極尚大喜屋 (加連威老道) (已結業)

2年前去過極尚吃放題記憶還是好的。以前店內環境尚算不錯，但昨晚和家人去吃生日飯選擇回到這間店就令我後悔不已。先講環境，店舖已經營業多年，所有內部裝修己殘舊不堪，另外場內的座位好窄又密，根本冇可能遵守到防疫要求的1.5米距離。可以想像在多人一起用餐及傾計丶食物換碟及執碗碟聲下（因為位多通道窄，執碟同事少不免攪到砰砰聲）加上最大鑊佢哋仲開行吵耳拆音嘅喇叭📣攪到你成餐飯都在噪音下完成。莫講話啲食物質素已經唔好（同以前比都差好遠，種類少咗丶質素差左好多，連飲品選擇都少得可憐）就算有龍肉你都食唔落。可能這是生意手法，想你快啲食完走😳最後勉強食埋餐飯，仲比我見到小強在頭頂的牆行緊，唉！真係正到唔識講。埋單$288 加埋一，用咁嘅價錢同環境大家就要好好諗下，會唔會有其他好啲嘅選擇？

這算是我的飯堂 一個人食午飯的時候我經常會來此一家。有幾十款午餐由$50蚊起。有麵豉湯＋沙律＋生果＋主菜＋小食＋飲品。 透過 APP下單， 超方便。 地方大，每次都無需訂座或等位。 雖然服務平平。 但其實有沒關係，因為是自助下單。食物質素不差，但這個價錢，沒投訴了吧！

講事實大喜屋放題比其他店鋪嘅放題食物質素係唔錯， 食過好多次好多間放題， 但今晚同朋友來呢間食到一肚火😡😠店鋪幾個男侍應態度 惡劣囂張， 係唔係你哋生意旺唔憂做，唔講以為大喜屋放題係惡人谷私房菜😡我就分享今晚一肚火嘅事實：第一：我行去攞飲品既雪櫃， 我準備開門時候完全唔知道呢個雪櫃裝雪糕，藍色恤衫男侍應過來好兇惡既態度罵我， 令到我即時大聲回應要去攞飲品， 呢個男侍應態度好惡指向飲品雪櫃！第二： 我朋友準備點雪糕食搵唔到支筆， 另一個黑衫男侍應對我朋友嘅態度好囂張， 唔會幫我哋填寫不但止，語氣好差咁指向檯面有支筆 ！今晚我同朋友嘅晚餐心情被此店掃興晒， 價錢貴服務態度差， 決定以後不會光顧所有大喜屋集團放題😡😡

話說今天因為很久沒有吃日式放題，路過時發現這裏的午餐放題，都只是$198。由於這裏的款式很多，先選擇一些平時比較貴價的食物來吃，就比較着數。海膽軍艦，海膽味道鮮甜，平時在壽司店吃軍艦，平均都要$20至$30件，先點六件，已經值回$200，既然質素有保證，當然又再再加。中拖羅壽司，脂肪分布均勻，沒有筋位，鮮甜美味可口，質素非常高，如果在外面的日本料理，平均一舊都要$40以上，當然又再追加兩三次，只是吃這個壽司，已經封了蝕本門，仲賺返舊本有餘。清酒和梅酒都可以任飲，吃壽司當然要點熱的清酒，雖然不是高級的大吟釀，但酒味濃郁，非常配合壽司。白松露油甘魚壽司和龍蝦膏赤蝦壽司，味道都一樣酸甜可口，不過因為要集中吃高質素的中拖羅壽司，所以只點了一次。埋單每人都會獲贈一杯，Haagen dazs ，吃埋這個甜品已經非常滿足了。

今日又去咗食放題啦 事原係打完波極度肚餓 不如就去瘋狂補充卡路里啦 去咗尖沙咀the one隔離嘅呢間極上大喜屋 餐廳歷史悠久所以裝修都比較舊 午市真係超抵食可以食足三小時 所以入座率都有八成真係幾受歡迎你食放題點可以唔食魚生呀 三文魚夠肥美 帶子都幾鮮甜燒芝士扇貝 上面芝士唔算多 下面竟然係沙律醬 有啲失望西京燒比目魚 甜甜地嘅醬汁燒完之後幾香口 比目魚油份十足 魚肉嫩滑 encall咗幾次呀花膠雞煲竟然係原煲上 份量都幾多建議人多先好叫 花膠煮得冧滑 索曬雞湯嘅味道 唔錯燒羊架又係必點 羊肉味濃郁 不過唔太騷 火喉處理得啱啱好 唔韌又冇鬆肉粉味 高質之作每人仲有一杯haagen dazs雪糕

午市成人放題($198)講起放題一向食開大喜屋，全因水準穩定選擇又多，亦無hold單漏單。午市同晚市一樣食物種類，晏晝食放題絕對唔過份🤪但價錢就更超值😙✅蒲燒鰻魚串。厚肉！肥美！少骨！🤩嗌左好多次😜平時食個鰻魚丼都一百蚊，任食認真性價比好高✅雪花牛肉鍋。類似壽喜燒嘅甜豉油湯底，夠熱辣辣👍🏻材料好豐富，有生雞蛋、牛肉、粉絲、豆腐、金菇、青菜🥬入哂味☺️✅刺生。選擇多，新鮮而且擺盤用心😋除左一般三文魚、甜蝦、北寄貝、油甘魚、希靈魚、八瓜魚之外😍仲有比較矜貴嘅松葉蟹腳、象拔蚌、赤貝😎大愛赤海蝦肉質爽口✅壽司。唔似其他舖頭，用飯塞包你，呢度嘅壽司飯比較迷你有良心🙂推薦拖羅、左口魚壽司✅串燒。脆雞軟骨好香口！牛舌軟腍，配黑胡椒吊味一流！燒翠玉瓜、燒菠蘿兩款都夠juicy！燒魚干充滿咸香，最啱送酒🥳✅天婦羅。即叫即炸，落完單要等陣，酥脆得嚟唔會好厚粉，食材亦保持到應有嘅濕潤👍🏻✅炸物。北海道牛乳炸鮮奶係我最愛❤️香滑奶香配上炸皮，難以抗拒🤤酥炸吉列蠔、拉絲一口芝士、香甜炸香芋丸，全部都有日本料理舖應有嘅水準✅北海道帆立貝。重點之一，帶殼大大粒帆立貝焗到黃金色🥰蟹子沙律醬好惹味🤪✅小菜。最大驚喜係黃金蝦

常常聽朋友提起極尚大喜屋，自己一直未食過，今天難得不用上班，就和老公一起去吃。除飲品外，所有食物均是以手機下單，很方便和快捷，衛生一流。刺身擺盤精緻，用來打卡不錯，刺身很新鮮的，當中我最愛希靈魚，因為它很鮮甜，三文魚厚切肥美，甜蝦彈牙，完全沒有腥味。刺身encore了第三轉才記得拍照，哈哈。鹽燒海蝦串燒很有鹽香，肉質彈牙有蝦味，新鮮。壽司也是很精緻，可以一次過品嚐多款壽司而又不會填飽胃子，我最欣賞是三文魚子x三文魚壽司, 師傅絕不吝嗇，大量三文魚子佈滿壽司上，粒粒飽滿。炎炎夏日必點冷豆腐，豆腐既滑口又很清涼，有豆香，伴以日式麻醬，好味。雞軟骨串很香口，軟骨很脆口，熱呼呼的送來，伴酒一流。黃金蝦炸得黃金色的，外面脆脆的，啖啖咸蛋黃香，內裡蝦肉彈牙。下次一定要再來！

與好姐妹相聚，她說很想吃放題，當然要帶她來極尚大喜屋啦。質素依舊不變，親民的價錢，高質的享受。飲品是自取的，選擇多，花多眼亂，朋友先以手機點食物，我就先取飲品嘆一嘆。手機下單很方便，上菜快，份量也完全依照自己所點的數量而送上，值得一讚。刺身出色，所有刺身的味道很好，吃得出來貨新鮮，當中甜蝦和赤蝦刺身真的是必點，肥厚鮮甜。花之戀加三文魚子粒粒，粒粒爆破，好正赤蝦壽司新鮮，大家都吃得很滿足咖喱蟹很出色，咖啡味香濃，蟹肉又多，真材實料。炸物和炸物也是即點即做，熱呼呼的放上枱，本人超愛吃炸榴槤，炸得外脆，內裡的是D24流心榴槤，味道香濃。燒牛舌串燒必食，牛舌不會太薄，厚度適中，口感彈牙，有鹽香，圍邊燒至有焦香味，無得頂！芝士燒扇貝好Juicy !! 意想不到這個價錢，吃到如此高質的放題，下次還想試試其他分店

刺身好遲嚟，三文魚、象拔蚌灰灰暗暗，勁重雪味，又霉，擺明唔新鮮，其他刺身嗌完無嚟都費事追。軍艦整定，紫菜淋晒，火炙壽司都係整定，凍冰冰。其他熟食10分鐘到，暖嘅，一句講晒所有嘢整定!!!!!!!!!!!!個位又近門口，完全無冷氣，啲嘢食俾得嗰少少，嗌人嚟啲人黑面到痴線!!!!!!!!!!!!!!到底食極尚嘅意思係邊??????食物、環境、服務同普通大喜屋冇分別，一樣咁垃圾!!!!!!!!伏中之大伏!!!!!!!!絕對唔好去，求其一間放題都好過佢!!!!!!!!仲收300蚊一個？好唔好意思呀？總括，超垃圾，入去食劣食，想試伏就去！

新開張果時食過一次，兩年前生日食過一次，今日放假再去食lunch ,前前後衟食過三次，水準仍舊keep 到，難怪咁多年都咁長人龍，要book 枱先有Lunch 比較抵食，食d野都係一樣，但價錢平d12點準時到達，好快坐滿人刺身有多款，帶子象拔蚌赤貝希靈魚Size 偏小，可以食多幾轉，我前後點左3轉左口魚入口即溶為左食佢，一定會再返轉頭帝王蟹棒黃金燒甜甜地有沙律醬幾好味雞泡魚乾平時散叫好貴，放題點可以唔點雞翼紫心香芋丸炸得吾錯甜品抹茶撻牛奶布甸份量少少岩岩好

好耐無食放題，今次黎尖沙咀食呢一間，第一次黎食.午餐就198 加1，姐係210，ok ge. 原來啲枱依家係可一張半，算大張既。依家用QR code 叫，野食無咁唔環保，又可以睇record. 首先黎左壽司都算新鮮既。再來是刺身，都鮮既，種類都多，但太細塊，要狂叫。LOL.熟食雞軟骨就太油，雞翅膀都係。燒菠蘿都幾甜，好推薦。仲有好多其他野食正。最後仲有movenpick or Häagen-Dazs 雪糕，正。價錢合理，係刺身上得太慢，呢到扣左啲分囉，生意策略黎啦。好在有3個鐘食.

本想去尖沙咀殿大喜屋食set lunch 加半自助點知去到話無做set lunch, 只做放題行行下，阿媽見隔離街是極尚大喜屋上到去有set lunch, 1點半入座75折不過呢間細過銅鑼灣，無半自助拎嘢食，飲品選擇少飯太酸，加$24的帆立貝，醬太酸

話說我連續2星期都食極尚大喜屋，因為真係好抵食，野食選擇又多。今次食尖沙咀呢間。午市$198再加一。未到12點都已經俾我地入左座先👍🏻唔使係出面排隊夠鐘先入。而家轉左QR CODE落單，環保好多！又可以睇返自己嗌左啲咩，有咩未到可以同侍應講返，唔使重覆再落order.一坐低例牌一定嗌左刺身先啦😋刺身:三文魚，油甘魚，北海道帶子，北寄貝，鮮赤貝，八爪魚，希靈魚，赤海蝦，甜蝦，松葉蟹腳，最愛甜蝦，夠鮮甜。以下都係食過覺得好味必試既: 海膽軍艦，蒜片炒牛柳粒，燒北海道帆立貝，鹽燒牛舌，燒有機菠蘿，風味淋燒魚干炸物:芝麻雞翼，紫心香芋丸，炸貓山王，吉列蠔，一口芝士，炸蝦天婦羅，南瓜天婦羅，一口甜蕃薯仔天婦羅有個highlight就係呢到竟然有得食沖繩海葡萄？！！我見到有即刻嗌左呢個沖繩海葡萄沙律！食落唔太咸，唔腥。海葡萄我係出邊日本餐廳有食過，但放題真係未試過有得食。未試過既一定要試下！有梅酒飲！仲要唔係溝到淡曬果隻，正！食飽飽以Hädgen-Dazs 芒果紅桑子雪糕做結尾，超滿足🤤

最滿意嘅放題🤘🏻有一段時間冇食啦，今日同朋友兩個人食Lunch 時段，未夠12點已經安排入座，真係體貼，唔使企咁耐～坐低之後即刻去拎嘢飲。揀咗呢個椰青水，之前未飲過呢個牌子，幾好飲喎唔太甜👍🏻一如以往落單到上枱速度都好快，一嚟當然係剌身先啦，每一樣都好新鮮，最鍾意甜蝦，好鮮甜，帶子真係冇得輸🤤如果係原粒上會仲正😌我哋刺身都食咗兩轉🤣黑椒香蒜牛肉，好🈶️黑椒味但稍為有咬口咗少少🤏🏻如果淋返少少就更加好沖繩海葡萄沙律🥗雖然同我喺沖繩食有少少出入，但係冇得去旅行嘅情況底下，都可以止住渴先嘅🤟🏻，炸貓山王真係冇得輸，榴槤味好出，而且鬆脆又流心，紫心香芋丸都唔差，唔太甜啱晒我天婦羅係啱啱炸好㗎，熱辣辣超好味😋每次都會食嘅海膽軍艦，真係可以食好多件我哋真係飽到捧住個肚🤣但唔執輸點都食埋個甜品先，我哋叫咗馬卡龍士多啤梨同朱古力味，本身都唔大期望，點知有驚喜，唔太甜而且鬆脆好味👍🏻仲要食埋杯雪糕我哋兩個人都叫咗芒果紅桑子味，完美。如果連雪糕都可以任食嘅話真係不得了🤣即刻🉑以榮升做我嘅神級放題

好想食放題，同朋友約係尖沙咀既極尚大喜屋，食到盡興，又可以慢慢傾計，午市放題三個鐘只係 $198 蚊再加一，真係超抵食放題種類超多，刺身方面試左松葉蟹腳，三文魚，油甘魚，池魚王，北海道帶子，象拔蚌，鮮赤貝，八爪魚，赤海蝦，甜蝦刺身。。。壽司都試左唔少，花之戀，牛油果沙律煙三文魚，白松露，油甘魚，芝士燒玉子壽司。。。熟食都好高質，北海道帆立貝，焗得超香辣酒煮花螺，好鮮甜牛油炒粟米二人份，食到停唔到口鹽燒牛舌，雞翼，encore 左幾次燒有機菠蘿，芝麻雞翼佢既炸物甜品都好出色，有北海道牛乳炸鮮奶，炸貓山王，入面係流既榴槤，超香超好食，叫左好多粒黎食。仲有紫心香芋丸，芋頭味都好香，外脆內軟。一口甜番薯仔天婦羅，幾特別外面係天婦羅入面有甜薯另外有霸王花煲豬骨湯，估唔到會有中湯可以飲，又幾好飲，好足料甜品試左曲奇妙趣芝士蛋糕，馬卡龍同紐約芝士蛋糕，同埋 3.6 牛乳布甸，仲有生果拼盆，其實即係西瓜同橙，都好新鮮最後仲有一杯雪糕可以揀，揀左haagen dazs夏威夷果仁味，食完大滿足野飲就可以去自助區自己拎，而野食都上得算快，另都冇漏單既情況，坐位分隔得幾好，都坐得好舒服，兩個人去都比張六人台我