樂園牛丸大王 (已結業)

我今次是第二次去,佢多左一樣海參豬肉丸,咬入去味道非常濃郁鮮味,食過都會贊正,價錢都唔係好貴,值得一試~~因為唔夠侯,便叫多一個淨牛丸,味道冇變,一樣咁有水準,爽口,彈牙!!所以我極力推介~~

通常都會叫碗牛筋丸墨丸麵，牛筋丸比一般牛丸更爽口彈牙，唯一不好的就是會「涉」都一牙都係頑強牛筋好難搞。如果嫌牛筋丸可選豬肚丸一樣有特色。墨丸是牛丸以外另一主打，散買仲比牛丸貴成倍tim！

牛丸大王，實至名歸，其實墨魚丸及手轆魚麵都唔錯，感覺更勝牛丸。現在所有牛丸都係其他地方來貨，係唔係自家人手製都唔知道，不過，味道都算幾好，彈牙可口，一試無妨。

終於有機會食過樂園d 牛丸，都幾好食，幾彈牙，不過鞋左少少，18 蚊稍貴，d 牛腩麻麻地，3 蚊油菜，5 蚊凍茶，又平喎！下次先試下花膠牛丸同魚麵。

見到牛丸大王，當然係去試。唔知係唔係自己見識少，我叫碗牛丸河，上菜時竟然見到個碗有兩種丸，分別係兩粒牛丸，三粒牛根丸。於是叫個上菜阿姐黎問，佢竟然答我o黎到係咁，想只見牛丸，就要主動叫佢走牛根丸。真係有冇搞錯！我叫牛丸，牛根丸仲多過牛丸。上來的不是"淨"牛丸河，竟是客人的責任！我女朋友叫個牛根丸麵，就全是牛根丸！為什麼佢又唔放幾粒牛丸落去呢？我想食牛丸，才叫牛丸！點知牛根丸仲多過牛丸，仲叫我自己走牛根丸，算點？！牛丸咁道不錯，牛根丸就麻麻。

樂園不但牛丸靚墨丸正,湯水一樣冇得彈........<br>不過人多時會比較迫,服務員人手不足造成服務上出現問題,客人太多同樣做成地方的不潔.......不過樂園廚師,樓面也極之靚仔靚女....特別是收銀的姐姐^^

這裏的牛丸, 尤其是黑椒牛丸, 肉質幼滑而彈牙, 汁液豐富, 真正是無得彈, 且油菜只是三元一碟, 但份量非常細, 蚝油非常差, 座位擠迫, 繁忙時間, 人迫人, 非常難頂, 柯打又亂, 湯水及油亂洒, 地方又極之不潔, 真是吾不欲觀之矣o 如果環境可以改善, 是值得光顧的o

正!!我食咁多麵，這間也是十分唔錯!!!值得一試!

這樂園名不副實, 地方不清潔, 服務不佳, 碗筷油膩, 座位擠迫, 食客背貼背坐, 通道狹窄, 隨時有給滾水燙傷的可能, 價錢偏貴, 雖然招牌的黑椒牛丸爽口彈牙十八元一碗, 油菜只售三元( 很細碟, 不超過二兩), 請千萬不可要他們的蚝油。大致來說, 其實不算抵食, 湯水很多味精, 喝完口渴到不得了, 所以試過便算, 不值得再去。

睇過食評話d牛丸好彈牙, 好正, 咪走去試下, 點了黑椒牛丸魚麵, 牛丸並非如食評般彈牙, 都幾普通下, 不過3蚊一碟菜, 認真幾抵

呢度D 魚餃魚扎魚蛋扎肉牛丸牛筋丸豬肉丸墨魚丸全部都好食,啖湯都幾好(雖然我嫌佢淡o左D)我個人認為必試牛丸,魚扎同墨魚丸

樂園打正招牌做牛丸，d牛丸果然十分出色。夠味又有口感。但我覺得樂園真正的主角係牛腩魚麵。牛腩好入味，又夠淋，好好味。而魚麵就好彈牙，兩者相配，簡直係一絕。樂園仲有三蚊碟油菜，五蚊杯飲品，如果你唔怕佢地方唔夠清潔同招呼唔多好的話，樂園的確係旺角的上佳選擇。

係人到呢度都實食佢地的牛丸，因為實在太彈牙啦。其實佢地以前係用人手打牛丸，我想現在已經唔係，但佢地的牛丸可以話係香港數一數二好味同彈牙。但係黑椒牛丸就麻麻地，黑椒搶晒D牛肉味。其他，好似魚麵，就幾特別，不過好唔好食呢。其真就係將魚蛋肉弄平，壓成麵條般。

樂園o 既牛丸正就係人都知，我諗好多人都試過佢果種入口彈牙、而咬落有肉汁o 既感覺……但除o 左牛丸外仲有其他野好食o 家…例如貪心o 既人可以叫下四寶丸啦，一次過可以食勻幾種好彈牙o 既丸…另外魚餃都好正，大大隻魚餃o 拍入口，一咬入去，裏面肉汁慢慢滲出，正！而人人話好正o 既魚麵就未食過，次次去都掛住食其他野，唔記得o 左……順帶一提，而家佢D 油菜只係三蚊一碟咋，雖然細細碟，但係三蚊咋，仲想點﹖

係人都知樂園d 牛丸好出名~ 地牛丸好有彈性~ 咬落去索索聲~ 但係有無好似食神入面可囉黎打兵兵波?? 咁又無咁誇~ 不過除左牛丸外, 地出的手轆魚麵亦都好正~ 我每一次去都係整碗淨牛丸~ 再加一碗魚餃魚麵~