榮華冰室 (已結業)

調景嶺對我來說好陌生，卻在這裏找到人情味。今日專程來到「榮華冰室」尋找上世紀空間。🤣🥢這裡奶醬西多士同雞翼尖不可不食，一食你就會愛上，熱辣辣西多士外脆內軟，香甜柔軟在嘴裏產生了一種纏綿感覺，而滷水雞翼尖卻非常入味，雞翼尖炆得淋滑，入口滿嘴都是豉油香。😋鏡叔同鏡嫂忙個不停卻保持住街坊鄰里笑容，鏡叔仲有講有笑這種熱情在這都市內都少見了！

咁岩朋友仔過黎我屋企附近 又揸車 就想去食呢間老店 因為唔揸車基本上都去唔到 朝早十一點左右到 得我地一台客 餐廳好細 應該坐到十個人左右 裝修都好舊 應該老過我 不過好有懷舊既氣氛 得一個伯伯係到做 叫左個餐蛋面 一d都唔馬虎 應該係用廚師腸 太陽蛋都煎得靚加左杯凍檸茶 茶底濃 檸檬多 仲用緊呢隻杯 真係唔多餐廳有同朋友吹左緊水 坐左成個鐘先走 兩個人加埋唔洗100 蚊希望呢類型既餐廳可以繼續做落去 香港需要呢一類既小店冰室 將以前既特式帶比下一代

茶果嶺，以前都有聽過呢個地方，但都係最近喺一次巧合嘅情況下先知原來係喺觀塘藍田對出的海旁，就在市區的附近。既然知道了，就趁今日假期去行了一轉。去之前做了些少功課，比較多睇到嘅係今日會去食嘅餐廳 ─ 榮華冰室。呢間冰室以前係間教堂，已經有好多年歷史，入到去的確有種時光回到三、四十年前的感覺。呢度嘅枱櫈、海報、餐牌等等年紀都比我大。冰室現在由一位老闆主理，所有食物都是他烹調的。<火腿炒烏冬加蛋> 其實都炒得幾好味，落咗少少生抽去炒，唔會太鹹、味道啱啱好<滷水雞翼尖>我覺得滷得好好，平時我唔特別鍾意食雞翼尖，但呢度嘅雞翼尖煮到好淋，一啜就可以食晒雞翼尖啲肉，而且滷得好入味！下次真係試吓個雞翼尖米粉，應該都好正<西多士>老闆每塊西多都啱啱好用哂一隻蛋，上枱前老闆已經切好9格方便進食，而且已經搽好煉奶，唔使再另外搽牛油同加糖漿，味道同正常茶餐廳差不多<奶茶>奶茶就同外面飲到嘅味道唔同，比較稀，有種奶水嘅味道，茶嘅味道反而就唔係好出，我自己就唔係好飲得慣整體而言食物味道也不錯，正常茶餐廳水準，當然唔會驚為天人啦，但配合上呢度嘅氣氛、情

今天有事出油塘，搵有什麼好食時看到榮華冰室，一見到店面的相就決定到小店尋味+到茶果嶺一遊，看看香港快要消失的地方。坐巴士係附近下車，隨意漫步拍照，無意間就走到榮華冰室的門口。店門不算特別明顯，走心一點可能會錯過左。入到去，冷氣撲面而來，感覺好舒服。一張張木枱木櫈， 懷舊風味十足。一入去就會見到一面照片牆，有一些是名人有一些是年代久遠的生活照。牆上已經退色的廣告女郎和月歷見證住店舖的歲月。手寫的價目表，$19一碗麵，$12一杯熱飲，真的不禁懷疑是否時光倒流到10年前了。腸蛋麵/餐蛋麵(各$19) 一上來飲啖湯食啖麵就有驚喜，佢絕對係我依幾年食過最好味的一丁麵！湯底香濃，麵軟硬恰恰到好處，最開心係d麵無愈食愈淋。蛋煎得剛剛好，蛋黃未全熟，帶有一點流心，蛋邊金黃。腸仔不是現在出面買一包10條廚師腸的死咸。老公叫的餐蛋麵，餐肉是2片薄切。食的人表示只記得個麵好好食，其他唔記得。熱奶茶($12)正常奶茶，飲落幾滑。凍檸茶($14)老公好開心同我講有5片檸檬，茶沒有苦澀味。西多($18) 睇個樣就知正嘢，邊半煎炸到金黃色，沒有夾心，落的是練奶不是糖漿，愈食愈想食。

茶果嶺呢個地方好多人都聽過，但應該好少人會特登黎～以前呢度種咗好多血桐樹(又叫做茶果樹)，村民整茶果就會攞呢啲血桐樹葉墊底，所以就做 茶果嶺🏘而有留意新聞嘅都會知道，茶果嶺村將會被人拆，之後起樓😔👆🏻呢度幾乎都係木屋、鐵皮屋，係香港僅餘嘅寮屋區之一👆🏻村入面大部分鋪頭已經無做，淨低三、四間營業，其中一間就係開咗差唔多六十年嘅榮華冰室☕冰室依然係用舊式嘅鐵閘👇🏻舊式嘅字體～一入到去仲好似返返六、七十年代咁，財神都係嗰個年代嘅產物啊！👇🏻👆🏻放滿午餐肉、回鍋肉罐頭🐷👇🏻朱柏盧治家格言，呢個係家傳戶曉嘅家訓，教育人們做人嘅道理，可見鏡叔都係一個好著重修養、品德嘅人😹👍🏻👇🏻牆上貼滿六、七十年代嘅美女海報，仲有老闆鏡叔、鏡嬸嘅相，同埋佢地同明星演員嘅合照👆🏻😆👇🏻經典手寫餐牌，價錢好似都停留咗喺以前咁，譬如話一杯熱奶茶只係11蚊，餐蛋麵就18蚊🙀👍🏻由於只有鏡叔一個，所以嘢食會整得比較慢啲，但勝在熱辣辣🥰而呢日叫咗碗炒烏冬，可能啲菜煮晒😹所有碗嘢望落dry啲啲😹不過係幾有鍋氣，而且唔會太油～如果想無咁dry嘅可以加隻煎蛋👍🏻熱奶茶係值得推介！！！☕無諗過會咁有茶味，奶、茶比例啱啱好～唔太甜，同

通常星期六，日放假的話，都會出遠D搵下好野食。如果訓晏左，又或者太累唔想出去，好自然落樓下食野，可惜樓下無野好食，有次誤打誤撞，路過呢度之後，幾乎每次放假唔想出街就會落黎食個午餐。其實屋企行過黎都要半個鐘，呢度係隱世村落--茶果嶺村，呢度勝在有人情味，主要做街坊，所以價錢都係平民價。由落單，煮麵，上菜，收錢，老闆都係一腳踢。鋪仔 細細，好多時都爆滿，有幾次試過落到黎無開，心情好sad😔每次都係食肉丁餐肉米，回鍋肉蛋麵，西多（即叫即炸，加煉奶的），熱奶茶（茶香奶滑），仲有懷舊大可樂，食咁多野都只係$70，而家邊度仲有咁抵既價錢。因為食多左，老闆得閒又會同我地傾下計，傾多幾次，就變左熟客仔，感覺好舒服，好開心。因為係普通食物 所以無特別影相。

店舖不大但很有特色，古舊的裝潢和音樂，令人有回到過去的感覺。品嚐了西多士、餐蛋麵和雞翼尖，全都是水準之作。老闆親切有禮，真希望冰室能一直經營下去！若有時間和機會，一定會再次光顧！

煙雨濛濛走路到茶果嶺，過天后廟過垃圾站進到村内，似電影“省港旗兵”場景，村内阡陌小路縱横交錯，左拐右轉走到榮華冰室。舊式卡座，舊式而不破敗，甫坐下即叫碗餐蛋麵跟杯凍檸茶，食物上台一看太陽蛋，端上食物時震到蛋黃盈盈欲墜，蛋白煎得不規則，平底鑊煎蛋煎得如此功夫，有誠意心機之作也。吃口麵，啊，爽口無生骨，麵熟透又不糊，時間掌握十分好，無手多多亂咁搗個麵餅，年紀大就有這個火候。吃後喉部不乾涸，真不知是甚麼的魔法。這沒有甚麼蟹黃麵日本雞蛋火腿午餐肉，一碗不過十幾元，蠅頭小利有這樣的功夫，日本匠人都唔得啦！吃碗麵飲杯茶打個冷震再叫個西多士，一口吃下外脆內軟，索滿蛋漿的麵包煎炸得香口，麵包中間沒花生醬，卻倒上煉奶。炸好麵包後，廚師細心先切「井」字坑紋讓之後的煉奶慢慢索到麵包中間，麵包炸得靚無一口油，中間白麵包有煉奶外邊有蛋漿真係細心又滿分。旁邊兩位同行朋友一個傻夾戇一個豬咁兜，吃個炒烏冬吃得興起除鞋R腳板，家庭式製作有家的味道，大路作品卻用心做，像家中長輩煮的味道，對嗎？祝大家老少平安。

今日偶然睇到youtube上面介紹呢間老店， 已經迄立起茶果嶺村半個世紀了一心想著。點都要去。。人生有幾多個十年。。 可以經歷咗50年嘅店， 感謝店主嘅堅持， 對食物嘅執著。。 茶果嶺村， 聯想起我還在初中時， 在調景嶺大街的日子。。 踏實而又不奢華的生活...我由 觀塘出發 大概行咗 25分鐘 就到達咗茶果嶺大街。 被政府忽視的茶果嶺村餐廳還保持著1950至60年代 嘅裝飾 而餐牌 還是手寫的。叫了一碗最普通的餐肉/ 雞翼尖出前公仔麵再加多一杯 熱奶茶. 醉翁之意不在酒只在乎山水之間也食物的好與壞...在乎你的心情...食物不一定要好食，食中只享受那一份感覺， 哪一份情懷。雖然是最普通的 一碗麵 但我覺得 還是很好味 因為充滿著世間 的人情味。。。我跟老闆倾咗一陣，他說它的公仔麵 是使用出前一丁的香港版本， 絕對畀足料而五餐肉，肉丁，都係用正版，多謝老板的執著與堅持。。呢餐成為28元。。。吓，10元熱奶茶，18元碗麺？時光仿佛，停留在1990年。。

茶果嶺位於油塘與觀塘之間，個人覺得位置較尷尬，無論從那個站出發，也要15-20分鐘路程。今日跟朋友在鯉魚門打羽毛球後，突然醒起這號人物，我們慢然前往。榮華冰室歷史悠久，那幾張舊有的木檯木椅仍在，一條條劃痕數說著它的歷史。餐牌是手寫的，牆上放滿家族照片，街坊如家人般，熟知大家，一個點頭，老闆娘就下單了。價格跟我幾年前時一模一樣，它沒有創意性的食物，但餐蛋麵、西多士、玻璃樽可樂已經令人津津有味。在炎熱天氣下飲冰鎮可樂是最賞心樂事，一支大可樂是$9，不知道在那裡還有得賣可樂呢？五香肉丁配搭什麼餸也能好吃，價錢是&16-19不等，如果要3餸是$26，我就簡單的點叫了五香肉丁米，簡單好味！這裡西多士不配蜜糖，直接配煉奶，熱辣辣又新鮮好味！還是偶爾懷舊一下會更好！

茶果嶺道呢個村口入去，榮華冰室，招牌已有越曆既懷舊感覺。朋友揸車特登捐窿捐隙去食呢間懷舊冰室，好似時光倒洗咁。兒時荷蘭水蓋汽水機。西多士$15，薄身夠脆，如果用糖漿更有風味。炒米粉$25再加幾蚊就有埋雞翼尖，又多肉又稔身入味，超抵食。當然唔少得大檸樂$14。

特登過油塘搵朋友食晏就,叫佢推介佢介紹左大本營個food court比我!我當然唔制啦一場黎到可唔可以食特別少少先🙆🏻‍♀️一諗就諗起一間懷舊冰室係附近！上openrιce一cнecĸ就係⋯⋯茶果嶺村入面自成一角既榮華冰室啦❤️.當然如我所願就去啦!油塘A2地鐵站出！行路又得搭小巴都得！我就行左20分鐘先到😂.🤓呢度門面小小又位於村內👀坦口說村外人都會幾難知道有呢間餐廳嘅存在呢!仲要裝潢夠哂懷舊！呢種鐵閘我好喜歡呀😍牆上面仲有唔少明星既合照👀佢既餐牌都好有特色架！全手寫夠晒風味但有些字變淡了入到去得6-8個卡位左右ga za!好彩去到都有位🙃🙃因為附近既地盤工人都會過黎食晏仔呢🤓諗左諗決定叫一碗餐蛋面一杯熱奶茶 一碟雞翼尖 一件西多！都夠晒食👉🏻餐蛋面$15 •餐肉厚切蛋蛋普通，麵身有點點麻油香味比想像中有彈性！沒有太大驚喜👉🏻雞翼尖 $13 •用鹵水燜煮的食落鹵水味都重,入口仲可以做到離骨可能都餣得耐呢！基本上無乜味精!唯獨翼尖較細隻無肉食😂分量都算多既👉🏻西多士 $14•即叫即做！婆婆將佢切成九宮格,一口便可以ĸo,係上面淋上煉奶而非糖漿'雖然都好食但我較愛糖漿呢!另一讚的是西多士沒有

今日去左茶果嶺呢度影相 咁啱見到有間冰室就入去試下 裝修超懷舊 好似停留咗喺七八十年代咁上面嘅餐牌價錢更加令我驚訝 食個餐蛋麵竟然係十八蚊 仲要出前一丁！！！！超平！！！！出前一丁味道超香 煎蛋同埋午餐肉都係香煎咗 面質煮得軟硬適中 有咬口 個湯好濃郁 加上半生熟嘅太陽蛋一齊食 超正性價比極高 18蚊食個下午茶 相信全港九新界無一間餐廳可以做到

懷舊冰室買少見少，所以有時間我都會過黎榮華，最期六食個下午茶，冇乜人冰室裝潢夠哂懷舊，好少見到呢種鐵閘啦。西多士 $14 即叫即做，簡單淋上煉奶，好食 西多切成九宮格，方便食用，麵包鬆軟香口，甜甜地。雞翼尖 $13 雞翼尖用鹵水燜煮，入口離骨，有少少薑味， 食落唔會鹹，唔會有味精感，多多都食得哂。凍檸茶 $11凍檸樂 $13茶味不足，幾乎冇落糖水，建議點汽水。冰室嘅櫈都好可愛：枱面都殘架喇，壘左塊板上去，繼續用。餐牌都係用白板，手寫。

有時候 舊也有舊的好😌**未來我們會推介更多特色小店🤞🏻在這急速的都市下 有些事情 我們都遺忘了 其實慢也有慢的好 壞了也可以修 舊了也不一定要丟掉 如果可以 回到最初 你想回到哪時那刻？-偽文青穿越時空 回到60年代的冰室 吃的不是什麼昂貴美食 吃的人情味 平民小食 一件西多 喝一杯凍朱古力 有時候 簡簡單單 都是一種享受😌''我就是愛懷舊 愛靜靜的坐著''-西多$14 已一早切好 還有滿滿的煉奶 懶人必食 一口西多 張開口 就是了😂不太甜 不太膩 剛剛好🤞🏻炒烏冬$20 加多隻太陽蛋 勁正 烏冬炒得好香 入味 炒米粉$20 新竹米粉？🤔 米粉較為粗身 炒得乾身 不太油 還有娃娃菜 火腿等配菜 份量都幾多 夠食😛-雞翼尖 賣光了 吃不到😭聽說也是必吃的 唯有下次去再食😢..三個90後吃貨不斷開心share美食💓 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_觀塘美食推介