榮少喇沙 (已結業)

#黃店🇭🇰屯門-榮少喇沙朋友仔超鍾意食喇沙～所以就一齊去咗食呢間位於屯門既喇沙舖頭，個位置有少少難搵😹屯門真係好多良心店㗎🤫大家一定要支持吓佢地呀～～一齊撐住呢個艱難時刻👅炸豬扒喇沙懶粉 (⭐7/10) $50呢碗喇沙屬於超重椰奶味，好濃椰味，放心佢係唔辣既 唔食辣嘅唔使擔心，炸豬扒大大件，但係浸左落湯到所以食唔到豬扒原先嘅味道同埋淋哂(唔知有冇得分上嘅呢😆)，瀨粉量都幾多下，同埋唔係咁多舖頭有做瀨粉(所以我覺得呢個都係佢哋特別之處)，食到好飽！同埋雖然我淨係叫炸豬扒，但佢仲有豆卜同埋雞蛋呢啲配菜送㗎😛🎏地址: 榮少喇沙 (屯門)1.屯門屯隆街2號屯門時代廣場北翼地下44號舖2. 天水圍天靖街3號天盛商場天盛街市M415號舖#hkig #foodie #hkfoodblogger#likeforfollow #likeforlikeback #香港 #followforfollow #food #yummy#likeforfollow #followme #eat #食好西 #吃貨 #likeforlikes #blogger #hkfollows #屯門#屯門美食 #榮少喇沙 @w

《榮少喇沙》屯門久仰大名好耐😜但我唔多時間入屯門，今日跟同事入去做野，諗起榮少喇沙又喺巿中心附近，不如去試下🥰果然係傳聞中一樣既好食，個喇沙湯底真心出色👍👍街坊價格但出品高於價位，舖面仲有鏡仔應援😂＜炸豬扒喇沙麵/米線＞$50CP值超高既豬扒喇沙麵，唔怪得隔離幾張枱既人都係叫這個😏$50大大碗，二大件豬扒加幾粒豆卜，不過豬扒似係煎不是，更岩我口味😅喇沙湯底真心正，椰香味好濃，底湯但不會太咸配米線同麵都好理想🥳＜珍寶喇沙麵/米線＞$50完全適合樣樣都想試既人，肥牛片有4片左右，有魚蛋、魚片、花姿丸同龍蝦丸各一，有豆卜同豬軟骨，係超級豐富型😂食完餸都飽飽地＜咖吔油炸鬼＞$18油炸鬼係好脆唔會成日油，但個咖吔只係‘查’左喺面，其實無咩特別😌＜凍奶茶＞ +＜凍橙檸茶＞跟餐+$8因為係預早整好的，所以不設調整甜度😌凍奶茶不錯，不會太甜夠茶香凍橙檸茶就無咩特別，只係多左一份橙味※暫時係我最喜愛既喇沙湯底※見到有芫荽魚湯底留返下次

※位置/環境※榮少喇沙在屯門時代廣場地下，向屯門公園方向的地舖，鋪面人流唔多，位置上有少少隱蔽。但論餐廳同食物質素，絕對絕對要試!💛※食物※1.豬軟骨 喇沙加米線 ($50)榮少特別在可以有兩款溝粉食:油麵溝米粉 / 瀨粉溝米粉 / 米線 / 米粉 / 油麵 / 瀨粉呢個係星馬喇沙摻摻既正宗食法，兩種唔同既麵質兩溝，提升碗麵既口感層次!半粒糖心蛋恰到好處;豬軟骨份量幾足，夠淋夠入味;個喇沙湯底香味撲鼻，有陣陣椰香味;豆卜吸滿湯汁香味食落滿分!以這個價錢比水準相當高，一定繼續幫襯!💛

識食喇沙一定係揀榮少屯門值得支持嘅小店喇沙出名 抵食又好食夜晚冇咗糖食唯有叫外賣返屋企叫咗豬軟骨喇沙同埋炸豬扒喇沙一個份叫咗瀨粉加油面 另一個淨係叫咗瀨粉榮少嘅喇沙湯底好好味佢係有淡淡的麻香 又唔會太辣適中而且好味而我最鍾意就係食佢嘅豬扒最怕會太韌 但永燒喇沙嘅豬扒一啲都唔韌值得再食而朋友叫嘅豬軟骨好軟好入味 同樣都係好好食見到新出左芫荽魚湯有機會都想試一試下次試吓其他湯底同埋想試一試佢哋嘅炸雞見到都好多人叫亦都好似好好食

返屋企食飯就買啲嘢返去加餸朋友推介這間榮記喇沙原本想散叫一啲小食,但係店員推介小食拼盤,話咁樣就會更加抵食, 35蚊就有曬三樣嘢， 隻雞翼仲好大隻， 粉漿又簿同脆，連我阿媽都覺得好滿意， 蝦餅雖然唔係好大塊，但係彈牙有蝦味另外就再叫多個豬軟骨芫茜魚湯油麵睇落有唔少芫茜，食落都真係有勁芫茜味，而且魚湯冇魚腥味，係少數令我飲埋啲湯嘅麵我覺得如果配米粉索湯應該會仲好食啲，油麵就唔係好索湯原本朋友係推介肉骨茶，但係今次冇飲到， 下次經過再買肉骨茶另外這間店舖係少數真係覺得店員又有禮貌又有心做嘅店舖，希望可以一直支持下去一

今日返工嘅時候突然之間諗起好耐冇食新加坡嘢 好想食喇沙 於是放工嘅時候就行去呢一間都幾多人幫襯食喇沙嘅舖頭😋😋😋呢間餐廳嘅裝修都幾靚 幾色彩繽紛😄😄😄呢間舖頭喺非繁忙時段會做堂食限定嘅特價 第二碗麵或者飯會有半價嘅優惠 真係好抵食呀😮😮呢度主打幾種湯底 包括喇沙 魚湯 芫荽魚湯 另外都有唔少飯類 亦都有小食同飲品😃😃我哋叫咗一個魚蛋魚片喇沙米線 有糖心蛋☺️☺️ 喇沙湯底好好味 如果想食正宗嘅喇沙 記得一定要配埋油麵溝米粉👍🏻👍🏻 另外仲嗌左一個芫荽魚湯 芫荽味好濃 但又好香魚味☺️☺️ 飲得出係用真正魚煲嘅 配埋香煎豬扒 份量都算多 同埋肉質都算嫩😆😆叫咗一杯凍奶茶 好香茶味 又有奶味 正宗港式奶茶🙈🙈

榮少喇沙 (屯門)屯門屯隆街2號屯門時代廣場北翼地下44號舖___________________粉麵可選配 ：油麵溝米粉 / 瀨粉溝米粉 / 米線 / 米粉 / 油麵 / 瀨粉喇沙湯底， 香濃，椰奶味重，香辣度適中唔嗆得嚟又會有後勁 😋 豆卜入味，嗦晒湯汁！湯底仲係即叫即煮，當日所見等待約10分鐘左右，隔住膠袋都摸到裝湯底的外賣盒熱辣辣！海鮮喇沙 米線 $58有三隻蝦仁、兩粒帶子、流心蛋、魚片、魚蛋，夠晒豐富！脆炸雞扒喇沙 油麵溝米粉 $50雞扒都係即叫即炸，好香脆！而且炸衣薄，唔會覺得濟！另外仲有肉骨茶麵同飯供應添！😋

屯馬～開通～真的很～興奮🤪 屯門對於小編依啲港島人嚟講真係十年都去唔到一次🤣不過今次真係新地圖𝙪𝙣𝙡𝙤𝙘𝙠🗺📍見到依間主打馬來菜喇沙湯麵嘅 #黃店 好似幾受新界人歡迎🥳👏🏼 喇沙湯麵大概有8款，仲有肉骨茶飯好似幾特別咁🤩（不過驚食唔曬無叫到XD) 整體性價比激激激高！味道完全有驚豔到(⁎⁍̴̛ᴗ⁍̴̛⁎)💛① 珍寶喇沙🍜🦐 ($50)//如果有選擇困難症嘅朋友(正是小編哈哈(●˙▿˙●)～) 建議可以叫依款😆💓因為依款組合總共有🖐🏼☝🏼款餸咁多：包括有豬軟骨、肥牛、魚蛋、魚片、龍蝦丸 同埋花枝丸 勁豐富😻✨ 而且豬軟骨同肥牛嘅份量勁慷慨 真係好抵食🤰🏻！喇沙湯底都好濃稠而且味道香濃🧚🏻湯仍唔會愈食愈口乾 真材實料😋至於配料方面 豬軟骨煮得好軟腍🤏🏼 同時不乏軟膠質！而肥牛都名副其實好足料🥢絕對好抵食❤️ //Food：🌕🌕🌕🌕🌕🌗② 雞翼🥡🥢 ($18)//一份雞翼總共有三件👌🏼本身依個價錢有依個份量已經算抵🤩重點係雞翼超！級！驚！豔！💛💛💛雞翼炸得超香脆🤏🏼炸粉好薄而且唔會食到好硬嘅炸粉✨而雞翼本身都加咗孜然粉調味🧂所以整體味道出色😆💓暫時係食過最香口嘅炸雞翼(๑•̀ㅂ•́)و✧ 建議一定唔可以錯

今日收工有啲嘢要入屯門搞，順便約埋屋企人去屯門食飯撐枱腳，今次去到屯門市中心搵食，幫襯呢間榮少喇沙。前幾個月去天水圍嘅朋友屋企，食過佢哋天盛街市分店嘅外賣，以呢個價位嚟講，當時已經覺得水準相當之高。今日食屯門店堂食，一於睇下維唔維持到天水圍店嘅高水準餐牌價錢相宜，選擇亦唔少，滿足到我同屋企人嘅口味我哋Total叫咗兩碗喇沙、一個小食同埋兩杯飲品。珍寶喇沙($50)呢碗嘢好多唔同配料，有齊豬軟骨、肥牛、魚蛋、魚片、龍蝦丸同埋花枝丸，唔怪得叫做珍寶 喇沙湯底帶有輕微辣感，椰奶味極濃，但唔會溜，食嘅同時直情忍唔住飲埋碗湯。唔止上述配料，配埋吸湯嘅最佳拍檔豆卜同埋特製流心蛋，配料可以話相當豐盛脆炸雞扒喇沙($50)湯底同樣係喇沙，屋企人都係一路食一路飲碗湯，好過癮雞扒唔會炸到太厚粉，食到雞肉嘅嫩滑質感。咖央油炸鬼($18)呢碟小食幾得意，油炸鬼面頭有少少咖央，甜甜哋嘅咖央配上香脆嘅油炸鬼橙檸茶、奶茶

第二次黎食榮少喇沙🍜上次見到有魚湯已經好想試吓但係第一次食點都試吓個喇沙湯先今次終於有機會食下佢嘅魚湯！睇個樣都覺得甜🤤冇乜鮮味勝在夠甜！都唔錯呀！想食清清地可以試吓，魚蛋魚片都夠彈牙。另外加咗粟米仔都好甜非常推介佢哋嘅凍橙檸茶！！茶底於幾好飲，加埋橙味又再好飲d。不過甜度係固定嘅平時飲開少甜就覺得有少少過甜。唔好嗌少冰應該會好啲！鍾意飲凍檸茶嘅都要試吓！🍹炸雞翼 啱啱炸起皮脆肉嫩🤤🤤🤤

早幾日約咗朋友喺屯門食晚飯，我哋兩個人未夠7點就去食但都要等位，可能因為舖頭太細，好彩都只係等左大約十分鐘～見呢間餐廳嘅名都係主打喇沙，所以就叫咗個珍寶喇沙瀨粉溝米粉試下，另外叫左個豬軟骨飯(多汁)share～豬軟骨飯三分鐘就黎到，本身個飯配左肉燥汁，但一入口發覺啲肉燥係凍既😐 我地就問店員，店員摸一摸個碗跟住話幫我哋換咗佢，然後拎返俾我哋果陣同我哋講唔好意思，咁岩個爐壞咗🙈肉燥熱食味道正常返好多😅肉燥都幾多肉碎，肉碎唔會太肥，味道偏甜，個汁比較稠，如果加啲冬菇香啲就更好啦！感覺宜家齋肉有啲寡～而豬軟骨炆得唔夠淋，肉比較韌，軟骨都比較硬身，麻麻地🙈🙈喇沙等咗大約十五分鐘先有，即刻試下個湯底，但個人認為比較稀同比較淡，椰味偏重唔夠香～配料嘅魚蛋同龍蝦丸都正常，墨魚丸幾彈牙但係有啲雪味🙈 肥牛比較韌，整體其實都一般😅😅對我嚟講試一次就夠😅😅

自己一個周圍行，行到咁上下就搵嘢食，成日都想支持榮少好耐架啦，今日終於經過，可以一個人去食，正呀！好，坐低睇吓有咩好食先。之前見到榮少，都食喇沙做主打，我發現咗有個好新奇嘅野係芫荽湯底，其實我係唔食芫荽，但我想試下。叫咗海鮮芫荽魚湯米線，黎到見到係芫荽蓉，先飲一啖湯，岀奇地冇芫荽個種草腥味，好輕微嘅芫荽香，個湯底係魚湯，成個口感似忌廉波菜，稀薄版。58蚊仲要有蝦、帶子、魚蛋、魚片，米線軟硬適中，真心抵食。

屯門💜可能係全香港最好味既肉骨茶無得去旅行既時候，都係最想食異地美食。屯門依間最出名喇沙，小食拼盤，小編已經食過很多次，一向好評。 難得推出左肉骨茶，身為吃貨同食評家既我，點可以吾幫大家試下先呢？肉骨茶飯外賣返屋企食，店員都會分兩盒，一盒裝肉骨茶，另一盒裝飯，蛋，油炸鬼。可能大部分人係倒成碗湯落去飯，或者倒飯落碗湯度。小編建議係一匙飯沾少少肉骨茶最好味道，因為肉骨茶真係太好味，就甘飲先吾會嘥左原來味道。同埋吾會令粒粒分明既飯淋左。依個肉骨茶係有中藥味，屋企人話接近馬來西亞當地飲到既味道。重點係入面有幾嚿連骨既肉真係入口即分離，超級好食。📌 榮少喇沙☎️ 2866 6136📍 屯門屯隆街2號屯門時代廣場北翼地下44號舖

天氣凍凍地, 又唔想打邊爈, 又想食熱嘢暖身, 見到呢間平平地的餐廳食少少辣的喇沙, 就入左去.我地2個叫左一個豬軟骨喇沙, 加豆卜. 炸雞扒肉燥飯, 小食拼盤, 凍橙檸茶同有氣竹蔗茅根.豬軟骨喇沙, 加豆卜 喇沙上枱就聞到好香, 而且比我想像中大碗. 豬軟骨好淋好入味, 豆卜索晒喇沙的香味, 正,  值得一提係佢可以揀瀨粉溝米粉, 對於一個有選擇困難的人嚟講, 絕對係一件好事, 因為又想食瀨粉, 又想食米粉, 今次唔洗揀, 一次過滿足晒你2個選擇. 炸雞扒肉燥飯 肉燥正常, 雞扒炸得啱啱好, 仲保留緊雞扒的嫰滑多汁小食拼盤必叫, 好好味, 佢有雞翼, 魚餅同炸帶子. 雞翼勁好味, 好juicy, 外脆內軟, 醃得非常好. 魚餅都好好味, 雖然薄薄地, 但又好彈牙, 炸帶子就正常味道.凍橙檸茶 係你有睇錯, 係凍橙檸茶, 第一次飲, 橙味好特出, 反而檸味較少, 但我覺得好特別, 唔太甜, 好好飲.有氣竹蔗茅根 又係第一次飲, 諗住食熱氣嘢要清清熱毒, 一開始飲時覺得有少少奇怪, 但越飲就覺得越好飲, 重點係佢得21kcal. 飲多左都唔內疚.

今次試左屯門市中心一間叫榮少喇沙既小店，當然要試下佢既喇沙呢，我地分別叫左海鮮喇沙、炸豬扒喇沙同埋炸雞喇沙。原來加個麵底都只係8蚊 ，好抵食！仲有可以揀麵底，好似油麵、米粉、瀨粉同摻摻，識食當然係油麵加米粉呢！喇沙湯底濃郁，帶有椰子味，而且有少少辣，十分開胃，雖然我完全唔食得辣，但依種程度完成冇問題，仲好好味，又實惠！海鮮喇沙好吃，而且材料都十分足料，有帆立貝、蝦、魚蛋、魚片，仲有豆卡索晒湯嘅精華，超級正！而豬扒喇沙夠大份，岩哂我地d大胃王！至於炸雞喇沙都十分值得推介，雞嫩而且脆口！好味！再加$10飲品，雖然細細杯，偏甜，但都好味！值得一試！