樂天冰室 (香港紗廠工業大廈)

營業中

休息中

果日去荔枝角打算隨便食間茶餐廳，離遠就已經見到呢間樂天冰室，門口仲有好多睇落好好食嘅麵包，見入面都多人食就直接入咗去。———————————————🌟全日早餐 $54全日早餐本身包含炸魚柳、丹麥多士、香腸同黑松露蛋，以及一杯飲品。食物全部都啱啱整起，每樣都熱辣辣提升咗食個餐嘅吸引力。特別想讚嘅係佢嘅黑松露炒蛋，聞落非常香，食落好有黑松露味。其次佢嘅丹麥多士都非常出色手，加試已溶牛油，非常香脆。.🔶整體評價🔶其實呢個價錢已經算係唔錯，餐廳內部裝修亦都幾靚，位置亦有好多，如果茶記嚟講都算係幾唔錯嘅體驗！.🔸味道：5/10🔸環境：6/10🔸服務：7/10🔸打卡指數：3/10———————————————🍽️樂天冰室(荔枝角)📍荔枝角長沙灣道808號香港紗廠工業大廈1及2期地下C2B號舖———————————————

一入去餐牌都未睇，即刻問食乜嘢，我哋話睇吓先轉頭搵你落單，點知伙記就話「唔知自己食咩就走黎」其實我哋連餐牌都未睇，我哋又點會知有咩嘢食呢？這樣都算，飲品同食物上枱時，半隻手指浸喺湯度😤，我哋反映比佢哋聽，最離譜答返我哋「茶餐廳係咁，呢度唔係高級酒店」到第二日有另外一個同事去出邊買包，出面收銀同夾包嗰兩位姐姐串到核爆，其實依家$100都好普遍，買三個包都經已$30，找$70都要俾人話買包冇散子😮‍💨希望真正俾錢出嚟開依間舖嘅老闆睇到我哋嘅留言會反思，點解生意越嚟越差。最後大家入去之前「三思」，無謂又要俾錢又要受氣😤😤😤

今晚本想叫外賣，打電話過去是位女子接，因我既要用手機講電話，又要用電話看openrice餐牌，所以較慢。但這位女子已不斷叫：講喇!!! 跟著當我準備叫第二個餐時，佢已狂叫：唔好講住，然後連線也收了。大家都係搵食啫，無需要這種態度服務客人。大家如沒必要，不要貼錢買難受。

今時今日嘅服務態度咁樣係唔得㗎，無論樓面、出面賣包嘅姐姐，態度非常惡劣，從未試過有咁差嘅茶記。唔想做其實大家可以返屋企坐下，唔使出嚟俾面色人哋睇。我哋作為消費者，其實我哋仲有好多選擇㗎。本以為態度差，嘢食應該可以補救佢哋嘅不足，點知不外如是。價錢方面，收足中高檔路線價錢，食物可以涷上，最離譜係同佢地反映，佢哋好似全部人當睇你唔到，采你都傻。整體而言，味道1，價錢1，服務態度0 （真係1分都比唔落手）

早晨只想買個麵包食下，去到鋪頭外賣麵包位置，揀完之 順道叫埋杯奶茶，阿姐已經口黑面黑，只係問一聲奶茶入去等嘛？佢就話奶茶都要時間，我回應佢我只係想知呢度等定係響入面舖頭等啫！入到鋪面，入到見到有個阿姐都係問聲佢，佢唔睬我，跟住轉頭攞住個餐又叫我借借，然後就同我講包要時間（因為張單咁寫我反應佢以為我等包），我係要奶茶，佢就再答我包好就會畀你，講嘢已經一舊舊仲要服務太差，諗住一次服務差都算，再去再去都係差，真係頂你呢間舖頭唔順。😠正一垃圾般服務。

呢間樂天新裝修完環境好好，好多卡位，又有vip貴賓房圓枱，服務員態度非常和藹可親，仲成日同人講笑，唔洗開口都問我哋要唔要碗仔(share食）焗芝士咖喱🍛雞排飯 $67面頭好多芝士，咖喱非常之香濃同多汁，雞排係煎過，雞皮好脆，雞肉厚嫩多汁，唔會太咸，飯係炒底，用左雞蛋🥚去炒，用心去整既！所以好好食！濃香星洲炒米 $57好香濃咖喱味，炒到好香同埋乾爽，仲有好多蝦仁，同叉燒，唔會話成碟芽菜，底無油剩底。

嚟到荔枝角，過咗午飯時間呢間樂天冰室都人頭湧湧，我就去試吓啦，點知都幾失望。💰全日早餐連熱飲 $54🍳黑松露蛋其實味道幾好，但第一啖完全唔熱，第二啖微微暖，第三啖有啲唔熱又有點暖……總之一份炒蛋有兩個溫度，食嘅時候條脷完全無所適從。🌭法蘭克福腸好難食，未食過咁難食嘅腸，唔係肉味嘅，咬咗一啖之後無再食。🐟炸魚柳勁大塊，勁熱，脆口，幾好食。🥓煙肉口感有少少假，正常煙肉味。🥪丹麥酥目測好靚，無即時食。☕️熱奶茶味道其實無問題，但一上枱就已經處處奶茶漬，要自己抹乾淨先可以享用。👂偷聽對面食客話雞肉麵（？）裏面嘅蘿蔔係生嘅，食唔到🙈🤵🏻‍♂️服務伙記真係勁有效率，態度都ok，廚房出餐五分鐘都唔洗。🌟總括而言趕時間要塞飽個肚可以嚟，有番啲要求的話應有更好選擇。📍 樂天冰室 (荔枝角)荔枝角長沙灣道808號香港紗廠工業大廈1及2期地下C2B號舖

上一次喺呢間食過個 「銀芽肉絲脆麵」，芽菜仲多過個麵😂，肉絲就得幾條，味道就不過不失啦。今次食個幾講究廚師手勢嘅「瑤柱蛋白炒飯」。差到不得了！首先飯粒硬得誇張，係硬到似生米，咬極都唔爛。其次，啲蛋白炒到超級老，老到咬落去係霉的！！😵😵

如題份量少, 個炒蛋雪糕球都大過佢！Pat 蛋，我兩啖食完，如果係男人，應該一啖就好無左……唔知係唔係常餐先係甘…..態度差，店員係掉落嚟的！！其實我都幾想叫停佢問佢「咩料」….不過我啲嘢未齊，驚佢加料…..所以都係忍下口….唔知係咪老闆刻薄佢呢…個靚仔！荔枝角其實都好多餐廳選擇，下次寧願行遠少少或者過對面馬路😅唔明點解仲甘多人排隊……..$52，附近好多地方比佢好啦…..第一次食，試過就算！真係可一，不可再！

是日叫了個早餐A，轉炒蛋，目測份量不足一隻雞蛋，嘗試找職員查詢，一概不理。只是簡單回答，係呢個份量，便轉身離開。原本早餐A是煎雙蛋，但轉炒蛋後卻只有一小份量🤔職員態度欠佳，沒有為食客提供足夠的服務😨

平日早上9:00，荔枝角都有好幾間茶餐廳平民冰室 地方好大 目測有70幾張枱見到幾舒服就入去試下佢既早餐沙爹牛肉麵 炒蛋 丹麥酥 凍檸茶份量都夠大 速度快 落單3分鐘左右就有野食由於早上時間關係 訓醒就去食早餐胃口全開 一上菜就影完張相就全速進食好快就比我食晒 可能因為好肚餓😝當然都要好味先可以入到口喇沙爹牛醬好濃縮 牛肉都好淋 好易入口麵條相當唔錯 有咬口 炒滑蛋 好滑溜 岩岩好 入口即溶既口感丹麥酥 第一啖咬酥脆卜卜 仲帶有一點點甜味

時不時買哩間鋪嘅麵包，味道係好食嘅，不過態度係唔好嘅。一向店員都冇乜禮貌，面黑黑咁都算了。今早仲要執錯包，找錯錢，都唔緊要。不過做錯嘢仲惱羞成怒就好過份。我買两個9蚊包，俾20蚊，佢就響台面推两個5蚊一個1蚊俾我，我就話唔啱伸手指推個两蚊話：找两蚊先啱。根住個肥姐就話我唔可以自己拿佢地嘅錢。咁即係我應該拿果11蚊先啱？真係傷害不大，侮辱性極強。令人非常憤怒。

每次經過都見到麵包櫃內的麵包脹卜卜，貌似美味，今日再經過，見到有一條小人龍，於是就去湊湊熱鬧。雖然剛吃飽自助餐，但今日好想食雞尾包，不過排隊只買一個包又好像不太抵，所以就多加一個沙律煙肉包。雞尾包麵包大概出爐沒多久，所以經店員一夾，就有點變形，還好也不是太醜。麵包暖暖的，包皮外脆內軟，而且麵包外皮很薄，餡料澎湃，不是誇張，光是把麵包撕開的動作，已經不斷‘’跌餡‘’。餡料不是死實一團，反而帶點鬆散，很喜歡它沒有明顯的椰絲碎，吃起來口感比較軟滑。餡料帶淡淡奶香和椰絲香味，不會過濃，味道很平衡，而且甜度適中，不錯！還是第一次吃到這麽美味的雞尾包。$7一隻，值得encore。沙律煙肉包抱著食普通沙律醬包的心態，比想像中更有驚喜。本以為餡料只是薄薄一層，但撕開麵包後，發覺麵包中央是一個小洞，藏有不少煙肉片，並不是切得細細的煙肉碎，加上醬料很多，每塊都沾有滿滿的沙律醬，非常足料。沙律醬不會太酸，雖然沒經香煎，稍欠了一點焦香味道，但煙肉肉質軟而且不會很鹹，微微鹹味配上沙律醬也是絕佳配搭！服務方面，店員尚算有禮貌，不過就稍微欠細心，雖然每個麵包都有紙袋裝好，但袋沒手挽，拿起來不是太方便，最後要求才給我

We were in the area to check out D2 Place weekend market and wanted to grab a bite beforehand. This is where we found a good number of people heading into this cha chan teng. So, we decided to just follow the crowd and went in. A rather nice looking place and it was very large.Menu is in Chinese only. There is no English and no 10% service charge. When we were here, afternoon tea session had just begun so the tea set menu was available.Sets include a drink but if you add $3, you can upgrade to a

侍應態度差 為了做更多生意強行把兩組人塞在同張枱 尤其在疫情嚴峻時候這樣做很不好即使在下午茶時段人亦很多 要等一陣才有位叫了瑞士雞翼撈麵餐 瑞士雞翼10分嫩滑入味 撈麵也很有彈性配的牛油多士和奶茶質素也很好 難怪這麼多人光顧如果服務態度改善會更好