樂園魚旦專家 (淘大商場1期)

營業中

休息中

是日突然心血來潮，想食番碗粉麵，剛巧發現附近有間樂園，於是便決定進內光顧。魚蛋魚片河粉 $36魚蛋、魚片都算大粒，河粉份量適中鮮蝦雲吞麵 $36相對魚蛋魚片河粉，雲吞麵份量偏少，雲吞餡料一般，味道一般，整體不過不失

樂園魚蛋專家係一間位於香港各區都有的牛腩粉快餐店，佢嘅服務質素非常出色。牛三寶飯（牛腩，牛筋，牛肚）：樂園魚蛋專家嘅牛三寶飯絕對係牛肉愛好者嘅首選。佢包括三款牛肉部位：牛腩、牛筋同牛肚。牛腩肉質鮮嫩多汁，經過燉煮後更加軟滑。牛筋有嚼勁，咬落有彈性同肉質緊實。牛肚則帶有嫩滑的口感。每一口都能夠品嚐到不同的牛肉風味，配上濃郁的牛肉汁，將牛肉的鮮美完美地展現出來。牛腩飯：樂園魚蛋專家嘅牛腩飯絕對係一個絕佳的選擇。牛腩經過精心燉煮，肉質鮮嫩多汁，吃落有種濃郁的牛肉香味。令人回味無窮。配上香噴噴的飯食，一嚐香港風味的美味。樂園魚蛋專家嘅牛三寶飯同牛腩飯都是精心製作的經典菜式，肉質鮮嫩、口感豐富，讓你能夠充分享受濃郁的牛肉風味。而且，樂園魚蛋專家在快餐店的範疇內提供出色的服務，這絕對是一個不容錯過的美食目的地。

美味樂園雲吞麵一試難忘😁牛筋麵牛筋經過煮熟後，具有彈性和嚼勁，給人一種有咬勁的口感。它有些許的嚼勁，但不會太難咀嚼，經過烹調的牛筋麵條會變得柔軟，與其他麵條相比，它更容易咀嚼和吞嚥。牛筋的質地較為細嫩，口感滑順，在牛筋麵中，牛筋的彈性是一個重要的特點。它賦予麵條某種彈性和咬勁，讓整體口感更豐富，牛筋麵的口感不僅來自於麵條本身，還來自於配料和湯汁。配料如牛肉、蔬菜等提供了不同的口感層次，而湯汁的濃郁與麵條的結合，進一步豐富了整體口感體驗。雲吞撈粗雲吞撈粗通常使用的是粗麵條，這種麵條質地較為彈牙，有一定的咀嚼感，給人帶來滿足的口感，雲吞是撈粗的主要配料之一，它通常由豬肉和蝦肉混合製成，並經過煮熟。這些雲吞在烹調過程中保持了一定的滑嫩口感，與粗麵條的彈牙感相互呼應。

今日早半日收工，無帶lunch ，唸住就腳係樓下買個外賣返屋企慢慢嘆🍜，經過樂園，就入左去睇下有咩好食。之後我就揀左個魚片，韭菜餃湯河，加一杯熱奶茶啦。店員好好，會主動問我需唔需要分湯，好細心👍。外賣份量都唔會比堂食細份，有成3粒韭菜餃同4塊大魚片，韭菜餃🥟好大粒，而且好足料，豬肉同韭菜既比例好平均，皮又夠薄，食落好有口感，食到豬肉豬肉既鮮味，韭菜又夠香。而魚片既厚度適中，都算幾大塊，配埋個清湯底完全帶出埋魚肉既鮮味，會令人想飲多兩啖湯🍜。河粉就係比較幼同滑身，配合埋附送既辣椒油就可以添加多兩份野味，注意，佢個辣椒油🌶️都真係幾辣，唔食得辣既朋友就要唸清楚先好加。奶茶就正常水準，茶味比較濃，整體黎講都算香滑，成個餐53蚊好抵食丫，食完都真係幾飽😋😋😋，可以再幫襯。

又到咗下午茶時間，同個fd係九龍灣附近約食個下午茶。見到幾多好評，一人點了一碗湯粉加凍飲。餐廳環境不錯，有卡位。雲吞魚旦河，湯底清澈，食落清清地幾好，雲吞大小適中，蝦肉同豬肉比例幾好，咬落爽口，好食～魚旦大大粒，食落有魚味，口感屬於偏淋，唔腥亦不是只有咸味。河粉細滑爽口，唔會太淋，水準之作。見到呢度有辣椒油，即刻落嚟試試。辣椒油好香，亦好夠辣，加落魚旦粉真係提升咗成碗粉的味道。朋友點了四寶河有魚旦，魚片，肉丸同魚皮餃，成碗好豐富。肉丸食落有肉汁，正常發揮。而魚皮餃是厚皮大粒類型，比起外面細粒簿皮食落濃厚好多，個人幾推薦呢款魚皮餃。飲品點了凍檸茶，正宗茶底，好飲。想讚一讚呢度店員，笑容親切，亦記得幫我哋走飲管。

呢間幫襯左冇十次都有八次, 本身都唔打算寫返食評, 但見影左相就順手寫幾句出埋啦~今次係同朋友食, 佢叫左牛三寶幼麪, 我叫左四寶丸河，唔單止夠晒足料，麪嘅份量都好多好夠，我哋仲加左小食同菜，晚餐食到好飽。我地交換啲餸食，所以樣樣都試晒。牛筋牛腩牛肉牛雜都好入味，咬口一流。至於啲丸同埋餃，真係如圖所示大大件，而且食落新鮮冇沙。魚蛋彈牙, 牛筋軟硬適中,兩樣都口感一流,老少皆宜｡特別鍾意個小食墨魚春卷，好爽脆！雖然煎炸但細細件啱啱好呢個價錢絕對超值啦！唔怪之得客似雲來啲店員都好忙，同時間要應付堂食同外賣客，但上菜速度快嘅。希望香港呢啲地道食店多啲&會長存，因為呢種味道確係香港先食到

樂園魚旦專家係香港有唔少分店~ 簡直係快、靚、正港式粉麵之選。叫左碗墨魚丸拼雲吞幼麵。雙拼粉麵，墨魚丸、雲吞各自有三粒！墨魚丸真係好彈牙！！真材實料！！咬開真係會見到切左粒嘅墨魚肉架！！好有鮮味架！！雲吞都係啖啖蝦肉！！幼麵亦好爽口呀～Ｄ蔥花會自動擺係個匙羮入面，要加幾多任君選擇！！本身粉麵就係比較清甜～但小妹我嗜辣，食到後來就加左兩羮店家自制辣椒醬！辣得夠過癮呀！！不妨買番樽番屋企看門口呀！！最後整番杯凍濃度適中嘅朱古力！！完滿～～快、靚、正

收工趕住返企湊小朋友，就唸住係樓下買碗雲吞魚蛋河外賣返去快食，落完單，5分鐘就拎得，好有效率，外賣份量都唔少，有3粒大雲吞同3粒大白魚蛋。雲吞皮好薄，好滑，入面有原隻新鮮大蝦同少少豬肉做內餡，食得出蝦既鮮味同肉質爽口，豬肉碎切得好細緻，每一啖都好豐富多汁，而白魚蛋就非常彈牙，有到淡淡既魚香味，配合清湯更加帶出魚既鮮甜，河粉係比較幼身，但份量好多，一個人份量黎講算好大方，另外會送一包自家制辣椒油，我落左少少，好夠辣，令到碗湯粉又多一種層次既享受，以47蚊黎講，我覺得好抵食，又夠飽，認真唔錯👍。

用餐時段：早上8時至9時五香牛腩+牛筋雙併幼麵（39+10元）+凍檸茶少甜少冰（早餐送冷熱飲品）牛腩有點老，但也有點肉味，終於明白崩沙腩和牛腩明顯的分別，仍然是可接受程度。湯底味道也足夠，也有配XO醬，但XO醬的材料有點凝固，所以有點濺了出去。牛筋正常，較軟淋，不太入味。牛筋數量較多，但牛腩可更多。凍檸茶茶底正常，攪爛檸檬後好飲很多，不錯。服務正常偏上。因為牛筋有少少粉紅色，所以想問一下店員，店員也很友善。

好耐冇食過樂園～平平哋一碗牛腩粉搞掂一餐～一向對牛腩、牛筋比較有興趣～其次係魚蛋～不過唔係間間好食～又要淋又要入味五香牛腩河粉～有蔥花粒、西芹粒、冬菜～湯河粉最緊要肯定係個湯～湯幾入味有牛味～又唔會話好鹹～顏色方面都幾吸引～睇落有食慾～牛腩都有六大舊～唔係太食得出五香味～賣相有D似煲湯嘅渣～咬落唔係特別腍不過都算可以接受～幼身河粉份量足又彈牙39蚊有肉食算係咁啦整體上牛腩、河粉、湯一齊食幾夾夠嘢味

炸雲吞 ( 3.5/5)炸雲吞唔錯，比平時酒樓食開嘅好，食過好多酒樓都係皮好大中間個餡好細，呢喥唔係，皮脆，中間個餡唔會好細和比較飽滿。炸門鱔皮 (3/5)炸魚皮食得多，呢個門膳皮第一次食，皮好明顯較一般魚皮厚，不過好硬，都係食番普通魚皮好啲。牛雜撈麵(3.5/5)牛腩食過唔錯，今次食牛雜，份量多，質地亦OK，牛雜牛腩都係食得過嘅。

今日阿女有d唔舒服，先送佢回家。阿仔又堅持要出街食，好彩老婆醒，建議食樂園粉麵，阿仔一向鍾意食，而且快靚正！這裏地方不大，但也座位也不會太窄，餐具枱邊自助拎，好方便。牛腩河牛腩超淋，好入味，湯底香濃，河粉滑，熱辣辣食真係暖入心，推介！魚片頭河魚片頭好彈牙，湯底清甜，不錯！牛雜麵牛肚入味爽口，牛腸一般，麵質彈牙，加醋食一流！腐乳通菜通菜新鮮，腐亂微辣，想不停番吃。炸魚皮魚皮炸得好鬆脆，食落卜卜聲，浸湯後都唔淋，正！

我很喜歡食粉面，呢間樂園真係見佢愈開愈多間，今日九龍灣淘大都見到，即係點返碗返屋企慢慢嘆下先。呢間地方大，乾淨齊潔，店員有禮，我點了牛三寶河，加條菜心，飲支豆漿。吾洗等好耐就有得食了。佢好細心幫我分湯，咁我d湯粉拎到屋企都冇事，一打開，勁開心啊，份量多，而且用料靚，牛筋又軟淋又有咬口，牛腩半肥瘦咁好重牛味好正，仲有牛肚，吸左湯汁好正啊，仲要一提佢辣椒汁，一定要落啊，更加惹味，份量又多一碗食晒勁飽！而家諗返起都流晒口水！！碟菜心都放得整整齊齊，洗得乾淨，食落很放心，落了不少蠔油，好味。整體都非常滿意，絕對值得推介。

趕住睇戲 同朋友諗緊食咩快食經過淘大商場見到有樂園魚蛋專家快靚正岩晒 雖然係快食 但都要有質素 想咩都食d 所以叫左個樂園四寶丸米線 有魚蛋 、魚片頭、魚皮餃、豬肉丸 魚蛋同魚片頭好鮮味 魚皮餃自家製 比出面大粒 皮又煙靭食落好juicy 朋友食牛既 叫左牛三寶粗麵有牛筋 牛腩 同牛肚 雖然$52少少貴 但俾既份量好多 鍾意牛腩好淋 牛筋唔會硬 值回票價加杯凍檸茶 都係$7 呢個價錢同質量無得輸呀 呢到仲有生餃可以買 第日打邊爐買黎試下都唔錯呀

樂園魚旦專家 (九龍灣)九龍灣牛頭角道77號淘大商場1期地下G12-15號舖新式粉面檔，卡座為主，環境舒服、清爽，有別於舊式粉面鋪油膩、逼迫的感覺，侍應亦有禮貌，仲會推介下餐牌，有傾有講咁，令我對粉面鋪有所改觀四寶丸粗麵 $52湯底鮮甜，粗麵索曬湯頭的鮮味，滑溜順口，魚蛋有淡淡魚肉鮮味且Q彈，魚片爽脆，豬肉丸略軟，但整體水準不錯，如果唔想考慮太多，可以直接叫尼個，乜都有d，大滿足！牛雜拼豬手河$49牛雜燉煮得軟糯而非軟爛，綿得來Q彈入味，豬手也是相當滑嫩，河粉不易斷，有足夠米香，吸收牛肉湯汁後濃香美味凍甘桔雪碧$13酸甜過癮，成罐雪碧自己倒，無花無假，夠氣，夏天飲下真心好爽凍柑桔$13夠酸甜，快樂水