極品刺身 (恆勝樓)

營業中

休息中

叫了成千蚊嘢，換來一肚氣！😤😤😤1》4件大toro；2》一碗什錦魚生飯；3》4件油甘魚；4》一碗“特盛海膽極品什錦魚生飯”！1＆3＞頭頭尾尾手指尾咁細件；2＆4＞完全無“魚生”！一定不會有下次！😡😡😡比“乞兒”都唔會係咁啦！

大時大節，親朋戚友聚埋一齊，要揀啲大方得體，又要好好味，款式仲要多選擇。咁呢盤壽司就係我首選，因為佢有唔同款式，而且望落去顏色鮮艷，仲可以提前預訂。😌😌咁去到就唔使企喺嗰度等，浪費晒啲時間啦🙌🏻🙌🏻因為日頭又要返工，收工之後仲要招呼親朋戚友，臨急臨忙去邊度買嘢食，打個電話就可以訂定，返屋企前順便拎埋。😎😎咁就啱晒我呢啲小忙人啦🤣🤣嗰度個老闆仲好好人添，不時都會推薦我食啲最新鮮嘅食材。☺️☺️

今晚買完完全差評😡😡😡完全唔推薦，希望九龍城街坊快啲醒覺。1.等左7個字先得，但有人係遲來先走，個師傅仲賴多單，話因為特別日子先咁耐。到底呢間野係點樣去安排佢啲訂單呢？因為遲來嘅客人嘅金額比較大？2.飯好難食，好似食淋飯🤮，冇任何醋味，同時亦都好唔粒粒分明，啲飯好劣質。3.性格比極低 ，雖然平，但啲魚份量都一樣咁細4.藍鰭赤身（希靈魚旁邊嗰舊）勁黑勁唔新鮮，唔知點解咁都可以上到菜，難道唔怕客人食完肚痛嗎？有冇QC?總括嚟講，雖然係多款，但連爭鮮都比唔上

這家小店位於九龍城廣場對面，座位有限，非常適合外賣回家吃，一進去店內就被刺身櫃吸引著，看到有幾條新鮮的魚，可惜今晚只有兩人食，未能買來試試。其他的刺身都是包裝好的，竟然看到牛肉刺身！總體來講價錢適宜，味道新鮮度同價錢成正比，會有下一次的。

堂食有四個位，門口出邊有兩個位兩個人星期六中午時段去食一個特價魚生飯$48有四種魚生、魚生份量足夠不過唔知係咪因為整定一碗碗所以啲飯擺到硬梆梆，好難食絕對有改善空間

第二次寫這家外賣壽司店的食評，上次比較粗疏，今次認真點。想買餐日本嘢返屋企食，唔想去到旺角，最方便就係九龍城。小店格局，但選擇其實幾多。最開心係有即開生蠔，有法國蠔，但係當然選日本啦。統一啲。另外見到有幾條魚。一個人本來都唔諗住開條魚，但係又見幾靚，同埋細條池魚都係$98，咁試吓啦。師傅好有心機，片到好薄。返到屋企喇～九州下關生蠔：爽口、鮮甜、海水味不重、沒有金屬味，屬於清新型。我特別要求跟酸汁食，更有日式感覺。池魚有魚味，好多肉。特製的酸汁好得！包含了薑蓉同蔥，加好多分，下次見面要讚揚下店長。魷魚也是餐牌以外的特色貨，無記錯 $12蚊 一片，都係高質素。馬刀背則一貫的超級爽口但無乜味。玉子手卷、蔥吞拿魚蓉手卷、海膽手卷、壽司都正常，飽肚之選。送味增湯、啫哩，都係用保鮮紙包好唔會漏水。豐富的一餐：在家可以安心慢慢食，嘆杯靚白酒，唔使擔心泊車揸車，另有一番享受。

九龍城食店林立，應有盡有，唯獨日本菜選擇相對少。如果想外賣壽司，印象中更只有同一條街的「渡邊屋」、及九龍城廣場內的超市。今次試的小店相對新，但比對手質素好一點。也是有已經造好的壽司，或者可以填紙仔即制。因為揸車唔可以停太耐，今次只買了製作好的壽司。送湯。回家自己開支獺祭，都幾開心㗎。留意到有日本生蠔，另外有幾個很細的座位，下次試一試即場食。寫呢篇食評係想鼓勵一下店主。要喺九龍城立足不易。但係好希望繼續有競爭才有進步。努力啊。

農曆新年，至初五已不知吃甚麼才好了，就買些刺身、壽司回家吃。九龍城新開了一間新的店子，在獅子石道上，近九龍城廣場，十分不錯，大概會長期光顧。為甚麼？因為他們用料極新鮮，份量很足，取價亦十公公道。包裝更十分精緻，有心思。膠容器外，更有一層簿木盒，標籤說是送禮用的，沒有跨張，真的可以。食味相當新鮮。要注意，這店子全部的海鮮，都是量重而即時在客人面前切的，除了附圖中的，其中一款已包裝的「組合」。真的，由衷的希望他們能堅持做到最好的原則。祝生意興隆，蒸蒸日上。