樂園牛丸大王 (已結業)

食左樂園十多年，覺得其實在其云云的丸產品中，魚蛋實在是比較弱的一環。其實除牛丸外，外賣的話當然墨魚丸最正，不過就貴D，要成50蚊一斤，其次就是豬肚丸。魚蛋及魚札我會行過何文田買夏銘記。

今日經過黎左買魚蛋返屋企加.魚蛋幾有魚味,而且彈牙,唔錯!

一碗好吃的蘿蔔牛丸麵，會教你愉快半個下午，下午茶再來客生記的蘿蔔牛腩麵，這樣便會感都上天對你不薄，晚上再到札幌拉麵，點個拉麵再加些小吃，偶的天呀，人生是幸福而充們希望的！說到牛丸，偶嘗過生記、樂園及德發，結果發現樂園最有口感，牛肉味則是德發較優，而生記獨有特別的牛味，其中偶最愛的是樂園。<br />聽網友說樂園的牛丸是深圳廠造的，初時還以為廠造的不會有什麼看頭，吃畢，偶大感意外，一般來說機造的丸多是實心，沒有什麼氣孔，所以手打的一定較好吃彈牙，但樂園的牛丸卻有氣孔，口感一流而又彈牙，牛肉味雖不及德發，但亦不會差太遠。湯底、麵（指一般的河、米、麵）及牛雜是樂園最失敗的地方，湯是味精湯加腩汁，濁的要喊媽媽，麵入口即溶，正真的有夠淋！河粉沒有「粉」味，真的是一絕。可能網友們覺的偶笨的要死，到樂園不點魚麵，對於愛清湯的偶，看到那紅卜卜的湯底便不爽說，唉．．看來要將生記的湯及樂園的牛丸混起來，才是一碗夠看頭的麵!樂園牛丸一斤45元德發牛丸20元14粒買牛丸會家煮，倒是不錯的選擇，呵呵!P.S偶想問問網友們有正點的清湯蘿蔔介紹嗎？有的話，偶會教大家腳底抹油的真粹!

上個星期再試樂園牛丸﹐因為之前對其魚麵的份量不甚滿意﹐有一段時間無再幫趁。今次懷著試多次無妨﹐當比多次機會的心態去食﹐結果令我覺得有所改善。牛丸類當然地好食﹐而之前我所不滿的魚麵份量亦的確比我上次食的時候多左﹐味道亦KEEP到。而冷熱飲品的價錢好似比以前平左﹐計落都算抵食。衷心希望樂園可以穩定住食物的份量及水準﹐我應該都會繼續幫趁。

我未試過坐入去食呀! 不過就時不時同媽咪黎買牛丸同牛筋丸返屋企煮! 係幾彈牙幾好味嫁!

食碗墨魚丸米都要成$21，又細碗又少米粉，黑魚丸又唔係特別好食，食十蚊碗好過...

佢d牛丸真係好大粒又好彈牙架!!有d人嫌佢賣得貴,但我覺得物有所值囉.潮州牛丸就係大同彈,佢地唔多加其他料,好似粉呀呢d,真係粒粒真材實料架~而且粒粒同用人手打先打得咁彈牙,佢貴賣有原因0既~另外,佢個筋丸都一樣好味,好有咬口~同樣好香牛肉味!!!食極都唔厭~

都幫襯左呢度十年有多，水準與當年都分別不大，仲不時有新產品推出tim！同個同事來食麵，叫了兩碗淨魚麵，一碗淨紫菜四寶同一碗淨牛筋丸。魚麵仍然有水準，好似條狀的魚蛋一般，好彈牙好味道。份量方面個人覺得OK，又無「芽菜多過麵」的問題，淨買魚麵七十幾蚊斤，呢度點都有三、四兩卦？紫菜四寶仍然有水準，牛筋丸有咬口，亦有濃郁牛肉味，非一般麵粉牛丸可比。連飲品埋單八十幾，比起十蚊碗麵的當然係天文數字，但個人覺得食物有水準，還是值得一吃的。

魚麵是真的芽菜多過麵, 魚麵只有幾條, 的確名不副實, 及唔抵食, 假如你叫一碗淨魚片, 將之切成魚麵一般粗幼, 份量一定多過這碗魚麵加芽菜, 而且經濟得多o 不久之前, 食過一碗有餿味的, 更加可怕和討厭o 話得說回來, 牛丸的確是很好, 爽口彈牙不會死實, 湯底也不錯, 不怕地方不潔的話, 也可一試o

旺角花園街樂園牛丸粉麵﹐賣的主打丸類食物﹐算係唔錯﹐但並非太出色﹐我個人覺得唔算係非吃不可一類﹐但樂園的手打魚麵就真係好特別喇﹐彈牙又夠鮮味﹐第二度真係未食過。不過﹐太太太貴。我唔係話單買一碗魚麵貴﹐其實呢D粉麵﹐貴到盡都只係20幾30蚊一碗﹐人人都食得起.我話貴的意思係魚麵份量太少﹐以前樂園最初推出魚麵時都唔係如此的﹐而家越賣越偷工減料﹐碗中的魚麵越黎越少﹐芽菜就越黎越多﹐我最後一次食(2個月前)﹐叫一碗黑椒牛丸魚麵﹐竟然係芽菜多過魚麵﹗﹗不如叫黑椒牛丸芽菜啦﹗吹漲。我唔信魚麵份量多返DD就會賺得少﹗做生意有時亦要講良心嘛。起碼而家賺左少少魚麵﹐但卻少左我每個月幾碗的生意。(唔好忘記我都會同朋友去﹐加加埋都十幾碗的) 因為我已經決定唔會再好似以前一樣每個月都特地去幫襯﹐以抗議樂園的“減料”做法。唉﹐其實我真係好中意食個魚麵的。但無法﹐我唔想縱容呢D店舖。

入面D海參爆出黎, 好熱, 小心, 都幾爽.魚麵都唔錯.

好日唔去開旺角,前幾晚就黎左呢度開飯,其實我唔係特別鍾意呢度,不過男友對呢度既魚麵情有獨鍾,冇計啦呢度坐得好逼,而且地方都幾污糟下(尤其入面近後巷啲位,所以我堅持唔坐,會冇晒胃口）,雖然黎得都預左環境唔會好,但知道同見到始終唔同既.以為坐出面會好啲,點知叫左幾食後就正正比我見到淥麵嗰位叔叔一路做野一做擔住口煙,其他淥麵既人又興高采烈响度高談闊論,碗麵就真係唔慌唔加料炮製啦,嘔~講番食物,我叫左紫菜牛丸魚麵,男友叫左花膠豬肉丸魚麵,另加油菜同豆漿.講真啲牛丸係彈牙,但我真係唔覺特別出色,魚麵亦都麻麻,我情願食番米粉,而且雖然我睇完個淥麵過程都冇乜胃口,但啲魚麵的確幾少，碗裏面只係得少量魚麵同大量芽菜，男仔一定唔夠飽，以佢接近$30既身價,我覺得無論食味同份量都好唔值囉其實去粉麵舖都預左唔會好坐,都係食完即閃,但呢間野價錢絶對唔平,收得人咁既價錢,連基本衞生都做唔好,叫人點食呀?真係要好好改善下

食過幾次, 墨丸好食, 夠爽, 仲好有墨魚味. 魚麵仲正, 食得出有魚0既味道, 但係就一d都唔腥. 我男朋友話d牛丸都好好食, 我唔食牛丸, 又冇得comment. 不過話時話d麵都唔平, 要魚麵仲要加錢添. 雖然係咁, 佢都有d特價油菜補數, 細細碟!!

其實標記樂園同正宗樂園，就好似沾仔記同麥奀記，價錢有所不同，質數亦有分別。標記甚至有五蚊碗特價粉麵，真係行均全港九都無咁平！始終都喜歡這裡的豬肚丸同魚麵。

途經花園街，諗住去標記樂園食碗$10蛋河；點知入錯門口，o黎o左樂園。算啦，叫碗$18牛丸河頂住先啦~~牛丸依然爽口彈牙；雖然好味，但隔籬標記賣$10碗咋，少幾粒牛丸，但味道都唔係差好遠。下次都係去番標記喇~~