榮少喇沙 (已結業)

經過屯門時代廣場地下搵食，呢期見開左好幾間小店，呢間主打馬來西亞的代表叻沙，湯底椰奶味剛剛好，唔會太重，餐飲走平民價錢，唔怪得見好多午餐外賣!今次點左脆脆雞扒喇沙米線 $50 雞扒即炸又脆又嫩 有驚喜麵底見有好多選擇，想食正宗當然揀油麵溝米粉，女士怕肥最尾爭扎後揀左米線，同樣吸收哂濃濃喇沙湯，豆卜又吸哂湯汁好惹味跟餐$8 Beta 冷泡咖啡，解油膩抵飲魚蛋魚片芫茜魚湯瀨粉 芫茜控必點 $42另加左個小食拼盤$35有齊3款雞翼，蝦春卷同蝦餅，同樣即叫即炸，抵食必叫

喺屯市行街行到攰，一場黎到想搵啲有特色啲既小鋪試下，唔想去周圍都有既餐廳食野，於是俾我見到榮少喇沙🤓主要做街坊生意，見到多數都係屯門牛幫襯門口附近就見到餐廳光管大Logo😏Mirror Wall 價錢好親民😙😲麵類有喇沙/魚湯/特鮮芫茜魚湯揀，仲有得揀要油麵溝米粉/瀨粉溝米粉/米線/米粉/油麵/瀨粉😵一次過可以滿足幾個願望！👍🏽餐廳用自助系統落餐好方便，操作又清楚簡單最後揀咗：海鮮喇沙湯底+瀨粉溝米粉 $58咖央油炸鬼 $18凍奶茶 跟餐+$8碗喇沙黎到o咀😯因爲好大碗好足料海鮮方面有鳳尾蝦、日本帶子、魚蛋、魚片喇沙湯底厚濃，偏椰奶味，微辣😌少有見到既咖央油炸鬼，所以叫黎試！平時叫碗喇沙加個小食都食得哂今次…全部大大份真係好有驚喜！呢個價錢一定食得飽😎👍🏽脆口唔會好油食到好飽賣單閃人發現有🐱Wall，好得意😌

位於屯門時代廣場地鋪，主打喇沙，另外亦可選擇魚湯/芫荽湯底.主要做街坊生意，價格親民，一碗50蚊有找，亦有唔少附近中學生光顧.喇沙湯底濃厚，偏重椰奶味微辣，仲可以叫摻摻.至於芫荽魚湯，頗為特別的配搭，魚湯底本身鮮味重，但我就唔太好芫荽，搭埋一齊食覺得帶少少苦味😅.個人認為喇沙湯底可以一戰，加上性價比超高！住大西北既朋友不妨一試😋***⭐️豬軟骨喇沙⭐️珍寶特鮮芫荽魚湯 （豬軟骨、肥牛、魚蛋魚片、龍蝦丸、花枝丸）***💰預算: 人均約HK$50

🔎榮少喇沙 (屯門)💛成日聽到榮少喇沙呢個名 可惜一直就唔啱時間無機會試 今次終於食到😆又成就解鎖一間🔹珍寶喇沙/魚湯/特鮮芫茜魚湯 $58珍寶包括豬軟骨、肥牛、魚蛋魚片、龍蝦丸、花枝丸麵底就揀咗油麵 湯底就喇沙湯唔想諗又想食多啲餸就必選珍寶 丸類正常 豬軟骨好味 夠淋又夠入味 個湯應該就唔係正宗果款 但會幾啱香港人口味 唔會好油但又好香好惹味 可以邊食邊飲湯 價錢又好平民 難怪咁多人食🔹脆炸雞扒喇沙/魚湯/特鮮芫茜魚湯 $50炸雞有驚喜 即炸又脆又熱雞肉都嫩同樣都係食喇沙湯 碗麵原本有跟豆卜 喇沙豆卜真係無得輸 直頭想加一份豆卜做餸作為茜人 下次會試埋芫茜魚湯😆麵底就揀咗油麵溝米粉 不過油麵比例好似多過米粉好多 我鍾意食米粉多啲 下次都係食返淨米粉*麵底可選油麵溝米粉/瀨粉溝米粉/米線/米粉/油麵/瀨粉📍屯門時代廣場北翼地下44號舖📍天水圍天盛商場天盛街市M145號鋪🍴搵返相關地區👉🏻 #90sfoodieshare_屯門#食在屯門

·識揀一定揀超級多料嘅《珍寶喇沙》💰58👉🏻喇沙湯底好香濃🥰麵底仲有得揀瀨粉x米粉再配杯橙檸茶 第一次見呢個配搭 非常解膩！😋📍榮少喇沙 (屯門)屯隆街2號屯門時代廣場北翼地下44號舖(天水圍)天靖街3號天盛商場天盛街市M415號舖

作為屯門牛，呢間榮少喇沙都算係數一數二食過好多次。🥰首先地點方便，係市中心附近又多野行，幾乎出親屯市諗唔到食咩最後都係食佢。二嚟價錢又平，$4-50蚊碗喇沙，真係好抵最重要係佢啲野真係好好食😋之前次次都食喇沙湯，今次試吓佢個芫茜魚湯，一樣都咁好味啊～～～👍🏻👍🏻👍🏻👍🏻👍🏻佢啲湯底我一向飲埋，喇沙就偏奶香微辣，今次呢個芫茜魚湯，濃滑魚湯+淡淡茜味，直情想叫多碗淨湯😋我朋友叫咗烤雞配咖喱汁，我都係第一次見，算來係呢種偏中式烤雞🤣咖哩汁佢話略嫌單調但都幾好味👍🏻👍🏻👍🏻蝦春卷都唔錯👍🏻👍🏻👍🏻咖央油炸鬼出面好少見，試過之會返唔到轉頭👍🏻👍🏻👍🏻👍🏻👍🏻好特別嘅橙檸茶，水果茶feel好好飲👍🏻👍🏻👍🏻👍🏻

今日超級開心同屋企人嚟咗屯門的榮少喇沙餐廳，食喇沙，我呢一間真係超級推介，佢嘅湯底有魚湯，有芫荽湯，有喇沙湯底，配襯埋肥牛，或者係豬肉，超級好食，味道超級嘢未，然後選擇面類，仲可以揀米粉配米線，自由親家，所以我覺得呢度嘅選擇好多，然後我朋友仲叫咗個肉燥汁炸雞扒飯，大多食物嘅時候Job ，而且炸雞扒係即叫即炸，所以好脆口，好好食，然後價錢方面都非常之經濟實惠，叫兩個餐，加埋都不用$100 ，所以我覺得呢一間係非常之推介，住屯門嘅人一定要黎榮少喇沙去試試，而且服務方面，侍應都係非常親切，有禮貌，而且會熱情招呼客人，所以客人都會覺得服務周到，非常舒服，而且呢一間餐廳位置非常方便，響屯門西鐵站一落車，在C1出口，下午分鐘就到餐廳，所以我覺得非常方便！超級鍾意食呢間，一定再嚟返食！

榮少喇沙一向抵食又好味，今晚我又食啦！😝1.珍寶芫茜魚湯(米粉) $58+粟米仔$8+通菜$8咩都想食既我，食珍寶就岩哂！有肥牛、豬軟骨、魚蛋魚片、龍蝦丸、墨丸，好豐盛。麵我就揀左要米粉，煮到軟硬適中。另外加錢要左粟米仔、通菜，都好新鮮！值得一讚既係芫茜魚湯湯底，好鮮甜，飲完都唔會口渴，飲唔停口🤣！👍🏻2.咖央油炸鬼 $18油炸鬼夠熱、又夠脆，加埋咖央醬甜甜地，味道更昇華！😋😋好滿足！😝

榮少喇沙嘅馬拉菜正宗地道，一入店內見到別出心裁嘅壁畫已經有種去咗旅行嘅感覺，叫咗以下嘅食物 :1️⃣龍脷柳魚湯米線⭐️⭐️⭐️魚湯非常清甜，魚味突出之餘唔會太鹹，調校得啱啱好。龍脷柳好有魚味，咬落唔會太林影響口感，外皮保持香脆之餘唔會太油膩，剛好魚湯沖走表面油份，令米線吸收左湯嘅精華仲有龍脷柳嘅油香😋2️⃣酥炸雞扒飯⭐️⭐️⭐️炸雞扒飯最緊要香脆，榮少喇沙就做得到！有啲餐廳會為咗做到香脆嘅外皮用得太多油，或者煲油放得太耐而有油益味，但係呢間餐廳應該有勤換油，所以炸物特別好味~最後叫咗兩杯嘢飲亦都發揮中上，奶茶有港式風味，茶同奶嘅比例剛剛好，撞茶次數充足亦都令茶味更加濃郁～而特色飲品凍檸橙茶亦都好有特色，係茶味中有一點橙嘅清新，未試過嘅你不妨一試！

😡😡😡買兩個外賣飯垃垃圾圾，豬扒肉燥飯，豬扒又薄又乾，好似張紙一樣，蝦餅小食，件蝦餅又細，返炸完又返炸，質素連一般茶餐廳都不如，不知所謂👎👎👎，bad list

勁污糟嘅黃店🙃一路掃QR code 落單，見到樓面地下有煙頭，已經扣咗分，仲要唔係得一個煙頭🚬見到樓面角落頭擺貨個位胃口已經冇咗一半，好亂好污糟，見到一堆橙用個膠篩就咁放係地下…..都算，碗嘢一嚟到，聽到隔離枱食客「嘩，有老鼠」，人生第一次望住隻老鼠食野🙃隻老鼠係廚房窗口同雪櫃貨架中間遊走，廚房員工有職員嘗試捉，但失敗左，本身都唔打算留食評，但係 中途有個女樓面大大聲咁分別同廚房+樓面員工講左兩次：「肯定係因為今日晏晝有滅蟲公司嚟過，滅蟲公司問我哋有冇老鼠，我都話冇，肯定呢隻老鼠喺隔離舖頭走過來，本身我哋間嘢都冇老鼠😀」其實，好明顯係講比我地3枱客聽😀但係呢，你望下你個貨架底先啦😀有3塊大大塊老鼠板放定係度呀🙂唔通你預計到今晚會有隔離舖嘅老鼠走過黎？ 本身望到堆老鼠版，已經唔想食。唔係個女樓面講咁多嘢，但又冇一句係同啲客講「唔好意思」，都唔會有呢篇負評😀咁大隻老鼠，啲客一路食，一路對住，一句唔好意思都聽唔到，仲要嬉皮笑臉。負責人唔該睇返CCTV，教導下啲員工。仲有，你間舖頭真係好污糟。得負評，冇報食環署已經係對你呢間咁污糟嘅黃店最大嘅支持💛

魚蛋魚片瀨粉: 其實我5明點解食東南亞野會有呢類港式野, but anyway, 個湯底係OK 的, 魚湯味不濃, 反而勁重奶味, 又幾好飲的。魚蛋魚片無特別, 就是港式粉麵果D....龍利柳喇沙米線: 又真是成塊龍利柳幾抵食, 可惜太咸。喇沙湯底正常LAW。

住屯門的朋友直接推介吃榮少喇沙，喜歡吃喇沙的朋友一定不能錯過。位置在屯門時代廣場北翼地下。湯底有喇沙、魚湯和特鮮芫荽魚湯。想吃飯的你，都有5款可以選擇。豬軟骨喇沙 $50豬軟骨煮得很淋，入味😋😋。除了有豬軟骨外，還豆卜和半隻雞蛋。湯底有濃濃的蝦香味道，配上惹味芳郁的香料，當中滲出陣陣椰醬香甜及辣勁，可以一啖湯一啖麵咁食到底。小編簡了油麵和米粉，兩種麵底能增加口感。脆炸雞扒喇沙 $50有四件炸雞，雞件炸得香脆，肉汁豐富。麵底都選了油麵和米粉，有豆卜和半隻雞蛋。一人一碗喇沙好滿足。店員很有心，提醒小編不要同時喝兩杯飲品，以免肚痛。筷子放在盒子內。有你喜歡的明星在嗎？😂😂

話說今日天氣超熱.日間氣溫上升.一出街我啲汗😅由頭頂一直係咁不停流.已經係較早之前在屯門（紅橋）食咗個日式芒果芝士奶蓋富士雪山沙冰🍧.食完沙冰在舖內Hea咗好耐.因為出面實在太熱.唔好意思再Hea落去.便結脹到屯門市中心行商埸.行到晚上七點半便找地方食晚飯.因天氣太熱.唔想食飯.便想起食啲開胃嘢.又在OpenRice覓食.見到（榮少喇沙）都多食評贊好.我和太太決定一於係佢.這店實在太難搵.原來係商場外圍向街外舖.大家要留意！舖位唔算好大.座位有限！ 地方總算整潔.點餐如下：1. 珍寶喇沙.配油麵溝米粉 X1 $58元2. 跟餐：凍橙檸茶 X1 $8元3.牛肉喇沙.配賴粉溝米粉 X1 $45元

上星期一 自己一個放工番屯門 係市中心行左好耐 行到攰攰地 走左去食晚餐醫肚 揀左“榮少喇沙” 入面原來有好多選擇 有好多款麵同飯馬來西亞茶材肉骨茶飯＄50好足料 好多件肉骨 好入味 湯好好飲 好正宗ge味道 配埋飯好滿足 另外 原來仲配左隻蛋 好正 好開心呀 食唔停嘴凍橙檸茶 （加配＄8）天氣好熱呀 當然要飲番杯凍飲啦 好fresh 又唔太甜 好清新 好香鮮橙汁 感覺好健康 yeah yeah肉燥汁四季豆（加配＄15）想食d蔬菜 因為想健康d 所以點多個四季豆 嘩 原來係大大碟ge 2個人食都夠晒食 加埋d肉燥 好豐富 好滿足總括而言 食物質素好 店員nice 我見都好多人叫外賣 雖然自己一個人食ge晚餐 但都可以好滿足 好豐富 下次我仲想試埋喇沙湯麵 好似好正好吸引咁 haha