樂啡 (已搬遷) 新店位置

如果你只是為了一杯好喝的咖啡，相信這裡仍是一個很好的選擇。但如果你希望有一個空間欣賞咖啡同時感受生命，或許你要有很大量度才能進入這間店舖。先利申一下，可能你認為只點了一杯美式咖啡坐一個下午就要求有服務態度就係西客之道，那麼可以不用看這篇‘’西客食評‘’。但本人只想有個悠閑閱讀的下午，才選擇咖啡店。一進入店舖，店內已坐滿人客，站在走廊中看過餐牌便點了杯咖啡等待安排位置。不久便聽到應該是負責人令員工留意人數及法律限制。所以我也坐了室外，及後因為附近客人聲量和室內有位置便要求換至室內。原本想坐較舒適的矮凳閱讀，但被店員指老闆不喜歡所以還是要乖乖的坐上高櫈，看來老闆的權力真大。不過之後再問一下准許還是坐回去，直至有一班人客來，便按負責人要求調枱至趟門旁的落地玻璃坐位，以騰空有安全間隔的六人枱。可能我真是一杯咖啡便坐一個下午的西客，再過揭數頁書的時間，我開始畫畫（也是平時到其他咖啡室的習慣），負責人拉門進來便報以不誚的目光望過來。假如客人真的多到我會阻住你做生意，可以說明一下狀況，我可以離開，或者寫明用餐時間。但數次與負責人“相處”的過程實在是帶來不舒服的感覺。 不過店內其他員工態度還是和藹親切

車駁車 再搭輕鐵 終於係新墟站落車嚟到呢度啦門口有點隱蔽 不用心留意比較難找店內只有約5台左右 位置不多另外有一個欣賞音樂的位置是點唱機及黑膠碟 Order了兩款意粉 一個漢堡還有dirty及美式咖啡美式咖啡還好 dirty沒什麼特別（忘記了拍照 只影了一樣）卡邦尼意粉味道不錯 👍🏻帶子意粉老實說真的失望最後⋯不得不提 牛肉漢堡夾的是肥牛片是我孤陋寡聞嗎從沒本嘗過這樣的漢堡如果喜歡環境清幽 聽聽音樂嘗嘗咖啡 還是不錯的

第一次嚟「樂啡」因為我家嘅未來老闆話想試手沖咖啡，又因為喱度有唱機，黑膠唱片，所以吸引佢帶埋我地一齊去試。佢當時嘅評價係手沖咖啡CP值係高嘅但手沖咖啡嘅等候嘅時間就比較耐。今次再嚟就帶埋媽媽一齊嚟，試埋佢地嘅食物。我同媽媽一人叫左份all day breakfast 🥞 ，兩位老闆就叫左漢堡。因我想食牛角包🥐所以就叫左份「煙三文魚小牛角沙律🥗窩夫」，我覺得我份早餐份量比較細，窩夫就做左全份早餐嘅主角而唔係牛角包窩夫賣相好靚，靚到有點似模型，但味道都同樣一樣而個煙三文魚牛角包就普普通通啦！媽媽話肚餓，所以就叫左「滑蛋照燒雞扒窩夫」，嚟到睇到個份量真係唔少，蛋真係炒得好滑，雞扒唔算嚡，窩夫🧇當然一樣啦兩位老闆就叫左「費城芝士牛肉漢堡」和「鰻魚滑蛋漢堡」。鰻魚滑蛋漢堡比芝士牛肉漢堡大，可能多左層炒蛋啦。鰻魚漢堡口感好正，鰻魚嘅軟滑加雞蛋嘅蛋汁，好味。但牛肉漢堡就唔夠juicy, 好普通。咖啡就叫左「短笛、拿鐡、岩鹽拿鐡同牛奶咖啡」。杯杯嘅搵花都一樣樣我就飲左杯短笛，但原來係好細好細杯，兩啖可以飲晒飲落同latte 好似差唔多，我就覺得佢地嘅手沖比較出色，佢地嘅咖啡只係.......ok la

Waited 40mins for 4 cups of iced hazelnut Mochas... we ordered a combo snack and it arrived earlier than the drinks, almost finished the food and still no sight of the drinks. I understand if I ordered bloody cocktails in a crazy busy bar I shud wait for a bit but it’s a freakin cafe... we ordered cold coffees and it shud be quicker than 40mins... a guy staff with glasses was not very nice, very sarcastic attitude and did not really apologize for the wait. Ridiculously slow service with undercoo

一間位於屯門o既café。 本人平時少去café。前排某星期六瞓到晏晝一兩點…就相約友人去屋企附近o既café 食個靚brunch。間鋪頭唔算難搵…..係新墟輕鐵站一落行5分鐘就到。 一入去鋪頭, 就有悠悠o既懷舊歌…真係好似每個星期日TBB播o既懷舊金曲50年咁….不過當然佢播O既係原唱歌手~當日一入去就播緊一個我好鐘意o既80年代o既男歌手 - 陳百強。主食方便佢仲有好幾個意粉同all day breakfast 食既, 而當日我叫左一個煙三文魚意粉同埋一杯卡布奇諾。煙三文魚意粉:用既係我最鐘意既扁意粉, 而廚師就將煙三文魚就成一朵玫瑰花, 再配上些少cream sauce, 都唔會太漏。(PS:個人喜好都係鐘意橄欖油炒香多d)卡布奇諾:正正常常, 唔會太苦, 奶泡唔會太易散。不過相對比, 我會鐘意隱啡個種咖啡多點。位置比之前介紹既隱啡多, 因為佢有兩個鋪位, 所以坐落就相對舒適。可以一邊聽著音樂, 一邊飲住coffee 同食住野渡過悠悠既下午。

話說原來一年前同朋友去左飲咖啡，一年後我地又約埋一齊去飲咖啡，不過地點就改左黎呢度。今日天氣麻麻，加上有限聚令，我地四個人，自然要分兩枱啦，不過都唔緊要，都係可以坐附近。仲佔左半場添。我地叫左卡邦尼意粉、芝士burger、拿破崙醬意粉另外再叫左其他飲品，包括：榛子MOCHAFLAT WHITEBABYCCINO (小朋友才可ORDER的朱古力奶)賣相相當吸引, 我也還是第一次坐另一個BASE (新舖)食物款式雖然唔多, 但勝在用心製作, 全部落單後即叫即煮. 保證食到新鮮熱辣辣的食物.卡邦尼意粉, 好啱小朋友食, 煮得好creamy.漢堡包都幾大個, 我地食得好論盡, 包入面都好足料,  好豐富, 不過入面既漢堡扒, 就煎得乾左少少, 所以有少少鞋口.呢個拿破崙意粉本身職員介紹會有少少辣, 不過我地食落, 其實一D都唔辣, 但味道唔錯.

小時候不常喝咖啡及聽音樂，想不到人到中年，才發覺兩者夾得來又各自曉有趣味。難得老闆對兩者均有自己堅持。本公子值夜完就來到這小店，親切又熟悉的老闆端來一壺溫熱的手沖齋啡，說：「陳公子，你的咖啡。」我舉杯呷了一口，是淡淡的苦澀，混合徐徐的咖啡香，之後還有一陣回甘，清淡得來又有自己個性。之後還喝了花茶，甜味甘味巧妙的配合，也是一绝。店內一個角落，微暗的燈光處放了一座店主的心愛音響，不停播放有情調的懷舊唱片。呷着我的咖啡，聽着繞梁的旋律，咖啡本來就該是“嘆"的。

入到去，眼見員工同某些疑似「熟客」傾緊計，完全冇人招呼你。隔左一陣，終於有人比Menu你，點完餐後， 等左好耐先黎左個感覺幾hea的 all day breakfast 。 食完後，發覺點左果杯花茶仍然未到， 追單時，唔知點解果位員工好似對果杯花茶名稱好陌生咁，猶豫了一會兒，冇回應便走開。 我心想：「那到底是要多等一會，還是根本你們沒有果款花茶..」等了半個鐘，係呢段時間，只見到員工只係sell緊d唔同既熟客咖啡機，而我就呆呆的等杯茶，最後終於比到我，但一聲「唔好意思」都冇講。 眼前見到的，是一個茶包浸在一個水壺內，就咁擺個茶包落水壺，點解要用差不多半個鐘先拎到出黎？！這裡到底是咖啡機售賣店 或是 私人會所，如果以一個人平均消費要百多元的話，想吃個像樣一點的all day breakfast 及喝一杯精品咖啡， 我想還有其他更好的選擇吧。

鄰近輕鐵路軌，有一間外觀平凡嘅咖啡店，兩個相連鋪頭，一邊畫畫，另一邊係咖啡店。入到店舖，首先係俾佢部黑膠碟機吸引到，可惜室內冇位，需要坐室外位置。當日天氣唔太熱，坐室外都有風味，可惜好多蚊，最後幸好可以遷移到室內座位。店舖中間放左幾部唱片機同好多黑膠碟，雖然播歌係用Cd機😂 但啲歌都幾好Feel咖啡製作需時，同朋友由落單到等到室內有位，到出去入埋錶番番黎先岩岩有咖啡到。咖啡味道不錯，聽住歌，慢慢飲咖啡，好Chill☺️

很久沒有去這家咖啡廳了，再一次來到這裡聽音樂嘆咖啡。雖然面對疫情會有所影響，但是店舖仍然人頭湧湧很多人來吃東西飲咖啡呢。這家咖啡廳有懷舊唱片機播放著音樂，可以聽到高音質音樂挻好的感覺，還可以一邊嘆咖啡呢。💥樂而忘憂花茶 HKD$45💥Cappuccino HKD$35飲品素質依舊不變也是不錯的，咖啡味道香濃，茶飲酸酸甜甜。只是用了紙杯裝著令到飲品賣相差了一點。希望疫情快點過去，早日回復正常生活吧🙄。

同個friend行街行到悶悶地，我就帶咗佢去飲咖啡，一直都想試吓呢間咖啡店。一去到店外見到都幾多人，以為要等位啦，好彩我哋都唔使等。入到去裏面坐，環境都幾舒服，仲有音樂聽添。咁我就叫左杯Americano，味道就正正常常啦，冇乜特別。咁我個friend就叫咗杯岩鹽髒髒，初頭以為係朱古力啦點知其實係一杯加咗鹽嘅咖啡。最奇怪係佢用紙杯裝咖啡，坐喺度Hea下都唔錯。

難得放假專登坐車黎試下，一入到去環境唔錯，男服務員禮貌滿分！點餐時，唔知係咪我唔好彩，要果樣無果樣，當時只係下午1點！預備食材方面有待改善！終於係僅餘有既午餐中，同女朋友一人揀到一份，個女店員仲話呢兩樣係招牌菜！先黎最基本All day Breakfast, 炒蛋，可以炒到同麥記一模一樣，你都算有技術，果兩條煙肉，咬落去同咬銅片無分別！跟著一份牛肉漢堡，好新穎，唔用漢堡肉，用肥牛，ok, 試下，啲牛肉炒到過晒，啲洋蔥，青椒，連埋啲芝士一pat痴埋晒，又過咸，真係非筆墨可以形容野食難食唔緊要，一間咖啡店，最緊要係杯咖啡！一杯榛子咖啡，無榛子味，咁咖啡味呢？當然無啦，係一杯奶水！另一杯榛子朱古力咖啡，淨係飲到好似將少少朱古力威化餅扔落啲奶水度，你夠膽收47蚊一杯，你都算好野啦👍🏼總括黎講，屯門，午餐，二百五十蚊，你攞啲垃圾出黎！

之前說過，咖啡店可以有很多主題，而且個主題可以好個人，亦可以非常之有性格。這一次遇到的咖啡店，名叫《樂啡》。起初，我照字面解，是快樂飲咖啡的意思。但當我細心去看咖啡店的招牌，原來這是一個以音樂為主題的咖啡店。本身，經常開車經過的我們已經被這店的文青氣質吸引住了。打開門口，聽到咖啡店正在熱播梅艷芳的名曲，清脆的歌聲令人一聽就知道，這並非一般唱機、留聲機能 generate 的音效。也就是因為美妙動聽的音樂，令我同太太更想為了音樂而坐一會。我們坐在前半部的店，一個舒適的梳化位設在咖啡吧檯旁，可以邊飲邊感覺咖啡豆的香味。細心看看他們的 "架生"，看得到是非常專業的，令我相信，來一杯他們的手調咖啡會比機沖的意式咖啡來得更美妙。我隨著咖啡店的歌聲，來到後半部的咖啡店。這一 part 的咖啡店，可以說是一個音樂發燒友的天堂。在此區聚集的好幾位似是老闆朋友的人，在陶醉音樂之餘，又不斷地用心去幫老闆試機。每一次他們把梅艷芳的名曲重播，播出來的歌聲，一次比一次完美。我們來《樂啡》的最主要目的，其實是飲咖啡，我們細心閱覽 menu 後，太太選中了一杯 Mocha。咖啡店沒有刻意地把整杯 Mocha 弄成黑

有日搭車經過發現開左間樂啡。樂啡的位置比較少食店，以家樂啡開左，應該方便左附近居民，多左一個選擇。樂啡店鋪分左2邊舖位。用以音樂做主題，未開餐前，耳朵就有音樂填飽。分別order 左all day breakfast A餐同B餐，2杯咖啡 caffe latte同 flat white。有少少失望佢哋用上紙杯紙碟黎上餐，用膠叉膠刀(可能因為人手唔夠?)，不過佢哋有設置回收箱做分類。而食物味道正常不錯，牛角包酥脆，整體不會太鹹。

一間坐落在村屋群既CAFE, 經過幾次都無諗過入去直至屋企附近有大工程, 由朝嘈到晚, 帶住部電腦黎坐, 先知道呢到咁舒服!環境光猛, 咖啡香濃, 食物新鮮. 店主好nice, 黎一兩次已經好似熟客, 朋友咁傾計~我係平日黎HEA 的,  weekend 可能會多D 人, 但都值得黎試下~感覺去左渡假咁!