榮園麵家 (已結業)

此後巷麵店十年如一日：無冷氣、速食、迫夾；但好食。魚旦、魚片淋身但重魚味，亦好鮮味、牛丸爽彈、牛筋通常夠淋夠入味。我通常係一碗牛筋米加一碗淨魚旦牛丸；食完勁滿足

三個月前曾吃過「榮園」，查看一下 Openrice，竟然小弟上次篇食評仍然置頂，是否沒有太多朋友到過此小店呢？這裡的四大規條不重複了。一坐底，點了兩款名物，不用半分鐘就已經送到眼前！「牛筋河」五香牛筋依舊炆得入味，腍滑之餘亦不失嚼頭。幼的沙河粉細滑，配惹味的湯底是絕配。「淨雙丸」魚旦不是很爽彈的那種，口感較削，卻是有濃的魚味。牛丸依舊彈牙，保持水準，湯內一點點的冬菜也起了提味的作用。趁天氣還涼時到「榮園」，會比夏天吃舒服得多呢！

小時候在何文田上學，記憶最深刻的店舖除了窩打路道的「八達模型」(儲了零用錢後散財的地方)，「漢榮書局」(每年開學買新書父母散財的地方) ，當然還有在「漢榮」對面，中學時經常幫襯的「榮園麵家」。「榮園」真的是由細食到大，開業已有好幾十年吧，環境還是十年如一日。各位如要一試這後巷粉麵的滋味，便要留意以下四點：1. 速食 - 由坐低的一刻計，不用五秒鐘，伙計便走來問你點甚麼；點𢓭不用一分鐘，碗麵已在眼前，快過 DHL。由於坐得迫，又多人等位，吃時自然狼吞虎嚥，食完便要乖乖讓位給下一位。2. 搭枱 - 不用解說吧！若當日走運，便有機會坐進店裡；若運氣不好的話，就只好坐在後巷渠邊，不得異議。3. 無冷氣 - 只有大牛角扇，夏天會吃得大汗疊細汗。4. 伙記 - 外表有點凶神惡煞兼沒禮貌，也不可太計較。縱然如此，「榮園」還是食客多籮籮，証明大家都不太介意吧！這裡食物選擇只有幾款，牛筋腩、魚旦、雲吞、牛丸，五隻手指數得哂。「牛筋腩河」喜愛腩汁湯底的色重味濃，配幼身滑溜的沙河粉簡直是天仙配。牛筋炆得腍，牛腩柱候味十足，汁料能完全滲透入牛腩肉之中，這就是「先切後炆」的智慧。「淨牛丸」丸身彈牙，與一街之隔的

又係牛根腩河?? 唔好意思, 今次都係講牛根腩河, 因為對我黎講最好的粉麵配搭係大蓉加色同牛根腩河, 而榮園的牛根腩的確係唔錯的, 為食的我點都要試下。牛根腩係用柱侯醬炆的, 味濃但沒有花椒八角的味道, 有點美中不足; 牛根好腍, 聽老細講, 佢地的牛腩係先切成一舊舊然後放入去炆, 所以牛腩唔太腍亦唔係柴皮咁硬, 腍得黎有D咬口; 湯底係用腩汁製成, 腩汁味濃, 可以一試。牛根腩味道很濃, 跟河粉的話, 河粉會索汁, 就會有雙重享受, 不過河粉不太滑...如果朋友下次來嘗榮園的粉麵, 一定要加色, 即係加腩汁, 因為唔加腩汁, 個湯底會好似水咁清。講完牛根腩河, 係時候講講榮園, 呢間粉麵舖係我仲未出世個陣, 就已經開張, 初時係以大排檔形式經營, 後來發展到半街邊半舖, 因為位於人多車多的地方, 所以成日都爆棚。如果要形容榮園, 我覺得呢間粉麵舖有性格, 因為佢地的粉麵選擇同配料十年如一日, 無乜改變過;員工全部都係呀叔, 聲大夾惡個種, 如果你叫D佢地無提供的野, 佢地會聲大夾惡咁同你講無呀; 油菜只有生菜, 食唔食隨你; 佢地無套餐呢回事, 只有單叫, 無餐飲, 想飲野的話, 佢

同男朋友食宵夜, 經開旺角, 就不如食碗雲吞米.我叫左雲吞米, 男朋友食魚旦麵雲吞: 唔錯, 蝦是爽的, good米粉: OK, 不過不失魚旦: 的確唔錯, 下次會再叫但我想問點解個湯底可以無味到咁?望見隔離枱果個人食牛腩麵, 早知都應該食牛腩米.埋單位位20蚊, 響旺角食到, 都算係咁.

經過近輪一番的大魚大肉，看來是時候給腸胃一些休息時間。下午時份，就更不能吃得太多。一碗魚蛋河，吃完後已覺夠喉....人在旺角要吃碗有水準的魚蛋河，身處人流暢旺的奶路臣街內的"榮園"，永遠是一個甚穩陣的選擇....河粉夾起來碎濕濕、湯底尤如在喝白開水一樣.....但這都不是重點。重要的是魚蛋的魚味仍舊依存，質感仍是軟綿；魚片仍留有少許爽彈之口觸，魚味也是不遜魚蛋的....二十三大洋一碗，一點也不覺特別便宜。但這裡勝在方便就腳，忽地口痕想食碗粉，這兒仍是一個不錯之選....

係呀係呀!!!同好多人都一樣，經過呢間榮園無數次都冇食過或冇諗過入去食，點解?因為夏天又會太熱，冬天又會覺得太風涼水冷囉ANYWAY，今次終於的起心肝扯埋朋友入去試試。因為其實唔係餓而係咁0岩經過口痕之故，我地本來想叫一碗雙拼就算，但我想食河粉，朋友想食麵，所以最後我揀左牛丸河，朋友揀左雲吞麵，真係話咁快就上，我地睇左幾秒兩碗粉麵都覺得好似冇乜特別，我先夾起粒牛丸食，雖然唔算大粒，但原來幾彈牙爽口，跟住食左隻雲吞，咦~入面唔止有蝦，仲有舊好有彈性0既肉粒架!!!呢種彈性好明顯唔係用碎肉機碎出黎0既，我好欣賞呢種功夫而d蝦就唔識評價，因為唔多食蝦，冇得比較，總之絕對唔係稔bap bap，另外，d河粉稍微碎左一d，不過冇浸到稔啦最後都有飲左一口湯，都幾好味，絕對唔係齋味精水。呢度d客好多明顯係熟客，叫野都同d伙記叫法一樣，我諗冇一大批捧場客都好難可以0係旺角撐落去，下次會試試牛腩，因為都見唔少人叫。

九月二十二日 (星期三)相信大家都經過此店無數次我倆亦然,是日決定的起心肝,入內一試賣的食物簡單得不得了只有四款供選擇:牛腩,魚蛋,雲吞,牛丸再簡單的,就是連牛丸都賣光於是我們分別點了牛腩魚蛋河和雲吞魚蛋米非常便宜的雙併,只賣21元算是低吃,魚蛋尚算爽口雲吞和牛腩都是平均水準領略下在巷仔吃魚蛋粉的滋味,一試無妨呢!

去完樓上書店買書,肚子餓了又想不到吃什麼好,便到這間不怎麼起眼的店吃個面要了一個魚旦牛根河，寶貝就要了一個雲吞牛根河不過幾分鍾，兩碗河便到，一看，$22這個價錢的分量，料也算多了（相對其他面店)牛根大大條的，不太淋也不硬，牛味也十足，不錯魚旦就一般啦，沒什麼魚味不過也算彈牙，河粉也可以，雲吞也不錯，鮮蝦肉大大隻,整體來說不錯呢,寶貝很喜歡它的"攬"汁味道，很好。$22雙拼絕對超值，下次會再來

收工後, 孤單一人於奶路臣街遊蕩, 由於還未吃晚飯, 順便看看有什麼好吃的。期間路過「榮園麵家」, 此店平日過門而不入, 從未幫襯過, 今晚突然心血來潮, 本著大無畏精神, 決定要一嘗後巷吃麵的滋味。由於細小的店內座位已滿, 我走到後巷隨便找一個位坐, 待應很快過來為我落單, 本想要雲吞牛肚河, 但待應表示沒有牛肚, 唯有改點雲吞牛腩河。等了一陣, 河粉已熱辣辣的送到來, 後巷吃麵, 感受的確奇特, 因為平日絕少這樣吃, 而且總覺得後巷很污槽。不過這兒的後巷並沒有惡臭, 只是比較熱。我狼告虎嚥地吃著這碗河粉, 要讚的是河粉的腩汁湯底味道很濃, 而且牛腩炆得很腍, 易入口。這餐確是特別, 自己拿著勇氣去嘗試, 希望日後還有機會再吃這種風味的晚餐。

是日, 下班先到了旺角. 亦知道是晚初一, 屋企冇人煮飯. 辦好公司事情之後, 就係旺角街頭找食肆. 然而, 係旺角, 唔想食多多, 又想有風味, 相信只有呢一間, 位於繁華鬧市內的一間後巷粉麵檔.這些後巷粉麵檔, 因為環境同衛生問題, 己經買少見少. 不太光猛的店子, 黑暗無比既後巷. 若不是次次行過都座無虛席, 我應該會以敢死試食員咁入去博一博, 會唁會肚痛. 不過, 眼不見為乾淨, 給人客坐的地方尚算衛生, 之後看到廚房拿著一個非常乾淨的銻盤, 盛著一盤靚靚牛腩. 令到本想雲吞麵算數的我, 決定改一改. 來一個雙併, 牛腩雲吞麵.我坐的一檯有4人, 大家都於差不多的時間落order. 上麵時, 就一齊上, 而且非常快手. 兩碗腩吞都, 一碗筋吞麵, 一碗魚蛋粉. 拿拿淋的, 四碗齊上, 效率非常高.牛腩, 帶有香濃的腩汁, 味道偏甜了少少, 齋食, 或是撈麵, 也許真的太濃味. 放湯就非常一流. 牛腩同筋非常之淋, 易入口又不黐牙. 雲吞, 少少的三粒, 蝦同肉既比例正常, 而且蝦味重, 有麻香. 雲吞的確不是一味多蝦才好食的. 個個都食完走, 冇叫野仗飲, 冇叫油菜. 埋單雙併

今日出左旺角整電話.本來想試人氣點心.點知遇到派飛阿姐好火咁指住阿伯罵到停唔到口,唯有下次先去...我心情唔好.如果罵我.我一定罵返人...無謂.........真係黑今日賣點心間店差4個位....食不到點心....去左榮園食牛腩米,我又唔覺得店員無禮....牛腩米一來.牛腩唔林....什至咬幾耐先咬得開.反而牛根好林.....仲好滑又爽而湯底香甜無味精....辣油又惹味

在旺角奶路臣街女人街附近的小巷中，隱藏著這間已經在此地開業了幾十年的老麵家----榮園。在這天天都人頭湧湧的旺角鬧市中能夠屹立不倒，一方面是它的異數，另一方面也是它的實力使然吧！這裡的裝修簡陋，老伙計招呼一般，而且只有食物供應，要喝東西的話，抱歉，這裡是沒有的，要喝東西嗎？記得要先到別處購買，然後才拿去喝啦！可這裡的生意卻很不錯，不僅巷子中的座位經常客滿，有時候還要開到街外呢！這一方面當然是因為這店子的位置絕佳，旺角這附近的人流的確多得驚人，所以不斷有客人光顧啦！另方面相信則是因為這裡賣的粉麵價錢合理，而且食物質素不錯的關係吧！這次試的是「魚蛋牛腩雙拼河粉」，只售$21，但味道卻很不錯。首先，這裡的魚蛋一向都是這店的強項，魚蛋跟別處的有點不同，吃落的感覺并非彈牙，而是較為腍身的，不過卻非常有魚味。其次，這裡的柱候腩也甚為正宗，雖然牛腩的質素有點參差，部分牛腩比較乾，但部分牛腩卻肥瘦適中，口感頗佳。至於河粉和湯底方面，這裡的牛腩湯底湯味濃郁，河粉就幼身得來不會碎得很難夾起來，索了腩汁湯底來吃，更是美味。在清湯腩成為主流的今日，以柱候腩為主打的粉麵店已經愈來愈少了。在新店林立，此起彼落的旺

相信這兒應是全港人流其中數一數二最多的粉麵檔吧自己都可算是半個MK族，但卻就從未在此坐低吃過一碗粉麵，真是奇怪呢這可能與自己一向不喜在旺角覓吃有關吧....約兩個月前的某個下午，由於聽到雙親的罕有推介，所以就趁有空(當然是時間及胃納都有空的時候啦)，跟大夥兒坐在狹迫的小巷內，吃着這裡馳名的魚蛋河.....習慣上先喝一口湯。味有少許鹹但無過人之處，色不夠清，很平淡....再吃一只魚蛋，只覺魚味足夠，質感不淰也不過硬，很有真材實料之感；附帶的魚片偏向淰身，入口魚味也濃，很不錯；河粉不是淥得爛茸茸之流，可輕易用筷子將之一條條夾起.....很吃得過的魚蛋粉，價錢又便宜。若不大介意周圍的環境，當然可以再ENCORE LA.....P.S. 看到旁邊的大叔叫的魚蛋炸魚皮雙併河，心想原來可以這樣叫，下次一定要有樣學樣也.....

好中意食呢度既魚旦..咬落有魚味,唔係死實實,呢度彈牙好味...以前有個朋友係付近度住...我走上去探佢就實食呢檔野...今日路經此地腩河少湯----河粉滑,腩汁濃味,嫌牛腩偏廋..但$18元,抵食淨魚旦走片---我只愛魚旦,朋友笑我以型補型...吹漲..