榮園麵家 (已結業)

好耐無食過啦．．見今日唔算太熱．．同男友來食個ＴＥＡ．．我要牛腩河．．男友食魚旦河．．水準仍保持．．個人覺得呢到既牛腩質素幾好．．好腍好入味．．我次次都係食牛腩河的．．男友覺得魚旦河質素中上．．味道幾好呢間店我幫襯左好多年啦．．食物質素不變．．但環境同服務態度唔好要求咁多啦．．我會繼續幫襯的．．！！

一支公係旺角行左成兩個鐘經過榮園就可以歇一歇呢度魚蛋河都幾出名細碗十六蚊大碗或兩拼十九蚊不過我就叫左我最鐘意食的牛腩雲吞米味道不錯但環境就不能苛求太多

我見到下面比劣評o既人仕可能係攪錯左…漢榮書局對面果間漢榮粉麵係無牛什食o架喎…淨係得牛腩，我諗你地攪錯左喇！講番d 食物，牛腩夠淋、筋都夠淋夠膠，好好食…魚蛋好彈牙、雲吞都好新鮮。不過地方就係唔係咁好o架喇！

男友話呢間d粉麵味道都唔錯,黎試一試我叫左牛腩雲吞河,男友叫牛腩河雲吞細細粒幾鮮味,唔錯!! 牛腩就好腍,成碗河粉份量都幾大0下,一睇間野0既格局都知道唔方有d咩服務ga la,不過食物好食就得la!! ^_^p.s.呢間野係無牛雜賣ga,所以之前寫食評0既幾位應該係攪錯左la.....

叫左碗牛什粉.,佢比個的腸吾係牛腸.,居然夠膽用豬腸呃食客.,叫佢換!!佢地居然夠膽講大話.,話呢的轉灣弓形的豬腸就係牛腸!!我話牛腸係直身同轉粗身.,而皮較溥.,香口而淋.,但豬腸皮係較厚.,而好難淋.,一定較硬！！有其他食客也支持我.,佢地都有開口話呢的當然係豬腸啦.,不過佢地一早知呢間係用豬腸當牛什賣.,所以一定吾會係度叫牛什食.,佢地話牛腸係較豬腸難清理架.,咪用豬腸當牛什賣羅。我話吾識整牛腸咪吾賣腸羅.,客人叫牛腸.,你比豬腸就係呃人啦.,我食淨的腸就立刻走人!!!以後都吾幫襯!!

我肯是這位食友是記錯了別一家食店,因為我幫櫬了這家惡店已經有多年,它是從來沒有供應牛雜的,請看我食評內它的菜單,只有三樣,客人柯打以外的食物都會給粗聲粗氣的教訓一餐,不過我不是幫它,而是還它一個公道罷了.但罵還罵,它的味道假如不介意地方和衛生,還是令人一去再去的.

記得好耐之前，跟姐姐經常來吃，原因是質素不賴，但價錢偏貴同分量越來越少，而且伙計庇度惡劣，所以再沒有來。但記得有一次，我跟姐各要了腩河及牛雜幼麵走腸，來到時卻變了走蒡，問伙計可不可以換，他說不可以，仲叫我下次說清楚一點，真是口同鼻拗。最後我跟姐氣沖沖的吃完，埋單便走，也決定不再光顧，因為態度真係差到極點。

這超小店已經有很耐的歷史（應有三數十年了），最初是大牌檔，後來買了相連的小鋪位以半鋪半大牌檔的形式經營，擺出旁邊小巷的座位常常要走鬼，下兩時幫櫬又會濕了半邊身，侍應很多，都很勤快，但都無禮貌，粗聲粗氣，呼呼喝喝，連老闆也一樣，但不分日夜都有人等位，午晚飯時間更加壚冚，價錢不平，十六元一碗單餸麵，只有加價絶不減價，連經濟最差的時候，人人減價，它也不減，雙併加三元，哂士一樣，油菜永遠得一樣，就是西生菜，十一元，你不吃，自便．菜牌上只得幾樣，牛腩，魚旦，雲吞，下午三時至五時還有炸魚皮，賣完就明天請早，可以加三元放在雙併上，剩叫一小碗要十元．最正的是魚旦，牛腩和牛筋，很少人會叫雲呑的，牛腩是用柱侯醬炆的，魚旦和魚片都很爽滑，有魚味，麵通常都有少許梘水味，湯很清但很少味精，所以偏淡，假如加腩汁會更加和味，牛腩和牛筋有時不夠淋，但晚些去通常會好些．食時一定要加辣油，香辣十足，真是無得頂，夏天冇泠氣，食得大汗淋漓也無所謂．

喱間o係鬧市中心o既麵店仲未有人寫,真係神奇.打波前食碗雲吞麵,味道比想像中差,無論湯底或雲吞本身,味道奇淡.雲吞烚熟後隔水隔得唔夠,令到層雲吞皮好似浸腍晒,一夾即散.蝦肉用肉質較硬o既黃蝦,而且D蝦肉唔多新鮮,鮮味全無,令到粒雲吞淡茂茂.D麵又係奇怪,又唔腍又唔爽,感覺好韌,食橡根咁.唔掂,行多兩步食"樂園"好過.