，牛仔骨肉軟淋，配菜洋蔥同紅椒都好入味，餸飯一流飛天通菜煲香氣撲鼻，加埋蝦乾鹹香小辣，份量多，仲好翠綠咁多正餸真係要餸飯+啤酒，最後仲有綠豆清心丸糖水，大滿足呢間真係會再黎仲有好多小炒想試鍾意呢度環境好有港式情懷，最重要係好夠鑊氣

位於土瓜灣嘅楚撚記大排檔，環境裝修充滿本土懷舊特色📺有多款特色小菜🧆當日平日去到都差唔多坐滿晒人，非常受歡迎💁🏻‍♀️🍴鳳尾蝦多士($88)蝦多士一共有6塊，多士炸得香脆唔油膩👅上面鋪咗一隻蝦，蝦肉彈牙🦐係一道香口嘅前菜👍🏻🍴菠蘿拔絲咕嚕肉($119)咕嚕肉份量幾多，採用特選梅頭肉，肉質有彈性👄肥瘦適中👌🏻配上菠蘿同拔絲，酸酸甜甜好開胃😋🍴香爆黑椒牛仔骨煲($128)牛仔骨煲一上枱出晒煙💨聞到一陣陣嘅黑椒香味，牛仔骨肉質軟腍👄配上濃郁嘅黑椒醬，夠晒惹味，送飯一流🍚🍴楚撚豬油撈飯($25)好耐冇食豬油撈飯，白飯煮得夠乾身👍🏻粒粒分明，淋上豬油同豉油，味道好香👅👅👅惠顧晚市會贈送糖水，是日糖水係紅豆沙同清心丸，質素都唔錯，甜度適中😆

土瓜灣人氣港式大排檔呢間楚撚記大排檔有三間分店，今次嚟咗土瓜灣總店。店內環境裝修充滿懷舊本土特色風味，平日夜晚嚟到，店內都已經好多人排隊，好受歡迎！七味黃金炸一口金磚豆腐($75)每次到大排檔都必點炸豆腐！份量好多！外皮嘅調味適中，而且加咗炸蒜、七味粉，食落去好惹味，再加上切到細細啖，好容易令人一啖接一啖！食唔停口🤩菠蘿拔絲咕嚕肉($119)咕嚕肉用咗梅頭豬肉，每一舊都沾滿醬汁，醬汁味道酸酸甜甜，肉質軟嫩唔鞋！金沙蛋黃九肚魚($98)呢一味都係食大排檔必叫嘅菜式！外層炸到好鬆脆，食落充滿鹹香味，內裏入口即溶！煲仔香焗白胡椒蝦($169)使用海蝦來烹調，煲底鋪咗粉絲，啲粉絲索晒啲胡椒，食落去微辣，辣得好過癮～楚撚豬油撈飯($25)懷舊豬油撈飯，加埋豉油，食落去味道好香！地址：楚撚記大排檔 土瓜灣馬坑涌道2C號寶光大廈地下C及D號舖。西環石塘咀皇后大道西554-560號日富里百好大廈地下1號舖。荃灣川龍街118號百悅坊地舖至1樓。#土瓜灣美食#土瓜灣大排檔#香港大排檔#楚撚記#楚撚記大排檔

有幾個朋友食過呢間大排檔，全部人都話正👍，今日終於有機會試下😋，因為係人氣店，我哋為咗唔想排隊，所以避開繁忙時間去，在開舖時間五點半已經到達，前面已經有幾pair人；入到去原來裏面都幾大，座位都幾多，大排檔風格有著濃濃嘅復古懷舊氣氛，同時播放著八十年代嘅懷舊金曲🎶🥢菜甫銀魚煎蛋角$75蛋角裏面舖滿了粒粒鹹香爽脆嘅菜甫及口感煙韌嘅銀魚仔，有蛋香而且煎得甘香唔油膩🥢香煎黑松露手打蓮藕墨魚餅$118墨魚餅有8件份量都幾多，非常香黑松露味，爽彈嘅墨魚餅夾雜着口感爽脆嘅蓮藕，餸啤酒一流🥢煲仔香焗白胡椒蝦$169放上枱已經聞到超香胡椒味，鮮蝦大大隻而且非常爽彈，裏面嘅爽口粉絲，索曬啲汁好正，整體濃而不鹹好惹味 🍚楚撚豬油撈飯$25飯粒爽口、粒粒分明又有飯味，並配上蔥及芫茜，再撈埋豬油及豉油，好食到唔使餸都可以食哂成碗飯🍺青島大啤$37啲餸咁惹味而且好有大排檔氣氛，當然要叫枝啤酒嗒下喇🍯飯後仲送糖水添👍是日糖水係紅豆沙及綠豆爽清心丸，糖水足料又好味

土瓜灣楚撚記大排檔（寶光大廈）人氣食店，約埋朋友一齊去，食小菜。當天我哋訂咗六點枱，所以唔使排隊，但係記得要book位。食完店外已經排滿人潮。✅秘製辣酒煮花螺成個鍋內有好多花螺及蘿蔔，好正👍✅撚記脆皮燒BB鴿乳鴿皮脆、肉滑。香口。✅香煎黑松露手打 蓮藕墨魚餅手打蓮藕墨魚餅，香口彈牙👍✅楚撚豬油撈飯（碗）懷舊豬油撈飯，飯粒分明，好香！老公致愛。另凡光顧晚餐每位客人仲有糖水送🥰。好大滿足感。總括：特色大排檔極力推薦！食嘢超高質，性格比高，店舖地方好大，

星期五夜晚去食飯，早幾日打去已經話full booking只可walkin，預左多人要等位，我哋算早去到，排第6張枱，但都等左一個鐘先入到去。入到餐廳眼見仲有幾張枱冇人坐嘅，我地被安排到路口位想問下職員可否調後一張吉枱，職員即刻話：「你張枱係呢度，冇得調架喇。」 問多句其實仲未有人坐啫，職員即回應：「點會冇人，陣間就會有人坐，唔係唔想幫你，幫你調張枱有幾閒，不過真係唔得」 ok佢講到咁想幫我但又唔問下reception 可否調就一口咬定有人，咁我都唔同佢拗。（後尾佢急急腳放返個留坐牌，然後隔左成個幾鐘到我地食完飯先有人坐落嚟）好喇，野食質素唔算好差，但亦冇乜特別，似乎有啲overpriced。同埋某幾樣餸上菜速度比較慢，有一兩個餸係到我地食晒啲飯先黎，上菜速度上控制得比較差，不過大排檔質素，唔要求得咁多，大家要有心理準備。總括而言，好食嘅大排檔或者中菜有好多選擇，要等咁耐又態度唔好嘅話，唔會再返轉頭。