榮安小食

營業中

休息中

分量比一般車仔麵店少，而且三餸已經要三十幾蚊。女仔都食唔飽，更何況男仔，同樣價錢在荃灣有更好選擇。令人失望既係店家唔憂做咁既樣，問多兩句已經態度惡劣。不會再去。

每次經過大河道, 總係見榮安小食大排長龍, 今晚經過竟然無人排隊, 仲唔趁呢個機會試一試有幾好食店舖保留舊式車仔檔的格局, 可以企喺檔前揀食咩好, 而唔需要寫紙仔, 不過店員好心急, 所以未睇得清楚就決定要....米粉、魚蛋、冬菇、蘿蔔, 湯底加腩汁....食完之後....其實個肚都有啲空虛, 米粉太少...唔怪得有好多人要加底, 冬菇唔入味之餘, 仲要得兩舊, 蘿蔔有色無味, 湯底雖然加咗腩汁, 味道都好淡其實點解會有咁多人排隊呢?

荃灣美食之最一定有榮安，晚上黎食都有不少人黎買外賣，冇停過，所以座位唔會爆。荃灣咁多好野食，食完榮安可以再戰路德圍。歲月的痕跡，店子雖小，但係都幾温馨。排隊買左食物先坐低，先叫麵底再點餸。好多餸都又平又好味。魚蛋、雞翼、大腸清湯米粉，大腸、雞翼好入味，成隻翼上，幫你剪埋，魚蛋爽彈。喜辣可再加辣汁，但真係幾辣，小心。友人的蝦卷、雞翼、魷魚清湯米粉都唔錯，魷魚新鮮爽口，蝦卷幾特別，似魚肉春卷，美味der，諗起都想返去再食！

今天我又再經過荃灣路德圍，於是幫襯左一間門口有少量人他對嘅車仔麵（榮安），店面環境1個字講晒「邋遢」,但價錢超值，我叫左個滷水蛋+滷水雞翼+豬皮+粗面先至係27蚊港幣，而成間店嘅靈魂就係在於1兜滷水汁1兜辣椒醬，同埋滷水汁同辣椒醬要加勁多先好味，因為佢碗麵係無湯底，只有清水。另外，佢嘅滷水雞翼非常入味，以呢個價錢來講，超值！以我嘅觀察，佢嘅店面裝潢同埋價錢，如無意外佢e間應該係自己鋪！總結，撇除舒適度，絕對值得一試

肥媽病咗，我都冧埋！細妹送嚟外賣一盒，為我打氣！豆腐、香腸、魚蛋、蝦卷、雞蛋，今次感覺比上次好味，豆腐比以往新鮮同軟身，香腸亦冇浸到變色，魚蛋同蝦卷質感同味道都正常，唯獨雞蛋偏咸，冇鹵水味！每樣食物我都點甜醬同茄汁食，就咁完成我嘅晚餐！不過都係嗰句，價錢偏貴，我自己唔會買！

十分令人失望的車仔面！滿心希望的我入到店之後，衛生環境惡劣不特止，店內夥計態度差而且食完既碗又唔收，積聚左係張枱度而且野食份量相當少之餘食物只是暖而已整體來說真的十分差，不會再有下一次

睇到報紙報導呢間名列車仔麵十大，又喺附近返工，試吓啦。叫了個牛腩蘿蔔魚蛋油麵，份量小、湯冇味，唔落辣醬都唔知點食！整體黎講呢間舖頭冇誠意煮嘢，地方又唔乾淨，冇下次。

唔好食 , 份量少 , 服務差唔明有咩賣點價錢唔平有時見到有米奇周圍係鋪走諗住今晚放工俾多次機會試多一次仍然咁低質素

今日係荃灣食街行下行下，見到有一間店外排左條長龍。心諗呢間一定唔錯，因為嗰度有咁多間餐廳 個個都寧願等都要食呢間咁就決定同朋友排埋一份啦兩個人唔太肚餓 就叫左一碗阿姐都話ok 唔理我地有蘿白 雞全翼兩份 牛腩兩份。價錢$47湯底好濃郁的腩汁味，加少少咖哩，惹味。咖哩都算辣 怕辣不要加太多粗面表現正常。份量可以。雞全翼不負所望， 蘿白都好入味，甜，冇渣的。牛腩都係認真制作，可以比到90分最後，連湯都想全部飲哂鋪面細細似有好多十年既歷史但感覺都幾好 ok乾淨

車仔麵是香港著名地道小食之一，在香港，近乎每一個地區都有一間代表性的車仔麵檔，今次要介紹的是在荃灣區繁忙地段，有二十至三十年歷史，雖然座位供應有限，但每日幾乎每個時段都客似雲來的荃灣區車仔麵代表-榮安小食！作為荃灣區的代表，當然有幾款必點的招牌餸。除了這樣,她仍在沿用舊式的湯碗作為主要的餐具，那種懷舊味道很濃。今次我點了四餸一麵（一般都是以幾餸和加底這兩個較常用的車仔麵述語，像大排檔白飯叫（靚仔）一樣！鹵水雞全翼，豬紅，冬姑，水魷魚配幼麵鹵水雞全翼果然名不虛傳，很香，一點都不咸。另外三款都不俗，清湯底另加自家制沙嗲汁，比起辣椒醬更美味。美中不足的就是份量方面比較少，多點就完美！

車仔麵~喺好多香港人心目中佔有一個非常重要嘅美食,由於本人是忠實車仔麵粉絲,再加上我細個在荃灣讀書,絶對可以稱得上係由細蚊仔食到依家!以下一定要推介一間於荃灣區非常知名嘅車仔麵檔(榮安小食).三餸車仔麵加淨餸老實講,以上六款都係榮安招牌餸之一,尤其係雞翼,豬紅同魚旦。大家有空到荃灣的話,必定要試試佢!

榮安，由細睇到佢大，亦由細食到佢大，不過近十年已冇乜幫襯，除咗一次唔舒服叫咗碗外賣油麵(加魚蛋、豆腐、腸仔、雞蛋、獅子狗魚蛋)返屋企送藥外，細妹今年會間中買兜淨餸俾我，好似今日咁～魚蛋、豆腐、雞蛋、蝦卷。細個最喜歡食佢嘅魚蛋同雞翼！魚蛋口感實淨，雞翼色澤吸引，兩款同樣入味！尤其雞翼，鹹中帶甜，你會連皮食得一乾二淨！而佢另一吸引長長人龍嘅原因係因為佢嘅汁！我唔鍾意食辣都覺得佢啲汁正！鍾意食辣嘅就更加覺得佢啲咖喱辣汁超正！我都試過，又鮮味又夠辣，好難抗拒！不過好明顯係陳年老汁所以咁入味！店舖格局至今一直冇變過，老中兩代老闆娘同伙計依舊冷淡唔多笑容，衛生環境更加唔好奢望太多，所以由細到大我同屋企人大多買外賣，寧願俾貴$1，因為實在坐唔落去！時至今日，所有食品價錢均已漲價，但食物質素明顯退步！細妹買過三次腸仔(雞肉腸)俾我，兩次條腸都浸到變咗灰白色！又淡又霉又冇味！好明顯係冇人買、烚完又烚、浸咗喺水中超過一日，最後益我！嚇到我叫細妹以後千萬唔好再叫，$5/$6一條灰腸，感覺真係可以貴到嚇死人！難食到嚇死人！魚蛋味道同細個食嘅一樣，冇變，口感依然實淨！豆腐就普普通通，都係白烚加汁，我要自己點甜醬

早上去買車仔麵當b͟r͟u͟n͟c͟h͟ 叫左油麵、烏東、東菇、魚蛋、蘿蔔...味道剛剛好 可惜我自己忘記了加汁，食落由我冇叫肉類導致淡淡的而麵質煮的剛剛好夠彈牙，下次會叫雞亦，因如果有佢個汁相信味道會更上一層樓

放工見肚餓……行經呢間外表簡陋冇乜裝修嘅舖頭…以前每次都只係經過，因為每次都好多人排隊。剛好今日冇乜人又有啲餓，所以就決定食啲嘢啦！見到價錢牌…都幾多種類揀，而價錢都係由5至8蚊起左右……嗌咗四個餸，分別係通菜，蘿蔔，豬腸同雞翼…而佢嘅雞翼係雞全翼…會幫你剪埋落碗入面。蘿蔔都夠腍，豬腸唔肥亦都乾淨，隻雞翼好入味！讚

又一間好味到爆既小店，坐位不多，永遠要排隊，最吸引之處，雞翼是長時間浸著汁，仲滑啫啫，大腸洗得超乾淨，無雜質✌🏼️✌🏼️簡直食過呢間去唔到另一間😋😋樣樣餸絕對入味