極尚大喜屋 (鱷魚恤中心)

營業中

休息中

有咩放題會午市都爆曬場？講緊二$300一個人，午餐時間一個鐘啲人都嚟食，就知道呢間嘢係幾咁出名，同埋嘢食幾好。又真，嘢飲又多，又細心，特別係個杯珍珠奶茶，一杯其實好飽，佢半杯送俾你，等你唔使咁飽，真係幾細心！嗰啲魚生都幾新鮮，可能因為流量多，所以好多人食就啲嘢食都好新鮮仲要有限定嘅榴槤食材，又大粒，整得又好食，非常之欣賞果個燒蠔！要快手啲叫，去到咁上下就會冇得點因為俾人叫晒！有時放題食凍嘢，食得太多會唔舒服，好驚訝佢有啲熱嘅蟹粥，真係有蟹腳喺入邊，又熱又正！個餐牌仲有無數咁多嘢食，但係費事叫嘢食唔晒，所以只係叫啲我鍾意食嘅慢慢食。總括而言，佢嘅性價比高，環境好性質素高！

📍大喜屋真係次次去親都爆場，今期仲新出咗唔少嘢食，晚市時段做緊$288/位，依家Häagen-Dazs雪糕仲可以任食！即刻點咗幾款菜式，法式紅酒藍莓鵝肝粒入口軟滑，再加埋酸酸甜甜嘅藍莓醬食落唔會油膩。海膽三色撻造型夠晒吸睛，個撻原來係用紫菜整，未嚟到嗰陣仲驚真係用撻皮會好滯添，用紫菜就食多幾件都得。煙鵝胸鵝肝多士個底就用咗蒜蓉味多士，中間加埋煙鵝胸多咗層鹹香味更加好食。金蒜炭燒廣島蠔用咗炸蒜同蒜蓉，食落好香口不過就唔夠鹹味。最驚喜係今期新出咗蟹肉蟹粉拌麵，麵底用咗稻庭烏冬，掛汁好creamy。同埋佢嘅珍珠奶茶都係任飲，仲幾貼心倒得7成滿，等我哋唔會嘥又可以試埋其他嘢飲。

每次family dinner諗唔到食咩好就會嚟呢間極尚大喜屋食放題🤓🤓勝在咩菜式都有齊晒 大家唔使爭’‘之前去過銅鑼灣分店 刺身選項無長腳蟹呢度有！！ 好正除咗最大路的三文魚吞拿魚甜蝦，仲有帶子 赤貝 仿鮑片等等全部都好新鮮熟食都好多選擇，個人最愛西京燒銀鱈魚，黑椒牛柳粒，蟹粥 同埋雞泡魚乾！ 呢啲都唔係度度放題有得食上菜稍為慢少少 不過最終都會嚟齊 可以接受‘出面自取區 有螺肉 酸辣鳳爪 大量水果甜品 啤酒清酒 白桃烏龍 等等仲有最抵食嘅Häagen-Dazs雪糕 食返兩杯都回本😋

極尚大喜屋，330左右就可以任食 120分鐘，而且選擇特別多，擺盤靚，一直係我同朋友聚腳首選今晚亞媽話唔想煮，就帶左佢黎觀塘大喜屋開心吓亞媽最鍾意食松葉蟹同虎蝦，呢度都食度，蟹腳重幾鮮甜飲品櫃同樣係選擇豐富，熱飲同鴨屎香檸檬茶都有我就鍾意呢度各式罐裝啤酒都有，重有熱既清酒、冰凍梅酒最特別係有燒榴槤，燒過真係非常之香甜，唔係度度都食到紅燒乳鴿，熱辣辣，撕開都有幾多肉汁，微咸，但幾香口惹味川味燒蠔好大隻，啖啖肉配上炸蒜好誘人，呢個燒蠔簡直係回本位之一重有甜品雪糕乳酪，亞媽食得好開心

晚市放題 $308餐廳更新左菜單，有好多好野食！環境夠唒大，坐得舒服！自助區食品都有好多款，好似有海鮮冷盤、爆谷、湯、熟食、甜品、酒類飲品等等！👉🏻刺身每件都好新鮮，尤其係油甘魚同帶子！仲有鱆紅魚薄切，柔軟滑順！法式紅酒藍莓鵝肝亦好推介，豐潤口感！👉🏻呑拿魚沙律鮑魚撻味道好夾，爽彈鮑魚配呑拿魚沙律，精緻，食一件都唔會太heavy！👉🏻煙鵝胸鵝肝多士煙鵝胸同鵝肝，入口好豐富嘅層次感！👉🏻北海道牛乳鮮奶卷外層香脆，餡內嘅鮮奶有濃郁奶香，口感軟綿！👉🏻燒金枕頭榴槤王中意食榴槤嘅真係唔好錯過！燒過特別香口，完全展現左榴槤嘅魅力！👉🏻牛油煮蜆滿滿嘅牛油香，粒粒肥大嘅蜆，juicy又鮮嫩！甜品任食Hagen-Dazzs ，仲有各式一口甜品！

三不離四、五又去咗食放題，每次都食到好飽，搞到我最近重咗幾磅 😂😂😂 要去做Gym修修身啦～ 💪🏻💪🏻💪🏻 今次去咗呢間位於APM旁邊啲鱷魚恤中心3/F食日本放題 🇯🇵🇯🇵🇯🇵 呢間自助檯熟食唔太多，大約十幾款，大多數都係APP逐件點，刺身、炸物、壽司、串燒、鍋物….. 🦀🦐🐟🥘🍤🍣🍢 一應俱全，推介以下幾款 ：1.）燒羊架 🍖🍖🍖2.）鯛魚、帶子、油甘魚刺身🍣🍣🍣3.）鵝肝煙鴨胸多士 😋😋😋4.）燒生蠔 🦪🦪🦪 夠肥美5.）螺刺身 （全隻小螺個隻）🐚🐚🐚另外設有燒榴連 & 炸榴連～⭐️⭐️⭐️ 壽司d 魚生正過刺身～ 🍣🍣🍣⭐️⭐️⭐️ 留肚食Haagen Dazs 雪糕

啱啱嚟到嘅時候有兩位女員工一個戴眼鏡一個短頭髮一同帶我入座但齊人的時候先發現原來帶錯位之後戴眼鏡嘅女同事自己失誤仲用啤住我哋嘅眼神同好差嘅語氣再帶我哋到第二個位

間間日本放題餐廳都差不多，近近地訂咗觀塘呢間。入座安排快，枱椅都舒適。食物選擇都好多，刺身壽司都好新鮮，最吸引係榴蓮炸蛋及燒榴蓮，真係好好味！😋😋😋大人$308、小童$168+10%，都抵食👍🏻

高CP觀塘放題｜任食鮑魚、刺身、串燒每隔一排都會想去食下放題，盡興一番！❣️除左幾多刺身款式外，呢到都好多創新料理，好有新鮮感❣️個人幾鍾意章紅魚刺身，其他刺身款水準都幾好，絕對可以滿足想食日本野癮有水準之選：▪️刺身類▪️🔸有三文魚、赤蝦、北寄貝、帶子等款式選擇，個人最鍾意帶子，厚肉鮮甜，份量超級多，大🈵足！赤蝦都肥美鮮甜。🔸海膽蟹肉拿破崙批- 係無限食海膽之選，大大塊海膽在上，雖然比較多飯，但想食海膽都係唔錯選擇～🐟章紅魚 - 一整碟薄片上，水準幾好。食落去彈口新鮮 鮮甜，加醋更能突出鮮味🍣池魚壽司- 幾彈口鮮甜，值得食🍣三文魚子壽司- 紫菜脆，粒粒三文魚子好吸引▪️創意料理▪️🐑咖喱羊腩煲- 羊腩肉質軟嫩，咖喱係甜辣味道，仲有薯仔，都幾用心🍢雞軟骨- 燒得香，全部都係軟骨，口感一流🔸原隻鮑魚（大推！）- 甜甜地入味，幾有口感🐑羊架- 每次食放題必點！肉質夠軟嫩，燒到幾滋味香口▶️另外仲有好幾款榴蓮甜品！🔸榴蓮撻- 榴蓮底，芝士面，甜度適中，榴蓮味道夠香🔸榴蓮大幅- 個皮幾煙韌，皮薄入面滿滿榴蓮cream已經bookmark下次再去～

上個星期去咗觀塘鱷魚恤中心嘅極尚大喜屋食日式放題，真係食到好滿足呀！自助區有好多冷盤、飲品可以任拎，仲有自家製冷泡茶！出面仲有章魚小丸子同蒸點心拎，好好味呀！章魚小丸子外脆內軟，蒸點心選擇多，有蝦餃燒賣小龍包，味道都可以，幾唔錯😋要介紹一下放題必食係刺身，全部都新鮮鮮甜，各式刺身應有盡有，我最鐘意三文魚刺身、甜蝦刺身！唔只各種新鮮刺身，仲有豐富既海鮮，大大隻蒸生蠔、醉鮑魚等等。醉鮑魚肉質鮮嫩多汁，配上獨家醉香醬汁，絕對令味蕾感到無比滿足。蒸生蠔份量十足，好香蒜味，幾隻幾隻咁order！仲有蟹黃拌麵，以鮮嫩既蟹黃拌滑嫩既麵條，口感豐富，味道鮮美，太正！呢到當然唔少得一系列壽司、串燒、日式一品料理等等。創意卷物既用料非常豐富，啖啖足料！小食方面，有避風塘魷魚圈，香脆可口；串燒就最愛雞軟骨、牛舌等等，都係每次必點。一品料理緊係要試下炆花膠，真係滿滿骨膠原，調味又幾好，同埋呢到一定要食既燒榴槤！亮點之一，不停order哈哈最後緊係要食甜品，有好多雪條、雪糕選擇，一定要食既緊係有Häagen-Dazs雪糕，都係任食！呢個放題真係味蕾既最大滿足，快啲嚟一齊享受呢個超值嘅日式放題啦！#觀塘鱷魚恤中心

觀塘區除咗有隱世小店之外都有連鎖放題店，呢間大喜屋係極尚，食物款式會比普通嘅差少少，環境算闊落而且都幾乾淨，平日晚上到訪fully booked，果然香港人都鍾意食放題😂 前菜由刺身開始，三文魚、油甘魚、帶子、甜蝦呢啲經典嘢就唔洗多講啦，新鮮，鮮甜，基本上枱枱都會點，值得一提嘅係有鱆紅魚同紅酒藍莓鵝肝，前者薄切，入口滑溜，後者味道香醇，口感綿密，一定要點！壽司類都唔錯，最鍾意係呢度嘅創作料理，鰻魚玉子漢堡好厚一片，夾住食神奇地match、龍蝦沙津櫻花蝦多士配料滿滿，鹹中帶甜，越食越上癮、鵝肝鴨胸多士又係第一次見，完全唔油膩，而且塊多士脆到不得之了，好鬼正😛炸物、天婦羅、串燒、燒物、一品料理就正常發揮，影響深刻嘅有廣島蠔、天婦羅蝦、烤金枕頭、醉鮑魚、炒魷魚圈，唔夠飽嘅都可以叫煮物，有雪花牛肉鍋、蟹粉蟹肉粥、豬軟骨拉麵等，適合多人分享～ 記得要留肚食埋出面自助區嘅食物，有多款熟食、前菜、冷盤、水果、甜品、雪糕等，會不停refill，可以放心食。飲品方面有超多選擇，罐裝、紙包、生啤等，另外欣賞呢度提供自家製嘅飲品，有齊最近爆hit嘅鴨屎檸、珍奶、榴槤咖啡都係第一次聽，又驚又喜，好值得一試！

上個星期好想食放題,咁啱嚟到觀塘,就梗係食大喜屋啦首先試咗啲新鮮沙律，有涼拌海蜇絲、和風鮮蔬等等。涼拌海蜇絲爽口清新，配上特製醬汁，帶出海鮮的鮮甜。再嚟就試咗啲刺身，有吞拿魚、三文魚、帶子等等。吞拿魚肉質鮮美，口感豐腴。三文魚鮮嫩滑溜，肉質鮮甜，入口即化。帶子鮮甜多汁，彈牙宜人，令人欲罷不能。緊接住就試咗啲炸物，有芝麻雞翼、炸蝦天婦羅等等。芝麻雞翼外皮香脆，內裏肉汁豐富，每一口都散發出芝麻的香氣，讓人回味無窮。炸蝦天婦羅鮮甜多汁，外酥內軟，每一口都令人愛不釋手。唔好忘記試咗啲甜品，有蛋糕、泡芙等等。蛋糕口感濕潤，香甜可口，每一口都帶來滿滿的幸福感。泡芙鬆軟綿密，內裏填滿了鮮奶油，一口咬下去，甜蜜的味道令人心醉。總括而言，極尚大喜屋keep到高水準,放題嚟講冇乜得輸

🎀極尚大喜屋 最近工作太辛苦常常都大胃王上身很久沒有吃日式放題忽然即興放工後約朋友吃吃輕鬆一下這次選了極尚大喜屋的觀塘分店仼吃兩小時盛為每人$308食物有很多選擇一坐下二話不說就掃掃qr code點了一些魚生刺身三文魚、帶子和蝦類都夠凍幾新鮮另外壽司亦有很多選擇包括有芝士軟殼蟹卷、花之戀芝士鰻魚玉子燒、鵝肝壽司等等冬天特別喜歡吃熱食這次也點選了超級多的熱食包括有乳鴿、燒比目魚、黑椒蜜汁一口牛花膠、炸蒜烤蠔、黑蒜油豬軟骨拉麵等其中最令人驚喜的是雪花牛肉鍋牛肉半生熟 而且有三大片同時也點了紫心香芋球及脆皮炸鮮奶當甜品呢自助區方面有涼伴小食，水果熱盤包括有小龍蝦、芝士西蘭花、鹽酥雞等另有滋潤糖水龍眼雪耳水和湯品雪糕櫃、蛋糕櫃和飲品櫃裏的都是任拎朋友太好胃口吃了四杯Häagen-Dazs雪糕😂這個放題吃得超級滿足下次再戰餐廳另收加一服務費*☼*―――*☼*―――*☼*―――*☼*―――*☼*

尋日放假🏖媽咪約咗我一齊去食放題☺️媽咪話上次約左朋友一齊食覺得好正，要帶個寶貝女試吓🤣🤣今次我哋去呢間大喜屋旗下觀塘分店，餐廳位置都好方便，係正apm相連嘅鱷魚恤中心☺️上到去發現地方超大，因為五點左右入座，客人唔算太多，而且所有食物都係岩岩fill好，正☺️☺️我哋座低後即刻QR落一轉單，點左好多食物🤤每次不能決少嘅一定係刺身🤣呢度嘅刺身都非常新鮮，而且螺頭刺身非常新鮮爽口🤤🤤仲有好多款唔同嘅壽司🍣熟食類，款式真係超級多元化😍😍落完單即刻去到自助吧拎左好多小食、前菜、熟食同生果甜品類！呢度嘅Häagen-Dazs雪糕仲可以任食任拎，雪糕迷真係唔好錯過🤩🤩媽咪推介呢間都唔錯，以後放題又多一個選擇😊😊📍極尚大喜屋 (鱷魚恤中心) (觀塘)觀塘開源道79號鱷魚恤中心3樓#放題 #極尚大喜屋日本料理 #觀塘 #kwuntong #觀塘美食 #人氣推薦 #人氣餐廳 #必食放題 #性價比高 #刺身 #刺身新鮮 #foodie #yummy #foodiegram #relax #dinner #best

復活節假期即興飯局，6點半打去訂6個大人，訂7點半鐘都仲有位。7點15分，有朋友仲未來到，打電話想改晏少少，佢電話1係無人聽1係飛去電話錄音，打好多次都唔成功，改唔到。7點45分到達入坐，唔駛等即有枱，但要聽訓示：今次比枱你下次就唔會，同埋要打電話來講會遲到。我話，我打咗好多次來，你地無人聽呀，唔係我錯啫吓嘩。條女即刻跳制，「咁係我錯囉，我錯囉，係我錯呀」我O晒嘴，但我無理佢只想開心同朋友食飯。用app落單，原來1個鐘多啲已cut單唔準叫野，即係只得1個鐘15分鐘。以後都唔會去呢間野。